cephaskwok's Profile

好開心又到周圍搵食嘅時間，今日去搵日本嘢食，聽講話呢間嘢都新鮮，特別有幾靚嘅鰻魚飯，專登嚟試吓首先有呢個蕃茄豆腐沙律，豆腐非常滑， 夾埋溫室蕃茄一齊食，少少胡麻醬，非常開胃喺度食日本嘢當然要叫啲壽司，叫咗呢個九點壽司，吞拿魚等都幾新鮮，特別欣賞帶子大大塊，同埋松葉蟹蟹肉蟹膏軍艦，半份蟹膏，半份蟹肉，雖然係軍艦，但竟然都非常新鮮，無偷工減料，蟹膏香味十足嚟到主菜蒲燒完條鰻魚丼，唔好睇佢咁嘅樣，極度大條，大大碗飯都遮得住，而且都幾厚肉，廚房攞出嚟啱啱燒好，夠香又夠滑最後仲有呢個幾特別嘅魚皮蝦餃，入面就好似酒樓嘅蝦餃咁，外面係脆皮包住，應該係魚皮？幾得意嘅小食，可以再試…Read More

同事放工搵地方happy hour ，同事話呢度有間Pizza近近地有酒飲，好似幾開心，於是試吓餐廳非常舒服，燈光柔和，座位寬敞，好適合傾偈一坐低見到隔離枱嘅Pizza，大大份又多料，非常吸引，結果變咗食晚飯前菜想開胃啲，叫咗個煙三文魚葡萄柚石榴沙律，點仲口上都幾大份，沙律菜幾新鮮，加埋大大隻嘅葡萄柚，同石榴粒粒，味道幾豐富另外，呢個烤焗香辣未來素肉丸估唔到咁吸引，素肉丸嘅感覺同真肉丸好似，大大粒，香口，加上蕃茄肉丸汁，可自己添加，好滿足Pizza方面，我哋叫咗Meat lover pizza with thin crust，用了十足，果然係啖啖肉，加$10可以將餅底轉做脆脆，仲可以唔使食咁飽，非常開心變咗做晚餐我哋就留返下次先飲酒粒，我叫咗呢杯Latte macchiato，同Iced lemon tea？大大杯，夠醒神希望下次時間啱啲，真係試埋happy hour…Read More

今日約咗個好耐冇見嘅中學同學食飯，佢喺食慣好野，當然唔可以約佢去啲太地踎嘅地方。而且佢好察得，所以放題啱晒。去到呢，睇吓大家一定要排隊。就算訂咗枱都一樣，一視同仁。。我哋兩個人揀咗澳洲M5和牛。坐低冇耐，服務員就擺低啲一定有嘅食物，包括刺身、肉類、同埋火鍋用嘅海鮮拼盤。一開始嚟嘅M5和 牛，大大塊，勁滑勁多油。同埋另一盤牛肩隻都好有牛肉味，口感一流。呢排有啲熱氣，所以就揀咗比較潤嘅冬瓜薏米湯。近門口仲有飲品雪櫃兩大個，裏面嘅罐裝飲品有超過10款俾你揀。我同朋友都係啲滋陰嘅人，所以飲品都揀台灣甘蔗汁、同埋可口可樂Plus。佢嘅天婦羅都炸得好好食，不過我鍾意食日式餃子。咁食得放題又點可以少得食甜品呢，佢啲雪糕都好多款，仲有雪條揀添。你鍾意食榴槤嘅話就開心啦！因為有榴槤雪條！ ！ ！…Read More

尖沙咀中午搵嘢食，原來呢度有一間拉麵舖，好似佈置得幾靚，見到仲有時間，於是同同事食。排隊唔算好耐，大約10分鐘左右，不過門口天氣真係有啲熱我哋叫咗呢個神山豚角沾汁麵，叫完之後見到師傅燒緊一條豬腩肉，大大條咁放上去慢慢燒，心諗唔通係我嗰條？上台就見到，原來條條都咁大條，工作煩惱即刻冇晒呢度嘅拉麵都係非常特別，沾汁坑紋麵嘅麵身比較特別，好似兩條拉麵黐埋一齊咁，味道都真係比較鹹，但呢個係沾麵嘅特色，佢啲汁有加上肉粒，都算係認真製作我哋又叫咗湯餃子，雖然煎過，但係用湯浸住，未試過咁樣食，都幾得意嘅，餃子入面有厚厚嘅菜肉，幾豐富特別推廣呢度嘅炸雞，雞皮脆口，封住肉汁係入面，加上少少辣辣地嘅芥末沙律醬，算唔算係西洋風？最後佢啲果汁茶都幾好飲，不過天氣熱，啲面又偏鹹，可能一杯未必夠，建議增加份量…Read More

