zazachan's Profile

相信今時今日服務態度同嘢食好唔好食都已經係一個等號，每日去唔同餐廳，唔好話想服務態度好，想遇到唔好黑面或語氣唔差嘅侍應其實都唔係易事，今次去算係新開張嘅Owen’s，由排隊等位果一刻開始，已經係有made my day嘅感覺。我哋一行5個人，鋪頭細細眼見2人枱同4人枱多，由等果刻開始，門口帶位已經同我哋講得一張枱坐到5個人，不過張枱應該要等一陣，非常好禮貌亦俾我感覺係會盡量安排我哋坐。等位時間大概25分鐘，帶位話大枱仲未得，不過安排左將細枱拼俾我哋，我哋覺得等得好值得，因為一路等時都有叫我哋坐喺旁邊等，又不時幫我哋睇下有咩枱移俾我哋，令我感覺係真係想做我生意，唔係出面啲餐廳咁一直入細枱要我哋喪等唔理我哋。終於坐低，我叫左個帶子意粉，賣相已經好吸引，食落口意粉彈牙，帶子做到無乜冷藏嘅雪氣，好食跟住我仲見到有薄荷朱古力，嘩大佬呀，依家好少餐廳有，真係唔叫都唔得！呢杯薄荷朱古力真係好好飲，唔太甜仲好有薄荷味！讚！朋友們都讚不絕口嘅食物，係我衰我唔記得左個名。呢個軟殼蟹不得了，外脆內軟唔多粉，我食左啖差啲想叫個朋友成盤俾我。呢兩碟雞翼勁Juicy，唔炸得太燶，個味又啱啱好唔太咸，真係開胃聽聞呢間出名甜品，好啦！我哋又試下佢，拿，個開心果麻糬真係好好食，入口好滑好細緻。個巴斯克味道同預期一樣好味，不過加埋麻糬實在太漏。。如果齋巴斯克會好好多窩夫夠熱辣辣，不過雪糕就普通料囉😂但都好食嘅，呢個價錢，唔好嫌三嫌四了我都好滿足架勒！同場加映翻啱啱前日再去試嘅牛扒意粉！牛肉味濃，我叫左5成熟！喂呀。真係接近5成架！又林又鬆軟，真係好好食喎！呢個非常推薦！大家真係要試！…Read More

下午茶時間有啲肚餓行過見無人排隊但望入鋪坐左超過一半人好丫，就你啦。試下你環境舒服，係隔離兩個師奶嘈左少少嗌個130蚊既紐西蘭牛柳加30蚊跟餐。有埋湯沙律，甜品咁。。試多少少。一上咦。咩嚟。原來係紫薯忌廉湯幾特別喎。試下個味先幾好飲喎！不過可惜唔夠熱囉。。搞到個湯失色晒再嚟個沙律，量少正常。又係丘比芝麻沙律醬浸味囉。。無乜特別主菜嚟勒。幾大舊喎。舊肉幾靚下喎不過我其實我無留意我唔知原來係石板上。我頭先點餐都奇怪點解無問我要幾成熟原來因為係要自己煎一嚟正想將啲汁倒上去已經俾員工喝住佢話倒上去會好多煙，啱既。係我見識少，以為好似花園餐廳咁🤣係我唔啱。我平時食開4成既咁煎牛扒嚟講呢。小女子又真係完全唔識既所以我唯有煎熟左少少就試啦肉質正。好好食不過唔慢得囉。。我本身慣左食4成箭慢啲都熟得滯成件事好忙咁又要趕住煎又要趕住食不過老老實實。舊肉肉質係好好。好好食既。不過係忙啲即最後上雪糕同咖啡因為本身今日得9度雪糕真係唔太想食。試左一啖知道唔係牛奶公司就得勒(即係都覺得幾好食既)跟住我就試咖啡Americano 囉。都係咁味無乜特別最後我決定將成舊雪糕掉落杯咖啡度飲整體幾滿意性價比都高既下次會回頭…Read More

新開既鋪頭好靚既裝修吸引既餐牌就係咁就走左入去食嘢門口拎飛，只係用左2分鐘就入左去帶位哥哥仔細心加有禮貌令人食慾大增，心情好好早餐選擇多，有中式有西式，迎合多人口味我簡簡單單點左個中式既香滑腸粉拼魚肉燒賣仲有個火腿通半份加杯茶走其實都好夠一個女仔既份量先嚟杯茶走，熱辣辣加鍊奶上枱。未加奶前試一試味先。唔夠滑加茶味唔夠。爭少少再上個腸粉拼燒賣一拮落去。。嘩。。腸粉喎。。咁硬既未食都知咩事。腸粉又硬又韌，應該係蒸得稍為熟左就拎左埋一邊。有客點先叮熱翻再上。其實差過公仔叮叮腸粉。:(好難食。燒賣不過不失。一包嚟蒸熟佢果啲囉。無乜可以評語。好勒。火腿通心粉。。諗住無得輸啦。。點知。。通粉無味個湯好淡，火腿淡到爆。真心。。難食。。仲衰過大家樂。。本身滿心期待，最後失望而回整體上個個服務員都好好。態度好笑容夠。尤其帶位哥哥仔。100分可惜金玉其外 敗絮其中…Read More

