mrfoodie0814's Profile

今日去到禾輋邨食晚飯，經過呢間餐廳見到幾啱食又唔使排隊，於是就入咗去。古法三杯雞三杯雞味道非常惹味，份量亦都好多，雞肉都非常嫩滑，唔會太過粗鞋，都幾有鑊氣肉燥飯拼牛肉麵無論飯定係麵份量都係迷你size，不過就一定夠食。牛肉麵湯底非常濃郁，面嘅質感都非常好食，唔會過腍或者過硬。牛肉份量唔算多，但係尚算合理。肉燥飯味道好惹味唔會太鹹，撈埋飯一齊食就啱啱好。肉燥亦都唔會過於油膩。肉燥菜心菜心都好腍，唔會好硬，肉燥汁撈落去菜心，菜心入晒味好食…Read More

嘉多娜布甸包一向都出名，今日一口氣就買咗三個唔同味道，分別係原味、京都抹茶紅豆麻糬布甸包同黑白布甸竹炭芝麻包。原味布甸包奶味同蛋味都好濃郁，質感好順滑，麵包質感少少煙靭，整體嚟講真係好唔錯，味道又唔會太甜👍🏻京都抹茶紅豆麻糬布甸包 抹茶味唔算太濃郁，抹茶味再濃郁啲會更好！布甸包上嘅抹茶粉添加咗抹茶嘅苦澀味中和左布甸嘅甜味，令到味道更加好。黑白布甸竹炭芝麻包布甸包上有少少黑芝麻，黑芝麻味非常突出又濃郁，成個布甸包味道都好夾…Read More

平日中午去人流唔算太多，唔使排隊就可以直接入去。一行四人，叫咗好幾款嘢食，個個都話好食！奶皇包奶皇包熱辣辣非常好食，又超級流心！包質感非常軟熟！流心煎糯米雞賣相好吸引，煎糯米雞非常飽肚，上菜之後店員會幫你切開四份。糯米雞味道有少少過鹹香茜牛肉腸牛肉腸有非常多芫荽，牛肉腸非常嫩滑，咬落去散發住牛肉香味雪山叉燒菠蘿包菠蘿包非常好食，熱熱地菠蘿皮非常鬆脆，叉燒味亦都非常之夾菠蘿包味。菠蘿包都幾大個👍🏻…Read More

今日喺葵涌想食下午茶就去左呢間餐廳叫外賣，既然餐廳名叫叉燒丼家，咁下午茶就梗係要試吓佢哋嘅叉燒啦！細叉燒煎蛋丼飯，叉燒份量都唔算少有六塊，但係就唔算厚身。叉燒都唔會好肥或者係好乾身，味道就冇乜特別，同平時食開嘅差唔多。雖然係細size嘅丼飯，但係份量都唔細，食完都會好飽。叉燒飯配有蔥油，平時比較好少見呢個配搭。太陽蛋亦都煎得好完美，撈埋啲蔥油飯一齊食，真係好好食！但係依間餐廳嘅位置就唔太方便，應該都唔會成日去光顧。…Read More

之前都有試過其他阪神嘅分店，屯門分店本身近新墟街市位置方便好多，依家搬咗去工廠大廈位置就太偏僻，真係要叫外賣嘅時候先至會想幫襯！今次外賣自取，叫咗兩個餐分別係章魚關西炒麵同日式芝士漢堡扒飯。章魚關西炒麵做得好好食，炒麵落咗好多沙律醬酸酸甜甜好開胃，炒麵麵質亦都唔錯，唔會整到好淋冇晒質感。章魚份量都唔算少。日式芝士漢堡扒飯亦都有好多沙律醬，日式芝士漢堡有兩塊份量都唔細，芝士亦都做到有流心嘅效果。漢堡扒飯仲有兩粒細紫薯做配料。…Read More

今日夜晚經過光輝圍，一直都知道嘉寶漢堡好出名，就順便試吓係咪真係咁好食！叫咗兩個漢堡包同一塊薯餅，準備點餐嘅時候發現原來漢堡包可以轉做菜包。我覺得可以食得健康啲，又低卡路里啲，所以就試吓！總共叫咗兩個分別係impossible素肉芝士漢堡(轉菜包)同脆薯牛堡。晚飯時間就太多人等咗20 分鐘左右終於可以拎了！返到去一打開覺得轉咗菜包嘅漢堡包造型都幾特別🤣上下都包住好幾塊生菜，一啖咬落去生菜中和咗漢堡扒嘅油膩感，感覺輕盈好多！呢個漢堡扒係素肉但無論質感定味道真係做到好似真嘅漢堡扒咁，好好食！脆薯牛堡都好食，即使有塊炸薯餅喺度都唔會覺得好油膩，味道啱啱好，漢堡扒都好Juicy。薯餅就冇乜特別，同平時食開快餐店薯餅差唔多。…Read More

今次同朋友去食好耐冇去嘅星林居，我覺得味道都係同以前差唔多。依家嘅米線非常之個人化，你可以揀唔同嘅辣度、酸度、走芫荽或者走蔥，甚至連米線軟硬度都可以揀埋！豬紅豬腸湯米線因為本人唔食芫荽蔥嘅，所以就叫咗走芫荽蔥。豬紅十分入味，豬腸大細適中，唔會切到好大舊。米線湯底就揀咗最酸配小小辣湯底，湯底真係好酸超級開胃，米線都好彈牙，唔會煮得太腍。魚腐雞翼湯米線雞翼好大隻，煮得夠入味。魚腐亦都吸咗湯嘅味道，好好食！…Read More

