祖祖_JO JO's Profile

我覺得食一餐飯, 食物質素固之然重要, 但服務態度都好緊要....食物質素平庸但服務態度好, 你會再去幫襯, 但食物質素再好, 服務態度差, 我未必會再考慮去, 何況食物質素唔好呢!!!上星期, 男友買左本 講"飲"講"食"男女....介紹元朗3間食牛丸既地方, 一間叫勝利, 一間叫嘉麗園, 2間都食過, 我覺得好食! 最後一間佢用 "隱世" 黎形容, 仲話好多街坊都會幫襯, 好早要去排隊 tim 男友好雀躍, 星期日一早 九點幾就叫醒我, 最後12點2個字入到去, 已經見有人龍 .....佢準時12:30分就開門....人潮一湧而入, 一時間, 全場爆滿, 阿姐逐一落 order :)12:35分, 終於完成落order, 接落黎既時間就係等........等.........等...........:(12:50 起初男友等得有點不耐煩, 我安撫他....可能好好食呢都坐底坐, 等下tim 啦!!!:(:(但只見廚房入邊不段出外賣, 一袋一袋既都係外賣.....1:00, 開始到我不耐煩.....平衡8袋外賣先一轉做堂食.....咁o岩有個 ar 姐經過, 我問佢, 轉做外賣係咪會快d, 另一枱有個男人都出聲, 係啦, 等左半個鐘啦, 你地淨係出外賣, 個ar 姐一句唔好意思都無就話, 我地又做外賣, 仲有另一間舖係"o個" 邊......結果都係等... 不過個心想走左好多次, 每次想走, 我就同自己講, 等多陣....食過就知龍定鳳, 好食都未必再返黎, 唔好食就更加無下次.....1:15分, 終於有野食......淨牛丸, 淨牛根腩....牛丸 -- 有別於勝利 及 嘉麗園, 我都好相信佢係手打, 不過質感係唔爽口, 唔彈呀....至於味道方便, 牛肉味略遜....不過又唔覺佢好有味精既鮮味淨牛根腩 -- 普通, 唔洗入到元朗食總結, 佢d 野唔係我鍾意食既野, 我鍾意食牛有 牛"蘇"味, 佢無, 牛丸唔彈牙, 唔爽口牛腩唔夠肥又唔夠 "林", 無乜牛味我成日都講, 好一餐唔好又一餐, 你鍾意食既唔代表人地都鍾意, 你唔鍾意既都可能會有人鍾意, 不過要咁樣等法就世係假.....…Read More

十月一日國慶, 男友都仲要返工:(lunch 時間陪下佢食飯啦, 因為胃口唔係咁好, 男友提議食粥, 方便起見就選擇左係佢公司樓下食 估唔到假期都要等位, 男友問仲等唔等, 我話真係想食粥wor, 男友話ok, 咁等啦....不需5分鐘, 帶位果個問介唔介意搭枱, 緊係唔介意啦叫左 皮蛋咸肉粥 淨雲吞 湯浸芥蘭 白粥一碗先講個淨雲吞 - - d 雲吞超細粒, 勁多糊椒粉, 個湯底基本上係味精湯 (我相信出邊求其一間麵店d雲吞都好食過佢)皮蛋咸肉粥 - - 無食過皮蛋, 因為係男友想食, d 咸肉 又唔好食, 個粥又勁多味精, 仲打左個底, 本來已經唔多舒服既我, 食左幾啖之後仲覺見唔舒服....男友就叫停, 叫我唔好食湯浸芥蘭 - - d 芥蘭幾靚, 好爽, 不過個湯就又係味精湯白粥 - - 男友食, 佢話又係打左個底...唔好食wor埋單 $150...貴...唔緊要, 好食既話 $200都比, 不過咁既水準真係有d過份.....真係唔明點解竟然仲有咁多人黎食....係咪我比較挑釁??…Read More