係。。我懶。。我一年都唔寫一次食評係因為我真係好難遇到一間會令我有揸筆衝動既鋪頭。(丫，應該係郁手指至啱）不過今日有勒，入正題先。Fleur呢間鋪一直好想入去試。但因為佢一向唔做早餐時段，而11點過後我通常都出左去躝街。所以一直都試唔到。好勒。終於等到勒。今個星期開始佢終於開早上8點。而我送左雞姐去學芭蕾舞後我終於可以去試。一入門口reception 帶位哥哥唔單止靚仔。態度仲好好。知我有啲凍專登帶左我去個無乜冷氣既地方坐。仲俾多杯熱水嚟。噢，so warm心情即刻靚晒餐牌選擇唔多。同將軍澳幾間做西餐既餐廳好唔同。egg Benedict 唔係用三文魚。。煙肉咁果啲簡單嘢。。我覺後幾好。唔使食嚟食去都係果啲有每個餐包一杯飲品，我點左杯hot mocha，你睇。幾靚。唔係平時果啲心心花花呀係飛馬喎！我order左個Soft Shell Crab Croissant，隻蟹放左喺個牛角包度。喂呀，我嚟食早餐㗎咋，做乜好似食Fine din咁架，你叫我點好意思唔過嚟試你個晚餐呀一食入口，無論係個包，定抑或係隻軟殼蟹，都係外脆內軟，包鬆化得嚟唔油，蟹一食就知道係新鮮炸，唔係好似你去到乜乜壽司食嗰啲，呢隻蟹係熱辣辣吹卜卜嗰隻呀！你知唔知道而家搵一間嘢食好食，價錢唔貴，全部員工又好禮貌又好招呼嘅餐廳有幾難，呢間真係非常值得讚如果你哋食開嗰啲兩塊煙肉兩條腸仔加煎蛋有幾片三文魚加茄汁焗豆咁就係叫西式早餐既話，你哋不妨過嚟試吓呢一間，沙塵我真心推介性價比高！…Read More

今日專登走過去試呢間開左短短時間而又未曾入去食既榕記車仔麵。話說佢開正喺娘家樓下，閒來無事行過路過都會望下入去，但基於每資翻完娘家食飯都係太飽，所以一直無機會試，好勒。今日專登去試下呢間標榜有養生湯底，新鮮製造，無味精既車仔麵先。我同奶奶兩個分別點左白果胡椒豬肚湯底既魚肉春卷酸齋生菜米線同埋豬骨湯底墨丸大腸豬紅冬菇油麵！首先讚一讚分開上既酸齋。酸而不澀凍凍地分開上又幾好味！跟住有手指公既墨丸咬落去又唔算彈牙。墨魚味都一般，又無想像中好食，俾隻指公呃呃地。豬大腸林而入味，洗得都幾乾淨而且剪得粗厚適中，都幾好！冬菇都夠林同夠入味，而且好大隻。豬紅呢食落去就似雞紅。。白果豬肚我奶奶食到讚不絕口，覺得夠辣又唔難入口，食完好舒服(咁啱呢幾日凍)整體嚟講喺將軍澳食到呢個質素既車仔麵都已經好好，雖然麵底少左啲，應該得二両唔夠，女人食就剛剛好既！男人就爭少少勒。但養生湯底呢下有心又做得好味真係抵嚟食！價錢亦算公道，兩碗下午茶加埋99蚊仲送豆漿，唔平但亦不貴，比起你去大家樂兩個食70蚊有益得多。…Read More

