wilson_koo的個人專頁

在香港主流嘅酒吧文化（劈酒/ DJ/ Live Band）之外，探索一下調酒的品味世界。認真做Cocktail，畀得起錢嘅當然可以去五星酒店，但係要價錢親民嘅，除咗北角CURE之外似乎都唔多選擇。呢度一杯嘅價錢為$98。每人嗌左兩杯都唔貴。很多出名嘅酒吧嘅cocktail都係嚟嚟去去嗰幾樣嘢，或者用「好睇唔好飲」嘅材料俾人打卡，但係呢間酒吧嘅理念係想俾人飲到真正嘅和原創嘅Cocktail，推廣調酒文化，達致調酒的「藝術治療」，CURE就係呢個意思。Nostalgia in Glass Bar Manager Anthony話呢杯signature Cocktail概念來自不斷流逝嘅集體記憶，好似近期嘅新光戲院光榮退役，好想以Cocktail嘅形式去記錄我們的老香港🇭🇰。層次：第一步聞到肉桂香，然後會飲到咖啡和錫蘭紅茶做出嚟嘅鴛鴦，再之後榛子香，最後再肉桂糖漿完結，首尾呼應。Warmth & Whispers層次：煙肉脂肪洗過嘅波本威士忌，豐富嘅煙熏氣息，然後甜而微酸係波特酒同檸檬汁平衡。肉桂粉呼應威士忌嘅煙燻香。最後黑莓和蛋白為酒帶來整體提升。炸雞翼和炸薯條小食高質，有心機，火候控制剛剛好，可以同Cocktail完美配搭。…查看更多

呢間餐廳嘅3月菜單，全部都係啲頂級食材。八道菜每位$880，從頭到尾都係一場奢華嘅味覺之旅。一開始就嚟個紅蝦魚子醬盒，用一個高貴魚子醬盒奉上，帶嚟濃郁嘅海洋風味。前菜一，香檳醬北海道帶子。前菜二，法式蝸牛多士，絕對係星級配搭。再之後嘅海鮮清湯，清爽又細膩，龍蝦味好出。主菜一，大大隻鮑魚日本七星米risotto。米嘅特性比較軟綿，鎖住鮑魚汁，全部食晒冇剩。主菜二，30日熟成嘅美國頂級西冷牛扒多汁惹味。主菜三，辣味奶油醬三文魚意粉都不錯，只係食到呢一度都已經好飽。最後甜品改為中國白酒雪糕，未試過幾得意，如果再甜番少少就更好。這間餐廳環境溫馨高雅，佈置講究，適合悠閒地享受美食與美酒。餐廳展示出2023年度《Tatler Dining Awards》，肯定咗餐廳嘅質素。…查看更多

6 course $368，一路食每一道菜，都覺得水準有番咁上下，有心經營，可以再encore。惟有到差不多食完之後同職員傾開偈，先知道原來廚師係文華酒店嘅退休大廚。老闆有能力請到好廚師返嚟，但係可能宣傳唔算太多，餐廳唔算full，可能係有待被啟德人新蒲崗人發現嘅滄海遺珠？柚子焗蠔的柚子和蠔好夾，又大隻。Parma ham 正正常常。南瓜忌廉湯真係啖啖南瓜蓉，還可以。香煎大蝦係令我哋surprise咗嘅，新鮮又大隻，有如千幾蚊一餐、日本鐵板燒既質素。香煎比目魚忌廉汁也處理得不錯，肉質鮮嫩，賣相也吸引。甜品係法國焦糖燉蛋或Movenpick雪糕。餐廳環境幾有異國風情，橙紅色嘅牆身有一種亢奮好chill嘅感覺😆除咗食六道菜，都有散叫的選擇。lunch Menu 大概$100，打算下次試吓，如果真係同今次晚餐水準一樣，咁就真係幾值得食。…查看更多

🥢自助吧一入門口就比呢一個自助吧吸引咗最搶鏡就係個長腳蟹同蟹鉗肉質鮮美，酒店食自助餐嘅質素，但係唔使同人爭又平啲😆芝士多選擇，煙三文魚新鮮，個沙律菜新鮮又幾好食，唔係普通沙律，有羽衣甘藍，火箭菜，紅菜頭等等，個醬都好特別，食落係無菜青味，大讚👍🏻👍🏻🥢餐湯餐湯係南瓜湯，好濃嘅南瓜蓉，飲完都飽飽地，蒜蓉包正常發揮🥢魔鬼魚翅呢個要讚，食落口滿滿嘅骨膠原，魔鬼魚真係唔係度度有得食雖然細份少少，貴精不貴多🥢紅蝦意粉加咗錢食咗隻靚紅蝦，係好食嘅意粉正常發揮，少少辣幾香口個人來講，有酒店自助餐質素嘅長腳蟹，煙三文魚，芝士，好食沙律任食，再加上有質素嘅主菜同小食，可以媲美酒店自助餐但係價錢係自助餐嘅2/3,坐得又舒服安靜，唔使同人搶值得encore👍🏻👍🏻…查看更多