因為一個節目所以黎左lee 樹 節目播出第二日就黎左, 一點幾黎到...唔洗等位, 不過要搭枱!! 咩都唔洗諗舉起手講唔該, 結果無人理:( 因為樓面得2個...佢地忙到不得了, 老板係我身邊行過, 我好快同佢講奶茶紅豆冰!! 結果老世邊行邊講...無啦無啦...唔好意思...賣晒啦 下~~~ 賣晒?!?! 結果飲唔到 :(:(因死心不息, 最終星期一就仆左出去 今次選擇過左lunch 時間先黎因為我估佢地應該會準備多d 紅豆冰呱賣呱....應該唔會又買晒既今次一樣唔洗等位, 都係要搭枱!!!! 眼見佢地今次仲好忙...坐底唔夠5分鍾已經見到起碼3 pair 人未食就走心想我又唔趕時間, 又一定要食到為止,咁我就好靜心咁等每當一有人望黎我就示意我想叫野食....過左唔知5, 6, 7 定 8 分鐘...終於有人黎啦, 第一時間就叫左 ~~~ 沙爹牛肉出前一丁 + 奶茶紅豆冰沙爹牛肉出前一丁 ($17 + $4 出前一丁) 先黎 ~~~ 好食~~~ d 牛好好好食...好明顯係無比梳打粉醃過, 仲有牛肉味又唔"鞋", 雖然係無用梳打粉醃過但一d 都唔 "un"...好好食, 仲好有水準 tim , 個出前一丁又煮得o岩o岩好 加埋就 = 好好食奶茶紅豆冰 ($16) 再黎 ~~ 飲啖先 ... 點講呢, 佢又唔係唔好飲wor...起初諗佢會好甜, 但又唔係wor, 奶茶有茶味, 紅豆好大粒而且夠淋...不過本人覺得...2樣野係唔可以溝埋一齊 下次會分別試下佢既奶茶同紅豆冰...Anyway...都係開心既一餐~~~ 埋單既時候, 老世連聲多謝同唔好意思 ...真係客氣~~~…Read More

男友係太子睇完醫生話好想食打冷, 攞起手機隨即上openrice search 下果區邊樹有打冷, 男友見佢好評如潮, 心想一試.....不過地址係新填地街有d 驚"雜"wor, 但見佢好似咁得....試下啦....跟住openrice 既地圖搵lee 間舖...搵左陣...好熱...不如問人啦...我走去問左個女人, 我問 : 唔該, 新填地街係邊樹??女人答: 你係lee 樹過馬路,一路向果樹(指後)行, 轉灣就係我再問 : 係咪有間野食打冷嫁女人答 : o我~~~陵發, 指過對面 你見果樹有排紅色燈果樹就係啦見個女人一問打冷就知我講係陵發.....應該真係好野黎wor.....朝住果個方向行, 一去到...已經有好多人排晒隊啦, 咁出名又咁多人係樹等, 緊係打死都唔走要食啦等左半個鍾, 終於有位啦2個人叫左 鵝片 - 正....好有鵝味, 有咬口, 而且個汁好入味.....完來打冷既鵝片係可以咁好食嫁蠔仔粥 - 我對蠔麻麻地, 男友叫既, 佢話d 蠔洗得好乾淨, 不過我見仔蠔好大隻呀, 都唔似蠔仔墨魚拼鵝腸 - 好好食, 好有心, 通常係出面食墨魚拼lee 拼lu, d 墨魚都係凍既, 不過佢係暖嫁,鵝腸洗得好乾淨, 又爽....而且去晒肥膏....正食完真係好開心 往後果幾日都仲好掛住lee間野....男友仲不厭其煩咁向佢d 朋友sell lee 間舖tim…Read More

五間太平館都有去過, 之前不嬲都喜歡叫佢個焗豬扒飯o岩o岩係佐敦附近 又 諗起好耐都無食過 所以決定係lee 樹開飯一如已往, 焗豬扒飯係必食既, 望住個餐牌....叫多樣咩好呢, 見佢廚師推介葡國雞飯...口水湧出, 男友又讚成 葡國雞飯先出場.....試一啖個葡國雞汁....好味....再食舊雞, 好滑, 不過好似有d唔夠熱....再食落去, 發現有舊雞唔夠熟 可能因為係緊熟, 所以先咁滑...不過係咪應該安全至上呢??焗豬扒飯 後上.... 細碟左, 而且以前有2塊吉列豬扒, 今次得番一塊 :( d 飯本來係炒飯底, 今次都係不過好明顯小左蛋去炒.....個飯都小左好多....以前係"龔"起...今次係平嫁...:( 個飯底小左蛋去炒當然就無咁好食, 但個吉列豬扒都仲幾好食....不過焗豬扒飯收 $83 蚊, 葡國雞飯收 $100蚊......比d咁既制成品出黎真係有d 唔o岩lor:(...食完出黎, 男友話緊飽咋....下次我估再黎既機會好底.....…Read More

