yanyanchiba's Profile

BBQ最怕就係落大雨，但好彩今次同班friend去左呢間燒烤場，有一大個cover擋住d雨。落雨又如何？XDD講返呢度先，個場真係好大，放左唔少遊戲機俾大家娛樂下，大人仲可以租麻雀打。燒烤場係放題式，包一枝水同一罐飲品，食物選擇多，不過建議可以多d蔬菜類。加40蚊開爐費，師傅好快手。第一輪食物好快就俾我地清哂～方包係bbq必食之一，加蜜糖燒兩燒，外脆內軟。幾種蔬菜入面最好食係翠玉瓜，燒完唔會乾，內裏好juicy。估唔到bbq都有土匪雞翼，仲要燒完都咁好食，我都忍唔住食左4隻。魷魚比較辣，但好大塊又彈牙。义燒粒醃得好入味。蒜香雞翼都好入味，但蒜味可以再濃d。呢隻魚蛋燒完d芝士溶溶地超好食。…Read More

唔知點每個月總係心思思想食餐好ge日本野，4月岩岩先開始，已經忍唔住拉個friend去食餐好。XD今次我就決定食日式串燒，所以同好友揀左呢間銅鑼灣餐廳。Menu超多選擇，有好多特別款式。先黎牛油果沙律，撈胡麻汁冇得輸，好多牛油果粒。條鯖魚幾大條，好厚肉，個皮燒到好脆身。芝士粒新鮮炸起，咬開好熱，要小心食。呢個豬肉卷冇叫錯，配搭荔枝好juicy！初初以為個烏冬得魷魚，但食食下發現有唔少配菜，好似豬肉洋葱咁。海膽好大塊，炒飯粒粒分明。個燒雞翼漲到d明太子就黎漏出黎咁，仲燒到皮脆肉嫩。Service唔錯，有不斷加茶。…Read More

呢晚帶左個fd黎睇利東街個地球，順便食餐好。我地冇揀定邊間餐廳，不過見呢間韓國菜裝修幾靚就食下啦。入面環境暗暗地好有feel，同平時食開ge韓國菜好唔同，連menu都精緻過人。我地叫左一個飯一個小食一個炒粉絲。落單後餐廳送上前菜，泡菜幾好食，中間食唔出係咩，但唔辣幾爽口，右面應該係青瓜。粉絲彈牙，好多料，勁多蝦，仲有帶子同魷魚，辣辣地幾惹味，係油多左d。平時我唔多食雞皮，但呢個雞翼一定要連皮食，味道甜甜地，個皮仲要好脆身。上菜個陣唔覺得佢熱，但撈起個飯上黎都滋滋聲出哂煙。撈埋佢個韓式辣醬真係唔錯。…Read More

又到星期日晚。。好sad。。因為聽日又要返工。。。為左令自己忘記呢個事實，我同朋友決定食餐好！我地都想食西餐，所以最後隨機揀左呢間餐廳。未到7點已經7成滿！好受歡迎！餐牌好簡單，選擇都算多，我地叫左一個set dinner再加野食。好多西方黎ge酒水。先黎set入面ge三文魚他他。隻碟好鬼有feel。個sauce 幾靚個三文魚，擺盤幾靚，如果份量再多d就好了。我地叫左個青口，份量都幾多，每人有廿幾隻。配埋個薯條，幾香黑松露味。呢個好得，豬腩肉一層肥一層肉，配埋清新青蘋果沙律，夠哂balance。朋友話個牛肉好淋好夠味，蘆筍爽口，個薯蓉超滑。個甜品好有驚喜，香港黎講，呢個tiramisu 整得幾有水平！…Read More

冬天一轉眼就過去，但打邊爐的興致從未減少。為左係天氣未開始熱之前多來一晚邊爐夜，我們決定今晚到這家台式火鍋店一聚！呢間分店好似新開，我地都係第一次黎。最中意呢度食物選擇夠特色。我地叫左枝豆漿，都幾有豆味。今次第一次食寧神窩，好足料，個湯好好飲，好補！叫麻辣湯ge好處可以免費追加鴨血。呢個水蓮菜我都係第一次食，估唔到有驚喜，好爽口，滾幾下好快食得。我地叫左3款餃子，個人認為水蓮餃最正！寛粉條係我每次必定叫ge！真係好Q彈，配湯一流！響鈴出色，真係鮮炸脆卜卜。個豬肉都幾多塊，肥瘦均衡！…Read More

