phoenix811's Profile

好耐冇食韓燒，依家多數食日燒多，尼間都唔錯，賣相同新鮮度，我地叫左個set,好似係$499，再加多個豬$98，本身鍾意食醬油蝦$180，就叫左個試下，都幾大隻，彈牙，配左碗飯，但冇配紫菜，差啲，正常都會配包紫菜，但依間冇，所以差落都係差的，但其他都幾好👍間野都幾多人食，所以最好book定位，同埋book左位會每位送鮑魚一隻，都幾大隻幾正👍，但唔記得影相🤣🤣最後埋單差不多$1000（以上價錢都係大約既價錢）…Read More

買左週末及假日自助晚餐 - 極尚海膽、和牛、極尚海膽‧和牛‧龍躉盛宴 X 白桃の誘惑自助餐個名好似好勁咁，一心為左海膽去食，6:30開餐，當然即沖去食海膽同生蠔啦，生蠔還可以，雖然係預先開定左，但可以一次拎多幾隻，味道但去到拎海膽，我真係呆左，塊海膽細過指甲！！有圖有真相！！最令人失望既係，用餐時間係6:30-9:30，但可以去到7:30生蠔已經冇晒，7:50就話冇晒海膽…..感覺好似被騙咁，大家真係唔好去食呀…..真係好失望😞…Read More

今日收工後同朋友去深水埗行街，行到咁上下就去醫肚喇。深水埗出名多地道野食，今晚就同朋友揀左位於基隆街既蕃茄師兄。呢間餐廳查實平時係深水埗行開行埋都經過無數次，一直都好想去試試，今晚終於有機會。餐廳面積不大，只有幾張4-6人台加少少2人台，但台與台之間空間夠，唔會有太擠迫的感覺，用餐環境不錯。我地總共叫左兩個麵、兩個小食、兩個炸物再加兩杯野飲。滑一滑湯底濃郁但不覺肥膩，炒蛋好滑。正一貝子大花蜆隻隻都好飽滿，帶子先封煎過亦都處理得好好，唔會太熟。70度慢煮麻香瑞士汁雞中翼呢個瑞士汁雞中翼有別與一般既瑞士汁雞中翼，餐廳經改良後係醬汁度加入麻香味配料，令雞翼甜中帶少少麻辣香味，十分惹味。78度慢煮沙嗲豬腩肉豬腩肉肥而不膩，配上沙嗲汁一絕鮮炸魚片頭魚片頭每粒都好飽滿，炸得香脆可口。鮮炸紫菜墨魚丸墨魚丸啖啖都爽口彈牙，足滿墨魚肉，唔似坊間一般溝面粉的墨魚丸。加入紫菜更加香口，美味非常。檸檬雪梨露(熱)桂圓紅棗桑寄生茶(凍)…Read More

為補祝情人節，今日決定同女朋友到旺角行街街同食飯。知道旺角有個新商場T.O.P開左無耐，據聞係潮人潮物既集中地，雖然我同女友都唔算係潮人，但都來朝聖下，之後就去Lab Eat食飯。 餐廳座落商場5樓，商場就連接旺角地鐵B2出口，十分方便。因先前已訂位，所以一來到餐廳唔洗等就可以入座。餐廳裝修非常時尚，木色牆身配灰白色雲石台，再加上優雅的燈光及悠揚的音樂(重點係唔大聲)，令人感覺舒服，用餐環境舒適。除左室內，餐廳亦設有戶外用餐區，可以邊欣賞旺角鬧市既街景邊享用美味既食物。 餐湯 - 黑松露蘑菇湯 + 餐包餐湯非常濃郁，每一口都有蘑菇粒，菇味十足，愛菇人士必點。配上烘過的餐包，另有一番風味。 凱撒沙律凱撒沙律清新開胃，生菜爽脆，芝士濃郁。最重要係沙律上台前已經搞伴好，唔會出現牆汁分配不均的情況。 生蠔 – Fine de Claire據店員所述，餐廳每日都會從世界各地空運直送生蠔，確保將最新鮮，最當地口味既生蠔上呈予客人品嘗。今日呢款就係法國既Fine de claire，蠔身比教修長同簿，非常鮮甜，仲有淡淡既海水味。咁新鮮既生蠔只要配上檸檬汁加鮮已非常好味，雖然餐廳另有配兩款醬汁，但英雄無用武之地。 餐酒 – Riesling食生蠔期間，店員同我地推介一款白酒名叫Riesling，配生蠔味道非常出眾。果然無介紹錯，呢款Riesling果香濃，易入口，吞嚥後有少少果酸回湧，十分順喉。 主菜 - 芝士焗法國原隻麵包蟹肉伴牛油果意大利飯呢個意大利飯好有驚喜。原先以為只係普通一個蟹蓋將意大利飯蓋起，點知打開個蟹蓋後發現大量蟹羔。以為就咁就完，錯!蟹羔下面仲有已拆殼既蟹肉，完全估唔到原來內有乾坤，驚喜一浪接一浪。味道方面濃郁富有咸香，啖啖都有蟹羔同蟹肉，非常之有蟹味。 主菜2 – 炭燒澳洲穀飼西冷牛扒伴黑松露芥末牛扒柯打左5成熟。牛扒經炭燒後香氣四溢，外面燒得香脆，有crash感，內里鮮嫩富肉汁，可見火喉處理得河恰到好處，美味非常。 廚師精選甜品精選甜品有三款唔同甜食，分別為芒果蛋糕、雜莓及焦糖雪糕，可一次過滿足女士們三個唔同願望。 最後不得一讚既係每個熱食所用既碟都係事前預熱過，咁做可確保熱食唔會係上台途中及上台後急速降溫，影響食物味道，可見餐廳十分細心。…Read More

