KatL16的個人專頁

拉麵愛好者 今次揀咗食旺角這間。加上係黃店🥰好彩今日係平日 唔係好多人排隊店員好貼心地俾落單紙我地填咗先慳返唔少時間鰹魚味豚骨拉麵🍜湯底夠濃郁 朋友仲加多咗隻蛋 識食 燒海蝦味豚骨拉麵🍜超鐘意呢個 湯底入哂味 而且重蝦味👍 呢到嘅拉麵份量比出面嘅多 叫普通就啱哂我出面嘅普通size 我覺得唔夠飽🤣😂呢到仲有沾麵食的 不過只限下午 下次一定要再試…查看更多

同好耐無見嘅朋友食飯 揀咗呢間 好彩提前訂咗位 唔駛等好耐環境唔錯 適合傾心事 邪惡包😈有鵝肝同帶子心之蛋卷🧀有蛋必叫 佢呢個蛋卷入面係流心的 我麻麻地 但味道不錯 配埋少少茄汁 鹽燒雞翼沒有什麼特別 雞翼夠入味蒜香烤焗茄子🍆好香好味啊！呢個一定要叫 離遠都聞到陣蒜香味 原條鰻魚飯好大條鰻魚🤤 份量十足 朋友食曬成碗 個飯可以多返啲醬汁香草豬頸肉烏冬🥢係豬頸肉有少少難咬 個湯底幾濃郁 鮮甜今餐食得好滿足 飽肚 大家要努力啲振興黃色經濟圈…查看更多

真係收得好埋，我哋搵咗幾個字😂🤣明明google 顯示係呢個位置，但行極都唔係。最後搵到條小巷，儘管睇下係咪係，yeah!! 我哋成功搵到啦！好多人排隊，我哋都等咗30-40分鐘🥵一坐低即刻叫野食。挪威煙三文魚蘑菇闊條麵🍝如果可以多啲汁就好，食到最後有啲乾蘑菇都係我必叫之選來的。鮮蝦扁意粉&羅勒蒜香微辣蕃茄汁🥫蕃茄味夠重 我鐘意！同埋個辣度都接受到。黃金炒薯條🍟超大碟 份量飽滿 完全夠三人食 所以我哋食到要打包 一路行一路食🤣🤣咸蛋黃真係好飽肚結論 一定要再食 鐘意飲佢個湯…查看更多

個fd之前已經係咁叫我一定要食呢間，今日試完，真係👍👍👍！無得頂呀！🍜雞白湯拉麵好好味！好濃郁嘅湯底，基本上我好少會飲哂啲湯，但呢個真係不得了，我差唔多飲晒咁制。麵嘅軟硬度適中。仲有佢旁邊的牛蒡絲，嘩！我一食就愛上咗仲想問有冇得添加🤣🤣另外仲叫咗碟炸雞🍗雞塊多汁唔乾身，啲肉又唔會好老，又唔油膩，炸得剛剛好。可以望住師傅煮野食，都係另一番風味！好似置身於日本咁。朋友真係冇介紹錯，呢間值得一試再試。…查看更多

好耐未食過泰國菜啦，朋友介紹咗呢間，新派餐廳。門口裝修得好靚好清新，夠哂開揚。雖然呢日係假期，但等咗一陣就入得。好多菜式選擇，對於我哋呢啲有選擇困難症嘅人嚟講，簡直是...🤯🤯🤯- 燒菠蘿蟹肉炒飯菠蘿有啲酸 啲飯炒到粒粒分明，唔‘立’，呢個要試，好味啊！個fd俾哂啲提子乾我食🤣- 惹味拼盤有我鐘意食嘅雞搥同豬頸肉😋 二人分量啱啱好-大蝦冬蔭公🍲自從愛上咗飲冬蔭公湯後，我個fd就次次都問我飲唔飲😂🤣我覺得佢可以再酸啲，個味唔夠突出。辣味就ok-柚子香橙蝦沙律🥗食落好清新，正！叫埋兩杯飲品，斑蘭椰子珍珠奶蓋同三色冰奶蓋。我地一致都覺得好飲。推介…查看更多

見朋友介紹了呢間西餐廳，加上地點夠就腳，所以便來一試。我哋上了一樓，環境舒服，裝潢幾有外國feel。啱哂文青們嚟打卡。我哋叫咗：🍴法式豬鞍唔知係咪平時少食豬鞍部位，我覺得有啲難咬口，但我幾鐘意佢個醬汁，幾開胃。🍟黑松露巴馬臣芝士薯條西餐必叫之選呢個配搭簡直係天衣無縫，但呢間我反而覺得可以再重味少少，我同我朋友都覺得食落冇咩味。🥫西西里肉醬芝士焗意粉最冇特別嘅反而最令人驚喜，佢蕃茄味好重，酸酸甜甜咁，好味😋下次多啲人 可以試埋其他菜式。…查看更多

星期六之嘆下午茶時光再加埋慶祝朋友生日 晏就人唔多可以慢慢坐慢慢嘆慢慢傾心事薯條好似已成為我每次必選食物個all day breakfast 好味份量啱啱好 個蛋糕係送的，生日優惠！味道唔太甜，適中。下午茶時間質素來說，呢間算是可以唔會馬虎員工好有禮貌值得一試…查看更多

一直都很想試呢間嘅拉麵今日終於有機會啦我地揀咗豚骨湯麵同蝦味噌套餐好味好味好味 重要的事情要講三次湯底濃郁 我平時出街食麵好少飲湯底但今次呢個湯底真係好正差不多飲哂可惜佢嘅座位設計唔可以坐耐啲不過最重要一點就係佢係黃店絕對要一試！…查看更多

平安夜食咩好？之前生日飯都想嚟呢間，但一路都食唔到，今晚終於可以品嚐一下。兩個路痴成日都行過龍，今次都唔例外！但其實間野係好容易搵，就在先達廣場隔離過一條馬路，先施大廈！一入去，環境寧靜，裝潢幾清新，真係隱世中的一間cafe。佢menu都算多款揀，我地揀咗黑松露野菌闊條麵同明太子海膽扁意大利粉。雖然兩樣睇落好似好普通，但食落好正，唔會一pat野咁，夠汁同夠熱！意粉硬度適中，煮得剛剛好。因為啱啱病好，食唔到佢啲小食😭下次一定要補返數！…查看更多

食生日飯again 員工服務態度超棒好窩心之前已食過一次，已覺得質素非常好👍環境超正，一堆閨蜜傾心事講事非一流今晚揀咗黑松露意大利扁麵、蜜糖芥末雞翼、明太子意大利扁麵、蜂蜜菊花茶黑松露無得頂呀，夠香夠濃雞翼唔駛講，我的至愛 好味好食好食呀😋😋超有水準！如果多啲人過嚟就可以食多幾款。佢啲擺設好過癮，香港人會有同感。…查看更多

新開小店 🤩難得可以放半日 就急不及待嚟試下新野佢個地點都算易搵 就在東廣場對面環境清靜 座位尚寬敞我哋叫咗秘制雞酒湯麵同蔥燒牛肉麵兩樣都超正 煮得超入味雞酒湯麵好有當年的味道 食完都仲歷歷在目牛肉夠哂咬口 值得一贊嘅係佢個麵 好彈牙 煮得啱啱好 我超鐘意 值得回頭再試…查看更多