Low CL's Profile

同男朋友去完灣仔探朋友之後，朋友介紹咗想一間樓上Cafe，好好食好多打卡位，既然講到咁正，於是我地就去咗試一試😊。由樓下嘅Cafe門口，直至樓梯入到去餐廳，牆上嘅畫都係人手畫上去，以黑白為主，真係好靚好多打卡位，我仲問過店員牆上所有畫都係由幾間大學嘅大學生，用咗兩個幾月時間心機畫上，真係值得一讚👍🏼。坐低之後，望住個Menu，頭盤、餐湯、主菜小食及甜品，真係包羅萬有，樣樣都想食🤤。最終我哋就order 咗🍵野菌松露忌廉湯配多士，好香嘅野菌松露味，非常好飲😍🥢香煎加拿大有骨豬鞍扒伴薯菜配蜜糖芥末籽燒肉汁，肉質夠淋，好好味😋🥢香煎虎蝦，蟹肉及鴨肝配香辣蝦乾番茄忌廉汁扁意粉，虎蝦又彈又新鮮，鴨肝煎得好香口，蟹肉撈埋蕃茄忌廉汁，好好食，堅正👍🏼😍🥢西班牙辣肉腸芝士黑松露汁焗法包，配黑松露汁焗法包都係第一次食，辣辣地脆脆地，都不錯啊😁🍸ULURU rose tea (tea, strawberry Purée, rose Syrup, Rose, Rosemary)，飲品內有一朵玫瑰，好靚😍清清嘅玫瑰花味好特別，又靚又好飲，好啱女士👍🏼。🍸Lavender Dream (tea, lavender Syrup, Lavender, Lychee Purée, Lychee, Icing Sugar)，淡淡嘅Lavender及Lychee味，好清甜😄。呢間Cafe真係睇得又食得，同男朋友喺度影咗好多相添👫。大家去食，記得影多D靚相啦☺️…Read More

平時喺觀塘放工，經過一棟工業大廈門口，成日都會聽到啲路人講，大廈上面有間社企餐廳好好食，於是上網search到。星期六放假又咁岩約咗朋友喺觀塘見面，見面前就同男朋友上去食個Set lunch😃。雖然餐廳喺工廠大廈入面，但係入到餐廳環境都好舒服，得到餐廳店員熱情款待，店員都好盡力及好有耐性介紹食物。而我哋兩個都鍾意食扒，所以就分別揀咗，🥩澳洲肉眼扒(8 oz) 伴紅酒汁<5成熟>同埋美國安格斯肉眼(12oz)伴紅酒汁<7成熟>。Set Lunch 有我哋兩個最鍾意嘅蒜蓉包及雜菜湯，另外我哋比餐牌上邊嘅黑松露蜜糖雞翼吸引住 (+$15有兩隻啦😁)，又真係整得好好食喎，雞肉嫩嫩的🤤。話咁快我哋嘅扒就送到啦，仲有薯條同蔬菜伴碟，其實我想話我哋兩個嘅澳洲肉眼扒及美國安格斯肉眼都好有肉味同好juicy，雖然好大塊但係太好味，我哋兩個清晒😂。最後我哋仲叫咗甜品 (+$12) ，分別係朱古力brownie同士多啤梨泡芙😋。朱古力brownie食落去濃濃嘅朱古力味，而士多啤梨泡芙就夠清香。食完咁好食咁豐富嘅午餐，成個醒神晒💪🏼😁。特別係要稱讚店員，每一樣都好盡力好用心去介紹同招呼我哋，而且好有禮貌。請大家可以多多支持社企餐廳。…Read More

