無要求　只求唔難食's Profile

我今次係食頭輪 5:45-8:00，入場後即選海鮮，本想加20蚊要龍蝦，但當天沒有，唯有食蟹！我無記錯的話$199一位，有2款特訂海鮮及自選6款海鮮+8款火鍋料，如唔夠的話可比錢叫，不過其實係夠食呀！但價錢唔包飲品呀！不過$199食咁多野，我覺得好抵死選好後即上海鮮海鮮都好新鮮，隻蟹唔水，d肉好實在，不過如上蟹比客人前，會拍一下蟹鉗會好d，因我鉗唔到隻蟹鉗食太硬，好彩友人幫手鉗開！好快咁食完海鮮後，就上火鍋料！食完曬所有野，係時候食我今次來食的終極目標，粥底！我火鍋料其中一樣係油炸鬼，我專登留返現在配粥食！如果可以多芫荽同配料可多一碟，粥底應該更加好味，但唔知可唔可以呀！無問到食左2大碗粥底，飽飽！…Read More

首先我們好準時到場，諗住屋企附近有粥底火鍋又唔貴就去試下！ $208一位免加一！一入場職員有4位，全場無客人只有我倆客人，初時我都覺可能時間尚早，因我食6：00！環境一般但無唔乾淨的感覺！坐下就叫了粥底做鍋底無加錢轉鍋底！由於個餐係無飲品，職員話自家制有買一送一，咁我地就叫了自家制菊花杞子蜜！味道唔太甜 ok!之後就比調味料我地跟住就好快地上曬全部食材！開餐手打牛丸豬肉丸出色，真彈牙海鮮係新鮮，無一款海鮮係梅梅地呀！食完後就到食粥底環節！粥底就真一般般！唔難食，但粥底太浠，唔'杰'身同埋應該用菜圃，唔應該比梅菜食完埋單都唔過$500，抵食之選！不過我倆食到9：00都係得我地，無其他人食！好慘！市道真係差到咁咩？星期六生意額都不過$500，點維持下去! 講真，味道唔算好特出，但真係唔差lor! 我同朋友都覺得如佢係旺角開一定最少有7-8成入座率！希望餐廳日後多d人幫襯可繼續經營下去!…Read More

又一日本主打梳乎里Pancake 過江龍，Pancake 控的我當然要去試下！由於不是食下午茶，所以同友人叫了d主菜再叫Pancake 做甜品！意粉味道係可以，唔差！只是我唔係咁鍾意食天使麵者，如果係扁意粉我會開心D!我唔食芝士，朋友話味道一般，只是出面好少有牛油果做料的漢堡，所以叫黎試下食！食完主菜後，主打梳乎里班戟上場！班戟外皮比較熟，好難分離！蛋味有！但唔夠空氣感，我就唔覺得值得排長龍食，好彩當日只排左20min左右！當日友人仲叫了限定版Pancake ! 中間塗了d果醬，好甜！…Read More

今日入大埔食晚飯前，順便去試一試大埔出名的燒賣店先！見條排唔長就排隊買黎試下食，大約排左5分鐘就到我！由於我將會晚飯，所以只食了魚肉燒賣，出名是人手即做，手功野燒賣比出面大粒的，無雪味，感覺手功即做的新鮮！但係如排隊超過10分鐘的話，我就唔會排隊（你地可以覺得我無耐性）！不可去開大埔又見唔長龍的話就試下食，因味道真係唔錯，但又未去到唔非食不可的地步…Read More

做好抗疫例行兩件事就進入屋子！我就選坐要除鞋的日式坐墊座位，落地大玻璃對住行人路及單車徑，感覺好假期feel，慢活生活之後就食左 e 幾款食物，同埋加了$25轉做餐 (沙律 + 湯 + 飲品)食物就真係一般！但係真食得好舒服，因無被迫走感覺 (唔知係咪坐在屋子最角落位置，無人理)! 我和朋友在屋子食影傾咁坐左2小時，好舒服！！如想搵地方 hea 又要有少少郊遊感覺，可去試下！…Read More

當天到達，首先要量體溫及＂安心＂，我就無＂安心＂所以就登記資料進場！叫左普洱同烏龍茶，之後就上點心 (但服務態度真一般，因不會主動加水落茶壺，要自己叫住店員加水)!一D都唔似金魚，hea 左D蝦食完一輪一般食物後，就上一Ｄ打卡食物！味道普通，純為打卡飽肚之選，味道ｏｋ！必食之選餐後感，純因食物外表精美去食就可以一去，同食完可行紗廠影相打卡都唔錯…Read More

