SCK13's Profile

咁啱爸爸收早，我哋一家就出發去旺角食放題，呢間餐廳夠晒就腳，地鐵站E出口行20秒就到我哋叫左套餐A，可以任食77款食物，未開始點嘢食，我就比部爆谷機吸引咗去咗𢳂爆谷食😋呢度刺身壽司有多款選擇：希靈魚、三文魚、油甘魚、金䱽魚壽司、海膽手卷等等不過今次我哋專攻熟食，推介惹味蒜蓉燒茄子、蒜蓉燒茄子、燒紐西蘭羊鞍、蒲燒鰻魚我就最鍾意食虎蝦天婦羅，叫咗起碼8隻自己食到甜品時間，成個甜品櫃同雪糕櫃，有我最愛嘅馬卡龍、哈蜜瓜西瓜、果汁雪條最正係有得任食馬來西亞極品榴槤，夠晒榴槤香同Creamy，榴槤迷不容錯過 …Read More

今次同埋爸爸嚟食呢間喺屋企附近嘅創意法式餐廳，每道主食味道一流，當然要清碟😋😋😋，餓住入餐廳，棒住肚返屋企🤭🌟八小時慢煮紅酒燉安格斯牛肋骨用刀切落牛肋肉已經感受到肉質軟嫩，經過8小時煮燉非常入味，仲食到少少帶有膠質嘅牛筋😋🌟扒西班牙豬鞍拌蘋果燒汁肉類配搭蘋果蓉味道果然唔錯，蘋果蓉微酸帶甜中和咗豬鞍油膩感，比較鍾意食濃味嘅朋友可以蘸燒汁两款主食都有配菜伴碟： 質地軟滑嘅薯蓉上有櫻桃蘿蔔絲加雞冠菜、蛋黃蛋白椰菜花、香甜烤蕃薯、紅菜頭我哋另外加錢升級餐湯及餐飲法式龍蝦湯 —— 超香濃鹹鮮龍蝦味，可以將附送法包蘸湯食白松茸忌廉湯 —— 好香松露味，每啖都食到絲絲松茸🌟炸薯條…Read More

柴灣呢間餐廳係我最愛食飯嘅地方，超級Kid-friendly，有個細細嘅兒童遊戲區可以玩又有美味兒童餐食，之後仲可以超近哋行過隔離睇戲添🍿今次先同大家介紹下两個幾抵食嘅晚餐主食我哋叫咗两個主食都附送沙律、蒜蓉包同飲品🍴黑椒洋蔥牛柳炒意粉啖啖肉嘅牛柳鋪滿炒得夠乾身意粉上面，食到最後都唔會成嘴油淋淋🍴鐵板黑椒汁肉眼扒配薯菜送餐嘅時候已經聽到滋滋聲，大大塊肉嫩肉眼扒鐵板上夠晒熱焫，可再淋上惹味黑椒汁，底層係幼薯條同蔬菜🌟呢度提供包場搞生日會加睇戲服務，地方夠晒大，啱晒鍾意熱鬧嘅朋友…Read More

喺朗豪坊行到咁上下開始肚餓但出面又落大雨，諗緊去邊到食嗰陣發現君蘭喺地庫B2層開咗間冰室，價錢合理，食飽去搭地鐵都超方便👍🏻是日晚餐--涼瓜炒牛肉小菜即整熱焫焫上枱，涼瓜甘苦爽口，牛肉鮮嫩，加埋豉汁送飯一流沙嗲牛肉炒河粉平時食乾炒牛河多，呢度就係特別啲用沙嗲醬炒，香辣惹味，而牛肉冇乜筋位，河粉份量都幾多港式西多士金黃厚身西多士外脆內軟，入面花生醬夾心，原來仲有其他創新口味西多士，下次再嚟食過先 …Read More

放假同媽媽去咗旺角行街，行咗一陣頂唔順天氣太熱，要揾嗰位坐低休息下，見到呢間甜品鋪有我最愛嘅香蕉甜品，冇理由唔食嘅🤣🔸香蕉班戟班戟皮好薄但係好有彈性，微甜得嚟有蛋香，軟滑Cream中間係香蕉🔸香蕉雪糕窩夫好豐富嘅一個甜品，有焦糖香蕉、脆筒雪糕球（可自選口味）、薄脆窩夫上朱古力醬同粟米脆片🔸鮮奶桃膠椰皇燉蛋白配蓮子桃膠同蓮子鋪滿燉蛋白上面，滑溜燉蛋白有陣清香椰子水味，可以加埋甜鮮奶，感覺更加滋潤…Read More

