為食cat0615's Profile

我好小係度寫食評的，但今次真心唔想再有人中伏！路經見到呢間餐廳，見到好耐無食嘅新加坡菜，餐牌d食物都幾啱食，決定入去試下！叫咗桔仔話梅水$36一杯一飲完全唔係新加坡桔仔水嘅味道，甜到想喊，收得36蚊仲難食過我買支樽裝檸檬汁串燒豬肉$68 收呢個價錢得4串都唔緊要，比d誠意大串小小吖，得中指咁大咁粗，收68蚊，不過算係最熱同最好食㗎啦肉骨茶$118如果正宗肉骨茶收呢個價絕對合理，佢d骨骨茶唔包飯，唔緊要，芽菜都無，用金菇代替😩仲要得幾條金菇，幾舊煲湯一字骨仔，幾舊開邊豆泡，上枱只係微暖，完全淡而無味，咁樣就叫肉骨茶？真係對唔住個呢個名蝦麵$118一上枱又係微暖嘅，完全無蝦味都算，嗰隻開邊蛋，係冰凍咁凍，點可以咁都比個客食㗎？？？真係唔好當人未食過新加坡菜，唔要求你做到一樣味道，都起碼比番d誠意，食物要熱上，味道似番7成以上都好吖，真係無下次…Read More

上星期訂咗7點晚餐，呢間餐廳已經幫襯咗幾年，食物退步咗好多，叫咗個燒牛肉，成個牛肉係凍嘅都算，係生到唔知有無3成熟，直情係最到有一小部分好似無燒過咁，其他菜都係唔夠熱。最嬲係訂咗7點晚餐，我哋大約19:05入坐，3個人叫完餐到上菜大約係7:25已經上齊所有菜，我哋邊食邊傾，佢就不斷睇住邊碟差唔多食完已經問我哋要唔要跟住佢好快已經收哂我哋嘅碟，我哋仲飲緊嘢(仲有半杯沙冰)，7:42佢突然拎改單埋嚟話出面有人等枱!!!點解我咁清楚係呢個時間，因為佢明明寫住用餐時間係90分鐘，我以為我哋食咗咁耐所以即刻睇下個錶，有無咁趕吖，咁樣趕客法，加上食物難食咗咁多，絕對唔會有下次…Read More

公司就係附近，經常都會經過呢間餐廳，但都未食過，今日咁啱又經過，見佢餐牌有我最鐘意食嘅蕃茄牛肉通粉，就叫外賣返公司試下，一打開見到個湯好似好稀咁，心諗，好似中伏喎，應該好淡口了，點知一食有驚喜啊，濃淡適中嘅蕃茄湯底，個牛肉真係有鮮牛肉味，試過食其他餐廳嘅牛肉通粉係一d牛肉味都無的，加錢要咗佢個多士，原來個多士係奶油做的，好味要埋佢個樽仔奶茶試下，個茶好滑，唔算好甜，啱哂我呢d鐘意小甜嘅人，下次要試下佢個海南雞先得，每日限定得100份的…Read More

今日天氣熱到無哂胃口，又唔想食熱嘢，同男友決定係屋企附近間壽司店叫外賣，企係門口無耐我都未開門，個女店員已經笑住口衝住出嚟幫我開門，問我想食乜，點完餐仲話天氣好熱叫我坐係餐廳等外賣，服務同禮貌都好好，今晚我就叫咗烏冬加壽司定食，男友就叫咗幾件壽司，本來諗住價錢咁經濟無咩特別期望的，點知食落，魚生又新鮮，個烏冬都好滑，壽司仲平到有d係7蚊件咋，下次一定會再幫襯…Read More

男友係早三日前已電話訂座今晚18:30，到餐廳時個待應左搵右搵都搵唔到我哋個BOOKING，跟住問我哋餐廳中午有無打電話RE~CFM我哋，我心諗，你哋漏咗我哋個BKG又點會有人打嚟再CFM我呢，之後話要等多30分鐘睇下有無人唔到先比到枱我哋都唔緊要，最嬲係佢講咗句《我哋餐廳唔係好大㗎咋，無乜可能會漏BKG囉》我哋即時比番個電話紀錄佢睇，我哋真係有打嚟book枱，漏咗唔緊要，唔好講到好似係我哋無訂枱走上嚟R位咁囉，如果我哋係無訂枱，根本唔會知你餐廳係分兩個時段，一段係18:30,一段係20:30囉，生日飯原本係開開心心嘅，比佢搞到一肚氣走人…Read More