我幾時都覺得餐廳有職員負責煮晒所有嘢，唔使自己煩，唔會錯晒Timing，先至發揮到食材最好嘅一面。呢個服務計埋落去，呢個晚市價錢真係幾有競爭力，唔怪得呢間九龍城小店平日夜晚都多客人。佢嘅賣點唔係靚裝修，係真材實料嘅海鮮。今餐海鮮餐真係印象深刻，食材靚，好鮮味，直頭食完成晚都覺得口腔充滿海鮮味！我哋叫咗至尊海鮮套餐，每位419 加一。欣賞龍蝦肉質結實唔縮水，好多膏。太平洋饅頭蟹係罕有嘅食材，細細隻但係肉質鮮嫩非常。膏蟹勁多蟹膏，呢間舖頭海鮮來貨靚。食到最後仲有蒸蔬菜（好健康喎），海鮮粥，椰汁雪燕糖水，滿足。…查看更多

燈光下通透的和牛燒肉，花紋好靚，油脂慢慢一滴一滴流下來，欣賞了好久，嘖嘖稱奇！選了E級別的放题套餐，平日晚市598加一，120分鐘，頭盤的A4和牛扒已經不得了，塊牛肉同個燒烤盆一樣大。職員現燒，火爐好搶火，好似睇表演。今次食燒肉，多得職員負責燒所有頭盤，又經常睇住每一台客人燒肉嘅情況會出手相助，服務超級好👍🏻👍🏻👍🏻。我幾時都覺得餐廳有職員負責燒，唔會自己燒燶晒，先至發揮到食材最好嘅一面。真係幾開心，同一般燒肉真係另一個層次。和牛質素高，同宣傳照片一模一樣，件件都係靚肉，又好有牛味。多款選擇之中，個人覺得最好食嘅係「和牛里脊肉」，肉質細嫩，又唔會太肥👍🏻。至於「三角腹肉」，雖然影相靚，但係油份重咗少少，一試無妨，食多幾件就會濟😬和牛刺身、和牛壽司、都係好吸引嘅。賣相非常好，燒肉來講有埋和牛刺身供應真係幾pro。兩個人嚟食都話日本雪條放題、爆谷、棉花糖好吸引！牛牛呀，請容許我哋童心未泯的膚淺🍭，我要放棄你、開始食雪條啦！…查看更多

銅鑼灣時代廣場附近有Five Guys、Shake Shack，還有沒有其他Burger店立足？當然有啦！有間自稱「世一」和牛burger的小店就係時代廣場後邊的霎東街！大家睇吓門口玻璃上面大大隻字寫住World’s Best Wagyu Burger！$119的和牛漢堡，不論肉質、油脂比例、牛味都食到係真和牛，一咬落去肉嫩多汁，已經同平時食到嘅牛堡截然不同。有啲好食到返唔到轉頭嘅感覺🫣我哋同一店舖也叫咗另一個普通牛堡都被比下去。大家嚟到呢度，真係唔使嗌其他牛肉漢堡，只係嗌和牛漢堡就得啦。店裏店內都係意大利嘅異國風情，香港人可能會覺得有啲陌生，唔係好敢入去，怕要講英文，點知原來外國人侍應竟然識講流利廣東話👍🏻呢間舖頭仲有買Galato雪糕和Galato甜品，我哋叫咗朱古力吐司同熱情果雪糕。兩者口味都濃郁，偏甜。可以試吓。…查看更多

之前行砵蘭街外面見成個場都係BE@RBRICK熊，有型有格，已經好有印象。地舖環境寬敞，樓底高，仲有條好矚目嘅透明滑梯（不過因為安全緣故、原來係唔玩得嘅）。星期日晚去，人客都幾多。我哋早到先有得揀坐位。海紅蝦他他儍豹look大對眼望住…生蝦刺身的鮮甜配三文魚子的油漬，鹹味帶出蝦嘅鮮甜，味道配搭不錯，食材新鮮。水牛城雞翼香脆香辣的單骨雞翼，值得推介。馬拉盞蟹肉意大利飯蟹肉融合在龍蝦汁的意大利飯裏面，米飯的生熟剛剛好。不過上邊加咗仿蟹柳上去，唔係好明白點解要咁做😅。瑪嘉烈等女王手工薄餅加菲貓，食薄餅啦！手工薄餅香脆，分量十足，芝士和蕃茄醬冇令我哋失望。…查看更多