近排心情麻麻，所以放工約咗媽咪去旺角行下街同食飯🍚，散下心！喺醫肚嘅時候，突然醒起之前網上見到，朗豪坊開咗間日本過江龍食店「天吉屋」，仲話係連續五年榮獲日本丼聯盟天丼金賞獎，於是就帶媽咪一齊去試一試😁。一去到，門口已經見到排了長龍，我哋足足等左差不多30分鐘，好食嘅嘢梗係要等㗎啦😄。一入到餐廳環境都好舒服，坐低後店員遞上茶給我們，原來係牛蒡茶☕️，好好飲呀👍🏼。見到餐牌樣樣都想食，於是我哋同樣都係揀咗「天幕御膳」，因比較豐富。餐未黎之前，發現見到枱上有兩樽食物，一打開原來係醃白蘿蔔及牛蒡，醃牛蒡第一次食，酸酸地又夠爽幾特別。後來店員又送上椰菜絲配柚子汁，椰菜絲可以添加👍🏼，好fresh仲冇咁熱氣添😁🤭。隔了一陣，我哋期待嘅天丼送上😋。餐配上麵豉湯🍵，小小的木桶裝上白飯，好可愛，而且白飯仲可以自由添加🍚👍🏼，見到D炸物好豐富。分別有兩隻黑天燈出現了鯛配紫蘇葉、軟殼蟹、雜錦炸物（洋蔥和魷魚、茄子、南瓜、炸紫菜及四季豆）。兩隻黑虎蝦真係又大又彈牙，而且唔似出邊嗰啲鋪滿粉漿去炸，連媽咪都讚好食👍🏼😋。食之前店員仲介紹咗三種食法（分別：天婦羅、天丼及天茶泡飯）。好～等我就試一試！本人就鍾意天茶泡飯，因為配上鰹魚湯（將炸物放喺飯上面，然後淋上鰹魚湯，再加少少Wasabi及紫菜），鰹魚湯好鮮甜，如果大家鍾意食鰹魚湯不妨試吓呢個食法😋。…Read More

放工之後同朋友去咗旺角行街，行到攰攰地，又超級肚餓，於是我哋異口同聲話要去食日式放題😁。旺角咁多間放題，真係花多眼亂，突然醒起朋友介紹呢一間，立即上去，入到大堂等lift，聽到個個都話係上去食，點知去到真係好多人已經等緊，我哋即興所以冇book枱，我哋足足等左一個鐘，好食嘅嘢就梗係要等㗎啦，同朋友傾吓計好快就過😁。（不過大家去食之前，記得book位呀😁）終於有位，一入到去就即刻睇吓啲order紙，非常非常多選擇😍。魚生、壽司🍣、炸物🍤、小食🍢、生果🍉 、甜品蛋糕仔🍰、每人一杯Movenpick / Haagen Dazs🍧及各種汽水飲品🥤，我想話飲品仲有梅酒同sake 任飲添呀，真係喜出望外💃🏻由於我哋太肚餓，第一轉已經order左好多嘢食😁🤭🥢魚生類 - 甜蝦、帶子、三文魚、油甘魚及吞拿魚。每一樣都好新鮮，好鮮味😋而且仲係大大件，個人就比較鍾意食油甘魚，因為真係好肥美👍🏼🥢壽司🍣 - 鰻魚、赤貝、至尊蜜糖芥末三文魚腩、活赤𩶘、法式芥末象拔蚌、海膽墨魚軍艦、芥辣墨魚軍艦及芝士鰻魚卷。每款都好好食，個人就最鍾意象拔蚌，因為好爽好甜🤤🥢天婦羅🍤，好新鮮同彈牙👍🏼🥢燒牛舌🍢及燒日本蕃薯仔🍠，牛舌燒得啱啱好，日本番薯仔好甜，勁正😋🥢焗日本廣島蠔，啲蠔好新鮮，正👍🏼🥢炸物 - 榴槤炸彈，呢個係餐牌上面都寫住必食。好香嘅榴槤味，鍾意食榴槤嘅朋友可以不妨一試，真係必食呀👍🏼😁其實仲有好多選擇都未食，我哋決定下次再嚟食過😁。Dinner 時段都係$188，真係好抵食。而且佢哋嘅侍應，雖然好忙但係個個都好有禮貌，服務好好，值得讚揚👍🏼…Read More

