踏破鐵鞋盧覓雪的个人专页

服務不知所謂 世一劣質餐廳新開諗住試吓，佢個早餐都係百分百集團嗰啲嘢，正正常常，雞扒同隻炒蛋好老，而通粉都係百分百轉左嗰隻肥仔通粉，冇坑紋，湯底偏淡，叫咗杯凍朱古力我知朱古力本身甜，就係驚佢額外加糖，叫咗走甜，我本身都鍾意食甜嘢，但係杯朱古力甜到好似飲糖水咁，舉手叫侍應可唔可以比杯冇咁甜？佢拎走左返出嚟換杯溝咗水嘅朱古力，但加左水都係好甜，同埋佢搞到杯嘢好肉酸，我話而家淡得來淨係飲到甜味，不如你換杯齋啡俾我算啦，樓面同我講廚房話整咗冇得退，最後飲咗一啖成杯冇郁過真係食牛奶冰室都冇咁嬲，食到成肚氣，冇下次食完呢間嘢真係刷新三觀🤷🏻‍♂️#服務一流 #百分百 #不知所謂…查看更多

本身樓上番工星期五諗住對自己好啲搵間好啲既餐廳，叫左三個點心一個甜品地方舒服，乾淨，但應該有人包左半個廳，因為斷斷續續都聽到後面有人歡呼，等左足足9個字 吹單，話入廚房跟，之後無人update過我，淨係話催左隔咗一陣拎個甜品過黎，楊枝甘露，普通野食完又係等。。。最後等唔到要走，埋單同事先話今日部電腦壞壞地飲左啖茶 埋單盛惠$99，真係食到成肚氣！明白有時故障大家都唔想，但希望你哋都會有機制點安撫等成個鐘又食唔到午飯嘅客人…查看更多

一直佐敦番工都無留意到，南京街呢度開咗間泰國菜，今日同幾個同事放工行經就黎聚吓腳，因為我哋有六個人，揀咗近門口嘅位置。順帶一提，我幾中意佢近門口活動式嘅半窗間隔配高台呢個組合，可以睇到街外情況之餘又唔會熱，舖內裝修都有花點小心思，地方乾淨。店員服務態度正常，見到兩個師傅係燒爐位置，一個泰國姐姐加一個本地人，同附近嘅客人都有講有笑，但淨係識笑無用，因為我係黎食飯，即管試試佢咩水準，雖然我地一行6人，但有一半女士，食量不大，所以我地都係叫串燒為主，畢竟呢間舖主打串燒：等左唔算耐，先黎嘅係燒牛舌心，煙肉蕃茄仔，雞皮，師傅有解釋牛舌邊緣位置較硬，而且牛味較淡，所以佢地只會保留較中間位置。的確，牛舌心外層焦香，口感軟嫩，牛味香濃，我特登再翻查價錢只係賣22$串，性價比十分高！坊間唔少串燒店都有燒雞皮，一般食到嘅都係全脆，呢度嘅雞皮外脆內軟，邊種正宗我就唔知，但個人比較喜歡外脆內軟嘅口感。再黎嘅係燒豬頸肉，同樣火侯同時間掌握得幾好，有肉汁，燒豬頸肉最忌燒到太老，鞋口，配呢個泰式醬汁令我諗番起早幾年去曼谷嘅Sala Daeng街邊檔食串燒嘅味道！跟住有泰式燒原隻魷魚，燒茄子，正常。值得講嘅係泰式燒白鱔，呢個試完真係番唔到轉頭，超正！魚皮香脆魚肉彈牙鮮嫩，仲保留到超多肉汁，可選是今晚最精彩之作，睇到眾人反應令到不愛白鱔的同事都試左一口，如果呢個時侯再黎一杯冰凍既泰單就不得了。另外仲點左一堆海鮮，是日人均消費200，6個人都食得飽，可謂良心小店，今晚最可惜店內似乎未有酒精飲品供應，店員表示正在安排，希望下次黎果陣有機會盡興！…查看更多

