happyebuy's Profile

非常方便的位置，近太子地铁站E出口，地铁站有升降机直上地面，一间主打点心专门店食肆，店铺面积不大，座位都算舒服，点心即叫即蒸，而且大部分点心都做得好好，新鲜热辣，而且优惠时段点心孖宝价钱十分优惠，而且不用加一服务费，茶位只是每位五元，侍应招呼勤快有礼，笑容可掬，整体是一间不错的食肆，值得一试，但亦需要留意以下两点，第一，由于即叫即蒸需要时间颇长，大约要等十零分钟，第二，店铺只收现金，光顾的朋友要留意了。…Read More

懷舊特色的茶樓在香港買少見少，有點心車、茶盅、大水煲、特色枱櫈和點心，感覺和現代茶樓有莫名的分別，這些都是一種情懷和回憶吧，以為茶客大多數是上了年紀的人士，但卻發現亦有中學學生和一些年輕人光顧，點心質素還算可以，賣相普通，但味都唔錯，而且新鮮熱辣，懷舊點心並非一般茶樓能容易食到的，侍應招呼亦屬正常水平，並且個別很熱情有禮，在疫情下可能少咗一部分外地遊客，所以不難找到座位，整體來講都值得一去的特色茶樓，而且價格亦屬合理水平。…Read More

好出名的點心專門店，曾經係人山人海朝聖嘅米芝蓮食肆，但我覺得到了現在已是虛名罷了，首先門口接待的人員很冷漠，入到店內感覺環境衛生欠佳，裝修和枱椅都破舊，食物種類和選擇都不多，都是一般酒茶樓點心和食品，而食物質素真的一般，最達標的是酥皮焗义燒飽和櫻花蝦珍菌醬撈麵，其他點心真係好普通，而且有幾款點心（虎皮尖椒、鮑汁鳳爪）真的有點失望，而侍應招呼亦不好，反而傳菜姐姐有禮友善，整體來說是一間普通不過的食肆，食物普通價格合理，招呼欠佳，衞生環境有很大改善空間，如果順路經過一試無妨，但絕不值得專程去食，正所謂無期望就無失望吧！…Read More

銅鑼灣區有格調食肆，裝修很有特色，但燈光稍暗，座位寛趟舒適，環境衛生，侍應招呼有禮，食物有水準，和家人今次試吓片皮鴨點心放題，每人$368，任食兩小時，每位加送一隻鮑魚，我覺得最有水準就係呢隻鮑魚，腍度適中，鮑汁夠鮮，而片皮鴨則只是中規中矩，而且店員話製作需時，由落單至上菜要等約40至60分鐘，其他食物就唔使等太耐，大約十零分鐘就得，而味道和品質都唔錯，有正常酒樓的水準，整體嚟講價錢尚算合理，唯一的是要上落樓梯才可到食肆進餐，有老人家和行動不便者的要考慮一下能否應付。…Read More

慕名而去因好多網紅講到好好食，下午接近1:40左右去食，都要輪侯大約10分鐘左右有枱，叫咗最出名的蟹膏蕃茄湯檬粉，蟹膏味道麻麻，冇鮮味和蟹味好淡，蕃茄和其他配料都係一般，上湯及檬粉唔錯，凍奶茶茶味濃，好飲、而熱咖啡用紙杯裝有點失望，飲品有跟餐價都算抵飲，但餐廳環境擠迫，最慘係坐喺面壁位置，背脊不停被侍應撞到，而且座位有啲迫，同隔離食客手部都撞了幾次，仲有衛生真係麻麻，天花有滴水，所以想快快食完盡快走，唔想再試其他嘢，侍應招呼兩極化，年長侍應都有禮貌及耐性，年青侍應木無表情兼無招呼，而性價比只屬一般，如果路經附近一試無妨，絕對不值得專程去幫襯的需要。…Read More

在幾十年的舊屋邨商場內，比較有格調和特色的食肆，給平淡無奇的舊邨帶來一點生氣，餐廳裝修有日本🇯🇵加港式🇭🇰風格，座位分布合理，燈光比較昏暗，價格只屬一般(除學生餐外），食物賣相和味道普普通通，份量略少，侍應招呼正常，衛生環境只屬於可接受水平，但中午用餐時段人流比較繁忙，因為附近很多學生在此處用餐，亦因餐廳提供學生優惠，所以對學生來說是一個不錯的選擇，整體來說是一間不有甚麼特別的食肆，解決一餐是可以的，不繁忙時段坐下食下都可接受。…Read More

