Winak的個人專頁

原本想吃元祿, 但變了匠. 入去吃$98壽司拼盤加紅酒鵝肝壽司. 壽司蛋實, 吞拿魚有筋, 和牛有少許血水. 紅酒鵝肝無咩特別. 個價錢似係吃裝潢多過食物. 夜晚肚痛都唔知關唔關佢事... 唔會有第二次 (就算有熱食, 吉列都係咁話!) :(…查看更多

幾年前係上環返工, lunch time 吃這間的肉骨茶, 覺得藥味濃又熱, 冬天必吃之選.今晚2個人再想吃, 原來搬了, 好彩找到.肉骨茶小煲 (1人份量) - 湯色水都係咁濃, 但飲落藥味無以前咁濃郁. 可能一個小煲兩個人 share, 覺得腐皮, 豆卜唔係好夠 (因為我鍾意吃). 馬拉盞炒通菜 - 熱騰騰的上菜. 味道不錯.油條 - 諗住吃一碗飯唔夠, 加多個油條. 但係硬到... 好難食. 唔知係咪早上炸定, 到夜晚硬晒. 早知唔叫, 叫多碗飯好過.環境方面 - 我地坐牆位, 見到牆紙上有飛虫. 縱然我吹佢都無郁 (應該係瓜咗), 但係仲依舊痴係度, 影響食慾+衛生. 希望清潔下啦...…查看更多

小籠包數過真係有十八摺, 仲可以拎起盪鞦韆咁, 湯汁無漏到. 但係皮薄唔厚, 湯汁正! 以前係黃埔那間比, 而間至叫正宗嘛. 四季豆 - 涼菜, 不錯.杯鐵觀音都幾好飲喎, 我平時唔鍾意飲茶的, 都飲了好多杯.下次希望試下鹹肉棕.但飲品好貴, 一杯$18 的可樂/豆漿? 遊客可能會叫的...…查看更多

渴望已久想到見城吃, 但晚餐價錢著實付擔不起, 而每次午飯都過了他們的開業時間. 難得今早看電影晨早場, 中午終於可以光顧見城.Assorted Raw Fish Rice Bowl (Deluxe) - 有大蝦, 三文魚子, 吞拿魚等等. 老公吃的後感是: 選料與自選壽司差不多, 下次吃自選壽司好似好D.自選壽司 lunch set - 覺得不錯, 但唔係嘩一聲的感覺. 三文魚子 - 無重醬油, 唔會得個鹹字.壽司蛋 - 每間日本料理自製的功架, 見城的壽司蛋甜, 好似蛋糕咁鬆化. 吞拿魚 - 無我想像中入口即溶, 可能因為有根的關係.黃蘿蔔卷 - 切了條, 好吃D, 但較乾身.檸檬雪糕 - 有果肉, 仲有清新感覺. 似柚子雪糕.Coffee - 唔係即溶 coffee, 似沖粉 feel. …查看更多

上星期28 號tea time 入去吃，十多個客，但都有漏單的情況出現。侍應們：叫斟水唔記得；叫$14 一碟但到來之時用$16 的顏色碟，自己食客要留神；廚房個叮叮鐘響要經理提醒先會入去取食物。夜市滿座點做呀？論食物，係活粒貝好味；其他普通而已。千祈唔好叫穴子壽司，我從來未吃過好像用微波爐叮出來的鰻魚，條魚有熱氣但飯凍，油出晒來，但毫無烤過或燒過。仲要係漏單後追加，但要等好耐，微波爐叮都唔駛一分鐘卦？係板前/ 元氣/ 峰壽司都唔係咁，唔通係我大鄉里？等過多三四個月看看有無改善啦！…查看更多

呢度的午飯套餐有不含味精的湯水飲. 雖然我對飯後甜品不太喜歡, 但我頗喜愛在此吃中式小菜. 不過, 由皇后大道搭行人電梯到蘭芳園, 穿過街市, 上少許上斜斜坡; 都好鬼遠.…查看更多

呢度的牛腩好好味, 除了麵, 仲可以吃粥. 唔似九記得牛腩獨沽一味. 不過份量比較少, 通常會叫多一分油菜才飽. 午飯時間好多人, 特別係粥舖, 冬天很多人的. …查看更多

絕對同意. 元氣魚生越來越不鮮, 豉油仲係鹹水加色, 毫無醬油鮮味. …查看更多

生日在此吃自助餐，蟹腳越吃越有海水鹹味。龍蝦鐵板燒好多人掛隊，甜品都唔錯的，特別是雪葩！吃了三四杯。如果吃悶了普通的自助餐咁多肉的話，呢度係一個好選擇。不過訂座都好多人，未夠鐘開始，都要係出面排隊。…查看更多

聞名已久，排隊差不多四十五分鐘，幸好有海景位。食品不是想像中咁好，分量比較大，兩個人吃比較少選擇。豆腐沙律...普通啦。蟹腳天婦羅：蟹肉幾鮮！最騎呢是叫了橙汽酒，以為是已整好的，點知原來是要自己榨汁，倒落杯酒到。榨完要洗手，幾麻煩！…查看更多

餐牌的食物可以說是和民的翻版，沒有個人的特色。吃一兩次便吃完餐牌上的食物啦！特別推介的又不是真的很好吃，甚至沒有貨。很難再來吃，除非有新款的食物！不過很抵食，和民要三百元，在這裡只是二百而已！…查看更多

曾在2000年去過，上星期想再重溫鐵版鴨胸肉，可惜已經沒有了。餐牌上的只有普通的定食、刺身之類吧了。專程由九龍乘車過來，有點失望。下星期會搬地址去隔鄰七姊妹道，希望有新驚喜！…查看更多

訂了，到了即有，不用等，這一點幾正！叫了食品，很快便來到，不消一個鐘便吃完！炸軟殼蟹有點油膩。牛肉蔥燒幾得意，不過只有六件。日本珍珠生蠔幾鮮，是細了一點，沒有口感。三文魚頭湯的魚肉炸過，故好像油了一點。由於是訂菜的關係，所以限制每人消費要一百五十元以上。每一款食品皆是的的式式，大食的人可能要叫飯或麵才飽肚。侍應姐姐個個年輕，樣子清甜！制服特別。…查看更多

晚上吃壽司, 牛肉火鍋都幾抵食。八元一碟三文魚壽司. 不過火鍋要等水滾, 都幾耐. <br>海膽蒸蛋幾好味！<br>在美食廣場內, 算是有格調的了.…查看更多

電梯門一開，侍應欣勤招呼。一個湯鍋容納六種湯底，瑤柱白粥及番茄薯仔都可以做湯底！材料大概$28-38一碟。以鴕鳥肉最好味，又滑。蝦丸彈牙！係牛丸失色了些，太硬實。美國肥牛只有六片左右。九時後還有特價！但是火鍋區沒有分非吸煙區，可惜！…查看更多