mickeyntweety のプロフィール

灣仔人氣cafe, 成日都大排長龍, 今日約左朋友仔late lunch, 大概3點鐘到, 餐廳都幾full但都立即有位餐廳吾大坐得都幾迫, 每張枱上面都有一大支水, 由灣仔地鐵站行到餐廳真係好需要補充水份我叫左個Avocado On Toasts, 佢幾特別係用肉桂bagel做底, 上面除左牛油果仲有Kale, 我轉左全熟烚蛋, 最精髓係個醬, 係用乳酪加紅菜頭做, 酸酸地好開胃, 好輕易就KO成份bagel 朋友仔就叫左個Yogurt Parfait on side加左兩塊厚切豬腩肉, yogurt份量吾大, 有granola、蜜糖仲有少少果仁, yogurt吾算太甜係杰身Greek yogurt質地,  混合granola同果仁都ok飽肚; 厚切豬腩肉就肚瘦適中, 甜甜地都吾會太肥膩總括而言, 如果要排隊就吾會食, 平日吾使等位都可以一試…さらに見る

五一黃金週當然要幫襯黃店一早book左呢間泰國野試試本身book 1:15但早左睇完醫生就12:30左右到睇下有冇位, 好彩當時都吾係太多人就立即被安排坐低今日星期六都有lunch set, 我叫左個泰式船河而老公就食泰式肉碎炒飯, 跟餐仲有一個湯同自選小食兩款我叫左泰式椰子雜菜湯,椰香味濃都算多菜,但鹹左少少, 老公就叫左冬蔭雜菜湯, 都幾開胃泰式船河湯底好濃, 料都好多, 有豬肉片、豬紅、豬肉丸, 粉係金邊粉, 都好足料, 略嫌少左D芽菜老公個泰式肉碎炒飯就好有泰國風味, 飯面仲有一隻煎蛋,可能佢太餓好快就清碟 總括而言性價比好高,下次一定會試埋dinner…さらに見る

放假出城去左尖沙咀K11 MUSEA, 呢個商場好多過江龍品牌, 今次就試下台灣過江龍KiKi麵店自從有左大寶之後就好鐘意食粉麵, KiKi麵店仲要做緊優惠 - 叫任何主食送指定小食, 都幾多人排隊等左一陣我地就可以入座, 等位既時候我已經諗定食咩, 佢地叫野食係俾落單紙你自己填, 有少少吾環保我叫左胡麻捧捧雞拌小醋麵, 老公就食蟹黃油拌麵, 另外加左小食涼拌川茸雖然我吾應該食冷麵但天氣太熱要破破戒, 胡麻捧捧雞拌小醋麵係米芝蓮一星大廚創作, 成個presentation好靚, 好足料既手撕雞, 自家調配既芝麻醬, 日式芝麻醬味加上酸酸地, 好開胃, 但portion真係有啲多, 我食左一半就留俾老公完成埋佢; 是日指定小食係油菜同滷雞胗, 滷雞胗滷得入味, 油菜係小棠菜我就麻麻老公個蟹黃油拌麵都好好味, 好足料一碗蟹黃配上黑醋同蟹油, 富有蟹既鮮味, 不過我冇份試, 唯有等大寶出世後再食過小食涼拌川茸夠酸仲有麻味, 少少辣但係接受得到, 係一道清新開胃既前菜KiKi麵店仲有一個promotion係原本$148set而家賣$98, 有小食、主食同指定飲品, 下次都可以試下! …さらに見る