第二次食呢間，穩穩陣陣，屬於可以放心約人食飯的印度餐廳。小食試吓咖喱角以外嘅選擇：今次叫香草薯餅，外面香脆，裏面稍微煙韌，香味十足，有驚喜。主食又係試吓咖喱以外嘅野：Tandoori天多羅燒羊架，佢係餐牌到最貴嘅肉類菜式，$235，原來印度嘅鐵板燒烤，有好好嘅香草調味，同羊肉有好好嘅配合， 十分出色。另外叫咗印度椰汁咖喱雞，四平八穩，用嚟送薄餅一流。印度芝士烤餅，加咗芝士，當然好食啲啦。至於千層餅麵包似普通薄餅，我哋唔係好知道同薄餅有乜分別。服務幾好，兩個人晚市埋單，$450加一，價錢合理而且飽足。下次再嚟會試吓嗌啲未食過嘅菜式，繼續發掘印度菜鮮為人知的一面。…查看更多

寬敞的露營嘅環境，配上慢煮嘅烤肉，只要係年青人就會鍾意呢個地方。環境唔少打卡位，露營傢俬新淨，小油燈嘅燈光底下好有氣氛。我哋就喺呢個白色帳幕度影咗好多相。小食order咗墨西哥脆片，充滿溶化嘅芝士，相當滋味。上菜用嘅托盤都好有露營風。主菜order咗加拿大保濕豬鞍，紅酒燴羊膝。兩份慢煮烤肉都做到粉嫩juicy，醃料醬汁都有良好嘅配搭。甜品係賣相唔錯嘅比利時窩夫配雪糕。熱飲點咗hot chocolate 和水果茶。兩個人晚餐，埋單大概550加一。服務態度值得一讚。…查看更多

相對於港島區的標準Omakase，呢個九龍城區嘅串揚(大阪炸物）算係平咗一截 （$1380加一），但係三個原因它的質素非常高：1/最高質食材，每早上由日本魚巿場直送；2/日本師傅主理；3/聽日本師傅講故事。「渡邊先生的故事」。今晚竟然俾我哋有幸遇到了九龍城衙前圍道附近三間日本料理（北斗、浜淹、渡邊屋）的主理人渡邊先生！今年在香港37年，會講廣東話，雖然講得唔係好正，但充分表現出佢對日本飲食文化嘅熱誠，好想好好介紹日本，令顧客唔單只係享用美食，而係明白背後嘅豐富故事，呢個同師傅有趣嘅交流😅，都唔係去日本可以搵到😘。「串揚的故事」。串揚係源自大阪，但係餐廳係仿照高級的東京style 串揚，即係大老細放工去食嗰啲fine dining，水準超越了大阪嗰種平民化炸物（我幾年前喺大阪食過串揚，一大疊上，好似食緊大排檔咁）。但呢間餐廳果然係完全另一個層次。渡邊先生話，天婦羅Tempura 原來唔係日文，竟然係葡萄牙文黎，炸物係幾百年前由歐洲傳至日本嘅料理😮。「即日到港的故事」。傾吓傾吓又講到 ，所食到嘅海產係日本魚市場即日嘅貨！🔅前一晚11pm通知日本魚市場需求的貨🔅早上3-6am 日本魚巿場買貨🔅中午12pm坐飛機嚟香港🔅下午3pm送到來香港的店舖好多香港餐廳都係隔日，能做到即日嘅餐廳真係少之又少。聽到呢度，我竟然有少少眼濕濕，知道每一碟背後都費盡功夫，長途跋涉😭⋯$1400 一位，食過就明白佢嘅價值所在。（食材每次不一樣，相片僅作參考）…查看更多

