Caleb's Profile

琴日中午遲左出黎食飯, 就唯有到依間等位, 無論係座位同買野都好長龍. 最後揀左楊州炒飯($24)加可樂($6). 但個楊州炒飯真係好唔得, d飯係濕既, 仲一舊舊, 再加上d餸又少又冇味. 結果有三分一冇食到.今次個blog.http://klcchung.blogspot.com/2007/09/88.html或到我既飲食bloghttp://www.calebchung.com/FoodBlog.htm…Read More

每逢落雨濕濕, 大家都會沿住天橋到上環食, 因為可以唔駛濕身. 之前食過依間覺得冇乜特別, 都係普普通通一餐. 但估唔到今次幾好. 我叫左鰻魚炸豬扒餐($42). 餐湯要中湯, 係胡椒蘿蔔湯. 個湯就普通啦, 但塊豬扒幾脆又唔油, 鰻魚雖然鹹左d但都幾好味, 個底有少少脆. 今次味道幾好, 算係有驚喜.今次個blog.http://klcchung.blogspot.com/2007/09/blog-post_25.html或者黎我個飲食bloghttp://www.calebchung.com/FoodBlog.htm…Read More

黎依度食一定要早, 如果係星期五就真係要好早, 事關攞左籌既人基本上都會等. 我七點九開始都等左個半鐘, 到九點三先入到. 佢裝修都幾精緻, 有好多廂座, 所以都幾啱三五知己去食.依度大部份既餐單都係吉列野, 我就叫左個大蝦帶子同埋一個豬扒配白醋汁. 佢好快就會黎個芝麻磨, 第一次黎唔知係乜, 原來係俾你磨完加醬汁食豬扒用, 磨o個時已經有一陣芝麻香, 等野食o個時玩都幾得意. 跟住就要試下d野食.前菜: 係豆腐, 雖然唔係滑o個隻但都唔錯.大蝦帶子: 帶子好大粒, d蝦都好大隻. 可以點海鹽, 蘿蔔白醋汁, 沙律醬. 唔同食法都可以試試.豬扒: 同樣炸得好鬆脆但唔油. 可以點芥末, 芝麻醬油, 或蘿蔔白醋汁. 真係幾好味.菜: 依度白飯同菜都任食, 侍應會好殷勤問你要唔要添加. d菜可以點芝麻汁同柚子汁. 個人比較喜歡芝麻汁.最後食完, 佢仲會換個杯茶俾你, 再送西瓜.依度食物同服務都好好, 係嫌貴d, 每人要成二百蚊落樓.想睇相可以到.http://klcchung.blogspot.com/2007/09/d_23.html或我個飲食bloghttp://www.calebchung.com/FoodBlog.htm…Read More

琴日同同事到梨花園, 叫左燒豬牛雞餐. 前菜有六小碟, 當中最好食既係炸魚仔. 燒豬牛雞係用鐵板上, 配以白飯同湯. 佢上既時候係冇醬汁, 最好叫佢俾碟你. d肉燒得都幾好, 有肉汁而唔乾. 最後仲送咖啡同生果. 個餐$60加一$66. 雖然貴少少都值得試下. 最好先訂位.今次個bloghttp://klcchung.blogspot.com/2007/09/okay_19.html或到我個飲食bloghttp://www.calebchung.com/FoodBlog.htm…Read More

好耐冇食撈丁, 就同埋兩個同事黎試下. 中午你要食就真係要早, 我地12:35pm到就唔駛等位, 再遲d就排晒長龍.我叫左個蔥油雞扒撈丁$34加$5換鹹檸七, 我兩位同事就叫左心多多撈丁(雞翼, 蛋同五香肉丁)同午餐. 雞扒撈丁其實唔駛蔥油都夠晒鹹. 塊雞扒都煎得幾好. 我就幾鐘意杯鹹檸七, 舊鹹檸幾夠味. 個人喜好, 我覺得雞扒撈丁好食過心多多撈丁d. 係中環lunch搵食艱難, 依個價錢有撈丁食都算okay啦. 不過依度係坐得好迫, 食完基本上都要走人.想睇相可以去http://klcchung.blogspot.com/2007/09/blog-post_13.html或睇我個飲食bloghttp://www.calebchung.com/FoodBlog.htm…Read More

今晚同屋企人黎到尖沙咀, 行下行下就黎到一壽司. 三個人都食左差唔多廿碟, 非常之飽. 下面有d相但因為食得太多, 有d都冇影到. 總言之有幾樣比較好食, 其他就比較一般.帶子: 無論係生定火炙都好好食.火龍卷: 係鰻魚, 天婦羅蝦既創意卷, 咁既配搭唔錯.火炙蘇格蘭三文魚腩: 幾肥美.鰻魚: 暖暖地即燒都幾好食.黑蜘蛛卷: 係軟殼蟹, 蟹籽既創意卷, 都唔錯. 但火龍卷好食d.除左以上幾樣, 其他壽司d魚其實冇乜鮮味. 相比同類型既餐廳, 個人比較峰壽司啦.想睇相可以到http://klcchung.blogspot.com/2007/09/okay.html或睇我個飲食bloghttp://www.calebchung.com/FoodBlog.htm…Read More

同事話想食咖喱, 就黎到香滑咖喱屋食. 好在早黎, 三個人都唔駛等位. 我地叫左咖喱牛肉, 魚同羊. 三個都係小辣同配飯, 加埋野飲$45, 係中環黎講算係普通價啦. 食落咖喱牛肉同羊就比較普通. 咖喱魚就幾好食. 如果我下次黎都會係揀魚或者牛腩. 味道都算唔錯.想睇相可以到http://klcchung.blogspot.com/2007/09/blog-post_11.html或者睇我個飲食bloghttp://www.calebchung.com/FoodBlog.htm…Read More

