dannyyyyy的個人專頁

真係未試過打邊爐食到咁飽，一個人試左個二人餐LO!!!!呢間朋友介紹的麻神，聽左好耐話好食，約極都唔齊人，唯有我自己黎算啦~~~見到餐牌太多選擇，但其實好多款野食我都想試，諗諗下我自己叫個SET好似抵D!一來可以試哂咁多款野食，二來其實價錢都差唔多!呢個2人餐超豐富，有和牛、豬、鴨血、黃喉、排骨酥、蛋餃....仲有油條同拼盤，而家仲有個甜品紫米糕!最後當然仲有成盤蔬菜啦...我都怕D人以為我顛，食咁多!講真個湯底唔錯，香麻，但食落卻無想像中辣，但個種麻係好香口~至於食物，的確係新鮮，十分欣賞個鴨血，真係好似果凍咁.....超滑，口感好特別!另外油條真係好鬼正，吸哂個湯底，食落真係超惹味!總體黎講，呢度食物、服務都唔錯，值得推介!食物多選擇，鐘意打邊爐應該會鐘意呢度~…查看更多

同女朋友拍拖五周年，原先plan好去日本慶祝，點知突然被公司cut假，搞到去唔到旅行之餘仲激嬲埋女友，唉~所以今日就特登安排左d行程，車左佢入淺水灣沙灘漫步，同佢浪漫下，仲一早喺呢間高級日式炭燒店訂定位，希望可以氹返佢開心啦~!入到餐廳，女友見到個開放式廚房，中間位置放左個火爐，我同佢講，呢間係全港最大既備長炭餐廳，佢即刻心心眼覺得好得意好興奮勁影相，之後侍應安排左個唔錯既坐在玻璃房位置比我地。喺女朋友掛住影相既時候，我就望望menu負責發辦，因為我都好清楚佢口味，佢係海鮮狂迷，叫多d海鮮實無死，同埋佢勁想去日本既其中一個原因就係食到當地既新鮮海產，所以我決定清一色點全海鮮。首先黎左個炸日本小白蝦，炸得好香口，咬落卜卜脆，加幾滴檸檬汁之後頓覺蝦味更突出。之後就一人一隻日本生蠔，齋睇賣相已覺得超新鮮，又好肥美肉質咁，當然要相機會先！女朋友”雪”一聲就成隻入口，見到佢表情就知道真係好好味，我都唔等喇即係掃入口，唔…口感creamy，有一種唔知點形容既獨特甜味，仲散發濃濃蠔香。接住係北海道大元貝，真係珍寶size勁大隻，女友見到都「嘩嘩」聲！烤過既元貝好香口，食落相當有彈性軟滑，呢種整法仲好保留到元貝既原汁原味，一隻真係唔係好夠喉。當我地仲傾緊隻元貝有幾正時，原隻活鮑魚就送到我地面前，女朋友見到勁開心，因為塊鮑片有差唔多成隻掌心咁大，切左片方便食，咬落彈牙到無朋友，鮮甜味更唔洗多講，少少咸地既醬油有提鮮作用。最後就輪到今晚主角登場喇：喜之次!!!!!!@@之前係日本食過好記得佢果種獨特既滋味，仲係貴價魚，坊間供應唔多。用傭長炭去燒完全迫出魚油及鎖住肉汁，啖啖香滑到暈，本身魚肉帶少少鹹味，所以就咁食已經好正，唔洗點d咩醬汁。雖然過千蚊條真係有d拿脷，但見到女朋友成晚笑得咁開心、食得咁滿意，完全值回票值啦！…查看更多

唔明點解香港可以一年熱過一年，呢d天氣行係條街真係會熱死人 >.< 朋友仲帶我入韓燒店開餐，係咪玩野先?! 佢叫我唔洗燥住，轉頭就叫左一人一碗水冷面~食落fresh，口腔喉嚨都涼浸浸，食材簡單，蛋呀、梨呀、青瓜絲、牛肉同麵條，清爽消暑~之後個宇治金時冰沫，大大碗泡冰加雪糕球，即時降晒溫啦！有麻糬、紅豆蓉同鋪滿抹茶粉既冰，撈埋一齊食正~…查看更多

今日過海見客，之後就四圍搵野食醫肚，上網Serach見到呢間拉麵店都幾近我既位置，同埋估計上左樓應該易d搵位卦，所以就膽粗粗一個人上去食。叫左碗黑蒜油豚骨拉麵，78蚊，一上枱自然係試試個湯底先，濃郁唔過鹹，豬骨愛好者肯定大愛。之後就試下拉麵，偏粗身，雪雪……爽口有彈性，有口感。見到溏心蛋半生熟既蛋黃令人食指大動。叉燒係肥瘦適中既豬腩位，juicy得黎又無成口油，煎到微燶好香口，忍唔住額外Order多一客， 盛惠15蚊。…查看更多

今日兩口子黎到荃灣搵食，咁啱行經呢度，心動不如行動，一於試下啦！揀左兩款小食，其中川味麻辣涼拌豆腐簡單得黎好食又唔膩，作為第一道前菜實在非常適合，即時開晒胃~至於茴味雞翼睇落幾大隻，外皮好香脆，入面既肉都有一定肉汁，好香口下。今晚既重頭戲當然係重慶麻辣烤魚，叫左小半條鯇魚，揀左小辣，一邊食個爐一邊滾住好過癮，要趁早食，唔係d魚肉滾到越來越老就慘慘豬喇。魚肉睇落肥美，夾落唔鬆散，咬落彈牙鮮嫩，越滾個湯就越濃越辣，沉底既配菜索晒d辣汁，又點少得要支啤酒襯下！…查看更多

向來都很喜歡吃德國咸豬手，自問食過好多地方的出品，如果說感覺夠地道正宗的話，這裡也是不錯的選擇。女朋友胃口不算大，今次就點了3款食物一齊share，首先清清地來個凱撒沙律，總覺得凱撒沙律靈魂在於它的醬汁，這裡的菜食起來很新鮮，沙律汁的酸度和濃度也得宜，是個很不錯的前菜。另一前菜選了白汁煮新鮮藍青口仔，青口食落頗鮮嫩，細味下嘗到白酒中帶蒜和牛油香味，我想可能是入貨靚，所以不用太花巧的煮法已能食到海鮮的原汁原味。建議將蒜蓉包點些汁來吃，別具風味。到了主角德國咸豬手了！外層做到又脆又煙韌，肉質嫩滑，我地兩個都食到停唔到口，而用高麗菜醃製而成的酸菜更能提升豬手的滋味，真的很想問可否添加酸菜呢？若將豬手點些薄荷蕃茄汁同吃，又是另一種惹味，感覺就是很地道正宗。…查看更多

已經是第二次光顧這家小店，喜歡它裝潢簡潔清新，店員親切有禮，而且價格相宜，出品質素亦相當有水準，選擇亦豐富，今次就帶埋個新朋友仔來食。趁近日天氣有點回暖，我們都不約而同點了杯雲尼拿沙冰，甜蜜的雲呢拿雪糕與沙冰混為一體，每口涼快濃郁滋味透入心。朋友點了Carbonara，香滑濃厚的蛋汁配上煙肉、蘑菇和芝士，再加上彈牙意粉，不出一會就全碟被他掃光光。我吃的是set dinner德國脆皮豬手，外皮咬落又脆又煙韌，內層肉質鮮嫩幼滑，入口肉汁豐盈，鹹香惹味，配埋好多粗薯條，咬下去時很響亮，就知道有幾香脆！…查看更多