今日放左工同女朋友仔係銅鑼灣行街街，因為情人節無部佢既情況之下，佢大開殺界，越行越有。行到大約夜晚8點幾，佢終於頂唔順喇，話肚餓要去食野。 好彩我之前有做功課，經朋友介紹下，決定去試一試呢間位於銅鑼灣既西式扒房 – The Grill Room. 由於已經過左晚市既黃金時間，一上到餐廳唔洗等位，秒速入座。一入到餐廳俾我既感覺係好relax，燈光配搭得好好，令人好舒服。餐廳裝修走工業風，型格路線。 我地被安排坐係吧台位置。可以望住酒保哥哥為我地炮製飲品。首先上既係兩杯飲品 吞拿魚火燒過兩邊，食落揚逸住炭火燒烤既香味，吞拿魚份量亦足夠!讚!沙律菜配埋微酸沙律醬，好開胃同refreshing，為接下來既meat dish做足準備。到主菜喇，塊牛扒一上到台已經香到不得了，立即流哂口水。之後待應仲會即席磨上黑椒鹽，將牛香提升到另外一個層次。牛扒兩邊燒香，鎖住內汁，未切開已經見到啲內汁係咁彪出來，好Juicy。 個扒order左7成熟，扒身原全唔柴，食到最尾都仲係好嫩滑。 兩個醬汁入面，最鐘意綠色的醬汁chimichurri，食入口感覺清新。 最後就到意粉喇，女朋友獨愛墨汁意粉。蜆又好多隻落足本，再加上意粉份量亦充足，味道偏濃，富有咸香，埋岩我地兩個口味，女友食得好開心。原來呢度星期一至五下午5點到晚上8點有happy hour時間，酒類飲品有特價嫁，今次晏左來，下次要早啲~XD…Read More

今晚收咗工之後去深水埗探個朋友，朋友咁啱又未食飯，叫我買啲外賣上去佢屋企度食，所以就去咗添福小食度買漢堡包薯條等等嘅小食啦。叫咗big Mac、芝士薯條，熱狗王同埋椒鹽雞塊。係拎返去朋友屋企嘅途中已經聞到小食喺袋裏面散發嘅香味，香氣撲鼻，令人食指大動。到埗，開餐。薯條炸得好香脆，每條都有好飽滿嘅薯仔肉，同一般快餐店嘅薯條唔一樣，再點上芝士醬來食，定令人停唔到手，一條接一條。炸雞塊可能係返炸嘅原因，有啲硬，但係因為佢係表面上撒左椒鹽，同埋都算熱辣辣，幾香口。Big Mac ！即叫即做，牛肉漢堡裏便睇得出有調味過，同埋有夾雜洋蔥粒，相信係人手炮製嘅，配埋其他配料，包括爽脆嘅生菜同埋香甜嘅蕃茄再加埋底下嘅芝士，係我今餐最滿意嘅食物。最後熱狗王！熱狗包焗得香脆，配上多到爆炸嘅番茄醬同埋芥末醬，一啖咬落去好滿足。我叫咗四樣食物，總共先$78 ，兩個人食抵到爛。…Read More

今個星期六要上全日嘅堂，到午飯嘅時候，同學仔問我喺銅鑼灣有乜嘢好推介，我就話不如一齊去食漢堡包啦。冇異議嘅情況之下我哋一行三個人呢就去到位於銅鑼灣嘅burgeroom。查實呢間漢堡包店我之前已經嚟食過幾次，但我之前都係你食下午茶餐，午餐黎就真係未試過。我就點左個牛肉漢堡Double decker再加一杯1664生啤。另外仲同兩位同學仔share咗個芝士樓文薯條。講返個漢堡包先，包身烘過之後好鬆脆，同埋有搽上牛油嘅關係，食落有陣牛油香。兩塊漢堡扒亦都煎得恰到好處，表面有少少炭烤嘅香味，內裏好滑又多汁，加埋兩篇芝士真係Perfect match。喺下午仲要上堂嘅情況之下飲酒好似有點過分，不過唔理啦，食飽再算！…Read More