限聚令下只能四人同枱, 是日約左三位美女到Bakehouse食個brunch中午12點左右到已經人頭湧湧, 係門外排左20分鐘左右有位, 都冇想像中排甘耐我個朋友一坐低就叫左4個sourdough egg tart, 話晏少少會冇得食我都有係呢度買過麵包, 但真係冇試過egg tart, sourdough撻皮似葡撻皮但冇甘油, 中間蛋漿吾太甜富蛋香, size都吾算太大個, 食完一個會想食多個主菜我地叫左Avocado Benedict, Croque Madame, Baby Kale & Avocado Salad, Shakshuka 最印象深刻既係Shakshuka, 中文叫「北非蛋」, 用雜菜同蕃茄燉煮再加芝士同水波蛋烤焗配法包食, 好清新又吾太濃味, 好適合早晨第一餐食Croque Madame都吾錯, 好芝士同 creamy, 但對於我就有啲漏 Baby Kale & Avocado Salad份量幾足, 用油醋做汁. 有毛豆、果仁、巴馬臣芝士, 健康之選; 而Avocado Benedict就正常, 冇乜特別我地臨走仲每人再外賣左啲sourdough egg tart返屋企, 下次再買麵包都會再買sourdough egg tart…さらに見る

放完長假期既個個星期最難過, 終於都到星期六約左兩個好朋友一齊去食Brunch, 一早經booking app訂左呢間大坑新餐廳, 週末關係用餐時間兩個鐘餐廳吾算好大, 有indoor同outdoor選擇, 成個環境好舒服空氣好流通Assorted Cheese and Ham  Platter (Medium) 佢地個Platter有兩個size, Medium同Large, 叫之前見隔離枱個個好大盤所以叫個細既, 點知原來就係佢地叫個個size, 真係好多, 有兩款厚切芝士, 每款三大舊; 三款火腿, 每款三大塊, 我地要求吾係好高, 所以覺得芝士同火腿既質素都好好 Fried Calamari 新鮮炸起夠熱氣, 每件魷魚都好大件, 吾會過多炸粉, 份量都好多, 好好食Breakfast Carbonara 好creamy富蛋香, 吾會太鹹, portion都吾太大三個人分剛剛好Italian Panini 正常size, 但因為叫得太多野. 吾係好食得晒, 但都好食、好足料上菜節奏值得一讚, 先上Platter同魷魚, 見我地食得甘上下先上意粉同Panini, 甘主菜就吾會凍晒, brunch hour full house都可以甘有心思真係好好餐廳環境真係吾錯我地都坐足兩個鐘, 下次會同老公再試…さらに見る

由拍拖到結婚同老公都好鐘意去Oolaa, 即使明知佢地個brunch menu既選擇大都可以自己係屋企整到, 重點係大部分人weekend都吾想再甘勞動, 煮完仲要洗, 寧願俾錢出去俾人serve好過今日我地做完步行運動就去左上環呢間Oolaa, 之前多數去星街. 自從遇到個冇乜禮貌又黑口黑面既ABC男經理之後就吾太想再去貼錢買難受相比之下上環呢間舒服好多, 仲要有我最喜歡既路邊bar枱位由於老公太餓既關係, 我地兩個人叫左三樣野食- 牛油果蛋多士, Egg and Steak, Yogurt Parfait 牛油果蛋多士一向都係我早餐最愛, 因為有左所以要全熟既烚蛋, 牛油果混合左蕃茄粒仲有檸檬汁, 同烘過既sourdough toast一齊食, 真係每朝第一樣想放入口既食物Egg and Steak就好明顥係我老公既蛋白質補充品, 值得一讚既係on side既蕃薯蓉, 佢應該都有落牛油但真係好少. 絕對吾會好漏Yogurt Parfait 就正正常常, yogurt係杰身似greek yogurt, 有紅莓、藍莓、黑莓, granola份量都好足, 仲有蜜糖附送, 健康之選 雖然呢度個地理位置差左D, 但一路都有吾少人入座, 可能環境開陽加上好天氣真係幾好hea…さらに見る