呢排約埋朋友去食串燒！今次黎到尖沙咀既「南亭」，試吓有幾正先～​爐火熊熊既燒烤爐遠遠已經聞到香，老闆手勢熟練地翻轉住每一串食材，油汁滴落爐火度「滋滋」聲，未食已經流曬口水🤤​「燒雞心」每一顆都大大粒，咬落去嫩滑多汁，中間帶點微微既軟韌感，醬汁調味剛剛好，鹹香中帶少少甜味，仲保留住雞心本身既鮮味，一串接一串真係停唔到口😋 記得趁熱食，熱辣辣先夠過癮！​「燒雞翼」外皮燒到金黃微焦，一咬落去肉汁即刻爆開，雞皮帶點脆口，雞肉又嫩又入味，連骨邊位都充滿醬香，呢種炭燒香氣真係外賣串燒冇得比🔥 「燒鴨舌」食落絕對驚喜！鴨舌軟稔中帶點彈牙，骨頭軟硬度剛好，咬開後裡面既肉質細嫩，醬汁完全滲透每一個位，鹹香帶點微辣，越食越上癮🤣​呢度既串燒勝在夠鑊氣，醬汁調配得宜，而且價錢親民，絕對值得一試！記得叫埋凍飲配搭，解膩又過癮～ 下次要試埋其他款式，比如燒雞軟骨同豬頸肉，相信都唔會令人失望💯​…Read More

喺Joypolis Sports 放完電後當然要醫醫肚，去埋頂層4樓嘅餓虎藏龍就啱晒😋設有半露天坐位，可飽覽270度啟德主場館景色同時享受美食名古屋土雞餃子配洋蔥薑酸醋汁 餃子皮薄餡料多脹卜卜好飽滿，雞肉餡肉嫩多汁，蘸少少醬汁提味炸粟米骨配甜椒粉乳酪醬 少少鹹嘅乳酪醬同自帶天然甜味嘅粟米都幾夾，口感幾特別，Creamy中帶有脆口明太子鱈場蟹肉忌廉烏冬明太子鹹香味同鱈場蟹肉鮮甜味完美結合，烏冬煮得啱啱好，有彈性得嚟有嚼勁，順滑忌廉味道濃郁和牛芝士漢堡配香脆薯格柔軟漢堡麵包切面層用牛油烘香，中間夾住一塊厚實和牛漢堡扒，大大啖咬落漢堡，油脂喺口腔爆開，肉香四溢，清脆爽口嘅生菜蕃茄酸瓜平衡和牛嘅油膩感，加上一片半融芝士，豐富咗整個漢堡，口感層次分明薯格炸得金黃香脆，帶少少辣士多啤梨奶凍奶凍質地輕盈，入口即溶，帶有淡淡奶香同士多啤梨酸甜互相交融，夠晒清新，夏日甜品之一Joypolis Sports主要係菠蘿汁、柚子汁同梳打調制而成，再加Blue Curacao非酒精糖漿就會得出同Joypolis Sports場館主題相近嘅顏色…Read More

去啟德行下玩下又開始肚餓喇，突然諗起土瓜灣有一間餐廳我book mark咗超耐，去擇日不如撞日，就出發同我媽去食啦炸洋蔥圈呢個炸洋蔥圈真係唔係講笑，真係做到外層超級脆，內層洋蔥柔軟手打雞肉蝦漢堡配薯條中間一塊勁厚雞肉蝦，可能係加咗蝦，質感唔會太鞋而且有啲彈性漢堡包內層都有搽惹味辣醬，加埋清新蕃茄青瓜同生菜，一啖食超滿足蕃茄汁肉丸意大利粉嚟到最吸睛嘅梗係鋪咗喺面燒到微微燶嘅芝士片🧀份量幾多，同朋友share啱啱好，每條意粉都掛滿番茄汁，配搭美味肉丸一齊食充滿滋味窩夫配朱古力香蕉及朱古力雪糕嚟到呢度冇理由食甜品㗎嘛，但我哋食咗主食已經飽飽哋，好彩呢度有得嗌半份窩夫，每塊窩夫邊都沾有可可粉，加埋朱古力味濃厚嘅雪糕，朱古力愛好者必食🥤榛子鮮奶咖啡🥤鮮奶朱古力…Read More