季結業績幾好，成條Team又有機會一齊去食飯喺Office附近搵間中菜食，估唔到做緊抗疫優惠，價錢合理幾個人一齊share呢份蜜汁黑豚肉，估唔到咁大份，酒樓燒味就係唔同，肉質爽口，可能黒豚肉同普通豬肉真係唔同啲，點埋啲蜜汁，味道濃厚另外我哋叫咗啲煲仔菜送飯，呢個鹹魚雞粒豆腐煲，算係家常菜，味道唔錯，見到廚房真係用煲仔煮，上枱嘅時候熱到仲有泡泡，雞肉都幾滑，算係用心另外我哋叫咗啲海鮮，又蝦又魚，最喜歡嘅係呢個扇貝，蒸得啱啱好，幾鮮味幾滑最開心細老細話請食魚翅，一人一個煲仔，以為普通嘢，點知勁大大大份，平時好少食嘅我真嚇一嚇😂…Read More

今日同朋友一齊去沙田食，又話想食意大利餐廳，佢話呢間都有啲傳統嘅食品，叫埋一齊試第一個我哋揀傳統意大利沙律，唔知意大利人係咪真係咁食，好大嚿嘅水牛芝士，放喺蕃茄仔上面，加上少少酸醋，同埋橄欖油，撈埋一齊食又幾得，唔太咸，但味道豐富炸南瓜芝士米球就非常之正，脆脆嘅外皮入面，係芝士南瓜味嘅意大利米，芝士拉絲，味道香濃，加小小特製蕃茄醬點入外面，諗起都覺得正Aglio olio 係一個簡單嘅大蝦蒜蓉炒意粉，好香嘅橄欖油味，爆香咗蒜片，最得意嘅係佢加咗好大條辣椒喺上面， 清香得嚟加啲刺激Pancetta 係一個非常大份嘅pizza，煙肉味都幾濃，加上用咗幾靚嘅芝士，香脆嘅邊邊，都係做到一流，最加分嘅係中間打咗一隻蛋，油香脆嘅外皮，到中間流心嘅蛋黃，口感好有層次飲品方面， 我哋叫咗Mango Mania，大大杯嘅芒果沙冰，好似有啲mojito 嘅味, 另一杯Cucumber and mint就幾得意，唔好睇佢細細杯， 味道都幾濃郁，豐富，最開心嘅係兩杯嘢飲都唔算太甜，減醣食譜都啱飲最後當然唔少得餐後甜品，食意大利餐當然要㨂Taramisu，大大杯，層次分，小小冧酒味，又夠香又舊滑…Read More

今日同朋友放工，返屋企之前想搵個地方傾一陣計，食個飯，於是嚟咗呢間都幾特色嘅西餐廳門口見到呢個雪糕櫃，就知有好多好好味嘅Gelato，舖頭都唔只係食雪糕，仲可以有pancake， pizza之類當正餐前菜方面，我哋叫咗呢個Arancini Ball，估唔到，原來入面係意大利米，只係菌類嘅risotto造成嘅飯團，然後再脆炸咗個外皮，外脆內軟，飯心味道香濃另外呢度嘅Pizza比較特別，唔似得傳統嘅餅底，而係用酥皮做，於是我哋試咗呢個Sausage party，上面有非常多嘅芝士，拎起上嚟都有拉絲嘅感覺，最開心嘅係酥皮啱啱焗起，非常鬆脆甜品方面，我哋首先食咗呢個Coconut coma，有好香嘅椰汁味，四圍亦都有一啲椰子啫喱糖放喺杯，加埋落個雪糕度，口感幾有層次最後叫咗呢個Mango gelato napoleon 真係嚇親，睇相以為細細隻，點知上枱非常巨大，大約有四個雪糕球咁多嘅雪糕份量，再加埋新鮮嘅拿破崙脆皮，最估唔到嘅係，脆皮非常之脆，加埋香甜嘅Gelato 真係非常完美…Read More