今日去咗元朗發現有一間專食魚嘅餐廳，仲有魚湯米線食添，於是決定試吓！米線配料仲可以揀平時好少見到嘅魚鰾！魚鰾份量都非常之多，每一個都細細件。魚鰾煙煙韌韌口感一流！鮮魚片份量都好多，食得出好新鮮！每一啖都係魚肉冇魚骨，真係好正！魚湯米線湯底係濃郁嘅奶白色，味道亦都充滿魚香味，非常好飲！米線都十分之彈牙爽口，唔會太腍！不過唯一缺點係間餐廳好似唔係好夠冷氣，非常之熱，一邊食一邊流汗🫠食完真係即刻走，熱到頂唔順！…Read More

每次去YOHO都一定會去依間麵包店買包，仲一次過買兩個包一個今日食一個聽日食。今次就買咗兩個麵包分別係開心果脆脆酥同南瓜麻糬包。開心果脆脆酥表面有勁多開心果碎，每一啖都充滿着開心果。麵包質感酥脆可口，有濃郁嘅開心果味，一定滿足到開心果控嘅朋友！南瓜麻糬包外表係好靚嘅淡黃色，入面有非常多嘅麻糬同南瓜餡，麻糬充滿奶香味。南瓜蓉有着淡淡嘅清甜味，夾埋麻糬奶香味，真係好好食！就算第二日先食麵包質感都非常軟熟👍🏻…Read More

依間位於屯門叫豬大王嘅餐廳，一聽個名都知道係專門食豬啦！小店座位唔多，只有幾張枱。繁忙時間通常都要等位。今次係黃昏時間去，所以就唔使等位可以直接入去。當然要食必點嘅皇豬扒湯麵啦！今次叫咗豬扒配米粉，豬扒都係即叫即做，所以都要等一陣先至會上菜。豬扒又大塊又肉嫩多汁亦都唔會太過油膩，仲要預先幫你切好非常貼心。豬扒調味都非常之惹味，但唔會太鹹，十分之好食！湯米粉嘅豬骨湯底亦清清地幾好食！米粉亦都唔會煮得過腍，質感啱啱好。…Read More

機場博覽館餐廳選擇又少又貴，午餐時段仲要超多人，今次去Pacific Coffee都係冇位坐要拎走食。今次叫咗煙三文魚忌廉芝士比高包同一杯特選抹茶鮮奶。煙三文魚忌廉芝士比高包入面有洋蔥，由於唔食洋蔥嘅關係所以我叫咗走洋蔥。比高包十分之大個，食完已經夠飽。比高包質感煙煙韌韌，忌廉芝士有少少鹹鹹地，夾埋個包一齊食就啱啱好。煙三文魚份量都多👍🏻特選抹茶鮮奶唔太甜，味道啱啱好，抹茶味都好濃郁，口感順滑。…Read More

熱香餅熱潮風靡全香港，最近先知道原來Jolibee有熱香餅早餐，一直都好想去試下！可惜住嘅地方附近冇Jolibee🥲今次專誠早起跨區去食早餐！熱香餅三文治早餐，三文治餡有蛋、芝士同煙肉。熱香餅甜甜地夾埋鹹味嘅餡料一齊食，鹹鹹甜甜幾好食。熱香餅熱熱地幾軟熟，煙肉就煎到非常脆，令到成個三文治口感層次更豐富。早餐仲有配一杯熱飲，今次就叫咗熱檸茶，熱檸茶好濃味道比較苦，唔太好飲。早餐供應時段係11點前，大家如果想去試嘅話記得要11點前去呀！…Read More

之前成日喺social media見到依間麵包店，一直都想試吓！嗰日見得閒專程就去試吓呢間麵包店！麵包店位置相當偏僻，唔係好方便就去到。難得去到就買咗三款麵包，分別係綠茶麻糬紅豆貝果、紅桑子牛角酥同竹炭吐司。綠茶麻糬紅豆貝果，我由中間切開麻糬同紅豆份量都非常少。貝果口感又乾又硬，又冇綠茶味，十分失望！紅桑子牛角酥入面有非常多嘅紅桑子醬，酸酸甜甜幾好食！竹炭吐司外表黑色幾特別，質感同味道同普通嘅方包就冇乜分別，口感都幾軟熟。…Read More

嗰日要出天水圍做嘢，到lunch嘅時候就去咗附近嘅餐廳食lunch。我一向都好鍾意食牛舌，所以一見到醬油漬牛舌手打烏冬就決定一定要試吓！牛舌份量都好多，總共有六塊。牛舌軟腍又入味，非常好食。烏冬亦好彈牙，質感好好而且份量好多。配料除咗有粟米仲有半隻溏心蛋，非常好食。套餐仲有配兩個手卷，一上菜先發現原來係好迷你size嘅手卷。兩個手卷分別係蟹籽手卷同沙律手卷，雖然細細個但好好食。紫菜亦都非常脆，唔係淋晒嘅。…Read More

嗰日喺附近做完野，lunch嘅時候經過間餐廳見到個名幾得意，又唔使等位，就入咗去試下！Ca Jun烤雞燴飯呢個燴飯原來係辣嘅，有好重黑胡嘅辣味，但係佢又冇寫明係辣，如果知道係辣嘅話，我一定唔會揀依個餐。不過都叫咗唯有頂硬上食，味道其實係唔錯嘅，雞肉份量唔多，燴飯份量都足夠，食完啱啱好夠飽。套餐仲有配餐湯同一杯飲品，餐湯係粟米忌廉湯，但係就冇乜料，味道普普通通同平時飲開嘅冇乜分別。餐飲方面我就叫咗杯熱奶茶，一樣都係普通，冇特別。…Read More