九龍城有間corner 壽司店特別引起路人嘅目光：一、只能夠容納5位客人，2位師傅和1位員工，真係奇景；二、舖頭外面等位等外賣嘅人隨時多過裏面的5個客人，證明佢嘅受歡迎程度；三、小店在街角任路人睇通睇透，就好似一個強烈statement ，「好嘢我有得食，你哋有得睇冇得食，吹咩？」繁忙時間冇預約基本上較難有得食，今日嚟到餐廳係6:30 pm，幸好上一批客人準時離開，我哋就有得坐低。2個人叫咗一份壽司，盛盒，一個刺身丼，同埋一啲手卷和刺身，兩個人埋單共$600左右。兩位師傅喺我哋面前即叫即做，專業，有心機，食材質素高，新鮮，基本上性價比上好過好多香港嘅壽司店，唔怪得知佢堂食外賣都受歡迎啦。$138 火灸壽司盛盒$168 本鮪赤身蔥吞拿魚腩丼$98 日本馬糞海膽手卷$68 黑瀨油甘魚刺身$68 富山灣白蝦軍艦 （春天限定）…查看更多

山林道The Gate 有唔少我鍾意嘅餐廳，今次呢間日本料理冇令我哋失望。門口先係一個科幻味道嘅燈光裝置，同老婆影咗幾張相先至捨得入去。order咗一個shabu shabu嘅套餐，呢個套餐主打係佢嘅生蠔和黑毛和牛。原價$780，在OpenRice做緊七五折coupon更抵。前菜 - 冰頭漬三文魚軟骨、蟹膏豆腐、大根竹輪卷。前菜都幾特別，酸酸甜甜特別醒胃。冷盤 - 日本室津生蠔配柚子酸汁。新鮮嘅生蠔配日本獨有嘅酸汁，喺呢餐嘅靈魂所在。小食 - 魚子醬蟹肉蟹膏多士。唔錯。主食 - Shabu Shabu 西冷背肩肉眼黑毛和牛，野菜盛盒，稻庭烏冬。和牛輕輕灼一灼就放入口，入口即溶，油脂分佈超靚，大滿足。水果 - 赤肉蜜瓜…查看更多

鹹蛋超人、幪面超人、女超人、周圍都係超人！男人嚟到呢度可以周圍欣賞figure，未開始食已經好開心❤️今日刻意晏晝過嚟，午市二人前套餐有66折呀！識揀，原價2188加一嘅龍蝦鮑魚海鮮餐，而家1444加一。梗係晏晝過嚟啦。晏晝人數唔算多，而且餐廳劃分做唔同房間，舒適度一流！南非活鮑魚，鮑魚未煮嘅時候仲郁郁下好可愛😆煎得剛剛好，配合特製鮑魚膽醬一流。活龍蝦，睇師傅嘅噴火表演，原來係為咗令龍蝦火燒過之後更香，龍蝦質素好高，肉質美濃又結實，令我拆開每一隻腳食晒所有嘅肉😂龍蝦頭，仲攞咗去做鮮甜龍蝦湯添。帆立貝。新鮮食材冇得輸。日本A4和牛薄燒，牛肉好靚，配合即炒蔥蒜，食過印象難忘。蝦乾蟹籽炒飯，睇師傅用心做炒飯，功夫純熟，每個飯粒都炒得剛剛好，親眼見到廚師煮得咁好，我真係一粒飯都冇晒食晒。鐵板燒畫，想要咩圖案都考唔起師傅，最適合生日或節慶來慶祝打卡。（唔食得嘅）總括嚟講，今次所有海鮮食材非常新鮮，師傅功力又有返咁上下，服務也好周到，一直有過嚟幫手換碟加茶👍🏻鐵板燒冇任何油煙味，環境清潔。我會再返嚟encore。…查看更多

天氣寒冷想食串燒，又在openrice見到評價唔錯，今晚同太太到餐廳撐枱腳。炎鳥羽位於尖沙咀厚福街的商業大廈，一層一間餐廳，精緻嘅餐廳期待有高水準嘅製作。居酒屋有鳥串燒有刺身，所以我哋嗌咗2份一人前套餐 「炎」，要食勻餐廳的各種名物。前菜小碟刺身3款牛舌串燒，蘆筍豬肉卷明太子雞翼，雞頸肉，雞皮野菜2串天婦羅烏冬，雪糕$380一人套餐，串燒質素不錯，上菜時串燒熱辣辣，牛舌串燒趁熱食火候恰到好處。明太子雞翼和雞頸肉醃料剛剛好，有心思。但可惜嗌套餐就冇得指明食邊種串燒，完全由廚師安排。刺身新鮮肥美，套餐食咗六件好有滿足感，串燒居酒屋嘅刺身都有一定水準。天婦羅和前菜也用心製作，值得加分。套餐未有包括飲品，自己叫咗一杯大吟釀慢慢嘆。值得一提，居酒屋sake選擇多，如果人多Order一整支，仲有買一送一優惠添。…查看更多