疫情持續明朗, 大家都湧晒出街, 我地都出去睇下D BB野行左一個中午係時候坐低tea一tea係時代廣場附近D cafe都排晒隊, 我又吾可以企太耐, 所以就去左耀華街呢間酒吧度HH可能呢間酒吧既牌照係餐廳所以佢仲可以營業, 而店員都好好有提我地如果叫酒精飲品就要叫食物我地叫左兩個小食, 老公飲啤酒我就要左青檸疏打之前都幫襯過呢間吾少次, 枝豆都係我一定會叫既, 以佢地俾既份量, 38蚊吾算貴, 最鐘意夠多粗鹽, 其實食烚枝豆都係食佢上面D鹽姐...至少我係另外食左松露芝士薯條, 薯條份量十足又夠脆, 粗身薯條啖啖薯肉, 雖然我係幼身薯條愛好者, 但有時食粗薯條都係幾滿足, Mozzarella芝士加埋松露醬淋面冇得輸, 但如果芝士可以再多D個拉絲效果就再勁D 其實我最鐘意食佢地個炸櫻花蝦, 但而家吾能夠食蝦所以就冇叫, 過多幾個月先返泥食啦…さらに見る

好遲先confirm出街食飯，即日book到位。餐廳雖然暗啲但情調幾好頭盤嗌左Burrata Cheese紅菜頭沙律，份量好足嘅Burrata Cheese，富奶香，加左黑醋汁唔太漏。另外叫咗個焗薯皮，熱辣辣，釀左肉醬同芝士，啖啖薯肉唔似一般得薄薄薯皮，佢哋亦配咗少少酸椰菜絲沙律，加埋酸忌廉好好味跟住係意粉，我哋叫咗芝士焗大啡菇忌廉意粉，好適合鍾意奶味濃嘅朋友，個意粉醬仲帶有少少Blue Cheese味，同啡菇一齊食可以平衡返個香濃芝士味。最後主菜叫咗慢煮豬鞍，望落塊扒好似細細塊但好厚，食完幾道菜之後呢個份量兩個人食啱啱好，豬鞍肉質唔鞋唔太肥，都有肉汁，亮點係個汁，好似用蘋果肉同忌廉、芥辣醬煮，甜甜地好好味埋單8xx，老公飲咗杯啤酒我就開咗佢哋枱面支意大利水飲，以食物質量及質素仲要喺銅鑼灣，我覺得都可以接受，都會再返轉頭…さらに見る

係公司樓下既KiKi麵店終於開幕啦我今朝經過見開左閘諗住問下有冇得訂位點知不設預訂，到lunch time落到泥已經人頭湧湧等左十分鐘左右到我地，當然要試期待已久既蒼蠅頭拌麵。蒼蠅頭其實係豆豉炒肉碎同韮菜粒，非常惹味，加埋KiKi椒麻油，帶點麻香及辣味，一口接一口，好快清左同事叫左個胡麻棒棒雞小醋麵，係星級廚師創作，用手撕雞配自家胡麻醬，非常開胃，最適合而家天氣食！另外同同事share左個腸粉，夠熱配甜甜地既豉油，好好味！整體泥講係好食既，服務有待加強，但我地都會返轉頭…さらに見る

星期六最好既節目當然係同屋企人嘆個brunch因為可以網上訂座我就訂左呢間係太古廣場既西餐，一行五人十二點半到左。睇食評都知係有buffet，我地叫左幾個主菜share食。salad buffet都多野食，有4款mix好左既沙律同2款新鮮沙律菜，我最鐘意個薏米沙律，幾特別又清清地吾會太飽肚，然後係紅菜頭沙律，酸酸甜甜食左好多。沙律之外我食得最多係芝士，好好味甜品有新鮮生果、幾款蛋糕同甜撻，我最愛cheese cake都有，幾重芝士味又吾太甜，一啖一粒好滋味！主菜方面雞扒意粉，我就只係食左雞扒，好好肉，煎得香口。All day breakfast係brunch吾少得既item，啲薯條即叫即炸，夠脆又吾油，最愛幼身薯條媽媽鐘意食pancake所以叫埋一齊share，好新鮮同軟熟，不過糖漿吾太夠，要再問待應拎:)…さらに見る

