KayeTang1221的个人专页

相信住天后嘅街坊都一定有食過呢間位於天后地鐵站A2出口附近嘅外賣壽司店🤗 每次去都會見到有人買，證明生意幾唔錯😉 周不時仲會見到啲日本人喺店入邊傾偈添😆店舖入邊有已經整定左嘅壽司，可以即刻俾錢就食。但如果想食新鮮壽司嘅話，可以問店員攞一張餐牌然後tick自己想食嘅壽司。另外，店舖仲設有三至四個堂食嘅企位。我選擇咗要tick餐牌嘅即叫即整～等待時間大概15分鐘😉壽司味道整體感覺良好特別欣賞火炙三文魚，三文魚腩，同蛋壽司全部都非常新鮮😉天后嘅街坊唔好錯過呀～…查看更多

卡邦尼意粉就食得多，但其實正宗嘅意大利粉你又食過幾多次？今日去決定品嚐真正嘅義大利菜🇮🇹🍝餐廳燈光偏暗，絕對能營造輕鬆浪漫氣氛💛揀咗一個睇到整pasta過程嘅位～個人推介Tasting Menu可以任揀一款前菜，兩份意粉和一杯飲料～前菜 《吞拿牛油果他他》OMG 佢超開胃同埋真係好好好好食 😋Pasta (1) 《魷魚墨汁義大利蝦餃麵》番茄醬濃郁，蝦餃麵即叫即整仲要係喺我面前包😋 Pasta (2) 《海鮮濃湯意粉》烏冬嘅觀感加拉麵嘅質感絕對係佢嘅優勝之處🥰 麵條彈牙又飽肚，再加上足料嘅海鮮，唔可以錯過😋飲料就叫咗Pici Punch～ 係燈加熱情果嘅味唔想飲酒嘅話，佢係一個好選擇🥰我覺得Pici係一間有質素同好浪漫嘅餐廳☺️Not to mention that the service was really good 🥰 Had a wonderful meal and will definitely visit again next time!…查看更多

想chill下，又驚同人逼，所以就揀咗間地理位置比較偏遠嘅《coffee ground》啦☕️交通方面，我唔建議搭地鐵，一來要行耐斜坡好攰，二來係黨，所以建議搭23巴士或者31/10小巴🚌落車之後行大概兩分鐘就會見到樓梯一路向下行就會見到～店舖裝飾俾人一種好舒服嘅感覺～ 係做嘢或者敘舊嘅好地方👍🏻店內仲設有無限Wi-Fi添😆Avocado Toast $95 🥑切片嘅牛油果配鹹蛋碎同埋流心蛋🤤 賣相好之餘又好食👍🏻 雖然係貴咗少少，但坐翻幾個鐘再影多幾張相都抵返🤓食完仲可以去附近行下同影相有好多街頭藝術同自由書店👍🏻如果你追求平靜同遠離繁囂嘅感覺（香港人最近好需要😭）我非常推介common ground 👍🏻🥰…查看更多

喺旺角食完飯想繼續吹水，所以就去咗出咗名又黃又好食嘅甜品舖《Joyful》💛入座嘅時候已經接近凌晨一點，但人潮依然無減退，見差唔多八成嘅位已經滿嘅時候就知道自己無入錯餐廳啦🥰 成間店都貼滿post-it～好有家的感覺🏠🇭🇰（見唔見到後邊個背景真係好多post-it）想讚下佢個心太軟🤤外面鬆化嘅朱古力鬆餅加上入邊暖暖地嘅朱古力醬，再配埋凍冰冰嘅雪糕，簡直係perfect match 👍🏻🥰朋友話芒果綿綿冰又足料又好食～十分推介🥰總括來講，呢間係一間又黃又甜嘅甜品舖值得再嚟💛…查看更多