今日因工作關係要到柴灣附近的工廠大廈工作，話咁快就到午餐時間，就喺樓下間快餐店搞掂就算。呢間工廈茶餐廳都算出名，我喺好多其他地方嘅工廠大廈都見到有佢哋嘅分店。點左個三送湯麵食。三個餸分別係鯇魚腩、芝士腸，同埋豬肉丸。老實講嗰三個餸味道就認真一般，唔算係美食，只不過伴隨熱辣辣嘅湯餸上面，係呢個初冬嘅時候分外美味。而小弟最欣賞嘅就係佢呢一個出前一丁公仔麵，最最最最重要嘅係唔使額外加兩蚊，值得支持！…Read More

臨返到公司之前，見到有間小食店叫斗來香，鋪面面前蒸氣騰騰，立即食指大動。醒起自己原來冇買早餐，就停低買咗兩隻潮州粉果返公司食。粉果熱辣辣，再加上粉皮軟糯，餡料亦都多，配辣椒油加豉油食真係正到爆炸，唔使2分鐘已經搞掂，而且仲要$8有兩隻，抵到爛。…Read More

今日收工返屋企，阿媽打嚟話唔夠送，唔叫我去買啲外賣返嚟加送。咁啱我就行到譚仔三哥附近，諗都唔使諗入去買個湖南土匪雞翼同埋新產品麻辣生腸拎手。好！開動。雞翼拎到返屋企已經經過一段時間，但表皮仍然好香脆，啲肉仲嫩滑多汁，好嘢味。至於個麻辣生腸，生腸整得好香脆，食落唔會有浸陣異味，配埋秘製嘅麻辣醬汁，好有風味。大滿足！…Read More

今晚阿媽返工，無人煮飯。想食pizza好耐，再加上唔想外賣自取嘅我就決定叫外賣pizza。上必勝客個網碌兩碌，唔使好耐就揀咗呢個超級至尊薄批。大約20分鐘之後Pizza就送到，開盒嗰陣香氣撲鼻個Pizza仲熱辣辣。薄批包身香脆可口，配上意大利肉腸好有鹹香好好味，令人忍唔住一片又一片咁食，好滿足。…Read More

因為近期KFC推出左冬日限定既牛油蜂蜜脆雞，就同同事去KFC食午餐。因為本身我一直都無試過呢款雞既，所以期望話大唔大話細唔細，但同事就極力推薦。終於買到喇。表皮炸得香脆，再加埋牛油蜂蜜既面，成舊雞美味左十倍…Read More

今日去咗位於荃灣嘅愉景新城度行街街，原來今日有藍十字會舉行嘅全港青少年劍擊比賽。睇咗一陣之後再去行下，不知不覺已經到咗三點幾。想搵一個唔使排隊嘅地方度食晏，諗都冇諗過就決定去食老麥。叫咗兩個餐再加四件脆香雞翼。一貫麥當勞嘅水準，唯一差啲嘅就係薯條，唔知係咪太多人嘅關係好似未炸得透咁，就算新鮮出爐都係覺得好硬同埋林晒。…Read More

今朝早又晨早落深水埗搵食，咁啱行經北河街街市附近，見到呢間新香園茶餐廳，知道佢嘅蛋牛治遠近馳名，一於入去試一試。叫咗個馳名蛋牛治加熱奶茶。我專登叫咗烘底嘅蛋牛治，食落鹹牛肉好有鹹香，麵包亦都烘得恰到好處，飽身脆口，同鹹牛肉簡直係絕配。呢餐加埋總共$36 ，尚算合理。…Read More

今日收咗工之後又去深水埗搵食，呢間四川辣妹子查實我想食好耐㗎啦，今日終於都有機會去試一試。我同朋友係大約夜晚七點鐘去到。結果係冇位等坐一陣，要等隔離鋪收檔先至可以喺開張枱仔用餐。好入坐。二話不說叫咗一整條魽魚嘅烤魚。原本我哋諗住叫大辣，點知店主嚟提醒我哋話，佢哋啲辣度話都係好用手既，叫我地唔好立亂試。OK，我哋就選咗中辣啦。唔夠一陣，條魚已經送到。等滾一滾之後，我就試一試味。嘩！果然好辣，但亦都鮮味無窮。過癮！除咗烤魚之外，嗰啲重點左黑木耳、牛丸同埋薯粉。薯粉重點推介，經過烤魚裏便嘅既汁，再加埋醋嚟食，人間美味。…Read More