見網上好評如潮...決定要黎一試...如果駕車黎真係要打醒十二分精神望住 "甲龍村" 如果唔係真係有d困難....搭小巴方便d, 不過就要行大該 10 - 15分鍾..而且沿途小心車輛....裡面想食飽肚既野唔多, 所以只o岩食下午茶或飯後甜品咁遠水路入到黎當然咩都要試下, 茶葉蛋, 燒賣, 燉奶, 芒果布甸 再加農場鮮奶茶葉蛋 ~~ 唔香, 無咩茶葉味...不值一試 燒賣 ~~ 5蚊5粒, 幾貴, 細細粒....唔難食, 不過又唔係好食 燉奶~~好濃,好"傑" 不過都幾"溜" 芒果布甸~~ 超正....超好食, 又多芒果肉....必食呀 農場鮮奶~~ 新鮮, 不過牛奶味唔夠濃.....問男友會唔會再黎...男友話超超超超無野做都會再黎....我都有同感.....總評為 笑 只因個芒果布甸.....…Read More

早排諸事不如....決定每月初一及十五都食齋 積下福, 不過從來都無打算係lee 2個日子特意去齋舖食齋...因必定多人....不過今次 男友話2個人食飯如果我食齋, 佢都唔知可以食d咩 同埋叫餸都好難叫, 咁不如就齊齊去齋舖食.....結果未夠8點就黎到, 出面都企左大約十個人.....入去攞飛先....佢話要等15分鐘, 結果15分鐘後真係可以入去座,不過要搭枱...無所謂啦粟米豆腐羮 -- 係男友叫既, 我覺得怪怪地, 可能唔多接受粟米同豆腐溝埋, anyway...清清地 ok 啦"錦魯"雲吞 -- 又係男友叫既....真係完全唔好食...個雲吞連d齋餡都無無,又唔脆, 個汁水 liu liu...得個酸字....d 麵筋加埋個水 liu liu 既汁變左一 pak 野.... 枝竹豆卜炒素雞 -- lee 個最好食...可能因為我鍾意食枝竹豆卜同素雞...不過男友話鹽既分佈好有問題, 佢食過一個豆卜咸到佢想死....始終尖沙咀蘇小姐果間最好食…Read More

先講個感受先...地方環境唔錯...有情調.....全餐飯不過不失, 不過唔多似食緊泰國野.....不過唔關餐廳既事, 可能係我地叫既野唔係地道泰菜野啦....三個女仔叫左個2人套餐($288)...包括有 2碗湯 , 3款小食 (當然,2人套餐,每款只有2件), 2個主菜 同埋2碗白飯....不過都已經足夠....湯~~紫菜海鮮湯 -- 唔難飲, 只是覺得有點怪,泰國餐飲紫菜海鮮湯 ... 不是應該飲冬陰公嗎?? 3 款小食~~春卷,雞肉沙爹串,唔知咩米紙卷 -- 春卷~還可以, 沙爹~好食, 米紙卷~難食 2個主菜~~咕嚕大樹波蘿魚柳 及 豬頸肉炒雜菜 -- 先講魚柳, 其實唧係咕嚕肉變咕嚕魚柳, 難食都有限, 不過魚柳有小小小小小腥同唔夠香口, 只屬一般 再講豬頸肉 -- lee個好食過個魚柳, 終於有番d泰菜feel套餐以外叫多左2款飲品...一杯士多啤梨雜飲($35), 侍應推介, 有好多士多啤梨肉,喜歡士多啤梨既人應該僧覺得好飲...另一杯係荔枝椰青特飲($2x), 好清, 不過唔夠荔枝味..只屬ok全餐飯不過不失, 不過唔多似食緊泰國野.....不過唔關餐廳既事, 可能係我地叫既野唔係地道泰菜野啦....以前都有黎過lee 間香辣屋d野食ok...不過今次就有d失望.......…Read More

o岩o岩前果幾日先比番食評佢, 今日去開錦田....順個便入元朗食牛丸..今次記得影番張相比大家睇....七粒牛丸加紫菜淨牛丸 $22 + $1 外賣費…Read More

3間餐廳選1間, 最後黎左lee 樹食晏時候唔洗等位就有位....打開餐牌有好多既選擇, 花多眼亂...不過最後選擇左泡菜牛肉飯餐, 友人就叫左鹽燒鯖魚餐同我地落order 果個主任唔知係態度唔好定係本來佢把聲就係咁粗魯....把聲唔太友善, 友人叫個鹽燒鯖魚餐, 個主任就同我地講要等起碼15至20分鐘...友人話ok點知唔洗3分鐘友人個鹽燒鯖魚餐已經上枱 唔係要得15-20分鐘嫁咩?? 反而我個餐就等左成10分鐘鹽燒鯖魚餐 -- 條魚好大條...試左小小..不過油左d泡菜牛肉飯 -- 其實同吉野家既質數差唔多....不過唔係好夠泡菜...唔辣其實質素唔係差....不過價錢偏貴…Read More