聽講大圍有間又黃又好食嘅文青cafe《屋子》，所以今日慕名而來嚟試吓～餐廳裝修走日系風，有種慢悠悠同舒服嘅感覺，非常適合同朋友嚟敘舊🤗餐牌選擇包羅萬有～我淨係影咗飯同麵🤣佢仲有小食，飲品，同埋甜品架🤗關西牛肉丼非常高質👍🏻牛肉好鬆軟，醬汁亦非常開胃，再加上秘製腌物冬瓜，簡直係食過返尋味啊～另外兩個朋友分別叫咗天婦羅冷烏冬同埋野菜冷烏冬👍🏻 佢哋都表示烏冬出奇地彈牙，醬汁甜甜酸酸非常吸引，一定會encore咁話喎最近有人批評某啲黃店唔好食但呢間絕對品質保證我一定會encore，你唔係唔嚟吖嘛🥰…查看更多

前日喺megabox睇完戲諗住喺嗰度食埋野見樂拉麵裝修幾靚所以就試吓～首先係開胃小食 《章魚小丸子》味道唔錯，唔會太細粒👍🏻《黑蒜油豬骨拉麵》雖然上餐速度算慢，但勝在拉麵和配料份量多。糖心蛋煮得剛剛好，十分滿意。可惜的是，湯底味道較淡導致未能吃出黑蒜油獨有的香味。加上麵底比起拉麵更像中式擔擔麵，所以相對上沒有咬口。對於對麵質要求高的我確實是比較失望的一次拉麵拜訪。男朋友叫了個辣的拉麵。他表示真的很辣，所以選前請三思😅總括來說，我不是特別推薦。不過如果對拉麵不是特別講究或是為飽肚的話，我覺得還是可以的。…查看更多

旺角周街都係車仔麵🍜今日隨便入咗一間～同其他車仔麵店相比，呢間算比較乾淨🤩侍應服務態度都唔錯😉～餐牌選擇包羅萬有👍🏻有點餐紙慢慢揀，唔使受侍應脾氣😅除咗招牌車仔麵之外，仲有飯類同埋小食🍚朋友叫三餸$42 我叫一餸$28分量方面，中規中矩湯底方面，都係叫清湯，我就覺得幾好飲嘅不過食材方面(特別係魚片頭)，有種少少劣質嘅感覺，唔係太推介。總括來講✅環境同服務態度都唔錯✅店員唔會趕你走，可以坐低同朋友傾偈❎不過食物方面就一般般，如果對食物質素要求高嘅話，可能就要試吓其他車仔麵店啦…查看更多

今日要介紹一間又平又抵食嘅日本餐廳💛環境方面整潔衛生每張枱都配有酒精搓手液餐牌選擇包羅萬有有刺身，壽司，小食，冷盤，熟食，等等～圖片為晚市特價👍🏻三文魚壽司$9一件肉質滑嫩帶甜，十分開胃👍🏻芒果加州卷芒果配炸蝦味道特別，甜中帶鹹有驚喜鰻魚炒飯鰻魚唔會有骨亦容易入口啱晒同朋友一齊分享豬骨湯拉麵欣賞佢拉麵蛋彈牙，而且豬肉份量十足，留心蛋亦煮得啱啱好，極之推介～總括來講，日本餐廳普遍都比較貴。所以呢間對於窮L來講簡直係天堂☺️…查看更多

前幾日同朋友去西環碼頭影相📸️ 諗住影之前喺附近窮食🤣 行行吓見到《讚記》好多人就入咗去食啦～環境方面同普通茶餐廳一樣～唔係話特別污糟或者乾淨😜因為係下午茶時段嘅關係，餐牌所有嘅食物都大概唔會貴過$40我同朋友分別叫咗漢堡包餐同埋熱狗餐兩個餐都係30幾蚊簡直係又飽肚又抵食🤩朋友表示佢嘅芥末魚柳包魚柳唔會太過油膩，炸得剛剛好👍🏻我嘅熱狗餐都非常足料腸仔好大條，薯條亦都好好食，30幾蚊來講已經好好😉值得再嚟👍🏻…查看更多