個Best Friend近排好想去日本，於是就同左佢去搵居酒屋，止下心隱。西環呢間太吉嘅餐廳，環境食物都唔錯。坐低慢慢傾計，有出街食飯嘅機會就要好好珍惜每樣份量適中，啱哂我呢啲貪心既人，每樣都叫下食下，一次過滿足幾個願望~~先黎鮟鱇魚肝雖然一月中至二月尾先係吃鮟鱇魚嘅最佳時，但係呢間啲色調味好夠，用咗蒽丶豉油，仲有少少辣味，十分不錯。之後試左個雞翼有炭燒香，食嗰陣店員仲主動問洗唔洗濕紙巾，認真夠貼心。牛舌亦都係我頭號愛將之一，入口幾鬆軟，有啲黑椒，入口帶少少香味，自己落埋鹽就味道更佳。牛肋肉唔油膩蜜糖香渗入牛肋肉之中，加埋啲燒汁，食落口十分惹味。個人最推介煙肉荔枝卷估晤到煙肉同荔枝係咁配合嘅。呢度嘅煙肉非常香口，入口幾脆，夾埋啲荔枝去食真心好食！我哋研究咗個最佳食法，就係先含住煙肉荔枝卷，feel下煙肉嘅鹹味，之後再咬爆粒荔枝，feel下荔枝嘅鹹味juicy，食落非常正。菠蘿好”o i shi”燒熱咗，又大嚿，燒完仲keep倒啲 juice，岩哂我呢啲好怕蔬果整完冇哂D juice 嘅人！Overall黎講，野食味道確實唔錯，而且價錢都係一般日本菜嘅價位，值得再嚟同朋友食返餐傾下計。…查看更多

冬天已經不知不覺間來臨，係時候要食d熱野暖下肚。集火鍋、刺身、私房菜於一身既壹食就醉就岩晒冬天去食餐勁！黎呢到一定要叫佢地最拿手ge主題菜：清酒卜卜蜆。經過清酒煮完既卜卜蜆，啖啖清酒香，忍唔住不斷食。卜卜蜆細細隻，密密食都唔會飽到食唔落其他野。唔想打邊爐都可以學我咁叫小菜黎食。薑蔥焗桶蠔同馬拉戔炒生菜都係唔錯選擇，桶蠔大大隻，鍾意食蠔既朋友一定唔可以錯過。馬拉戔炒生菜非常開胃，同朋友食飯飲酒吹水一定唔少得。火鍋同主題菜大部分都有得揀大份細份，兩個人去食又得，幾多人去食亦得，正呀喂！…查看更多

約左朋友食飯,黎左深宵食堂食野,個感覺好似係日本既居酒屋,好懷念日本呀! 坐低無耐叫野食,睇左個Menu,食物選擇都多下厚燒羊扒，都幾厚片，燒得唔錯，唔會太硬。仲有個醬可以俾你點坐黎食。羊扒燒得幾香，唔會乾爭爭。男胖子最愛，柱貝細細粒，一口一啖，鮮甜味都足，入口唔錯。燒雞翼,大推，食材個味好夾，雖然好香，但唔會遮左個雞味，而個燒得好好。煙肉串燒都唔錯，有卜卜脆的口感。呢度嘅串燒價錢唔太貴，而且款式都幾多選擇下，下次可以約多D朋友一齊黎，咁就可以叫得再豪氣D，可以再食多小小野。…查看更多

同朋友黎黃金買野,佢買完野我地再去附近食野，依度好多餐廳,都幾方便見到呢間德豐潮州餐廳，好似好特別，就入左去食喇！繁忙時間等左一陣先有位,屋村餐廳多數都比較多人,不過證明餐廳應該係有質素,唔駛驚中伏餐廳環境有情調而優雅，以木色系列為主的餐桌椅，特別有味道！先來一個豉椒炒花甲味道剛好不會太酸或太辣味道濃郁,沒有味精的味道再來一個碧綠川椒雞球,真的很大份味道新鮮,雞肉份量多,入口滑溜,不過稍為熱,要小心鹵水鵝很好吃.,十分有味道…查看更多