好耐都冇媽咪等我放工去銅鑼灣行街😍，行完打完之後，就梗係食嘢啦😁。媽咪話食肉類，食得太多，於是我醒起之前同朋友，食過一間令人回味嘅素食🤤，即刻帶媽咪試吓，好彩早到咋，立即有位，我哋坐咗一陣間就已經full晒啦，仲聽到有啲食客係之前已經book咗位嘅添👍🏼。媽咪覺得個環境好舒適又乾淨，打開個menu，仲花多眼亂乜嘢都想食，於是我哋每人揀咗一個set Dinner。Set Dinner 好豐富架，有前菜(餐廳好細心已經set好晒)、手卷(二選一)、湯類(二選一)、主菜及甜品（加錢仲可以轉班戟或者銅鑼灣店限定嘅甜品），另外仲可以加錢配埋飲品添😁。以下就係我哋揀嘅晚餐喇😋🥢 前菜 - 涼拌日本黑豆亜塔子黑木耳及紅火龍果藜麥沙律伴無花果黑醋及泰式香茅金柚鮮果沙律🥗 (三款菜式非常豐富，又開胃又好食😋）🥢手卷 - 蘆薈素香鬆苜蓿芽手卷 (夠晒Fresh😍)🍵 菠菜桃膠忌廉濃湯 (👩🏼‍🦰嘅選擇，佢話用桃膠嚟做西湯，好特別好creamy)🍵姫松茸竹笙黃耳百合燉湯(👧🏻嘅選擇，每次去都要飲，真係好清好甜，真係成個人潤晒😋)🥢青咖喱椰菜猴頭菇配印度薄餅及珍珠糙米(👩🏼‍🦰嘅選擇，雖然話係小辣，但係媽咪話一啲都唔辣，唔食得辣嘅但又想食咖喱嘅朋友可以一試👍🏼，味道非常好😋）🥢牛肝菌粒粒意粉酥皮盒伴苔菜三絲脆卷(👧🏻嘅選擇，好香嘅菌味加埋第一次食粒粒狀嘅意粉好特別，酥皮盒同三絲脆卷焗到好脆，好正好味😋)🍰甜品 - 👩🏼‍🦰推介草莓乳酪千層班戟(好香🍓味， 同埋一啲都唔甜，媽咪同我都覺得好好味👍🏼）👧🏻推介柚子乳酪蛋糕，一陣陣嘅柚子味加上芝士蛋糕，真係好清香又夠Rich😍）去到呢個時候，雖然係食素食，但係我哋兩個都食到飽飽，根本都享受唔到呢度嘅特色飲品🤦🏻‍♀️。。媽咪話下次一定要試吓其他菜式，仲話搵日要帶埋朋友一齊嚟食😁(老實講，確實係好食嘅素食，我都要同朋友再嚟過😁😁🤭）…Read More

👭約咗個friend晨咁早出去尖沙咀行街，當然要以下個肚先。我哋兩個又想食下啲特別野，於是上網搵咗一間印度餐廳，即管去試吓啦😁。上到去我哋係第一個食客，因為原來呢間餐廳啱啱先營業😁。入到去有位印度籍嘅男經理接待我哋，態度好好，好Nice👍🏼😁。餐廳內全部都是外籍人士，所以都以英文對答，但係餐牌都好好有中文嘅翻譯👍🏼。至於環境方面，入到去都好舒適，都有啲印度feel。打開個餐牌樣樣都好吸引，乜嘢都想食🤤。由於得兩個人只可以點幾樣嘢食。🥢四色芝士pizza🍕(馬蘇里拉、意大利乳清、斯卡莫扎及帕爾瑪)再加大蒜同埋羅勒。熱辣辣送到黎，一食落去芝士拉出嚟，真係好好味，好重芝士味，諗起都流口水呀😋🥢水牛城雞翼，雞翼外面炸到好脆身，而入邊啲肉質仲係好淋好juicy，點埋個辣汁，真係好正😋🥢羊肉腸(係用咗黎巴嫩頂級羊肉㗎)，佢用三色椒同洋蔥佢一齊炒，然後配左兩個醬汁，其實唔點醬汁都已經好好食，好入味，好香嘅羊羶味，鍾意食呢個味嘅朋友不妨可以試吓，配埋印度薄餅一齊食，一絕🤤👍🏼🥤至於飲品，我就order咗chocolate smoothie，第一次飲到chocolate smoothie 係酸酸的，唔係甜嘅，都幾得意呀☺️總括嚟講呢間印度餐廳，食物選擇多，又好食，價錢仲一啲都唔貴添，下次一定要叫多啲朋友一齊去食，咁就可以試其他嘢啦😆。…Read More