今日同朋友又食日本嘢，朋友話呢度啲魚幾新鮮，一早book咗枱，咁神心就嚟試吓啦前菜方面有非常少見嘅沖繩海葡萄沙律 ，海葡萄真係度度有，咸咸哋，爽口，配合新鮮蕃茄，味道平衡江戶前玉子燒 似係自己做，非常特別，口感好似海棉蛋糕呢度嘅串燒應該唔錯，我地叫咗日本雞皮，非常脆口，原隻大啡菇真係好大隻，燒過後依然保留好多肉汁，功夫唔錯，仲有雞腎 、牛舌 、日本黑豚等，都係香口得嚟仲有油份，燒嘅火候啱啱好仲有值得一讚嘅係呢個鹽燒三文魚鮫，大大份，性價比高，加上幾新鮮，入口即化壽司方面，都幾多選擇，油甘魚腩壽司、火炙鵝肝壽司、平目魚壽司、火炙三文魚腩壽司，各種嘅壽司飯都係特別，本身有調味，油香十足，加上魚肉新鮮，大份，值回票價最後叫咗呢個蜜桃🍑雪芭，完隻水蜜桃切開，放入自製雪芭，果香樸鼻，清甜解渴…Read More

今日中午同朋友去食飯，朋友話想邪惡一下食炸雞，於是就諗起上次行過冇位冇機會食嘅呢間炸雞店，一齊去試吓。呢度嘅座位寬敞，仲有窗邊位，都幾舒服叫得炸雞店，梗係要有唔同種類嘅炸雞俾我哋揀，估唔到選擇係咁多，如果唔想太熱氣，亦都可以揀烤雞，但講明我哋想邪惡，就梗係食咗炸最肥膩嗰隻啦首先上台嘅係邪惡之最火山岩漿芝士雞，除咗有炸雞同埋薯條，中間仲有充滿芝士汁嘅農夫包，每次食一口炸雞，都要成舊雞浸晒落去，淡淡芝士味同鮮嫩可口嘅雞汁混埋一齊，諗起都回味另外就有呢個海洋之盤，以為炸魚薯條係普通野啦，但估唔到，炸魚做得咁好，啤酒浸嘅炸皮脆脆，厚厚嘅一層，非常鬆脆，一咬落去就碎晒，溶落非常之滑嘅魚肉度，口感一流，連炸蝦都係大大嚿，絕無戲場食咁熱氣嘅嘢當然又要飲番杯啤酒，見到佢有都幾得意嘅西柚生啤，啤酒味同西柚味一半一半，平衡得幾好，飲落舒服朋友叫咗呢杯藍莓乳酪沙冰，有藍妹打咗落沙冰之中，每一啖都有粒粒，好香嘅乳酪味最後叫甜品，食咗呢個紅豆綠茶冰，大大杯兩個人分啱啱好，唔算太甜，食完冰涼嘅感覺，啱啱好沖走左熱氣…Read More

今日同朋友食晚飯，喺沙田火車站附近快快搵嘢食，見到呢間越南餐廳，都幾多人，應該唔錯於是試吓。呢度叫個二人餐都係百幾蚊，仲有小食，價錢合理。我哋叫咗呢個牛腩湯河，估唔到咁高質素，牛腩切得好薄，但分量多，加上肥瘦適中，唔會煮得太熟，琳琳地，又夠入味串燒雞肉撈檬粉，雞串都好入味特別推介呢個春卷，網燒春卷炸得好趣，吸晒啲特製嘅酸汁，味道啱啱好另外呢個蝦餅，四大塊，啱啱乍起，夠熱又脆脆哋飲品方面，呢杯紅豆冰就唔錯，大大杯，甜味啱啱好可以沖走食物香料嘅味道另外都估唔到，呢度有洛神花茶飲，食完熱氣野少少清熱，都幾好呀…Read More

今日朋友請食飯， book咗呢間餐廳，好彩有book，如果唔係一定等唔到位一上電梯已經好有氣氛，好大幅壁畫做招牌餐廳入面嘅裝飾都好有日本氣氛，仲用咗啲清酒招紙做牆紙，天花嘅布都好特別一個二人餐唔算太貴，四百幾蚊就OK，而且分量非常多，但係前菜嘅炸雞已經意想不到。皮脆肉嫩又多汁。另外呢碟麥粒味噌青瓜都幾得意，青青地又帶點濃厚嘅味噌，口感豐富仲有唔少得主菜牛牛鍋，分量足，牛牛新鮮另外仲有一份小食天婦羅，特別炸蝦又大隻又鮮味燒物都唔錯，金菇牛肉卷又大隻又多汁，燒雞翼一啲都唔乾，多汁嫩滑當然居酒屋就點少得飲品杯酒類，青檸味嘅係我最愛，加上少少燒酎，真係好開心…Read More

