aliceyuen123alice's Profile

今日朋友邀請我去謝斐道問月酒店三樓的中菜廳吃午餐。問月是間精品酒店，中菜廳叫大宅，朋友是熟客。大宅的裝飾擺設具中國風，頗有心思氣派，座位舒適，環境不錯，服務也貼心。朋友選了兩份全日套餐。先來一碗花膠海參魚蓉羹，令人胃口大開，魚蓉羹好鮮甜，真材實料。跟住吃拼盤，金磚豆腐外脆內軟，美味。蟹籽燒賣大大粒，手切的豬肉鮮甜有肉味，青瓜雲耳酸甜爽脆開胃。蟹黃銀針肉帶賣相佳味道鮮美，帶子鮮甜，素翅和蟹黃上湯配合得很好。文火和牛慢煑了8個鐘，入口軟糯可口有肉味，配埋香濃的肉汁和炸腸粉，好味。鬼馬咕嚕肉開胃可口，咕嚕肉外脆內肥美，和香脆的油條，菠蘿，馬碲，洋葱，蕎頭等配合得很好。酒釀炒菜心苗也不錯。少爺炒飯也有水準，蛋白火腿絲青豆炒飯有功夫，不肥膩。甜品黑芝麻雪糕造型是隻可愛的獅子，香滑有芝麻味，甜度適中。整體用餐感受很好。平時商務午餐或親朋聚餐大宅也是個不錯的選擇。…Read More

今日朋友約我去北角健康邨紅星餐廳午餐，佢話因為好食抵食，所以當左係飯堂。下午一時去到，餐廳已有很多客人，也有不少附近上班的人來買外賣。主菜選擇有15款，價錢豐儉由人，可以加配沙律，餐湯，飲品和甜品。主菜我揀了鐵板法式羊扒配腰果芥末醬和迷迭香蒜蓉汁跟薯蓉，朋友選了店推介的牛面珠墩肉配意粉。凱撒沙律大份，清新開胃，上面啲parmesan cheese香濃好味。餐湯足料濃郁好味道，還有香軟的甜餐飽，真好!羊扒揀7成熟火喉控制啱哂我地心水，用錫紙包住骨頭方便吃，有三大件，肉質靚夠味道，羊扒上的果仁香脆有畫龍點晴嘅效果，薯蓉香滑，有水準!牛面豬燉肉真係值得一試，肥瘦得宜，淋滑肉味濃，充滿骨膠原，經濟實惠，啲汁撈意粉或飯都正。食埋香滑的芝士蛋糕和享用埋凍檸茶/凍奶茶，好滿足。餐廳環境有情調，店內播放悅耳英文歌，令人享受美食之餘，心情愉快輕鬆，充電後工作都有效率些。餐廳服務貼心有效率，讚。主餐牌於1:45pm後入座並於6pm前離座有8折，外賣自取也有8折。…Read More

今日和朋友在時代廣場花漾歎了一個愜意美味的下午茶。下午茶套餐多選擇，各款招牌主食小吃飲品任君選擇，份量足，味道好，有風味。主食我們揀了白胡椒肉骨茶配油香飯和馬來咖喱烤豬頸肉配米飯。白胡椒肉骨茶的白胡椒湯清香微辣，暖胃驅寒，一字排骨有肉香，大蒜棉滑不嗆，有益又美味，油飯香，油條脆。馬來咖喱有椰香微辣，惹味，豬頸肉烤得香脆，煙韌彈牙。小食都有水準，街頭雞肉串燒味甜肉鬆軟，越南春卷裏面充滿健康的蔬菜粉絲和肉碎，硯港炸蝦餅惹味彈牙，蝦頭膏生菜爽甜惹味。馬來手工拉茶有特色，甜度適中有茶味。店環境舒適，服務不錯。…Read More

