waterchk's Profile

等入坐無人理，無人得閒執枱寫單。坐咗一半個鐘先有野食，一路坐，周邊d佺部都係錯單漏單，不停咁講等等、嚟緊、就有，仲要食食吓忽然換咗我張單，話今日要加一，無第二次再幫襯。…Read More

環境尚算不錯，但食物略為...，除甜品那個焗麵包外，沒想到其他推介。要說食物最大問題，那個柚子蝦沙律雞醬放太多，甜酸過度，建議輕手一點。但食品的材料和分量吝嗇，價錢亦略貴（有點不值）。…Read More

住係港島區真係唔識新界路，但嚟到呢頭基本知有B仔涼粉，但之前食過，唔覺有乜特別。我嘅吃貨朋友話我知呢度有間必吃布甸燒，長途跋涉揸幾十公里入到嚟，點都要試一試。芝士蛋糕同布甸都係我飛佛，兩者結合簡直無得輸，芝士蛋糕軟硬適中，甜度亦不會過火。真係行過路過，唔好錯過，我坐係入面食咗十分鐘左右，已經比人掃得七七八八，本來仲想買多個外賣返屋企食，但係慢咗一步比人買晒，但都不枉我山長水遠入嚟食。真係要再講三次，必食、必食、必食。…Read More

多餘野唔講咁多，熱腐竹糖水OK正常，木筒豆腐花面頭多豆皮(似蒸水蛋個面唔靚仔咁)，賣相及面頭質地唔得(質感形容唔到)。底層雖然算係滑，但豆腐花無豆味，我真係唔知食緊乜。提提兩項服務需要改善，第一，抹枱塊布唔係用成日唔駛洗，你抹完一陣酸縮味，叫人點有胃口。第二，如果你見個客碗野食咗兩啖就埋單，你可以試試問下碗野有乜問題，唔係人地埋單你收走碗野就算。如果你有興趣改善一下你D質素的話。(希望店家會看到我的意見)…Read More

雖然南小館已有多間分店，但一直都無試過，既然佢開到自己樓下，又咁啱同屋企人食飯，一行七人，點都要公平一試。唔知係我地大食定佢d食物份量太少，單點份量少到好似出面迷你拼盤咁，佢D拼盤可想而知！不過味道都算中規中矩，食物味道樓上D post都講得好好，我唔再評論。如果你想食清淡嘅上海菜，呢間可能適合你。環境方面都好乾淨企理，傾計慢食都唔錯。但可能係設計定習慣問題，成日都會接到枱腳，因為你坐得埋，佢就係正你兩腳中間，其他都無乜問題。服務方面，女待應都服務態度都唔錯，阿經理哥哥又唔係唔做野，但只係唔係好想做啫！其實食肆人多嘈係好平常，但廚房入面炸歌炸到我以為自己去咗Disco，經理們可留意吓。…Read More

身邊食個呢間野的朋友都劣評如潮，例如3.6牛乳炒蛋熟到變咗奄列，餐牌圖片係吉列豬扒飯，嚟到變咗普通豬扒飯。我一向都係自己未食過，總要給他一個機會才評論他。今日諗住去試試佢早餐做成點，去到見到已經要攞飛等位，咁咪跟隊攞飛。(著火位就嚟)入到去櫃檯，同咗兩三個伙記(包括收銀)講兩位攞飛，先至發現原來自己隱咗形，d人望一望你就調頭行咗去。收銀比飛果個仲好笑，唔望你，同另外一個伙記講野，我仲以為佢聽唔到，但忽然佢又唔望你咁講一句『幾多位』。講完兩位佢又無反應繼續同其他人講野，飛又唔寫，未食早餐就一肚氣，仲叫人點幫襯你。…Read More

一行入商場已自行調節期望，到達店舖時就像十年前的平民日式料理店感覺，因為訂咗位，一到就入得。食物方面可能到達時已調整心情，所以都無要求可言，冷盤小食、飲品及甜品放在飲品櫃內自取，但小食已放到乾晒和醬汁已凝固像漿糊，沙津的菜和粟米都乾水。點菜紙選擇不太多，但這放題賣點是生蠔任食，以任食來說生蠔算不錯，但其他食物如刺身、天婦羅等都不要有期望。這店的最強可說是送你一個雞煲，可能食完基本野已半放棄，所以最後的雞煲都是無期望的結束。食完呢餐以可以引用東昇金句『一試無妨，再試投降』。—完—…Read More