fa11's Profile

沒留意到此食店開11:30，我11:29到，同店內女職員講唔該(想買野食)~點知佢黑哂面話我地都未開舖，等多陣得唔得呀？！嘩。。咩料？得罪你？之後我唔食啦~即走！…Read More

我同小朋友兩個未夠6點去到，打算快脆食個菠蘿炒飯就去playhouse玩，那時候梳化位起碼有6張，店員唔肯俾我地坐，要我地坐埋一邊的單獨位，我小朋友唔鍾意自己一個坐，坐梳化位亦會比較方便照顧，所以就話唔食，我同店員講你仲有咁多梳化位，我好快就會食完走，佢態度勁差咁話”唉~~俾你坐呢張（其中一張梳化位）啦~!!”，我話”唔洗喇！我唔食！”，之後過隔離食上海野，6點半食完經過見佢啲梳化位仍然無人坐…Read More

餐廳有兩張梳化位放咗reserved牌，問職員話因為要留返位俾員工食飯，我話想坐梳化位都話唔得，其實全間餐廳其他位一個人都無，感覺餐廳都好唔善待客人，寧願轉場唔食…Read More

為左呢間野第一次打食評! 因為真係從未遇過服務態度有如此差的食店!話說我地8:15落單, 見8:40都仲未有得食就問其中一個阿姐, 佢話廚房啲電腦出問題呀, 跟緊架喇!到8:45, 眼見唔係喎...周圍遲過我地黎果啲人都黎哂食緊喇喎!?之後搵左個衣著看似高級少少既同佢講我地等左半個鐘都未有野食, 佢就入左廚房睇, 之後又出黎好似想搵返我地張單, 我懷疑佢地係落漏單!查實就算你係落漏都算, 正常都會同客人請聲唔好意思, 而家叫廚房即刻整返俾你~~佢地無主動過黎交付不特止, 當我又再問阿姐究竟跟成點??佢竟然唔理我行去其他枱, 仲話""我都理唔到咁多架!""大佬呀! 真係火都黎! 你理唔到咁唔通我理到? 我係咪要自己入廚房問? 你要我等左咁耐其實我只係想要個回應, 要個交代, 我唔洗你道歉, 但你煮緊又好, 你唔做我生意又好, 究竟而家咩情況, 你都講聲丫~~! 我係咪要等到你打烊有就有無就無咁呀?!之後我講哂粗口行出門口, 佢地聽到見到任何野都完全無理會過!究竟呢間野係咪做生意架??? 我懷疑我撞邪!…Read More