今晚同朋友去尖沙咀加連威老道瑞生尖沙咀酒店四樓the Pearl飯聚。星期日晚餐廳生意很好，有很多客人，有一家人聚會，也有三兩知己聚餐，加上輕快的音樂和聖誕裝飾，頗有節日氣氛。我和朋友坐在bar枱，可以一邊吃飯，一邊欣賞bar tender調酒，頗有情調。食物選擇不少，我們揀了些招牌前菜和主菜，食物整體可口有質素，fusion煮法精緻有心思亦健康，擺碟有美感，份量適中。秘魯吞拿魚伴番茄莎莎配香烤鱈魚脆片和黑醋汁清爽，酸酸甜甜好開胃。蒜片橄欖油封大蝦配佛卡夏多士好味，蝦爽甜多士脆，蒜片和辣椒香辣。和風原隻璣煑鮑魚野菌意大利飯出色，鮑魚鮮甜肉嫩，意大利飯香甜口感佳有咬口，野菌鮮味，好食!慢煑西班牙黑毛豬鞍架肉質嫩有肉味，肥瘦適中，配梨醬好夾味，配菜也不錯。有很多cocktails and mocktails都吸引，今晚揸車衹叫了mocktails。Rosy Romance是玫瑰花茶配新鮮萍果汁，清新順喉。Passionate Night是熱情果糖漿配提子汁，酸酸甜甜好味。戶外部份有聖誕裝飾打卡好靚。…Read More

天氣轉涼 ，最好就係去吃火鍋放題。今晚朋友提議去這間在佐敦和旺角都有分店的鍋霸吃到飽台式養生火鍋，佢上次試過旺角那間覺得滿意，今晚行完街就順路試下莊士倫敦廣場這分店。7pm上到去店都差不多滿座。我們選了吃到飽養生火鍋套餐第一級(無限時)假日$323一位，可以任食prime grade牛肩胛肉和西班牙無激素豬肉片，還有很多其他精選肉類，炸物，手工配料，海鮮，火鍋配料，蔬菜，麵類等可供選擇，各適其色，唔駛就住叫，包你可按自己喜好慢慢嘆兼食到飽。養生火鍋湯底好吸引，有20款可揀，我們加了$48選了鴛鴦鍋。藥膳花膠雞鍋真材實料好滋補，麻辣牛肉鍋小辣好惹味。花枝丸和鹽酥雞都不錯。涼拌手拍青瓜和麻辣木耳開胃。我推介炸魚皮，又香又脆。牛肩胛肉和無激素豬肉片都好食，我地忍不住encore了數次。整體來說，火鍋湯和火鍋配料都有水準，落單後食物很快送到。飲品選擇多，有凍有熱。最後還有Movenpick雪糕做甜品，為這餐劃上完美句號。今餐我們吃得滿意，覺得物有所值。…Read More

尖沙咀美麗華廣場三樓泰國菜MUE MUE餐廳佈置有情調又舒服，最近推出熱情冬泰週日早午餐。食物多樣化價錢合理。前菜有魚子醬紅磚豆腐，豆腐內裡嫩滑，外面皮脆，真不錯。仲有酸酸甜甜嘅酸辣無骨鳳爪，鮮甜的泰式青醬鮑魚。Brunch有蟹肉海鮮羹，裏面有魷魚、蟹肉、蝦等食材，十分好食。最特別嘅係小食放題，有好多款式，每樣試一個已經非常飽肚，好似泰式青醬生蝦，蝦好新鮮，炭燒豬頸肉沙律。即烤沙爹串必食，我最欣賞熱辣辣的鷄和牛沙爹串 ，沙爹醬又好食。金不換肉碎生菜包好吃，肉酸酸有香茅青檸味，和生菜包在一起吃十分合襯。馬拉盞炒椰菜都好有泰國風味，有蝦乾鹹鹹的。主菜要咗泰式咖喱虎蝦球配薄餅，有兩隻大大嘅新鮮的虎蝦球。泰式咖喱汁加埋薄餅一齊食是絕配。甜品叫左黑糖椰子雪糕，好有椰子味加埋啲脆卜卜嘅椰絲同埋果凍、龍眼肉真係好有特色。Brunch仲有一個飲品，叫左椰青，水多清甜，真的十分豐富抵食。怪不得1:00pm已經坐滿了客人。…Read More