我真係好懶，懶到就快一年先寫一次食評，今次推介班姊妹去呢道食晚餐，未去到班女已經係咁話遠，其實由地鐵站行過嚟都只係十幾分鐘之嘛，你班港女真係呢離遠已經見到燈火通明既灣仔碼頭，其實都好易搵叫左兩盤串燒，分別係全雞既同全菜既。另外仲加左兩串牛舌同雞翼雞軟骨，串燒一上枱就知剛剛燒起，熱辣辣而且肉質都好林好好食呢個凍海鮮拼盤不得了，358呢個價錢有齊鮑魚生蠔赤貝蝦螺帶子同海膽，樣樣都4件。我地4條女剛剛好。我地分別叫左壽司拼盤SET ABCD加一個極上壽司盛，刺身大部份都好新鮮，除左油甘，𩶘魚爭少少:(。Tuna都好好食，海膽直頭鮮甜幾個女仔就梗係飲下梅酒啦。呢度梅酒有杯，支同set揀，我地叫左set，有5杯細細杯，加入冰杯剛剛好。梅酒有好多款，我地分別試左古城梅酒，綠茶梅酒同柚子梅酒，古城最濃，柚子最清新，綠茶就一般般。女仔食飯又點少得甜品呢，呢度有Tokyo via既綠茶雪糕，雪糕夠滑而且甜度適中。加脆米好有層次呢餐眾姊妹都好滿意，完全忘記行遠左呢件事，拿，所以話呢，食好嘢都要付出家嘛。行完一輪餓左食又覺得好食啲，食完行又可以消化下，何樂而不為呢…Read More

好耐無寫食評今日終於落手寫呢間其實我食左幾次覺得水準好平均所以今次6個姊妹一聚我就揀左呢度年初五真係驚仲未開市好彩即日一打去都訂到枱6個女仔喎首先梗係叫個薯條吹陣水先呢個薯條切得好幼炸得又啱啱好個黑松露醬係一個好重要既靈魂點左佢真係食到班女停唔到口薯條嚟左後其實我地叫左個牛油果芒果蝦沙律但太餓，相都未影就被消滅了芒果超甜牛油果切得適中唔細舊好有口感沙律係沖醋汁好開胃再嚟個三重芝士薄餅其實成個薄餅最重要係芝士不過由於佢用左blue cheese而唔係個個都接受到blue cheese陣味所以相對嚟講個pizza就無咁搶手而今日呢個pizza都能夠做到脆軟適中既口感其實都唔錯我次次都叫個荔枝茶貪佢飲到最尾可以食埋粒荔枝味道甜度適中，不過我次次都接受唔到個蓋有啲污糟其實就叫左2個意粉呢個係溫泉蛋卡邦尼意粉今日做得太咸另一個係鵝肝黑松露意粉由於對比太強烈班女又太中意黑松露未嚟得切影相就已經俾佢地啪晒拿拿拿，呢個Pork rib真係推介好林好好食易切又易入口配堆個燒汁同啲薯條真係好食到呢青口都可以重點係乾淨雖然係冰鮮但個汁做得好用嚟點個蒜蓉包剛剛好我其實次次都係為左窩夫先嚟呢度個窩夫真係無得輸外脆內軟有夾心每星期每日都有不同口味揀我好中意佢有全份同半份揀適合唔同人數食好正好正，必食推薦食到唔夠喉又可以叫半份啱晒一班眼闊肚窄胃有兩個既女仔ssss值得一提佢雪糕有朱古力，焦糖，彩虹同綠茶味揀我今次就叫左彩虹俾班女仔試個味係。。。耐人尋味本人朋友覺得似鳳仙味年紀有翻咁上下既一定知鳳仙係咩啦唔知既就自己去試啦都幾值得試下好。整體就係咁呢間碟頭細細三五知己去食就啱啱好一人小小試下不過成班男人就真係要叫多啲因為如果男人食就比較細碟佢呢間都有好多不同種類咖啡揀都好值得試不過今次係晚餐所以班女仔都無叫下次中午食再影俾大家睇…Read More

好耐無寫食評。今次真係忍唔住。話說今日係工展會開鑼第二日。我當然要帶太后同皇弟入場去掃貨啦。去之前就要醫飽個肚仔先。行左去清風街一間新開既cafe，門口幾靚都好吸引。入到去都係舒適既。整體感覺乾淨舒服。我地3個人。所以嗌左3樣嘢。首先係Holiday set既 all day breakfast，跟住係餐單上正價既黑松露野菌Risotto同黑椒蜜糖雞翼。一嚟就先嚟左個黑松露野菌Risotto先賣相幾好而且味道都唔錯。飯既軟硬度適中，菜都新鮮，野菌同黑松露份量控制得剛剛好。味道夠厚。跟住就係雞翼了。蜜糖好多。黑椒味老實講就真係無乜。不過不過不失。夠入味都夠熟。只係有點太甜。呢份all day breakfast簡直係失望到爆。我從來未食過一份咁難食既all day breakfast。首先茄汁豆(好難難食),但都難食。擺明用水溝浠左再煮。完全無茄汁味之餘仲梅梅地。腸仔明顯烚左再底面求其煎兩下，淡。無味。皮唔脆仲要好林。。。煙肉同樣。。烚完煎。。包唔好食。又無烘過。林哂好似擺左好耐。薯餅無問題。。蛋都算過得去。。菌都無意見。兩種花茶都尚可。好細心俾左3隻杯。Waiter 全部都好有禮貌。依家即日起惠顧正價食品，影相上傳instagram facebook仲送雪糕泡芙杯。我做左所以送左杯我食。。um。。。雲呢拿雪糕加雪糕內涵既泡芙。唔係難食但唔好食。不過。。唔洗錢就算啦。反正唔會再來食。。。…Read More