今晚同屋企人出黎食, 好耐冇食鳳城就黎試下. 由於屋企人唔食得太油同太多煎炸野, 所以就叫左炸子雞, 瑤柱桂花魚肚同蝦子柚皮. 炸子雞: 塊皮好脆但唔係好有雞味.瑤柱桂花魚肚: 有d似芽菜炒蛋, 但有d魚肚口感都okay.蝦子柚皮: 依味菜係食佢既工夫. 但味道偏淡, 偶爾食到d柚子味.最後送埋綠豆沙做甜品. 三個人食左$284. 唔算太貴. 但如果要好味我覺得客家人做得好d, 如果要平我諗權發會抵d. 依度只屬普普通通. 可能真係要食窩貼明蝦先俾到驚喜.想睇相可以去.http://klcchung.blogspot.com/2007/09/blog-post_2488.html或睇我既飲食bloghttp://www.calebchung.com/FoodBlog.htm…Read More

同事帶我黎依度食, 都好幾年冇黎依條街食. 三個人不約而同叫左個肉餅雞扒飯. 味道都算okay. 佢$29一個餐, 凍野唔駛加入$2, 係中環黎講算係幾抵啦. 係嫌地方有d汚槽.今次個blog.http://klcchung.blogspot.com/2007/09/blog-post_10.html我個飲食blog.http://www.calebchung.com/FoodBlog.htm…Read More

黎親尖沙咀食甜品都會揀依間. 本來想食晚餐, 點知依家跟餐個甜品冇得加錢轉其他甜品, 咁即刻迫我唔食餐啫. 算, 照叫兩個甜品. 一個焗朱古力榛子軟心布甸伴雪糕(心太軟)同焗酥皮栗子批伴雪糕. 兩個都幾好味, 依度係有d特色既甜品食, 同埋佢係要d功夫整, 唔駛成日食d生果甜品.可以黎我個blog睇相,或click入"標籤->飲飲食食"睇我個飲食blog.http://klcchung.blogspot.com/2007/09/blog-post_3590.html…Read More

經過o個時啱啱係出爐時間, 唔理咁多即刻買個蛋撻食. 熱辣辣既蛋撻, 曲奇底同蛋漿都好味. 比旺角分店好食, 果然食好野都係總店好.可以去我個blog睇相,或click入"標籤->飲飲食食"睇我個飲食blog.http://klcchung.blogspot.com/2007/09/d.html…Read More

見到人地話依間幾好食就慕名黎試下. 我叫左個芝士薯條, 雞翼同一個細size八吋薄餅. 芝士薯條: 有好多芝士. 雖然我覺得濕左少少, 但味道唔錯, 下次會試下原味.雞翼: 好有心機整既雞翼. 煎完仲落唔少既香料. 有heart既作品.薄餅: 可以揀三樣料, 我揀左辣肉腸, 蝦同尤魚. 餅底就揀左脆餅底. 味道非常好, 各樣配料既味道都好出. 講真我覺得好食過pizza hut, califonia pizza kitchen同pepperoni.再加埋兩罐汽水都唔駛$200賣單. 咁既質數, 絶對抵食.可以去我個blog睇相,或click入"標籤->飲飲食食"睇我個飲食blog.http://klcchung.blogspot.com/2007/09/soho-daddyos.html…Read More

周圍既甜品店都爆晒, 就到許留山食. 叫左什果河粉同什果亮晶晶. 唔知係依間特別差定係今次失準, d芒果勁酸, 差d食唔晒.可以去我個blog睇相或click入"標籤->飲飲食食"睇我個飲食bloghttp://klcchung.blogspot.com/2007/09/blog-post_3213.html…Read More

幾次經過都冇機會試, 星期五晚終於有機會. 滿懷希望咁叫左雞絲粉皮沙律, 燻蛋, 擔擔麵同士多啤梨骨. 點知一d都唔好味. 雞絲粉皮沙律, 燻蛋, 擔擔麵極之普通, 士多啤梨骨就好少少. d茶係好似水咁淡既香片. 初頭坐都okay, 後黎到八點幾d伙記好似開摩打腳咁極速o係隔離走, 仲撞到我成身擔擔麵.兩個人成$280餐, 真係一d都唔抵. 冇下次. 我個blog有d相, 亦可以click入"標籤-> 飲飲食食"睇我個飲食blog.http://klcchung.blogspot.com/2007/09/blog-post_09.html…Read More

為慶祝伯母生日去Conrad食lunch buffet, 發覺佢既水準回升好多. 無論係刺身, 熟食, 甜品都好食番. 下次可以再黎. 有幾樣野我都好鐘意.刺身: 無論係三文魚, 吞拿魚, 北寄貝都好新鮮.凍食: 有龍蝦, 長腳蟹. 尤其係長腳蟹, 好鮮甜. 好多人都爭住攞.生蠔: 佢即開俾你, 唔會開定係度, 咁樣比較新鮮同乾淨. 味道唔錯.甜品: 個朱古力慕斯同芒果cheese cake幾好食. 另外個雪糕都幾好, 朱古力雪糕有d朱古力脆片, 雲尼拿有d白朱古力脆片, 食落口感幾好.折左二百頭都幾抵食, 希望佢可以keep住個水準.今次個blog, 可以click落"標籤-> 飲飲食食"睇我其他飲食blog.http://klcchung.blogspot.com/2007/09/conrad.html…Read More