今日和朋友睇完戲，佢提議去太安樓地下越北牛肉粉專門店醫肚。下午茶時段有好多實惠下午茶餐，所以店坐滿捧場客，好不熱鬧。我們叫了一份法式牛柳粒紅飯，雖然係下午茶餐，但份量好足，夠兩個人分享。個飯新鮮熱辣賣相吸引，食落都好好味。個飯炒得好，有蕃茄味，開胃，不油膩，飯口感佳。牛柳粒有肉香，無渣，好食。有塊旦餅內有粉絲肉碎木耳有特色。推介!這裏牛肉河出名，所以不可不吃招牌越北火車頭湯粉。這越式湯粉湯頭清甜，河粉香滑，生牛肉，牛展，牛丸和配菜白蘿蔔都好食。每個餐可優惠價配一份小食。我們叫了兩份小食。越式烤豬頸肉有水準，肉香有咬口，愈食愈想食。香芧雞翼有肉汁，調味佳，好食。特飲加$8超值。我鐘意椰汁紅豆冰，香甜。朋友欣賞佢杯酸甜的芒果沙冰。吃飽飽大滿足人均消費$102，不用加一，性價比高，推介!…Read More

We had an enjoyable dining experience at Osteria at Holiday Inn Golden Mile, TST, tonight.Food is great. Service is friendly. Environment is relaxed and cosy. It is an ideal place to enjoy Italian cuisine with friends and family.Nice five-course dinner set with wine pairing is available. But tonight we go for a la carte menu as there is promotion of 35% off the a la carte menu.Parma ham pizza, lobster risotto and rib eye are delicious and highly recommended.Tiramisu, a complimentary gift for membership, is also yummy.We are happy with this value for money dinner and will visit again.…Read More

今日約咗個外國朋友去銅鑼灣登龍街永光中心究極堂吃壽司。瑞士朋友讚不絕口，還說要帶她的老公來吃。究極堂午餐價錢合理，原來星期六日都有午餐供應，這裡座位很舒適，工作人員的態度和善。我哋叫咗火炙壽司拼盤配烏冬午餐，壽司多元化，有明太子燒三文魚、右口魚邊醬油漬、海膽醬燒赤蝦、火焰拖羅、黑松露醬燒帆立貝、還有原條鰻魚卷壽司，海鮮好鮮甜美味，原條鰻魚很搶眼，亦都好新鮮，而且加埋烏冬、麵豉湯同埋一個日式沙律非常之豐富。朋友還叫咗炭燒雞扒蛋包飯，配咗香濃嘅蕃茄醬汁同埋芝士白汁，蛋好嫩滑，白飯軟香，醬汁喺呢個飯嘅靈魂，加埋香滑嘅雞蛋和雞扒，不錯👍。也吃了天使蝦，炸蝦鬆脆非常鮮甜。韓式泡菜章魚玉子燒好嘢，日本風味，裏面夾雜住啲酸酸小小辣嘅泡菜和章魚一起吃， 很有口感。炮台山都有究極堂分店，工作人員告訴我們，如果幾個朋友一齊嚟，可以book VIP房，係一個唔錯嘅吃日式壽司玉子燒嘅地方。…Read More

我喜歡吃牛腩。今日我和媽媽在北角買完應節用品，便順路去此店吃慕名已久的清湯腩。下午茶時間，店有很多食客，好不熱鬧。下午茶由$37至$44，包熱飲，凍飲加$3，有各款湯粉麵，炒飯，牛河，焗飯，烏冬等，選擇很多。我們叫了一份馳名的正九淨清湯牛腩($138)，加$10升級為崩沙腩。清湯崩沙牛腩超正，推介!大大碗，份量比預期大很多。崩沙牛腩新鮮優質，炆得夠火喉，軟硬適中，肥瘦得宜，刀工好，入口充滿肉香，唔咸。清湯加埋葱花好惹味，墊底的白蘿蔔吸滿牛肉精華，食落清甜無渣。媽媽買慣餸都話超值，佢話自己去街市買牛腩在家炆都唔止這價錢，亦難買到崩沙腩。我建議中秋買份外賣做節，煑少一味。我們另外叫了墨魚丸河粉和清湯牛筋担担麵。清湯牛筋担担麵好食，牛筋淋滑，食落有口感，充滿骨膠原。担担麵醬香麵滑，美味。墨魚丸河粉也不錯，墨魚丸彈牙，河粉滑。凍奶茶和熱檸水合格。高估自己食量，將吃剩的半份清湯腩帶走。…Read More

