jim091217's Profile

今日我同老婆加個女（1歲）去完彭福公園純粹路過, 冇睇餐牌行咗入去, 坐低先發現 set lunch得二揀一398蚊加加一, 三個course頭盤主菜甜品，復活節冇得揀，預佢貴, 算！但問題來了：1）服務：佢地個經理（佢衣著同其他waiter waitress唔一樣）安排我一家三口坐張二人枱冇所謂， 你加張bb櫈畀我個女都正常不過，但正常人都唔會將佢擺喺一個人來人往嘅路口度，ps當時半尺範圍內另有一張二人枱靠邊係吉嘅。我哋之後日畀安排轉去呢一張枱。響前後大約一個鐘裏面，包括佢哋經理，接觸過六個staff，除咗幫我哋落單嘅嗰位waiter同主動幫我哋轉枱嘅小姐之外其他四位都係唔知道做緊乜。我地食完主菜唔記得有冇餐飲，問下個其中一個waiter，佢話應該有但幫我問下，ok冇問題, 但係接手個問題嘅另外一個waitress, 返黎就同我地講無包餐飲，原來成四百蚊一個set lunch連餐飲都冇，好唔緊要，我飲水。甘等咗一陣間，又問下個餐有冇跟甜品，其中一個waiter竟然可以同我講"我唔係好清楚"就自己行咗去完全唔理你, 勁！之後問個經理，佢又答我冇，但過咗幾分鐘之後又返嚟同我講話原來係有個甜品，fine. 其實今日個set lunch頭盤得兩個選擇，主菜又係兩個選擇，加個甜品真係咁難記咩？2）食物：一嚟擺低一盆麵包有三片，其中一片係麥包，另外兩片未食一睇就係好有親切感既美心全蛋排包，食落去，多謝，一個久違嘅味道。餐湯係龍蝦湯，d油多到乜咁，主菜一塊牛扒(估8-10oz左右）加幾條露筍，幾塊南瓜粒，煮到過咗龍梅梅爛爛嘅一抽四粒車厘茄，味道就算吧，我一年入廚三四次，都好有信心自己煮都好味過佢。到甜品，佢有一條雪糕但個雪糕可以用叉拮住，敲落個碟係框框聲嘅，勁！新界區四百蚊左右一個set lunch，我都覺得係幾fine dining下，完全冇飽嘅感覺。…Read More