好耐無食日本野，今次又食小編最愛既廚師板。聽個名就知呢間餐廳主要提供鐵板燒同埋日式野食為主，改得店名做鐵板燒又點可以唔食。呢到既鐵板燒提供2人餐或4人餐，倆小口黎食又得，一班朋友一齊眾下亦得。小編同友人叫左鐵板活鮑魚套餐2人份量（$668），前菜為豆腐和風沙律，主菜包括三文魚刺身、鐵板活鮑魚、香煎銀鱈魚、美國安格斯牛肉薄燒、煙肉黃金炒飯、日式炒椰菜，湯品係活蜆雜菇麵豉湯，最後甜品係雞蛋布甸。前菜沙律既醬汁味道酸酸甜甜，相當清涼同開胃，係店家自家調製，值得一讚！主菜三文魚刺身每個人分到3片，而且係厚切既三文魚，非常足料！鐵板活鮑魚真係無呃人，未放上鐵板前d鮑魚仲識郁。佢地揀既鮑魚相當新鮮，所以唔需要太多調味已經好美味！香煎銀鱈魚主廚將魚皮煎香，再用牛油、鹽同埋少許醬汁去調味，唔需要再自己調味。美國安格斯牛肉薄燒主廚會問客人牛肉想煎幾成熟？大約煎到7-8成熟就可以，裡面包裹住香蒜同蔥花，十分惹味！煙肉黃金炒飯主廚加入蛋漿同時旁邊炒香煙肉混入飯中，令每一口飯都帶有煙肉既味道。日式炒椰菜經過係鐵板快炒，爽脆得黎又帶有胡椒味道。湯品活蜆雜菇麵豉湯加入左各式菇類，最驚喜係蜆肉，鮮味十足。甜品雞蛋布甸口感柔滑，甜度適中，蛋味濃郁，係呢餐完美既結尾！…查看更多

平時都鍾意周圍去, 影下相去發掘下D新餐廳,特別係小店! 今日就去左上環古董街同埋PMQ影相, 行到日落就係搵食既時間!朋友係上環返工同我介紹過呢間隱世餐廳, 位置唔算方便, 但識飲識食嘅朋友介紹到, 就突登行過黎食, 呢到門口有幾特別既老虎塗鴉, 只要認住呢個iconic 的塗鴉就一定識黎呢度!飲品 - 檸檬薑茶$42坐定定先叫左一壼清香怡人的檸檬薑茶,所有兩個人分享岩岩好前菜 - 柚子菠菜沙律 $48呢個沙律我同朋友都認為好好食，入面有柚子果粒,車厘茄, 紫椰菜, 沙律菜等,個汁好開胃, 沙律菠菜好新鮮, 好岩女仔食.主菜 - 慢煮36小時紐西蘭牛面肉 $148 慢煮幾時都係我最愛, 唔會有OVER COOK, 又唔會生得滯之餘又保留到肉汁。基本上控制到個適當溫度就唔會差得去邊!因為今日唔想食steak就揀左呢個牛面肉.牛面肉煮到好淋，再配個紅酒汁好好味.其實牛面肉真係第一次食，食落口感好似牛脷。個份量都唔小，兩個人女仔食係夠食有突。SIDE DISH - 牛油炒蘆筍苗 $38好香牛油味, 蘆筍苗食得出係新鮮貨, 無渣, 有菜蔬嘅鮮甜。加左少量調味,咸度剛好第二主菜 - 肉醬意粉 $78呢個意粉係特別為左個肉醬意粉怪朋友叫既, 佢一見到任何餐廳有肉醬意粉,就話都一定要叫。芝士份量好充,而且有拉絲!!芝士同肉醬份量夠哂多, 夠Mix 哂成個意粉, 肉醬好夠味, 岩哂我地呢對芝士控 +意粉控,好邪惡但係好好味甜品 - 雜莓比利時窩夫配意大利雪糕 HKD$42窩夫熱辣辣上枱, 最APPRECIATE 佢即叫即整, 唔會整好哂等係到。最鍾意比利時窩夫口感比普通果D窩夫實淨同埋煙韌, 外邊又脆脆地, 真係十個好味有一百個。 再配埋士多啤梨醬, 同配上士多啤梨和藍莓等的新鮮水果， 可以中和窩夫本身偏甜的味道。好FRESH!叫左咁多野, 人均消費都唔洗$200! 仲要唔洗加一, 朋友真係無介紹錯!…查看更多