今天朋友約了我去芽籠吃午餐。餐牌選擇多，價錢合理，不用加一。精選套餐有多款，頗吸引，全日供應，由$52至$62，包飲品。我們揀了娘惹茶燻鴨配油香飯($62)和巴東牛肉乾拌油麵配紫菜湯($62)。上餐有效率，套餐分量足，夠新鮮熱辣。巴東牛肉香，炆得夠火喉，軟硬適中，拌麵有咬口，小魚干，花生和青瓜增加口感。紫菜湯加魚蛋不錯，好食!茶燻鴨夠味道，鴨胸肉量多肉嫩。油香飯有質感，加埋半隻蛋，小魚干，花生和青瓜有風味。朋友另外叫了兩種小食。傳统烏打($38)是一種以魚肉泥與各種香料混合，放進香蕉葉包裹後拿去烘烤的食品，有特色，好食。參巴雞肉串燒($48四串)燒得恰到好處，雞肉調品肉質佳，點埋參巴醬更惹味。凍白咖啡(+$3)香甜，熱桔仔話梅水開胃。吃得滿足，人均消費$105左右，物有所值。由2pm至6pm供應的下午茶餐也是平靚正，由$47至$62。…Read More

西灣河太安樓惠康附近有一間叫初遇嘅台灣食店，午餐和下午茶時間都坐滿晒人，我覺得食物同價錢都合理。今日下午三個人去食咗三個套餐，人均消費$80 ，都幾豐富。最喜歡佢嘅起司肉鬆蛋餅配冷泡阿里山烏龍茶。蛋餅嘅皮好煙靭同埋卷有超多嘅肉鬆、芝士，即做即食，肉鬆甜甜的又鬆脆，芝士又夠多，十分好吃，物有所值。朋友叫咗一品臭臭鍋配寬條薯粉套餐，包飲品才72元。加16元可以升級鮮奶芋泥手工芋圓。臭臭鍋嘅材料都幾豐富，有豬肉片、魚蛋、蜆、冬菇、金菇、黃芽白、豆腐、豬大腸、腐竹、鴨血等食材，吃得辣的會覺得好過癮，小辣對我哋講剛剛好，加埋薯粉絕對夠飽肚，湯底酸酸辣辣，很合我們嘅口味。古早滷蜜汁排骨配手工麵也很好吃，手工麵煙煙韌韌大大碗，適合不喜歡辣的朋友，湯麵裡有青菜酸菜，排骨好鬆脆可口，睇落去好似黑黑咁樣，其實滷水蜜汁嘅效果，味道都唔錯。飲品喜歡鮮奶紅豆芋圓冰，奶味好濃郁，紅豆又甜又淋。烏龍茶嘅茶味也很正宗解渴呢！初遇的食物很台灣地道啊！…Read More