香港最多就係日本餐廳，不乏選擇，但一門係回憶，由大學時代到而家將為人妻，一門一直都在而且水準不變。 今晚同大熊貓早左放工，星期五walkin竟然有位，由於都好知對方既指定菜式，基本上一坐低就落單。第一道當然係招牌玉子燒，加左芝士，份量吾少所以做到拉絲既效果即叫即整，上枱夠晒熱，充滿蛋香加埋濃濃既芝士味，幸福非常一門卷係我既最愛，用pancake皮包住鰻魚、牛油果同大量蟹子，口感十足，鰻魚肥美富油香，牛油果剛好中和膩感，每次去一門都要食今次試左樣未叫過既吞拿魚刺身，佢地用左醋浸住，面頭有啲漬物，酸酸地幾好食…さらに見る

同大熊貓每月一次晚餐，今次我地用左一個手機app訂枱，6:30食食物有50%off優惠，加一同飲品就冇。頭盤要左牛肉tartare，將生蛋黃拌勻食，肉味濃但吾羶，係我至愛。主食叫左個兩人份斧頭扒，呢間餐廳既牛扒係自家風乾，特別入味，呢個牛扒吾多肥膏又吾太多根，肉質夠淋肉味濃大熊貓最愛既truffle fries就好似失色左少少，我無咩點食，只係覺得無咩松露味。嗜甜既🐼一定要食心太軟，我食吾落無食到但我見吾太流心，但大熊貓話好好食，吾太甜又重朱古力味…さらに見る

兩三個月前由叔叔發起既每月一次聚餐，今次嫲嫲請大家去西貢食海鮮於是一家十五口就一齊入左西貢。今晚叫左好多海鮮，我最愛既芝士龍蝦伊麵底，龍蝦夠多肉，芝士汁夠惹味，夾伊麵食超正椒鹽瀬尿蝦新鮮香囗，肉質彈牙又多膏，真心好食豉汁炒聖子同樣出色，好大隻又惹味，啲汁送飯一流再來係龍躉兩味，炆既夠入味，炒既夠鑊氣，魚肉肉質厚實吾多骨我第二最愛係薑蔥炆蠔，蠔肉夠大隻而且味鮮，啲蔥都炒得好正仲有薑蔥炒蟹同辣酒煮花螺一樣非常好味今餐真係好正，正過去流浮山同布袋澳，雖然價錢相對較貴，但久吾久去一次都係抵既…さらに見る

去過呢間餐廳好幾次因為覺得抵食又好食首先佢開酒好抵，好多選擇，平到貴都有，對於我地呢啲吾識品酒既港女當然係平平地開支盡興Assorted Ham and cheese platter送酒吾少得，當晚platter都算出色，有我喜愛既goat cheese都要食啲菜，菠菜沙律新鮮好味Carbonara係其中一位閏蜜既最愛，我無食到但佢地話ok好食但吾夠creamy。燒春雞整得好好，吾會太乾肉夠多汁，皮夠香脆，基本上我一個人ko左大半隻伴碟既松露薯蓉同樣無得輸，松露味香又夠creamy，放涼左都好味…さらに見る

同事Farewell飯局，同時係一個吐苦水之夜想試Cassio好耐終於有機會，先叫左個cold cut platter，一般般啦，送酒都可以。另外叫左個小青椒，好食但有啲炸得太油。然後食左個八爪魚，出色既係on side既紫薯，應該係焗既，吾太油膩！Burrata Cheese with Tomato一定無得輸，唯一係個芝士可以大舊啲同再流心啲會開心的呢個羊架反而無乜特別，望落好似好濃味但食落無乜味，仲有一舊過生。西班牙海鮮飯係當晚亮點，用龍蝦湯煮飯，飯煮到啱啱好，吾太淋又吾太硬，海鮮都係新鮮，啲蝦好大隻最後當然少不得甜品，好一般既心太軟，吾夠流心都吾夠熱。反而個cheese platter就好好食，四種芝士都出色，雖然吾知咩芝士，但都俾我清晒四個人一共開左三支，飲得開心傾得暢快，非常高興的一晚…さらに見る