幾經辛苦約到一間深水埗好出名成日好多人排隊既拉麵鋪 唔講咁多！開餐醬油雞骨叉燒拉麵 $93最初睇名以為係雞骨，但黎到喜出望外有醬油既甘香味唔咸唔淡，正！味道都算濃郁睇得出師傅好俾心機去咬制湯底！豚骨灸燒叉燒魚介拉麵 $98 叉燒係拉麵中常見既主打呢個特別就在於佢既炙燒肥瘦分配均勻加上啖啖既炙燒香味叉燒咬落唔乾身又唔硬口感岩岩好！麻醬辛辣免治肉担担麵 $83聽職員講好似撈左日式麻醬既味道同埋重慶四川咁既口味麻中帶小小辣 岩晒驚辣朋友 再撈埋粗身既麵條食 一流啊口感！每條麵條痴埋濃郁既醬汁相當惹味～我地仲以優惠價order佐幾款小食職員推介我地試:日本屋台行列脆口餃子 $22內脆外軟既效果加埋特配既醬油十分好食！除佐叉燒拉麵之外佢地既叉燒炒飯 $38 絕對值得一試！呢個炒飯同平時食既唔同唔乾身，食落仲啖啖叉燒香成個炒飯好足料！炒飯配料簡單～只有叉燒同香蔥但意想不到既出色同好食另加既小食真心抵食！同朋友一齊仲可以試多幾款而味道同份量都唔錯強烈推薦三五知己一齊去試！…查看更多

平時番工係附近食LUNCH望到依間「火水爐」就覺得好神奇有趣裝修充滿懷舊樓上茶記既感覺今日放工約埋一班同事來食上到樓上 彷彿好似番到80年代既感覺身邊既同事仔當然即刻周圍影相留念去呃LIKE經姐姐介紹下，先知水火爐晏就都係有午餐食而夜晚就係 2小時～放題式既打邊爐我地今次揀左$258既 花膠雞安格斯海鮮套餐成個套餐～包埋餐前小食、海鮮拼盤、甜品同汽水任飲餐前小食就係炸魚蛋同埋燒埋仲配埋個帶少少辣味既豉油啱晒一邊等埋其他同事一邊搵嘢食而套餐既湯底有兩款濃厚花膠湯鍋 同埋 招牌花膠麻辣雞煲因為唔食得辣既我地 又想滋補養顏既我地就揀左濃厚花膠湯鍋湯底十分足料 一撈起滿滿既雞同埋花膠 十分真材實料～飲埋果啖湯 雞味十分濃郁火水爐提供既配料相當多選擇肉類、粉麵、雲吞水餃、丸、蔬菜同一般火鍋配料等等一應俱全仲正係套餐仲附送埋海鮮拼盤拼盤有蝦、蠔、墨魚滑、沙白、鯇魚 份量都相當多 亦都好新鮮甘多款入面我最鐘意墨魚滑因為墨魚滑相當彈牙 仲帶有少少馬蹄粒 口感十足～我個人十分鐘意食餃子類既野火水爐既水餃類十分高汁！雲吞入面包住左大大粒有蝦肉肉同蝦既比例剛剛好，餡料飽滿韮菜餃都唔輸蝕嫁！韮菜非常香，吸收埋濃濃既雞湯咬落口，湯汁爆出～正啊！仲有火水爐既肉類都相當唔錯我特別欣賞佢地家既特級安格斯肥牛絕對係鋪頭既必食推介牛味十分濃郁 仲要肥瘦適中識食既你一定必點～其次丸類都相當出色個人大力推介墨汁墨丸魚同埋蟹子丸由裹到外都好墨魚啊～用墨汁同墨魚丸打混 食到陣陣既墨魚汁既咸香味又食到墨魚肉既鮮甜味而蟹子丸相當新鮮絕對唔會雪藏太耐既貨色吸埋濃郁既雞湯 咬湯口即刻爆晒汁！！！最後成個套餐仲有個甜品就係喚起每位香港人既童年回憶既─涼粉冰涼粉冰配料有紅豆、雜果、涼粉並係冰上面淋左淡奶～將所有配料撈埋來食簡單又好食～火水爐由裹到外都誠意十足由裝修到食物既安排～都滿滿香港８０年代既味道十分值回票價…查看更多