皇太后生日。當然要揀一間有翻咁上下既餐廳啦。媽媽鐘意自助餐，我就揀左呢間The Ritz-Carlton既cafe 103，行緊去果時因為要轉幾條電梯。媽媽已經媽媽聲話行好遠，但一上到去搭𨋢，聽到上103樓。已經變為嘩嘩聲。一去到服務好好勁好笑容們waitress 已經問你飲咩。原來紅白酒香檳可樂橙汁等飲料都係任飲同free既。我叫左杯白酒。一飲就知係Sauvignon Blanc，不過唔知年份。但係好易入口好好飲好勒。出去搵食。基本上冷盤就間間buffet 都咁上下。龍蝦，生蠔，蝦等都有齊既。比較想贊係整開左既龍蝦鉗同肥美鮮甜既生蠔跟住就羊扒同牛扒都好出色。牛好嫩。羊唔算酥。我試左個和牛鵝肝burger,包皮好脆鵝肝剪得好和牛夠大舊。BBQ Port Rib係waitress 推薦，我拎左一舊但覺得甜得滯而且唔夠嫩。話哂呢間出名係甜品。甜品係完全唔令人失望的。種類多不在話下。而且基本上樣樣都好特別。仲特別好食。有機會下次嚟食Tea先！…Read More

話說表哥百日宴。去左呢間好似話係洪天明開的中菜餐廳。一去到就見到枱頭好old school的紅雞蛋。跟住就開始上主菜了。第一度菜係乳豬飯。個款就好似果間XX紅咁。隻豬都幾外脆內軟。飯都炒得有鑊氣。如果同XX紅相比，我覺得呢間好食啲。跟住有避風塘椒鹽大賴尿炸。嘩。好鬼惹味。分開頭尾炸完仲要碌哂殼再炒。我覺得成晚最好食係呢味餸勒！桂花蚌蝦球西蘭花。味道適中唔太淡唔太咸。蝦球大隻得嚟夠爽口。。好食既都。。。:)酥炸大扇貝。。好失望。。一嚟覺得粉多。二嚟我咁啱食果隻臭既魚湯豆腐雜菜，Actually我唔知呢味叫咩名。不過魚湯好鮮甜。菜都爽口唔老。贊既上魚了上魚了。我本來好期待的。因為表哥話係食龍躉仔。。但。。。好鞋囉。。都唔好食既。。其實仲有好多嘢食的。好似粉麵飯咁。不過特色我就只係覺得以上介紹的比較特別。By the way,總體嚟講都好食既。自己會再去多次！…Read More

其實德福都幾多食肆，但除左元氣同美心皇宮。果個corner 位就只有呢間有人排隊。本住排隊有筍嘢既心態。我就去排隊了。好好彩等左10分鐘就已經有得食。我地嗌左牛油粟米帶子，牛油味好重不過粟米有點硬，帶子還可以，不太細隻黑椒腸配薯條腸仔有點咸，可能因為裡面有芝士汁，薯條好乾好硬，而且太幼，油多。炒雜菜。油多，一般貨色咖哩吉列千層豬扒，唔辣，都幾好食。紅薑有點少。豬扒咬落去都幾鬆軟，咖哩汁味都唔太稀唔太濃。啱啱好。都值得叫。三味鰻魚飯。係咁多樣裡面最好食既。有茶漬食法。wasabi 食法同普通加紫菜或薑食。鰻魚好鮮甜。加wasabi食好正。最特別同最好食既食法。整體都可以的。…Read More