夜晚同以前同學一齊去打邊爐吹水，當然要來呢間咁好食嘅火鍋店，真係覺得性價比高呢度裝修簡約企理，出去攞嘢都幾方便，坐位寬闊舒服最重要係食物性價比非常高，一位都係兩百幾蚊起，就可以有高質素嘅肉類俾你揀到，單係牛肉都有幾個部位，手切肥牛比較嫩滑，雪花肥牛都係鮮味十足有心思嘅係，當你仲等緊個爐滾嘅時候，可以先出去炸天婦羅，啲蝦都新鮮，加上自己自助點炸漿炸粉，成件事都幾開心當然唔少得好多得揀嘅自助蔬菜同肉丸，蔬菜非常新鮮，店員好細心咁一棵一棵排好，整齊乾淨，丸類質素都唔錯，一啲都唔頹最後係飲品同甜品款式都幾多，臨走時仲可以食M字同D字雪糕，正…Read More

舖頭嘅裝飾非常別緻，好有特色，門口外嘅設計已經特別，入到去仲有一個武士頭盔，又幾得意。見到個餐牌就知呢度嘅卷物非常特別，於是叫咗一個試吓，佢哋嘅名稱都好唔同，我哋就試咗呢個蜘蛛卷，大大塊牛油果包實，用足料另外我哋叫咗呢個鰻魚Pizza， pizza係用壽司米做，炸咗嘅飯做底，又幾特別，上面嘅鰻魚都非常新鮮，加咗好多木魚碎，口感豐富我哋仲叫咗呢個三文魚頭煲，三文魚頭非常大份，好多肉，而且魚湯煲得啱啱好，好香嘅胡椒味，加埋魚油煲左落湯度，飲落非常滿足小食方面，我哋叫咗燒茄子，齋睇個樣就知道大份，調味適中，唔會話好油膩，酸酸甜甜少少辣，仲有呢個燒雞腎，燒得啱啱好，仲有肉汁係入面講到燒物當然唔少得燒牛舌，份量唔細，有夠熱，用料OK爽口，唔會話太蘇，質素唔錯…Read More

台灣館今日放工同同事是但搵啲嘢食，就喺德寶附近見到有間台灣嘅，睇落都唔錯，於是食個簡單便飯。舖頭入面都幾大幾多座位，但好快都坐滿人舖頭有二人晚餐，或者散叫都得，都唔算太貴，性價比高我哋叫咗一個三杯雞煲，好彩唔辣嘅，雞肉都算嫩滑，洋蔥煮得幾淋另外有呢個黃金蝦，都幾多蛋黃，搽晒睇蝦上面，算係幾新鮮飲品方面叫咗呢個熱水蜜桃茶，同埋草莓珍珠奶茶，整得算係幾靚，加啲cream, 都算唔錯啦簡單家常便飯唔錯嘅選擇…Read More

話說今日同事介紹觀塘呢間高質素台灣餐廳，日月堂，放工輕鬆吓搵個地方傾吓計最啱。門口嘅招牌，同埋字句非常有詩意。應該都算係幾出名嘅舖頭，放工時間有唔少食客。同事話呢度嘅蛋餅最好食，於是我哋叫咗個粟米起司蛋餅，芝士非常之多，夠熱溶晒喺蛋餅入面，包住每粒粟米，拉起上嚟仲有絲。主菜方面有呢碗大大碗嘅牛肉麵，台灣麵嘅質地就係靚，爽口彈牙，即使浸左喺湯度都唔會無限發脹。牛𦟌非常淋，肉汁濃郁，而且大大嚿，都幾抵食，湯底更加一流，清甜充滿牛味另外滷肉飯都幾抵食，大大碗，仲有滷蛋，滷肉嘅肥瘦平均，入口嫩滑最後再加埋呢個地瓜薯條，薯條啱啱炸起，每一條都非常脆，再加少少酸梅粉，鹹味同酸甜味非常平衡飲品方面大大杯，我叫咗呢個百香果紅茶加蜂蜜蘆薈，蘆薈都大大粒，又滑又滋潤，同事就叫咗呢杯柑桔鮮檸紅茶，只呢兩杯茶嘅份量，真係夠傾足一晚用料十足，用心製作，良心食堂，值得幫襯…Read More