鰻魚迷今次黎到呢間SEN88，無非都係想試下佢個活海鰻會席（$488）。係日本川越食條名物燒鰻魚，都要幾乎三舊水港紙，SEN88呢個活海鰻會席，據聞係買啲鰻魚返黎養一排先膛黎食，好似真係零舍不同！不過最緊要既係，呢個會席當中包括沙律、刺身、海鰻年糕、海鰻天婦羅、海鰻籠仔蒸飯、海鰻玉子蛋糕，咁多嘢都係488，CP值未食都覺得高！季節沙律，比較少見會放上炸魚皮，感覺新穎，醬料幾開胃，啲菜都係新鮮既，頗有誠意。開胃菜之後就係比較清淡少少既刺身3合，日本人流行從清淡既食物開始食，所以先上啲清淡既刺身俾大家熱下身。甜蝦刺身好大隻，好鮮甜，一入口就俾啲蝦膠漿住咗個口，吞嚥之後仲會回甘。最鍾意佢連蝦頭上，可以啜埋入面啲蝦膏，萬萬不能錯過！赤貝刺身由於味道比較清淡，師傅用咗青檸同柑粉用果酸黎帶出佢既鮮味，所以入口嗰陣會有陣清香果位，頃刻之後就係赤貝鮮味爆發既時刻，都真係估唔到咁淡既貝類，竟然可以俾佢調到鮮味至少放大咗幾倍，真係厭食都俾佢勾到暴飲暴食。最後一款刺身係深海池魚，師傅好有耐心咁介紹食材既種類同分別俾我地聽，原來池魚同深海池魚係兩種魚黎，深海池魚脂肪超多，入口即融，高級食材既好處就係鮮味同腥味分得好開。呢塊深海池魚刺身完全冇魚腥味，反而有一種淡淡既油脂香，一入口就化曬，令我差啲唔記得今日主角係鰻魚！首先打頭陣既活海鰻蒸年糕，賣相有啲似日本既年糕福袋，但油炸過既表層入面除咗年糕仲有啖啖海鰻肉。年糕原本冇乜味，但海鰻有佢獨特既鮮味，年糕屬於一種比較吸味既食材，所以互補之下，吸收曬鰻魚既精華，令成個年糕都含有豐富既海鮮味。感覺的確幾新穎。之後上場既選手係活海鰻天婦羅。我夠膽話，大家係出面一定冇食過咁厚身既鰻魚。唔係講笑呢舊鰻魚天婦羅幾乎有一個五蚊銀咁厚身，一咬落去成口都係鰻魚既脂肪，肥美到幾乎要搵支美極黎助興。值得一提既係呢個鰻魚天婦羅肉質係彈牙，而唔係出面肉質鬆散既次貨，完全係食得出呢條鰻魚生前係幾咁有活力鍾意做運動。終於到主食上場了，活海鰻籠仔蒸飯。賣相搞笑，完全係酒樓既點心籠，不過入面就係鰻魚汁蒸飯同大大舊鰻魚肉。細食之人不必擔心，呢個套餐並唔係以米飯黎填飽你既肚，而係用鰻魚豐富你既心靈！當你以為頭先既鰻魚天婦羅已經係人間極品，咁呢隻蒸飯上面既鰻魚就係天國極品。只係兩舊鰻魚，就已經幾乎蓋曬整個點心籠，你心入面可能會懷疑廚房入面係咪斬咗條百年鰻魚精。彈牙、多脂肪呢啲係基本，精華係鰻魚之下既米飯。每一粒都係充滿鰻魚汁同埋脂肪蒸完留抵既精華。食完一啖又一啖，係完全停唔到口，絕對唔可以睇少看似平平無奇既鰻魚飯。最後甜品係鰻魚玉子蛋糕，呢個菜式真係聞所未聞。用鰻魚精華所製造既玉子蛋糕，係有三層既味覺享受。第一層係蛋糕既鬆軟，入口綿密；第二層係蛋糕底下既一層玉子，入口彈牙軟韌，最後一層就係咀嚼之間散發出黎既鰻魚香。呢個係一道極具創意既甜品，看似鰻魚與蛋糕風馬牛不相及，但師傅巧妙地揉合兩者，的確有心思。呢個活海鰻會席食之前覺得cp值高，食完之後覺得cp值簡直係爆表，仲可以睇住師傅表演刀工，順便普及埋食材知識，真係唔知一舉幾多得了。總括而言，係值得一試再試。…查看更多