自助午餐食一個半鐘，由早上十一時開始至下午三時供應，每位價錢連加一服務費都只係$77，非常抵食，環境乾淨寛敞裝修優雅，侍應招呼有禮，食物質素唔錯，款式亦算足夠（當然唔可以同酒店正常自助餐相比啦），但中西食品、餐湯、飲品都供應充足，性價比很高，而且每位客人有movenpick雪糕一客，整體來講是次用餐體驗非常好，值得再去，以現時食一個午餐的價錢，食到任食自助餐的感覺，正😄。交通方面，可能要係九龍灣港鐵站行去德福廣場，轉乘免費穿梭巴士到九龍灣國際展貿中心，有時間絕對值得試下。…Read More

屯馬線馬鞍山站，馬鞍山廣場內的食肆，交通算方便，鐵路、巴士、專線小巴都可方便到達，餐廳環境舒適，座位寬躺由兩人枱至大圓枱都有，適合不同人數食客聚餐，裝修具有泰國特色，食物達到平均水準，有特色飲品供選擇，味道唔錯值得一試，侍應整體招呼有禮，並且會提醒客人掃描安心出行，而價格屬於中上水平和需要加一服務費，特別提醒於午市12:50前結賬及離座，可享九折優惠，而且接受多種付款方式，包括八達通付款，方便使用電子消費券消費。…Read More

睇廣告好似好好食好抵食咁，於是去試吓，上二樓要行樓梯冇升降機，叫咗半隻乳豬、星洲胡椒花膠雞煲、薑蔥鮑魚炆雞、椒絲腐乳炒通菜、上湯銀絲雜菜煲。乳豬好唔掂，手部位置被扣起一截，問侍應點解會咁，佢話酬神豬先有手有腳🤦🏻，廢事同佢再追究，而星洲胡椒花膠雞煲就冇乜胡椒味和雞味，有好多料但係無乜味而淡淡似水，其餘兩個菜都影真麻麻，唯有係個薑蔥鮑魚炆雞煲比較正常，侍應招呼唔掂，整體來講有啲失望，未必會再幫襯，嘥錢買廣告不如做好啲菜式同服務好過。…Read More

牛大人(瓊華中心）非常難在網上訂位，十四日都冇網上預訂，要親身去排隊攞位，平日都非常多人，好多摸門釘，等咗差唔多兩個鐘方可入座，下載app首次有9折，但要$248以上嘅餐先可以使用，環境衛生，裝修有獨特風格，食物方面質素都算是可以，落單要用手機完成，未有漏單情況出現，大部分侍應都好好禮貌，招呼殷勤，飲品有大路汽水外仲有自家茶系，有特色但唔算出色，最後仲有特色甜品，movenpick雪糕或台式鮮草凍一客，整體來說算是食得過，但性價比只屬一般，訂枱方便有改進空間。…Read More

睇咗呢間餐廳嘅食評都有好高評價，諗住都唔會差得好遠，所以去試吓，點知真心失望，味道同食物都認真麻麻，d野煮到過晒龍，食材又唔新鮮，食物質素唔掂，侍應亦冇招呼水準可言，衞生都唔好，侍應企上枱整野後完全冇抺番張枱，又有狗竉物坐係隔離枱開餐，個客同伙記好熟落，抱住隻狗唔帶口罩走嚟走去，而家有疫情唔該做飲食業嘅人，同食客都多啲注意下衛生啦！總體而言今次真係好失望，唔知係唔係間餐廳水準下跌得太快，都食評所講相差一截。…Read More

平日早上唔使排隊試吓去食，豬膶麵味道唔錯，豬膶夠晒厚身，但可惜食落質感麻麻（好似泡水咁兼有渣），涼粉紅豆冰都幾好飲，侍應招呼有禮，以地區、環境來說價格屬中上水平。…Read More

環境光猛清潔衛生、座位舒適，食具乾淨企理，食物和飲品款式多樣，有馬拉款式和港式茶餐廳食品，食物品質和味道都很好，咖央好味😋，奶茶香濃幼滑，蕃茄湯米線的材料新鮮味道清新，整體食品的份量足夠，而且價格合理，侍應招呼有禮。 值得改進是點餐用的app有少少使用上的問題，個app有改進空間，牆身自助開水系統概念不錯，可惜出水量太猛，容易濺到。 結賬有多種支付方式，方便兼減少接觸（尤其是疫情時刻)，覺得比較衛生值得推廣，…Read More