喺元朗探完朋友，經朋友介紹話有一個粥底火鍋好正😋，難得入元朗，於是二話不說就梗係一齊去咗試吓啦👭。(而家新張優惠有八折呀🎉）行到去店舖門口，我哋已經比佢嘅懷舊裝修吸引住😁。可能嗰日比較早，我哋去到就有枱啦😁(不過聽其他朋友講，如果去之前最好就book定位，因為我哋好彩，其實平時都比較多人😅)。坐低左慢慢發現，牆上面有好多舊戲嘅poster，又有一啲懷舊嘅裝飾掛咗係牆上面，真係好特別👍🏼😁。一打開個Menu，就已經介紹食粥底火鍋嘅步驟，同埋教你每款海鮮應該煮幾耐，令到海鮮唔會煮過火，真係好細心❣️至於🍹飲品仲有好多唔同嘅選擇🤩二人份量👭粥底火鍋，包括有兩款特選嘅海鮮、有五款嘅自選海鮮、仲有八款自選配料(有成32款配料任你揀，真係花多眼亂樣樣都想食😋)兩款特選海鮮 ～ 🦀一隻蟹及沙白 蟹非常新鮮又鮮甜，而且仲有蟹膏添😋 沙白，非常鮮甜同脹卜卜五款自選海鮮 ～ 🦐海蝦(4隻)、鮑魚(2隻)、刀貝(2隻)、貴妃蚌(2隻)及北寄貝(2隻) 📣我想話樣樣都好鮮甜，又大又脹卜卜😁👍🏼八款自選配料 ～ 🐖穀飼黑豚梅肉(招牌)、🐂美國雪花肥牛、黑椒牛丸、蟹籽墨魚攘魚肚(招牌)、鹹蛋豬肉丸(招牌)、腐皮墨魚卷、粟米及極上牛柳粒。穀飼黑豚梅肉果然係招牌好淋🤤。蟹籽墨魚攘魚肚，夠特別魚肚又夠爽👍🏼。鹹蛋豬肉丸我都係第一次見，豬肉丸入面係鹹蛋餡，非常好食好嘢味👍🏼，呢三樣果然係招牌菜🉐。其實除咗呢三樣招牌菜，其實其他嘅配料都好正，其實除咗呢三樣招牌菜,其實其他嘅賠了都好正，🍡丸類又夠彈牙，🌽粟米仲好甜添！又到細心嘅服務員出場嘅時候喇，食完呢咁多款食物之後，當然唔少得主角啦(個人認為粥底就係主角🤪)，經過咁多款新鮮海鮮及肉類嘅精華之後，個精華粥底加上(葱、乾瑤柱、菜脯及冬菜，仲有三款蔬菜包括南瓜、粟米粒及芋頭粒)，服務員細心地將所有配料攪勻，第一啖食落去真係帶咗出嚟，實在味道太鮮甜同埋個足底好綿，足足食咗兩大碗🤦🏻‍♀️😁。(我想話個粥底實在太大，兩個人都食唔晒，因為實在太好味唔想浪費佢，於是乎我哋決定打包返屋企夜啲當宵夜食🤪)至於飲品方面，我哋揀咗水果茶，當杯飲品一嚟到嘅時候，我哋兩個都「嘩」咗一聲，因為杯水果茶，成支筷子咁高又大杯，重點係好好飲，又有生果食，正👍🏼！呢一餐真係食到飽飽好滿足，我一定會encore😝。…Read More