有返晚市堂食第二日出山約朋友hotpot一下，搵左Ｅ間主打食牛的６１６試下，價位一般，如有大食的朋友好大機會人均過$500，同埋限時100分鐘，適合２—４人及少食及主打喜愛食牛的朋友呀！進場先掃code (自家code 不是安心呀!) & 量體溫，坐下就即時掃QR Code 落單，落單後就出去拎醬汁配料，記住要試牛肉醬汁呀！話咁快就上湯底真沙嗲（好多花生粒），牛骨湯底好牛味！必食封門柳，吊龍伴！腳位置有Ｄ根肩胛翼板肥Ｄ，唔太啱我其實所有牛都可以試下，唔試點知點樣啱自己口味都要食少少其他野，正常味ok!~最後食埋烏冬，好滿足不過我覺得616買烏冬好賺過D牛肉，因洗同切都唔需要，咁就$28如想食牛，幫襯一下la！是次用餐，好味…Read More

本人最近好喜愛食梳乎厘班戟，不停搵下邊間好食！上openrice見 E 間都好似好好咁，食評都好好，但本人覺得可能係打手吹者，咁我就去試一試，睇下係咪真係咁好！結果唔係吹係緊好好食！本身餐廳就唔可以訂位，咁我就中午12:00到，拎飛仔等位(要等12張枱)，由於全部應該剛食左30min 左右 (因開11:30)，店員又話唔限時食，唔知會幾耐有枱，咁就按我估計每枱都最少60min用餐，咁就決定出去行下apm，約12:50左右返回cobber，再等多15-20min 就有位！店員就幫我量體溫及搓消毒搓手液後先安排入坐，同真做到２人一枱及一半入坐率(因好多都唔到一半入坐率)，會用消毒劑清潔枱面，抗疫做得好好！cobber 係用 apps order，order apps 做得好好，好人性化甜品可有叫起，意粉有得選口味(辣 唔辣 少辣)，飲品最係可以選用咩奶(豆奶 脫脂奶)！是次叫左蒜蓉蟹肉炒意粉，香辣蕃茄大蝦意粉，鮮奶綠茶&咖啡，京都宇治抹茶忌廉紅豆小丸子梳乎厘班戟真新鮮蟹肉做(因有少許蟹殼)兩款意粉都做得好好，意粉唔淰唔會一pat pat，又唔硬，做得好好，好出色！只是食下食下覺得都有少許咸者！但唔影響，少少瑕疵者！之後就上飲品同甜品期待已久的京都宇治抹茶忌廉紅豆小丸子梳乎厘班戟必食，超好食！有空氣感但又唔會一陣風的感覺！同店員好細心，我２人用餐，會自動地拎分食碟同餐具比我地呀！是次用餐，真係好！如有得訂位就very good！…Read More

第一次寫食評, 我寫食評按我名字要求 "無要求,只求唔難食"! 是次主打食梳乎里pancake! 一食就出事, 我可用水字形容! 首先質感同口感都好"水", 無空氣感, 感覺好似唔熟咁! 第二個"水" 係難食! 初時以為疫情關係無人幫襯! 食完就知點解!…Read More

朋友話試過大埔分店好得, 海鮮控一定要試下, 咁我就搵機會要試下家嫂! 終於book到旺角分店, 食完後, 朋友話大埔分店好好多! 不過我就不能咁講, 因我未食過大埔分店, 我只能對旺角分店作出評價! 咁評價係唔錯, 唔難食, 又無咩特別好食, 分量一定夠同多, 合大食人仕幫襯! 由於當時未諗過寫食評可能相片不多呀! 講番今次用餐, 環境係OK 唔太迫, 一坐下就即時上前菜小食, 速度好快! 豬血同蝦多士好食, 再上雞煲, 但雞煲味道一般! 食完之後, 叫可上刺身, 等左好耐先到, 心諗係咪唔夠刺身船呢? 刺身有海膽唔太腥, 其它都好新鮮! 之前就到火鍋, 老火湯湯底, 飲了一口唔錯, 但媽媽煲得好飲D, 哈哈! 幾款海鮮上場, 算新鮮, 但我唔like D 蟹咁切, 偏偏出面好多都係咁切法, 聽聞唔會日日一樣, 咩新鮮就入咩貨! 再黎火鍋配料, 牛肉都好食, 全部都可 refill (刺身除外) ! 不過其實都已經好飽 refill 不到! 之後未食完, 家嫂已好急不及待地上甜品 芝士蛋榚 (本人唔食芝士所以唔知好唔好食), 但客人根本未打完邊爐就上甜品, 而且仲要無野包住就咁放係我地枱面, 涷野放室溫 (起碼 20 min) 朋友先食, 感覺唔好, 好似會有細菌同會食完肚仔痛咁lor! 同埋我地7:15左右開始食, 10:15左右食完, 家嫂好似趕收工咁! 執番得幾張枱咁, 好似如坐係到食野會左住佢地收工咁 (但佢地仲有宵夜場呀!)…Read More