係香港，茹素並不容易，素食餐廳不多，而好吃的素食餐點更加難求！呢間位於旺角的素食餐廳其實我已經幫襯多年，佢地隔一段時間會加入新菜色，menu時常會有新驚喜，亦與一般中式素食不同，有時會加入日式或者西式元素，令素菜都可以變化多端！今次約埋兩個女仔朋友來吃晚飯，叫左一D招牌菜，同未試過的菜色。座位好寬敞，同埋冇擺放任何宗教切物品，令人舒適自在!首先當然係前菜，第一個嚟嘅係"日式芝麻醬山藥"。成日聽人講山藥好有益，但唔知點樣配搭好吃，原來可以加埋木耳，襯埋芝麻醬，好似日式沙律咁！相信冇人會唔喜愛吧！山藥係爽口的，味道稍為清新，感覺仲好健康！第二個菜係店長推介嘅"圍村蓮藕餅"。質感比較香脆，有少許煙韌，味道唔錯，好香口，點D喼汁食都幾開胃。不過煎炸嘢我有D怕熱氣，所以食左一舊！跟住主菜嚟喇，係"金莎蘆筍苗"！呢個要推介下，好香咸蛋黃味！有菇菇(唔知叫什麼菇)、蘆筍苗、紫菜絲！金沙即係好似平常食黃金蝦面頭的咸蛋黃咁，勁惹味！平時食蘆筍係會有D渣嘅，但呢個係蘆筍苗，所以超幼嫩，完全冇渣！唯一係比較油左D~另一道主菜係"招牌蓮藕沙拉骨"。聽個名仲以為係用素肉整嘅沙拉骨，原來係腐皮包住蓮藕，配菠蘿沙拉汁。味道係酸酸甜甜，咬落去腐皮有少許煙韌，𥚃面係好爽嘅蓮藕條，呢個質感係首次嚐的。Last but not least係"日式燒汁鰻魚炒飯"。我平時鐘意食餸多過食白飯，炒飯都唔係款款鐘意食，但呢個鰻魚炒飯真係啱哂我口味，要連吃兩碗!可能因為佢餸的比例較多吧！裡面有鰻魚粒（當然係素的）、三色豆、金菇、蛋花、紫菜絲、芝麻等，最重要係個鰻魚燒汁，每粒飯都有汁包住，一流！大家都食到好飽了，不過正所謂甜品有另一個胃，食埋甜品先能夠為一餐飯畫上完美的句號！所以我地點了"薑茶菊花"作總結。中式有蓋茶杯造型已經好優雅，打開薑茶入面係有一大朶菊花，究竟係乜東東來呢？問問店長，原來係用豆腐切成菊花的形狀，簡直像一件藝術品！師傅刀法一定超強~薑茶非常夠薑，偏辣，平時我都有飲開薑茶，所以受到個辣味。食個豆腐菊花就好似食緊豆腐花咁，好滑，甜甜地，而且份量剛剛好。我覺得味道和創意比甜品店的還要好啊！ 
總括今餐晚飯感覺非常良好，味道佳，店員很有禮！上菜速度剛剛好，一道菜接近吃完便上另一道，能夠保持食物溫度唔會灘凍哂。最後還問店長看看午餐和下午茶的餐牌，下次再試其他菜色！每人消費大概$180…Read More
總括今餐晚飯感覺非常良好，味道佳，店員很有禮！上菜速度剛剛好，一道菜接近吃完便上另一道，能夠保持食物溫度唔會灘凍哂。最後還問店長看看午餐和下午茶的餐牌，下次再試其他菜色！每人消費大概$180…Read More