👫同男朋友去咗觀塘，一間開咗40幾年嘅家庭式上海館食晚飯😁，餐館細細的，餐館好有懷舊風，🕢七點幾去到加上食飯時間，都要等左一陣先有位。等位期間，都見到好多人買外賣。終於有位坐，見到個餐牌花多眼亂，見到好多菜式都好想食。望望下原來有個二人套餐，好豐富😋。二人套餐包一個湯同埋兩個小菜😁，仲配上兩個白飯🍚。於是我哋就order左，招牌菜「花雕醉雞🐔」，同另一招牌菜「時菜獅子頭🦁」，食得上海野當然唔少得要配個酸辣湯啦😎。。(查實見到隔離枱嘅小菜都好想食🤦🏻‍♀️😋)，我哋仲另外order咗食上海野一定要叫嘅「上海小籠包」。🥢花雕醉雞夠晒酒味😋(而家喺出邊食嘅成日都覺得唔夠酒味👎🏼)，雞肉估唔到好滑，真係一個心機嘅小菜👍🏼。🥢時菜獅子頭😋，雖然望落係一個簡單嘅小菜，但係做到肉質不「鞋」，剛剛好就好難㗎啦，不過呢間小店居然做到👍🏼😁🥢酸辣湯，酸度辣度適中，飲完好開胃。(其實個份量仲要好大碗添呀，我自己足足飲咗四碗😁）🥢我至愛嘅上海小籠包，皮薄薄，好多肉汁😋（我想話每人兩個都唔夠喉，可惜個套餐實在太大，叫多個order又食唔晒，唯有等下次啦😁）☕️其實個套餐，仲包左每人一杯八寶茶，係我第一次飲，甜甜的，又幾好飲同幾特別喎😋一個二人套餐都係二百幾蚊，又豐富又好食又抵，下次一定會再嚟試其他招牌小菜。*最後我想話，店內有個男侍應，應該係老闆仔仔，佢好有禮貌👍🏼讚*😁…Read More

喺尖沙咀行街行到9點幾，喺美麗華商場真係已經冇乜選擇，幸好見到burger room 仲人山人海，我們二話不說就入去食。一入到餐廳，餐廳環境好有feel，又夠乾淨，店員有夠Nice。店舖主打漢堡包，可選擇的種類非常多，花多眼亂，款款都好好味咁😋😋我最後就揀了鵝肝牛肉漢堡，另一半就揀了大烤菇芝士牛肉漢堡。另外再揀了一個小食，炸雞塊配芝士醬。飲品揀了兩支Snapple。等左10分鐘左右，職員送上食物，嘩原來個漢堡size份量十足，真係好窩心，已經預先將漢堡切左一半，再用刀叉食，食落唔會論盡，因為我好鐘意食鵝肝，所以我第一時間食，鵝肝煎得好香，入口即溶好好味、漢堡扒肉味濃郁，充滿肉汁，極高質素、另一半嘅大烤菇，亦都好香菇味，配合漢堡一齊吃，味道非常夾，勁好味。小食亦相當高質，炸雞配芝士醬，芝士味濃，雞脆口，食到我攬住個肚。食完飲啖snapple, 呢餐晚餐非常滿足，簡直係意外驚喜。我們一定會再光臨，因為仲有好多包及小食都好吸引…Read More

尋日去上水搵朋友，又未食lunch，行到去上水廣場，見到有mos burger，梗係即刻入去食啦。Order咗個黑醋雞肉漢堡(Sakusaku chicken burger)，每個包都可以加錢配套餐，咁我就配左chicken nuggets及coke （我想話其實個粟米湯都好正，可惜天氣太熱我放棄咗)雞肉炸得剛剛好，唔會太多粉漿，黑醋落得好適中，仲有新鮮生菜絲。chicken nuggets，一樣炸得好好唔會太多粉漿，醬汁有兩種選擇，BBQ及泰式甜辣醬，本人就鍾意泰式甜辣醬，好可惜今次無晒，只得BBQ醬。另外佢哋服務都好好，排隊落單之後，俾個order號碼牌你，食物完成左服務員就會睇住牌號送到你手上，呢一點係值得一讚。…Read More