好耐無同朋友同朋友見面朋友即興約放工打邊爐 梗係舉腳贊成啦！朋友推介我地去一間地道重慶麻辣火鍋店 - 渝味曉宇果然無推介錯～地道得來又好食睇番門口個大木牌～終於明白了！！渝味曉宇係重慶麻辣火鍋50強入面既NO.1來到No.1既重慶麻辣火鍋店點可以唔試呢？我地就叫左鴛鴦鍋（即大骨滋補 + 重慶辣湯）食重慶麻辣火鍋當然唔少得地道既配料！曉宇嫩牛肉($78)我既朋友超級鐘意依個曉宇嫩牛肉新鮮既牛肉口感一流再加上店家處理過後牛肉即使比熱湯滾熟後 都可以維持鮮嫰既口感值得一讚！槄田毛肚($108)毛肚就係我地香港人成日講既牛柏葉但就無經過漂色 所以仲保留黑色而同我地平時食牛柏葉方法並唔同唔係一舊舊 而係一片片口感薄脆相當得意！！！手打四寶丸($119)四寶丸當然就有4款口味墨魚丸、蝦丸、牛丸、魚丸4款相當新鮮～都係新鮮既肉打成當中我最鐘意就係蝦丸！～蝦丸仲保留左少少蝦肉～彈牙既口感中帶點蝦肉～鮮味十足曉宇苕粉($48)苕粉就係我地平時食到既寬粉/薯粉而就比我地平時食到既就再寬D放入麻辣湯浸完真係好爽好正！大刀牛肝($88)豬潤就食得多真係比較少食到牛肝而牛肝既味係相當濃郁再加埋店家附送一隻雞蛋用來拌可以令牛肝保持鮮嫰鐘意食辣既你 絕對唔會失望可以點埋附送既干碟～辣得好爽！美國安格斯優質肥牛($198)店家既肥牛都相當優質牛肉同埋脂肪比例相當均勻牛味相當濃郁～份量亦相當多好抵食！～火鍋未來之前我地幾知為食貓又點會令自己肚仔餓呢？就叫左幾個特色既內地小食來品嚐一番紅糖糍粑($68)當然唔少得我既致愛身為黏韌控 點可以唔叫依道紅糖糍粑呢？紅糖糍粑係大陸好出名既小食但每間鋪頭做法都唔太一樣但大致上都係糍粑（即糯米造成既米團）上面淋上一層用黃糖煮成既糖漿而渝味曉宇既糍粑經過微炸 所以米團黏韌帶點香口而糖漿既部分 不會過甜或過濃 岩晒我地依班怕肥既港女！重慶炸酥肉($58)重慶炸酥肉真係一道止口痕既小品肉條沾上炸漿 相當脆口就甘食或者浸落湯都一樣好食我地忍唔住一口接一口甘不斷食渝味曉宇～完美甘還原我地平時係大陸食到既味道！而價錢都相當合理每人都係＄250到掛住麻辣火鍋～絕對可以來止一下相思之苦！…查看更多