今日同朋友去旺角文華商場新開嘅燒肉Smile吃烤肉。聽朋友講，這店在台灣係年銷售120萬份的超人氣燒肉店，並榮獲2022台灣網路人氣No.1，既然咁受歡迎，我當然好想試吓啦！呢間店主打日式烤肉，裝修好簡約，以淺木色為主調， 十分明亮舒適，吸引咗好多年青嘅顧客。餐牌多選擇，豐儉由人。平日午市雙拼套餐最低$128，正餐單拼套餐$168、雙拼套餐$178起。任食生菜及韓式小菜自助吧，套餐附贈飲料甜點。我哋揀咗兩款盛合套餐，分別係「Smile盛合」和「日和極上盛合」。我哋首先食咗無限放題嘅韓食小菜和健康的生菜自助吧。食材好新鮮開胃喔！主角烤肉中，西班牙黑豚梅花，無骨牛小排和日本極尚A5和牛好嫩好Juicy！吃得出食材優質和新鮮！剝了殼的白蝦出奇鮮甜，好驚喜。龍躉石斑好鮮味，係我嘅至愛。豚頸肉烤過後逼出少少油脂，很香。雞髀肉口感爽滑、北寄貝很爽口鮮甜，又是另一番風味。烤肉全部口感都好而且份量充足，令我們吃得很滋味和滿足。主食我哋order咗蔥花玉子飯和白飯。蔥花玉子飯真的很好味，飯帶有甜香的醬油和溫泉蛋，很惹味可口！下次再來，一定要試吓那個韓式雪蟹膏拌飯啊！元祖人蔘雞湯和雪濃牛骨湯味香濃。甜品焦糖brûlée 特別好味！士多啤梨奶酪適合夏天。台式飲品冬瓜檸檬和蜂蜜檸檬水都不錯。呢度無論一班朋友或一個人嚟食燒肉套餐也好方便。這次和朋友吃lunch，開心又大滿足！下次一定會再來光顧，吃不同嘅烤肉和食品。同層的築間旺角一條街除了燒肉Smile，築間幸福鍋物和築間台灣鹹酥雞也很吸引。…Read More

Today I visited PMQ (元創方) with my friend. Afterwards, we had late lunch at BKK Thai Street Food at Ground Floor of Block A of PMQ.The restaurant is cosy. Seating is comfortable. Service is friendly and efficient. Food quality is very good. Price is reasonable.We ordered some signature Thai dishes to share. All dishes were tasty and up to our satisfaction.Char grilled chicken satay was nice. Chicken was tender and juicy. Peanut sauce and cucumber relish added flavour to the dish.Thai beef salad was refreshing. Salad was fresh with tender and succulent char grilled Australian beef.Shrimp cakes with baby shrimp herb salad were full of flavour. Pad Thai with prawns was my favorite dish. Rice noodles with prawns, bean sprouts and other ingredients were well fried and tasty. Thai ice lime tea and Thai ice milk red tea were nice.It is a good dining place I recommend.…Read More

旺角文華商場一樓新開咗一間來自台灣的築間幸福鍋物。新裝修簡潔明亮，食物質素上乘，值得嚟試吓。好鍾意佢嘅鮮菇奶香湯，湯底好濃香嘅奶味，加咗好新鮮嘅菜、芋頭、菇類、粟米仔覺得個湯好清甜有奶香味， 十分推薦。顧客可以無限取用新鮮嘅野菜，全部菜都好鮮甜美味，而且仲有啲墨魚蝦滑，墨魚滑裏有原隻嘅蝦，任食任攞。選咗湯底就可以選一個主菜，揀咗A5和牛，和牛嘅脂肪分布均勻，係質素高嘅食材，入口即溶。之後可以要一個飯、一杯飲品、同埋一個甜品。飯係珍珠米非常之好食，飲品有檸檬冬瓜水，阿里山烏龍冷泡茶，茶味回甘，好有台灣feel。甜品黑糖牛奶白玉奶酪，上邊有黑糖爆谷白玉，白玉Q彈有嚼勁，奶酪香滑，賣相好，十分欣賞。芒果奶酪都係好香滑，面頭仲有一層脆卜卜嘅焦糖，有大酒店嘅水準。朋友選咗特濃蕃茄湯底，因為選咗海陸總匯鍋，覺得海鮮同蕃茄嘅味係好夾。海鮮嘅石斑塊同埋三文魚塊都好鮮甜，仲有蜆同埋大大隻嘅蠔和蠔仔，都係好鮮甜美味嘅。蝦有兩種虎蝦同埋海蝦，仲有鮮甜嘅魷魚，一大條真係好食，又滿足。嫩羊肩都好食。築間幸福鍋物是一分錢一分貨，服務環境食物都可以呢！…Read More