為食豬2014's Profile

真係可一不可再，長頭髮女侍應嘅態度真係麻麻去公司開完會，同同事一齊去食個下午茶，於是嚟呢間食咗四次嘅泰國餐廳，因為之前食過幾次都唔錯，所以揀咗再嚟。結果本身喺OpenRice訂座位，全單係有9折，去到埋單沒有比到九折，冇留意，返到屋企睇返賬單先知道。講返用餐的時候，問個女侍應攞餐具，都滿臉的不耐煩，都唔明又唔係繁忙時間，成個場得兩張枱，長頭髮女侍應淨係掛住傾偈，服務態度真係好差，同埋嗰杯桂花檸檬茶真係超難飲，食完今次唔會再嚟。…Read More

因為有啲事要過嚟鑽石山荷里活廣場，下午茶時間隨便嚟咗Pizza Hut，諗住唔會太多人，趕時間想快少少食個Tea就走人,結果嗌個tea，等嘢食等咗成差唔多30分鐘，見到都仲未有，催左其中一個攣頭髮嘅女侍應，佢聽完好似冇反應咁，跟住又問咗另一個着黑色衫嘅女侍應，先話要再等吓，本身餐廳都不算係多人，上得慢都算，同你反應仲唔係第一時間處理，要問多個職員先處理。本人是非常支持留港消費，但係而家發覺唔少餐廳的職員態度真是麻麻地。…Read More

星期日同朋友專登去南昌這個分店食下午茶，去到的時候見到室外有座位的，然之後前邊排咗幾台客人，等咗10幾分鐘，侍應都未有執枱安排客人入座，但係見到侍應是非常得閒的，行嚟行去唔知做緊乜嘢，過多幾分鐘，室內也有幾台客走了，有吉位的時候，侍應不會第一時間去執枱，企定定喺度咩都唔做，明明不是忙，執枱慢到都唔想安排客人入座咁，差不多等了半個小時，有個比較肥既男侍應出嚟問客人想坐室內定室外，講完之後，男侍應又入返舖頭，依然行嚟行去都係冇執枱，唔知做緊乜嘢……隔咗好耐，終於有個女侍應執枱，但係又唔係即刻安排客人入座，嗰下真係O晒嘴，排在前邊嘅一台客人已經嬲到走咗，我等多咗幾分鐘，原本傾好要俾嘅位又俾咗第二個人，真係好無奈，肥仔侍應同埋所有舖頭侍應的分工安排，真是非常之差，結果等到唔想再排隊，同朋友都唔想再食走人，如果想食呢間，食其他分店仲好，未試過排隊體驗咁差！…Read More

之前食過幾次都唔錯，今次已經唔記得係第幾次來食，一入門口有個短頭髮的女侍應非常之殷勤，而且態度都好好，今時今日咁嘅態度真係抵讚所以呢個好評係比呢個女侍應嗌咗個原味疏乎厘，味道還是一如既往的好味😋抹茶latte就苦澀咗少少，不過都可以接受。Lunch set係幾抵食， $72 +1包括原味疏乎厘仲有埋嘢飲，上次同fd 來食158個set都好飽，整體嚟講性價比算高，而且環境都幾適合坐喺度傾偈，下次還會再嚟。…Read More

星期一同男朋友去慶祝生日，男朋友已經預先幾日book咗座位，希望可以安排梳化靠窗邊位，職員講咗到時會盡量再安排，諗住星期一應該會少人啲，應該都會安排排到，結果，當日去到，接待的女職員話未能安排坐梳化位，因為已經有人預訂，我們當時抵達係3:00 ，見到有幾張梳化位都係吉的，於是話可否食到有人嚟就再調位，該女侍應話要先詢問一下，結果什麼也沒有安排到，但去到我哋食完，靠窗邊的梳化位都未有人坐，對於該女職員嘅安排非常之失望，懷疑她根本沒有去跟進處理問題。最後仲要安排我哋坐中間位，但明明見到另一邊窗邊都仲有位置，雖然景色係不及梳化咁開陽，我哋強烈要求之下先可以坐到另一邊，唔使坐中間，明明成間餐廳只係得兩台客，總結該女職員安排，真是非常之差，搞到生日都過得唔太開心。講返食物，鹹點都還算OK少少，其他甜品啲味有一部份都有啲怪，有一部份又超甜，特別係有聖誕湯裝飾的類似糖霜，好似食緊硬咗嘅砂糖咁，加咗杯雞尾酒，埋單620幾蚊到，一啲都唔值，如果未試過可以去食其他酒店嘅afternoontea仲好。本身以為可以影梳化嘅景色都算，結果坐嘅位置普通食物仲要幾難食下。可以唔使來試，tea set送既嘢係迷你samples,圖片上的是要消費再送的彩妝，感覺有少少誤導嘅成份。…Read More

今日喺新港城中心見到PHI新開張，於是試一試，平日有lunch，試了一個原味疏乎厘，味道不錯， lunch time還包一杯嘢飲，嗌了一杯鮮奶抹茶，味道不錯，比想像中好飲，$72嚟講有pancake同嘢飲係物超所值，環境嚟講都算舒適，另外在門口接待的男侍應態度也非常好，很快安排到座位，pancake要等15分鐘左右，一上枱還是熱辣辣的，幾好食，除了lunch set仲有其他套餐選擇，下次有機會再試多次。…Read More

今日同朋友嚟到馬鞍山，見到beans新開，之前都食過其他分店幾好，平日有下午茶，我哋一入門口，男侍應就非常熱情的招呼，服務態度非常之好，嗌咗兩個tea set，再加一個蛋糕，焦糖雞翼嘅薯條香脆可口，雞翼配上焦糖，幾好食，另外抹茶雪糕多士都好味，只係個蛋糕本人覺得偏甜了少少，應該試一次就OK，不過外型打卡是不錯的。整體嚟講，呢間餐廳男侍應的服務態度不錯，另外食物都質素幾好，女侍應服務態度就正常，下次還會再食。…Read More