要環境有環境要嘢食有嘢食, 而我去親自助餐都唔知點解好鍾意食人哋嘅壽司🤣🤣而呢度我最鍾意食, 就係佢哋用紫菜包住嘅壽司卷, 有青瓜蟹柳, 睇落好似好普通😌但係真係好幾好味㗎, 食咗好幾次😆而且最令我深刻嘅, 仲有佢哋嘅甜品. 甜品分開咗兩邊, 一個甜品櫃另一個係甜品架, 所以鍾意食甜品嘅話, 呢度嘅選擇都幾多㗎! 自家製嘅cheesecake更加出色!!! 我哋每人都食咗好多件😜😜必試必試!! 而且另外仲有一啲中式嘅食物, 例如蒸魚呀炒粉麵呢啲咁! 最後好想介紹畀大家嘅係佢哋呢一隻綠色嘅螺, 個個人食完都話好好味😄餐廳嘅裝修都好舒適, 夠曬光潔明亮. 而且坐喺窗邊嘅, 都係啲落地大玻璃. 慢慢歎住杯茶, 望著窗外嘅風景, 係真係幾有feel㗎! 而且每位仲會包一杯餐飲正正子😌…查看更多

男朋友最近同朋友 食左一間唔錯既燒肉鋪我地向來都係牛角既VIP所以佢食到好食 又點可以唔帶女朋友仔我去呢？鋪頭就坐落係尖沙咀 君怡酒店既附近去到門口既時候睇到 店鋪既裝修相當有日本風味門口既牌 都係帶有漫畫既蹤影入到去既時候職員相當好客同NICE 主動為我地講解店既名物 職員既服務令我覺得自己彷如身處係日本甘樣拿到MEUN既時候先發現難怪啦！牛繁～係日本十分出名既連鎖燒肉鋪而且係唔同世界既各地都有分店同埋份量相當多～性價比好高！(開始想轉行做牛繁既FANS了！)經店員推介我地叫左唔同款既肉去試當中有幾款相當唔錯～令我地回味無窮！蔥燒鹽香牛舌 $88牛繁既牛舌～相當有誠意薄脆既牛舌擦左一層微咸既醬汁經過燒烤完 口感相當脆口又充滿牛味大家可以將蔥鹽醬加入少少檸檬汁之後將蔥鹽醬係牛舌上面 再捲埋來食！～正到不了～壺漬牛肋條 $98份量相當之多～有長長既兩大條！店家將牛肋條、唔同既椒同埋醬汁放入壺仔入去腌所以肉質相當軟腍同入味建議大家可以一整條拿去燒燒到大約6-7成熟到先再剪段甘樣就可以保存到肉汁！同埋口感亦唔會過老～嚴選櫻姬雞腿肉 $58除左作為一個牛魔王肉類來講，我就最鐘意食雞肉而香港普遍雞既肉質係變軟同無口感店家用既雞係櫻姬雞既雞脾位置唔洗太多調味料～肉質口感同雞味已經勝晒！特選豬頸肉 $58豬頸肉就是男朋友最愛既肉因為口感脆卜卜又充滿油香味而店家用既豬頸肉相當唔錯再加上少少鹽醬～當然男朋友迅速清盤！大人氣！霧島溫泉蛋飯 $48而店家一大名物就係溫泉蛋飯來到一定要拿來拌你地既肉啊！！！！飯上鋪滿左大量既飯素中間放左一隻溫泉蛋～就甘食…都…好好味啊！食燒肉又點少得野飲呢！～梳打絕對係我地既首選我地就叫左巨峰提子梳打 同 柚子梳打@ $45一啖燒肉一啖梳打～再打埋個隔身心舒暢！～本身一直係牛角既粉絲係香港一直試極都無咩可以同牛角鬥既日式燒肉鋪今次試完牛繁～我同男朋友仔又多左一個新飯堂了！！！…查看更多