年幾前睇租盤同個經紀黎過飲杯野吹下水.....搬左黎lee 頭之後就無再黎過....今日忽然諗起, 就黎食個lunch 先叫左個快餐 A -- 蕃茄薯仔雞絲湯飯 + 熱檸水蕃茄薯仔雞絲湯飯 -- 賣相一般.....雞絲變左做雞片, 雞仲有雪味....蕃茄薯仔湯底唔夠味...連帶d飯都唔夠味....不過d薯仔好好味....…Read More

一向以為食牛丸就要去勝利, 點知有日同開朋友吹開水, 佢話有間嘉麗園仲好食, 決定走一趟 去尋找 牛丸的故事...只有口述既地圖, 男友駕車亂打亂撞結果比佢見到, 可惜無地方泊車唯有買外賣上車食只叫了一碗淨牛丸, 結果除了牛丸,個湯底竟然有紫菜牛丸比勝利既大粒, 而且還要彈呀....至於牛肉味就2間不相伯仲再有機會入元朗, 嘉麗園應該會係我食牛丸選擇既地方…Read More

男友哥哥介紹西環有間日本餐好食, 結果食閉門羹...四周圍找食之際...男友隨便見到佢就話"扒王之王" 即時係我腦海之中浮現 " 美式雜扒餐" 同 鐵板有"咋""咋" 聲既情景男友無反對...結果就黎左...叫左 美式雜扒餐 同 西冷牛扒餐, 另加一件鵝肝餐湯 ~~ 羅宋湯, 唔飲開紅湯既男友都話ok...餐飽 ~~ 仲熱...加埋牛油, 幾好食西冷牛扒 ~~ 好大件...不過好薄...一d都唔似西冷...用梳打粉醃過...d肉好林無咬口,無肉味, 伴菜 (紅蘿蔔, 雜菇, 粟米) 咸到不得了美式雜扒 ~~ 有豬扒, 雞扒, 牛扒, 香腸, 火腿.....最好食就係條香腸煎鵝肝 ~~ hk$28蚊都預左唔會好....結果又唔係想像中咁差, 煎得都唔錯, 外脆內軟...只係軟唔係溶化....不過嗒內小小有d 苦好耐之前都有去過扒王之王, 叫過佢推介果d咩黑豬, 咩黑牛....都知佢d水平去到邊....所以今次只叫兩個平凡到唔可以再平凡既餐食...結果係比預期中還要差, 但有時做人就係咁, 做野做得辛苦, 唔想守規矩...只係想食一d junk food 罷了 …Read More

其實打算係lee 樹轉車返大圍...不過行行下見到lee 間美心, 諗起好耐都無黎食過佢既下午茶, 望一望錶, 時間o岩o岩好 個餐牌有好多野選擇...唔知食咩好呢...最吸引我係雞肶+紅豆冰餐...不過一諗起紅豆冰既糖份, 我就轉左軑...最後叫左個叉鴨瀨 + 熱檸水叉燒燒鴨 同個瀨粉 分開上 :) 我鍾意半肥瘦叉燒, 好味 我鍾意 (美心叉燒一向唔錯)燒鴨 肥美肉厚 好味道 :)我鍾意瀨粉 唔太粉,有口感 湯底又夠味 我鍾意只需付出$22, 物有所值 …Read More

尋日落開西環食飯, 途經寶翠園, 見到lee間野出面好多人等位 唔通好好食?? 決定搵次黎試下...點知今日大家都唔知想食咩之際, 男友就提議黎lee 樹.....8:45分到 唔洗等位就可以入座....快速望左個餐牌最後叫左.....卥水鵝片拼(鵝/大)脹 - - 好大碟..不過鵝片得果6, 7片 其餘果d 就只係鵝件, 而且唔入味, 無卥水味又無鵝味落order 果個女仔有小小九唔搭八...問佢野好似雲遊咁...最後拼鵝脹結果黎左拼大脹 一問次下先知佢地根本都無鵝脹...早知係咁就唔會拼大脹...因為我地又叫左脆皮糯米釀大腸:(脆皮糯米釀大腸 -- 香口, 條大脹好乾淨, 唔肥, 不過糯米飯濕左d..可以乾身小小...酸梅蒸烏頭 -- 我覺得唔夠味, 酸梅同咸味都唔夠...只可以話ok..不過男友就話好 "zen", 食左一啖之後就無再食... 蠔仔肉碎泡粥 -- 材料ok...但又係無咩味....食完之後, 男友問我會唔會再黎, 我好快答佢...唔會…Read More