本身想食另一間，點知個間full booking；見到附近西餐呢間好評好似幾正常就入黎試試。睇人食評好似好多野食，但menu唔多選擇，打算叫個乳豬竟然7點幾就話賣晒..最後叫個扒同意粉轉跟餐（有湯有包），見侍應冇問扒要幾多成熟，我地就問有冇得揀，佢話問問；問佢daily soup係咩又話問問..都算了反正都轉左做套餐。最奇怪係最先黎既竟然係意粉，都即時同左侍應講我地有叫餐，佢就話轉頭會上湯同包，令我地呆左食晒意粉同扒先上包同湯...😷整體野食味道普通，扒旁邊既蒜頭生到完全食唔到又切唔到，而且份量少，食完仲要出去搵其他野食再食過；跟餐飲品hea到得檸茶/檸水同奶茶，唔知以為自己去茶餐廳食西餐，價錢貴，兩人埋單連加一都600，性價比真心唔高，出面有大把選擇，今餐我地都覺得好失望，完全唔知自己食左咩；如果有心做就希望佢做好啲啦...
…Read More
…Read More