每逢星期五放工一定係約男朋友去行街食嘢，上星期五就去咗霸嗎拉麵🍜。當時都已經晚上9點半，行到肚餓去到唔使等位就可以即刻入去有得食，👍🏼！（不過，食食吓又有一大堆人喺出邊門口排隊啦⋯⋯好彩咋唔係又要等㗎啦）我哋分別叫咗炙燒豚肉拉麵、炙燒豚肉味玉拉麵、追加味荀，同埋咁熱天氣就梗係叫支元組彈珠汽水飲下啦（好耐冇飲過啦）。豚肉夠厚，燒得又香好食，拉麵煮得剛剛好，豬骨湯底夠香，隻蛋又流心，我同男友都好鍾意食味荀，所以追加左。同埋呢間分店嘅服務員都好好，好有禮貌。…Read More

今日放工約咗朋友行街，一定會行到好夜先食飯，而且朋友又未收工。於是我就自己一條友，走咗去公司附近嘅麥當奴🍟，叫咗個麥樂雞餐 ($25)。其實呢間麥當奴嘅麥樂雞，係比岀面嘅有啲不同，特別好食㗎，每次食親都好新鮮好脆，所以放咗工都忍唔住去食。題外話，其實呢間麥當勞嘅sundae，都好滑好好食㗎🤤…Read More

上個星期六天氣咁熱仲要去大球場睇波，曬咗幾個鐘，離場果陣時，又未到食飯時間，所以建議爸爸去Starbucks坐一坐，去嘆下同休息下。Starbucks無位就好正常㗎啦，個個都喺度做功課，覇住晒啲枱我就最唔Like👎🏼！不過今次就反而全部都係睇完波嘅球迷，好彩好快就有位可以坐低，呢度環境都唔錯㗎，可能喺啲好少少嘅shopping Mall入面，所以啲人都比較斯文同埋靜啲。爸爸揀咗杯凍Cold Brew，佢就話好正，夠晒濃。而我就揀咗杯解喝嘅芒果熱情果Frappuccino，酸酸甜甜咁，都幾好飲又醒胃👍🏼👍🏼。…Read More

上星期四自己去尖沙咀行完街，攰攰地。記得同事講而家大快活嘅咖喱牛腩飯都幾正，咁就梗係即刻去試一試啦，橫掂自己又鍾意食咖喱而且都好耐冇試過大快活嘅咖喱系列喇。一去到見到，原來依家咖喱都有分三種，分別係：正常、加辣及超辣，三種口味。咁我當然只可以食到加辣呢個程度啦，加咗辣之後又真係多咗辣味，好食好多🤤。但本人就好鍾意食牛筋嘅，好可惜成兜咖喱得一嚿仔牛筋，而且啲牛腩都比較「鞋」，真係好失望，只係咖喱汁比以前有啲驚喜。而杯餐飲就係鹹柑桔七喜味道都好正常嘅。不過老實講，都要差不多$60/ set ，應該唔會再去食佢呢個咖喱飯🤦🏻‍♀️…Read More

上星期六同爸爸去大球場睇利物浦對多蒙特慈善賽⚽️，難得同爸爸兩條友去銅鑼灣，佢又好耐冇食burger，咁梗係同佢去食Burger Room🍔啦。我哋兩個之前已經食咗少少野，所以今次去到只係帶咗兩個包同兩杯嘢飲。分別order咗，墨西哥辣椒芝士牛肉漢堡及鵝肝牛肉漢堡，另外一杯凍即磨咖啡同Snapple(Raspberry Tea)。西哥辣椒芝士牛肉漢堡，一啲都唔難其實都冇乜特別。鵝肝牛肉漢堡，我每一次都會食，因為我覺得佢塊鵝肝好正😋今次爸爸都想order呢個，連爸爸都話塊鵝肝好正呀，至於兩個包嘅牛肉漢堡，都好Juicy。至於杯咖啡，店員一送到嚟，就知道杯咖啡一定唔好飲，「稀甩甩」，爸爸表示失望！下次再有機會去食，都唔會再叫佢啲咖啡飲Lu....其實至於餐廳環境都唔錯嘅，如果唔係天氣炎熱，都可以坐喺露天座位，其實都幾有feel 㗎。…Read More