記得多年前曾與前男友在山頂的Wildfire慶祝周年紀念日。一邊品嚐着美食，一邊眺望着香港的夜景，現在回望依然記憶猶新。多年後的今天決定與家人再次到訪，不知道水準如何呢～餐廳環境依舊乾淨，景色也當然如故關於前菜，我們點了炸甜番薯和炸雞翼炸甜番薯香脆可口，分量十足，性價比高相反炸雞翼比較一般，二選一下會選擇前者至於主菜分別有龍蝦意粉和Ribs個人喜歡龍蝦意粉，因為覺得味道濃郁而且通粉有咬口。還有欣賞其海量的蔬菜量，對於蔬菜控來說是一級享受啊～妹妹則比較喜歡Ribs她表示肉質鮮嫩，肥而不膩飲品方面點了這個😂是一種混合了白酒，蘋果汁，橙汁，等等的酒精飲料～ 個人認為好飲😋不過建議與朋友分享👍🏻總括來說，無論對食物或是環境也十分滿意來山頂的話，我推介Wildfire ☺️…查看更多

話晒係加拿大住左咁多年，點都一定會食過Red Lobster嘅～ 今日決定挑戰香港分店睇吓水準同外國差幾遠 😜首先值得一讚嘅係店舖環境非常乾淨亦有好充足嘅太陽光☀️ 令人心情舒暢食物方面～ 第一碟嘅牛扒確實有少少失望不過畢竟人哋係red lobster 唔係red steak所以就放過佢啦～呢個拼盤好適合鍾意小食嘅你同我🤣特別欣賞佢嘅龍蝦意粉～龍蝦確實有水準～肉質鮮甜又多汁 🦞 個pizza都好唔錯不過份量就細咗少少，啱大概兩至三個人食總括來講都幾滿意😋😋…查看更多

因為肺炎嘅緣故，我同阿妹都決定嗌外賣食今日挑戰拉麵名店《一風堂》🍜😋送到嚟嘅時候所有野都熱辣辣雖然真係用咗好多塑膠，但睇得出店舖都非常細心😉拉麵盒上邊仲會最佳進食指示～呢個係妹妹點嘅便當🍱份量多，性價比高 👏🏻而我叫咗拉麵🍜餐廳分別分咗三個容器去裝 麵，餸，紫菜比較驚喜嘅係餐廳會用另外一個袋裝紫菜紫菜落湯之前仲係卜卜脆～好滿足😋雖然合成品好似唔係太靚😂不過都同出邊食嘅有八成相似架👍🏻值得再試😜…查看更多

聽朋友講其實外賣河粉都唔係太難食所以今日就試吓挑戰pho takeaway 😆叫咗網上外賣平台 大概20至30分鐘送到送到黎嘅時候湯同埋面都仲係好熱因為送嚟嘅時候分開咗面同湯所以撈埋一齊嘅時候其實同出邊食分別唔大順便一提佢哋嘅pho幾好食 鍾意個湯夠濃郁阿妹叫咗咖喱豬頸肉飯個咖喱味好香同埋開胃～油菜就不過不失啦～不過下次可能自己煮會抵啲總括來講，我對今次嘅外賣越南河粉係滿意嘅外賣來講一定會再幫襯😊…查看更多

相信唔少人都WFH，但同時屋企唔方便工作今次會同大家介紹一間位於寶林嘅咖啡店店舖裝修簡潔舒適，適合工作Lunch Menu大概$50至$70單點就大概$100上落我同我兩個朋友分別叫咗三個餐有得揀沙律同蒜蓉包蒜蓉包香脆可口，非常開胃😋明太子三文魚意粉味道不鹹不甜剛剛好，分量十足，值得一試朋友的南瓜魚risotto 也不錯不過魚鹹咗少少，應該係落重左手所以配合清爽嘅飲品就啱啱好我同朋友大概坐左四至五個鐘最後$276埋單我同朋友都認同coffee art係一個幾舒服幾適合工作嘅咖啡店～☺️…查看更多

同朋友食完晚飯之後就喺附近搵咗間甜品舖坐低繼續吹水🤣店內環境尚算乾淨不過服務員態度有啲急躁建議點餐嘅時候乾脆利落少少芒果豆腐花加芋圓芒果肉鮮甜多汁，芋圓都好有咬口值得再試🥭😋朋友點的芋頭西米露佢表示同其他舖頭相比都毫不遜色😁👍🏻至於另外一位朋友嘅鮮雜果流星佢就覺得一般般🤨 不過佢都讚啲芒果鮮甜睇嚟有親芒果嘅都唔會大伏😂除咗店員冇乜耐性之外，食物質素不錯我哋都大致上滿意～值得再食🥰👍🏻…查看更多