睇左近排Facebook 瘋傳的10蚊任食生蠔，早3日就打電話預訂大角嘴諗住喪隊生蠔。一嚟到門面已經好鐘意，環境舒適又乾淨。一坐底餐牌都未睇，緊係問侍應嗌蠔有無限制先啦，下？無限制？點嗌都得？唔係呀化？waiter哥哥仲好好服務咁話:不如我幫你地落左生蠔先，你地食住點菜，慢慢諗！唔好講笑，今時今日咁既服務態度點搵到呀？我諗住喪砌10蚊生蠔咋喎，你咁好態度，我點都叫多幾多菜啦，首先叫住12隻試下貨先。開頭果盤海水味好重，有啲鹹，都細隻但又未去到無肉既，不過都幾新鮮，鐘意海水味可能ok，但我就一般。。但食完真係未夠喉。咁點？嚟多打啦，第二盤明顯無咁鹹，而且比第一盤大隻肥仔啲。到第三盤一嚟到嘩。。。巨過我隻手指公呀，我地一共食左3打蠔(P.S五人中有兩個唔食蠔)其實第三盤有一隻有臭味，我朋友咬左一啖放左埋一邊，收枱時waiter哥哥見到，好貼心咁問左句係咪壞，我地答係佢即刻叫師傅開多隻俾我地雖然我地真係好飽，但最終都share埋最後一隻。食生蠔點唔配白酒？我地叫左支價值278蚊既Australia Sauvignon Blanc，易入口又好飲！贊！其實第一盤過後，我地點左一份18安士牛扒，7成熟，肥瘦分佈都ok，不過就無咩牛味，18安士望落都有少少唔足秤。西班牙乳豬，餐牌上係無既，不過我地聽到隔離枱點，我地又跟住點豬肥瘦都好適中，不過我地食得太多蠔所以好漏。但豬皮脆肉嫩，我好建議大家食！炸薯角炸得皮好落同埋薯仔好食有啲甜！炸魷魚圈我真心推薦！我本身唔鐘意食炸嘢同魷魚我都食左3，4舊，炸得啱啱好，味道又鮮！炸粉又少，真係好好食其實食到第3盤蠔大家都已經投哂降，我飽到想嘔翻出嚟。。坦白講，10蚊隻俾你食你食到隻隻大過隻手指公，厚肉過你手指公既蠔，你仲想點？仲要俾我知你將軍澳有一間，仲有露天地方，仲要服務態度好到爆燈，我仲要拎埋張VIP card下次有7折。我一定每個月幫襯幾次…Read More

未去之前其實都睇左好多食評先去，留服務態度既評語好兩極，有人贊有人彈，但本住一個餓底的精神同埋本身我個人都好歡欣既關係，我覺得我未必會碰上工作態度唔好既姐姐。首先一去到本身訂左7位但之後改左6位知客姐姐都好快俾我上去，第一關過左，唔似啲人話訂位都要等好耐。再嚟就考慮食咩了，由於係8點半後入座，正價可以打7折，而佢又有任食餐，我地都商討左半粒鐘先決定，商討其間姐姐有走嚟催幾次但都比我地笑哈哈既氣氛融化左，我地最終揀左任食餐，第二關又過埋。任食餐送龍蝦同蜆拼盆，另外仲可以送5款海鮮，我地揀左鮑魚仔，蟶子，象拔蚌仔， 龍躉同石蠔！開始前姐姐落米，瑤柱，水等材料喺鍋底。跟住就蒸蜆了，驟眼睇落有2款蜆。我個人咩醬油都唔點，豉油都無落，但食落超鮮甜！無沙跟住就係龍蝦，好大隻都好多肉蟶子，象拔蚌仔就好厚肉，而且洗得好乾淨，一粒沙都無，加埋蒜蓉粉絲，鮮甜好味道！龍躉份量好少，而且蒸完好韌，皮又唔林又韌，失望石蠔都幾大隻，不過好多沙而且有朋友食到有點苦，唔好跟住去到呢個時候，姐姐已經開始將啲嘢食一炮過蒸，我地任食點左和牛粒，和牛肉同牛仔骨，姐姐一炮過同鮑魚仔蒸，鮑魚仔就啱啱好唔韌，但所有牛就完全食唔落口，好鞋一炮過蒸仲有蝦丸呀，墨魚丸呀，粟米呀，蟲草花蒸雞呀，馬拉糕，紅棗糕，荷葉飯咁。蝦丸同紅棗糕味道ok:)馬拉糕一流其他就一般，但荷葉飯無料，好乾。到最後終於可以試個粥，吸收哂所有精華的粥真係好甜，不過由於有海鮮，間唔時會食到啲殼，不過粥好綿，好好食，但太飽了真係食唔哂！到差唔多埋單時，隔離枱喺度嘈張單有問題，細聽下佢地係單點，我唔理咁多，都叫埋單，好彩我地套餐價錢正常，加醬油錢再加埋一，都無奇怪單發生，第三關都過埋！yeah!好滿意的一餐飯…Read More