effie.w's Profile

今晚同朋友去咗QUE叫左兩個lunch set share，試咗兩樣新嘢，燒豚腩泡菜意大利飯同黑松露野菌貓耳朵粉，食完都幾開心！個泡菜意大利飯橙橙地好靚，上面有幾塊燒得金黃嘅日本豚腩同烤辣椒。飯好煙韌，撈埋泡菜汁同少少辣椒忌廉，酸酸辣辣但真係好輕口，完全唔會太over。豚腩皮脆肉嫩，一啖飯一啖肉超正，食到碗底都唔悶。之後嘅貓耳朵粉就完全另一種feel，貓耳朵形狀好可愛，咬落彈彈地。醬汁係淡淡忌廉加黑松露味，仲有唔少野菌，好香口但唔會太杰，食落好舒服有層次。兩樣都唔重口味，上菜又快，坐得舒服，燈光暖笠笠，食完成個人都放鬆晒。真係幾好食，想食意粉意飯又唔想太膩，Que呢兩樣真係幾啱食。…Read More

今次係牛氣試在佢地lv2放題，湯底揀咗限定西西里蕃茄魚湯。首先個蕃茄魚湯真係好正！湯底紅噹噹，蕃茄味濃而不會太酸，仲煲得夠耐，有淡淡魚香同海鮮甜。湯身有啲厚身，飲落暖胃又開胃，冬天食超舒服。烏冬配個湯底真係絕配吸嗮d湯，牛肉同其他配料都好夾。牛肉切得薄薄地，油花分佈均勻，涮十幾秒就啱啱好，入口軟嫩又有牛味，唔會鞋，lv2有咁既質素已經好掂。自助區好多款菜同丸可以揀，好適合解膩。甜品有好多選擇，最吸引既雪糕機焦糖咖啡味同乳酸味都幾好食。…Read More

呢個週末去咗悅見食午餐，環境企理，服務員態度友善，坐得幾舒服。先上枱係四彩琉璃水晶餃，四隻水晶餃顏色口味都唔同好特別。我個人最中意紫蔥辣牛肉味，好有新鮮感。之後係黑毛豬叉燒飯，白飯熱辣，粒粒分明，配埋汁食已經好有味。叉燒燒得焦香，肥瘦均勻，入口軟滑。太陽蛋流心，撈埋飯食幾香口，青菜配埋黎解膩啱晒。最後食左個甜品一口迷你菠蘿包，三個迷你菠蘿包新鮮出爐超香，夠嗮牛油味，個包頂部夠脆，切開夾入香草雪糕配曲奇碎，冷熱一齊，雪糕奶香夠，菠蘿包外脆內軟。見到佢地仲有好多款甜品，感覺都好吸引，會想再黎試。整體三餸食得飽，味道穩陣，環境舒服，適合輕鬆午餐。下次想試吓佢哋其他港式點心同甜品。…Read More