行行下街我同我媽講想再去食銅鑼灣間Cafe，二話不說即刻又帶咗我嚟又食正嘢😜夜晚嚟到氣氛同晏晝截然不同，有霓虹燈點綴，餐廳牆身仲有維港夜景投影🌆，打卡一流泰式脆炸五花肉外層酥脆，肉質鮮嫩多汁，油脂恰到好處食起黎唔會覺油膩，蘸少泰式酸辣汁滋味無窮泡菜蜜燒風琴豆腐今次又叫呢個風琴豆腐味道同上次一樣都係咁好食，蜜味醬汁嘅甜同泡菜嘅鹹辣互相交融，整體風味更立體明太子薯仔蛋餅蛋餅煎得金黃色，切開裏面係軟淋薯仔粒，最入面係微微辣嘅明太子，呢個同朋友一齊分享最開心帶子冬陰功意大利飯每粒綿密飽滿意大利飯都吸收晒冬陰功酸酸辣辣嘅味道The Greenery青瓜口味Mocktail夠晒清新…Read More

上次喺銅鑼灣食完晚餐行去搭車嗰陣，見到呢間餐廳坐滿晒人，好奇之下睇睇原來係糖水店，有多款傳統同新派手工甜品雖然係糖水店，都有提供輕便能量午餐，啱晒注重健康飲食人士✨日式里脊生薑燒套餐日式里脊生薑燒、黑椒薯仔(可選藜麥飯)、椰香烤南瓜及是日糖水每盒都計好晒卡路里同營養等資料，味道絕對唔係淡而無味食完午餐都可以食一點甜，套餐配是日糖水係桑寄生蓮子茶✨芒果河粉第一次食甜品河粉，河粉質感滑溜有彈性，加埋甜度適中嘅芒果同芒果蓉一齊食，炎炎夏日食真係透心涼…Read More

放復活節假可以周圍食周圍玩，我媽今次帶我嚟呢間餐廳食物質素唔錯，仲坐得十分舒適泰式炸通菜每一條通菜都有炸衣包裹，蘸少少惹味泰式辣汁，呢個開胃小食檸檬胡椒鹽脆茄子好有趣嘅層層疊擺盤，經過油炸後茄子內水份冇流走，做到皮脆內嫩泡菜蜜燒風琴豆腐風琴豆腐外層燒得十分脆，內層豆腐鬆軟，加上風琴豆腐上蜜味醬汁，一啖食體驗到不同層次口感元氣全日早餐食晒呢個全日早餐充滿能量，有烘得香口嘅蒜蓉多士、色彩繽紛雙色車厘茄、爽脆沙律菜、脆薯寶、太陽蛋、微酸德國香腸、油香煙肉開心果吉拿棒朱古力火鍋吉拿棒外脆內軟，利用鴨屎綠色朱古力醬將開心果碎沾滿吉拿棒，開心果迷必食，另外一種食法就係蘸完朱古力醬後再蘸白砂糖Mango Tango呢杯係Mocktail，芒果糖漿加梳打水，荔枝、橙放杯頂，顏色配搭同味道好有夏日感…Read More

