DeryckTo的個人專頁

夜晚隨機搵嘢食，發現到呢間壽喜燒。網上即時比較附近咁多間壽喜燒，直覺揀呢間試試先。好彩Walkin直入。門面光鮮，雖然空間較窄，但餐廳樓底高，裝修配色統一有Feel。細緻位包括餐廳用日本音樂配襯，後來亦發現櫈底有得擺袋，更感認真佈置成個氛圍。兩個人叫咗最平同最貴嘅A4和牛Set：赤身180g同肉眼180g。無論份量、擺盤同A4和牛品質整體滿意。有前菜、飯/烏冬、牛、野菜盤、蘭王蛋、甜品。冇加一同埋打卡有牛/啤酒送，抵食後記：食飯途中店員告知隔離枱用餐時間已到，有人Book枱所以要佢哋走但我唔知實質用餐時間係幾長…查看更多

見網上多好評，menu賣相唔錯同款式多就諗住去試吓。店內環境睇落係幾好，幾有日本西式風味，夜晚去時冇乜人，咁就入去試吓。Menu選擇眾多，最後揀咗個黑朱古力mont blanc Pancake，內裏可以配唔同味雪糕。甜品到啦，對我嚟講賣相都OK。先食外層黑朱古力，初頭幾啖係OK的。不過可能係選配問題，再食落去就感覺比較膩，唯有夾住雪糕嚟食，中和一吓，唯一可惜Pancake食落好乾，夾住一大堆黑朱古力食落更乾。…查看更多

食物中規中矩，叫咗個四重芝土Pizza同芝士薯條。食物普遍比較淋，唔係好夠熱。重點係用自己電話QR Code落單，見到收服務費，Fine。點完餐問店員可否畀杯水，店員叫你自己行出去斟。我就搲哂頭，明明收我服務費，仲要我用自己手機落單，水又自己出去拎，咁仲收我服務費為何事？好心做生意就老實啲，提供應有服務畀客人。依家香港經營食肆已經唔易，唔做好自己點同其他餐廳競爭，況且唔少港人已經北上覓食，餐廳夠大，食物質素提升唔少，價錢抵食，服務又好。希望餐廳可以檢討吓。…查看更多