朋友話尖沙咀新開了一間Cafe，跟住平日下晝時間去試吓，可能係新開去到都有啲人，但係不需要排隊，直接就可以入座。環境方便，除咗門口有一個打卡位，其他一啲好嘅景都冇，同買都好吵，所以試吓嘢食，食物方面都算ok, 都係Cafe嘅價錢，偏貴咗少少唔算抵食，嗰個價錢大把Cafe可以選擇最後就係侍應的態度，特別係一個長頭髮女侍應態度特別差，好禮貌咁問少少野都黑口黑面，連朋友都話侍應態度麻麻，朋友已經係冇咩要求嘅人，真心態度差真係以後唔會再食！試一次就夠！…Read More

今日去銅鑼灣行街，在Times Square附近見到一間充滿歐陸風的小店，原來係主打burger， 於是決定同友人一齊去試下！和牛漢堡Combo $139 Combo係burger加埋薯條🍟漢堡包的麵包好鬆軟，啖啖和牛咬落去好Juice，味道恰到好處😋yummy ,薯條🍟亦炸到香脆可口，唔錯😚加$35嗌左杯mock tail都好解渴，食burger飲啱啱好😌Standard Gelato scoop on honey toast $99多士配一個coconut pineapple 雪糕,雪糕食到濃郁嘅椰子味，感覺Fresh左，加埋蜂蜜多士係一個新鮮的配搭。…Read More

星期日嘅下晏仲有T set，mctcha latte 可以拉花又大杯，吞拿魚牛角包都唔錯，薯條夠熱，另外個burger都幾好，可以再來，侍應態度都不錯，環境又幾好坐good…Read More

今日出旺角食韓國嘢，侍應話因為冇book位所以只有一個小時食嘢時間，咩道理？一個鐘由落order，等埋嘢食都慢，所以全程食得好趕嗌左三樣嘢香蒜蜜糖雞半份$118味道不算好好食，蜜糖雞真係好甜，反而係配菜薯條薯格OK加$28有番薯芝士條，普通吧嗌咗個海鮮薄餅$118點果隻醬好鹹😿，亦唔算好食。食到一半，侍應行過嚟叫買單話仲有20分鐘😳20分鐘咁早叫人買單，仲要餐廳仲有好多位，唔明😒野食上來只係食左15分鐘，就叫人埋單，老實講呢間嘢試一次就夠，又唔係平環境又唔算好好，仲要服務態度一般。可以back list。…Read More

再次造訪白房子這個花花世界，發覺空間大了好多，座位都多了，今次依然選擇窗邊位置，可以睇到海景的，大家記得去前book位.灰姑娘的南瓜車 HKD198 一上檯面，造型真係幾好打卡label,好靚，面頭有兩隻大蝦 南瓜裡面係🎃汁忌廉意粉，意粉不會太林，每條意粉都有南瓜蓉的香味，鍾意南瓜一定要試試，色香味俱全，好正😍香草芝士拿破崙蝴蝶粉 HKD109 它的蝴蝶粉沾滿濃郁的番茄醬汁，食落酸甜一齊衝擊味蕾，唔錯White Hse Cookie Cup HKD69 杯子係用曲奇整成，曲奇唔止得個樣，食落都好味，不會太甜，剛剛好， 哩個特色飲品食得又睇得，好特別呀！蝶豆花飲品 HKD45 清清淡淡的味道，不會甜😍…Read More

見到呢間係新開，所以決定去試吓。環境裝修都算係幾有創意，不過食物比想像中差。全部食物裏面，紅燒牛肉擔擔麵都不錯，唯一算食得嘅嘢。最差係個鹽酥雞肉燥米粉真係好唔得，一上台睇碟鹽酥雞好似人哋食剩嘅餸咁，味道亦唔得，未試過食得咁差嘅台灣鹽酥雞，冇下次了，另外嗰碗米粉味道超淡，只係得個油膩，另外杯飲品巴樂汁超甜， 不建議嘗試。如果喺觀塘食台灣野，仲有其他好多選擇，不需要嚟呢一間食，因為味道方面真的不算好，所以一次就夠啦。…Read More

尖沙咀k11近地鐵站出口的 hand3ag 新開了幾個月，人流不算多，店內明亮寬敞，都好坐。全部自助形式，自己穩位，自己買野俾錢同拎野食。蝦兵蟹將鐵板三文治 🥪好足料 🥰 有軟殼蟹同小龍蝦沙律&他他醬～本以為會膩，但因為有爽口紫椰菜絲同酸甜紅蘿蔔絲，食落幾fresh，個人比較鍾意。歐陸監獄鐵板三文治🥪第一次食通心粉餡的三文治，想不到都夾到，😮幾特別。雖然有玫瑰芝士燴通心粉，但吃不出有玫瑰味，加上雞蛋，肉丸，口感都豐富，真係好飽飽。😋…Read More

<石硤尾> 創意藝術中心的隱世文青cafe 有outdoor位，有買風扇都唔會太熱，室內都坐得舒服😌，星期六來都唔需要等太耐，店員都好nice☺️只係食物選擇不算多🤔<富士山>-其實係蝶豆花加燕麥豆奶,好適合打卡，但味道唔算特別，有啲似熱嘅燕麥豆奶🤔58來講有少少貴。意粉就唔算話特別，正正常常，試一次都OK。明太子蟹柳意粉味道都OK，食完可以喺呢幢藝術大樓行下，都有不少打卡位😌吸收下文藝氣息😝…Read More