前幾日喺九龍城食完晚飯之後去啟德體育園行下，見到有間Cafe好啱我胃口，所以放學之後又同媽媽去撐枱腳🍴原來呢間Cafe喺由HeySoNuts同精釀啤酒店Once You Go Craft團隊開設，仲係前文華廚師主理，親民價錢就食到酒店級質素🤩喺啟德園區返工嘅朋友出示員工證仲有9️⃣折優惠！為配合返體育園主題，餐廳用咗1000個網球🎾佈置其中一面牆身，打卡一流✨炸雞軟骨配蒜蓉蛋黃醬 脆卜卜雞軟骨用手拎完全冇油膩感，就咁食都已經好正，可以蘸少少惹味蒜蓉蛋黃醬一齊食更加滋味✨自家製忌廉粟米湯 呢個粟米忌廉湯睇上嚟同平時飲嘅一樣，但係味道完全唔同，甜中帶少少酸味非常開胃，呢碗湯我飲晒😋✨日式脆香雞扒漢堡配薯條好大一個漢堡，軟熟漢堡包中間係两塊外脆內嫩嘅炸雞扒，加埋新鮮蔬菜，好滿足薯條炸得香脆，有啲美中不足喺薯條中間唔夠實心✨番茄牛肉醬意大利飯用鐵板上夠晒熱焫，上到枱仲聽到滋滋聲一𢳂起就見到勁正嘅芝士拉絲，同意大利飯濕潤度均勻而且豐有彈性加埋番茄牛肉醬簡直絕配✨紫薯麻糬窩夫配香草雪糕而家做緊限時優惠，惠顧任何熱食可以用優惠價$38換購，咁抵冇理由唔叫嚟食😋脆面窩夫中間係軟糯微甜紫薯麻糬，可以𢳂少少紫薯蓉同雪糕一齊食，口感超豐富👍🏻✨熱情果冰茶✨香蕉朱古力沙冰餐廳有提供生日畫碟服務🎂 🖌️，下次屋企人生日帶佢哋嚟慶祝食完仲可以一齊行埋零售館出面嘅燈海樹影相添📸…Read More

我媽襯我返緊學走去太安樓掃街自私食，買咗蛋包飯返屋企嘆完先接我放學😆食店標榜製作不含味精👍🏻而且即叫即整保証新鮮，今次就叫咗以下两款蛋包飯味道唔錯😋🐷八一燒豬頸肉蛋包飯豬頸肉肉嫩多汁，豬頸肉油脂加埋蛋飯一齊食口感一流🧀沖繩咖哩吉列芝士豬扒蛋包飯吉列豬扒入面係濃郁芝士，唔係即食都可以做到拉絲效果，咖哩味道有啲辣好惹味，食完一啖接一啖🦪吉列炸生蠔超酥脆炸衣包住軟嫩生蠔，一咬開鮮甜蠔汁湧出…Read More

九龍城只係得泰菜？？？當然唔係啦，今次我介紹嘅呢間火鍋店唔只味道好，特別之處係超級親子友善，餐廳設有一個兒童玩樂區，小朋友可以玩住等食😆，仲有樓上有幾間包廂房，真係一家大細，朋友聚餐好地地方原來經網上訂位會送冰鎮鮑魚，通常話送嘅都係麻麻哋，但係呢度冰鎮鮑魚打破定律🤩，經過醃製有咬口得黎又唔靭仲好入味，聽店員講優惠做到6月30號💥海鮮盛盒(鮑魚、海蝦、蟶子皇、元貝、廣島蠔、魚唇)全部都新鮮，唔洗蘸任何醬汁都夠味，魚唇味道似魚翅質感有啲似花膠都幾特別我就好鍾意食海蝦，蝦味重肉質爽彈😋手切霜降肥牛厚度比普通牛肉片厚身，每啖都充滿脂香肉香，重點完全冇筋野生厥根粉絲呢個第一次見第一次食，落鍋一陣好快就熟透，麵身好滑溜但同時帶有少少煙韌感自家製有機洛神花茶餐廳自家煲嘅花茶誠意十足，大大杯酸酸甜甜夠晒解渴，邊飲邊食感覺上會冇咁熱氣😏😏…Read More

學完滑板後好肚餓，好想食生煎包，諗起之前喺飛機上食過嘅美味生煎包灣仔都有分店，一於就去食啦！蟲草花花膠雞配白飯見到有呢個日嚐暖意湯飯一定要試下，湯底清甜，而且好足料有半隻雞、數件花膠同埋補肺益腎嘅蟲草花，夠晒滋補秘製豬扒湯麵豬扒肉質夠腍好易咬，味道甜甜哋類似蜜汁味，我哋加咗$2轉湯麵，麵種應該係同擔擔面底，掛湯得嚟唔會令到麵身軟爛堅信號生煎包即整夠晒熱，每粒都脹卜卜，上枱時店員都有提醒小心爆汁，估唔到我等咗一陣先食都依然有爆汁效果😆，折紋向底煎令到生煎包更加酥脆上湯火腿娃娃菜份量足同夠新鮮爽脆，本身娃娃菜味淡，加埋鹹鮮味十足嘅火腿一齊食最啱Key…Read More