尖沙咀雖然多餐廳，但就一係好貴一係就唔好食，黎呢度lunch有時真係幾頭痛。頭痛還頭痛，都要醫肚的，今日就揀左呢間日式咖哩店食lunch。其實佢都好多款式 可惜係佢d咖哩飯只係得餸＋咖哩＋飯，菜都唔會俾多一條。。。真係dry dry地。。。想食下蔬菜就唯有加錢。。。本身佢擺盤ok架，係我衰，遲左影相。XD講返碟飯，其實個炸豬扒都幾高質素，唔會乾淨淨，皮又夠脆。個咖哩汁最好就係可以揀辣度，飯又可以揀飯量，岩哂細食ge朋友仔。…Read More

利園三期好似開左好多餐廳，今次就捉左個fd食呢間西班牙野ge餐廳。雖然餐廳唔大，但裝修好有特色，感覺高檔次，擺左好多風干豬脾～仲有酒tim～Menu有好多tapas選擇，我地叫左3款。第一個係蛋餅，幾特別，食落口有蛋香，個汁帶少少辣。之後係炸芝士，好多芝士，而且個甜椒好淋好好食。跟住到鯷魚多士，真係好少食呢種魚，但完全冇腥味，所以易入口。到pasta啦，個意粉煮得岩岩好，個醬好掛麵身，仲好多火腿粒。最後係天使麵，個蕃茄汁辣ge, 但味道唔錯，都係好多火腿粒～…Read More

突然天氣又轉涼，你知啦，天氣凍就最好打邊爐！所以拉左個friend黎呢間出名雞煲ge餐廳食餐好！我地想早d食所以六點幾就黎，唔使等位。一張湯底紙，另一張揀料。我地得兩個女仔所以冇叫雞煲，而揀左個蕃茄粟米湯。冇揀錯！黎到飲左一啖，好有蕃茄味，仲好足料。西班牙黑豚肉，油花勻稱。手打丸彈牙新鮮，最愛蝦丸墨魚丸。豬肉丸加左冬菇有咬口。雜菇有幾款，仲有一款岩你心水。冰豆腐好吸湯，我地次次打邊爐都會叫的～油麥菜好新鮮，滾兩滾就食得。第一次食咁樣ge墨魚滑，幾特別。呢度好在有d食物可以叫半份，兩個人黎都可以叫多幾款～…Read More

呢間拉麵店其實之前都食過，不過印象冇今次咁深刻。佢裝修左之後個場光猛左，menu有冇改過就唔係好記得啦。😂我地八點幾食都不停有人排隊，似乎都幾受歡迎。我地兩條友，一人叫左碗拉麵，再叫多兩個小食同野飲。波子汽水好懷舊，蘋果汁飲落似係日本蘋果汁，冇死甜味。呢個黑蒜拉麵辣辣地好刺激，湯底會heavy少少，但配香蔥木耳一齊食感覺冇咁油膩。我幾中意呢個湯底，唔會太濃，調味岩岩好，勁多木耳香蔥，配拉麵超夾。仲有個义燒，雖然薄身，但肥瘦適中，入口幾香。餃子都幾足餡，記住點汁食。呢個真係新鮮炸起熱辣辣，件件雞都咁大塊，真係幾抵食。想講一下服務唔錯，店員有禮貌。…Read More

又口痕了，好掛住日本的味道。。忍唔住今日捉左個fd去食拉麵～因為佢個門面好日本feel，所以我地揀左銅鑼灣呢間拉麵店。呢度主要有3款湯底，我地一個叫雞白湯一個叫辛辣豚肉。等左10分鐘左右拉麵到了～先試湯頭，雞白湯好濃雞味，而雞义燒係厚切好抵食。仲有個蛋，中間係糖心！朋友的豚肉拉麵，豚肉超厚而且燒過有油香！拉麵應佢要求夠硬身，湯底亦夠濃厚。我地仲追加左個唐揚炸雞，新鮮炸起好香口！一上菜朋友已經忍唔住食左件！…Read More

又到左星期日晚，為左逃避星期一要返工個種灰ge心情，我地決定搵間relaxing感覺ge餐廳食好野。最後揀左呢間有野玩ge餐廳。裏面真係好大，好欣賞老闆唔會放到d枱咁迫，仲用左一部分空間放足球機，桌球枱同飛標機，俾客人任玩，呢個真心正。雖然佢有set，不過今晚我地決定散叫。鋪枱張紙大家可以留意返，個個人都唔同，好有心思。呢個combo有炸雞塊洋蔥魷魚mozzarella chesse薯仔栗米，仲有水牛雞翼。岩哂三心兩意ge人。最正係佢有四個醬，總有一款岩你心意～跟住係燒雞，個皮脆卜卜，肉質ok唔算鞋。個底d veggie記得食埋佢，有燒烤過ge香味！個burger 幾juicy，仲好多料，個口細d都幾難一啖過食。XD…Read More

去銅鑼灣唔怕冇野食，最怕係唔知食咩好，好似今日同朋友想食日本菜，一睇open rice已經有超級多選擇，揀下揀下就黎左永光中心呢間小店。中午佢好多lunch set選擇，我地叫左一人一個。先黎前菜同沙律。前菜應該係白蘿蔔，味道唔會太濃。麵豉湯裏面除左慣有海帶，仲有少少櫻花蝦干，比一般有心思。蟹肉飯有超超多蟹肉同魚子！一定要撈好先食，可以加少少豉油調味，perfect！之後係天婦羅飯，有好多件炸物，隻大蝦夠厚肉同大隻！炸冬瓜同炸南瓜都好味！食完仲有甜品送。大。滿。足。…Read More

成班friend都係港島返工，所以我地幾個有時都會黎灣仔食飯，今晚就揀左呢間中菜餐廳聚一聚。門口睇落有種金碧輝皇ge感覺。餐廳都算闊落，唔會好迫。Menu有不少選擇，我地今晚叫左一個羹，幾個小食，一個煲，一碟飯。燒腩肉好正！真係一層肥一層肉，個皮脆卜卜，我地幾個都爭住食。义燒偏瘦，但食落口軟糯。炒飯有好多櫻花蝦，飯身炒得幾干身，香口。重頭戲，海皇羹，足料！有四碗岩岩好夠我地幾個分～最後係雜菜煲，好多厚冬菇片，菜煮得比較淋，但勝在款式多。…Read More

北京菜最有名ge應該係北京填鴨，不過今晚黎到呢間老餐廳，我地因為得兩個人，所以最後決定放棄叫鴨，而選擇一些簡單菜式。餐廳裝修簡單，但好有中國風。其實菜式好多選擇，冷的熱的甜的咸的。先黎炒菜，初初見到咁多辣椒真係好驚會太辣，但食落口又ok，d辣味帶出左碟菜ge鑊氣。之後係餃子，個皮唔會太厚，芹菜同肉比例岩岩好，食落有淡淡芹菜香。最後係擔擔麵，雖然佢花生香唔夠濃，但麵質取勝，唔會好淋，但又唔係個種有咬勁ge，食落有麵粉香，岩哂我口味。最後想讚下個菊花茶，堅好飲，好香！…Read More

成日都覺得係香港想食好ge日本野都一定要大出血，平個d多數都好麻麻。但今次黎到呢間尖咀日本野，性價比真係好高，每人兩舊幾水都已經好夠食，事不宜遲，去相！因為menu 太多選擇，所以揀左小食黎post。先黎壽司set個蒸蛋，味道甜甜地，仲好滑～同一般香港人一樣，我都係好中意食三文魚，好肥美！特愛炙燒！呢個真係好好好抵食，蟹膏極香，又多蟹肉。個海膽係creamy到爆，一d腥味都冇！吞拿魚蓉又係爆多，食極都有！XD拼盤都係二百幾蚊有好多舊壽司，我一黎就搶左舊海膽。XD 不過我有留返隻蝦俾朋友架，佢都話好鮮甜。個三文魚子都好正，粒粒都脆卜卜，新鮮！…Read More