SiliconPuiyu's Profile

台灣嘅朋友嚟香港，問我買咩手信返去好，適逢中秋，我就推薦咗佢哋買呢一間嘅流心奶黃月餅。返到去勁受歡迎！佢哋嘅包裝係超有香港特色，有晒路牌嗰啲，勁靚，然之後四個裝，仲要硬盒包裝，切開超流心，就算冇焗返熱都好流心！佢話返到台灣啲朋友勁鍾意，而且奶黃味好香濃，唔會好甜。跟住我哋嗰日去到仲要咁啱特價，做緊168一盒，有四個超抵！我見其實啟德都有得賣，呢啲香港本地品牌，真係要俾多啲人知道，香港手信又多一個選擇。…Read More

「歡迎光臨」用台式普通話去講，係咪即刻有返到台灣嘅感覺。見到佢有滷味，我即刻叫咗（粟米心、豆皮、金菇、秀珍菇、甜不辣、海帶重點加咗個王子麵）。滷味好入味，咸香得黎每一種食物都無over cook保持到口感🫶🏻🫶🏻一定要加埋佢嘅秘製辣椒油，勁香好好味。台東控肉飯，上枱見到兩嚿五花肉，以為佢好流啦，點知入口即溶、滷汁香濃加埋酸菜好好送飯。佢啲小食仲有半份半份咁嗌，我哋嗌咗排骨酥同埋鹹蛋黃芋泥，兩個都好出色。台灣嘅芋泥真係冇得輸，配埋鹹蛋黃，好夾好好食。排骨酥有南乳嘅味道，而且炸得好鬆化，冇油膩嘅感覺，都好好食。而且佢出邊仲有自助嘅茶飲，每日都會轉我哋去嗰日係冬瓜茶同埋無糖茶，聽講有時會有珍珠奶茶🫰🏻🫰🏻…Read More

我去當日大雨，店員好貼心拎定籃仔俾我哋放嘢。值得一讚🫰🏻脆皮焦糖菠蘿🍍勁Juice勁脆，酸酸甜甜，好好味。我哋點左2杯新鮮百香果梳打，佢仲可以走甜，食串燒都啱晒。椒鹽牛舌吾會好鹹，燒完之後牛舌彈牙仲有肉汁，可以再encore 。大大塊燒雞皮，上枱哇左聲。好似食緊雞皮薯片咁，一啲油膩感覺都冇，好好食！新疆風味爆蒜豆腐皮，係滿滿嘅孜然口感，入邊仲要係勁多蒜，重口味之作。明太子淮山，真係超級驚喜，淮山爽脆，明太子滿倒瀉，而且個味道好夾。免治和牛棒真係必叫，佢配合芝士燒汁同埋生蛋，真係口感豐富入口濃郁嘅牛肉味。鰻魚玉子燒又係驚喜，玉子包裹住嘅鰻魚，估唔到又係咁夾。最後嗌咗個檸蜜多士，呢個係邪惡之罪，但係好好食，全場最佳，幾邪惡都要食咗佢！…Read More

鹽酥雞！肉燥雞扒飯！廢水！我全部都要🤣呢間成日喺屋企嗌網上外賣平台都會見到，終於有機會去間舖頭度食。其實佢喺沙田偉華，我哋叫咗一份燒汁雞扒肉燥飯，上嚟個飯勁豐富，雞扒勁厚身又嫩滑，然後個飯下邊仲有雜菜炒粉絲，仲有半隻雞蛋同埋半粒貢丸。女仔係真係完全食唔晒。另外我哋仲叫咗一個鮮茄豬扒牛肉麵，佢個蕃茄湯底超濃郁，手工面又咬口，豬扒香脆，我哋兩個女仔勁快食晒。另外叫咗個鹽酥雞，炸得香酥脆，粉漿好薄，而且有啲炸脆咗嘅九重塔，成件事都好夾好好味，而且佢係唔會好重調味粉，醃得啱啱好，真係有夜市嘅感覺。我哋仲嗌咗兩支冷泡茶，埋單都係百幾蚊，想食高質台灣嘢，小胖台式便當啱晒你。…Read More

驚人發現，竟然有$10一串嘅串燒！平時喺香港食串燒，又貴又唔飽，竟然俾我發現到尖沙咀有一間餐廳， $10就食到一串。而且選擇仲好多。坐吧枱仲可以見到師傅燒烤🫶🏻💛燒鰻魚超厚身，爽口彈牙💛燒蟶子，加埋蒜蓉粉絲超惹味，仲要勁大條。💛燒生蠔，勁香蒜蓉味仲要大大隻。💛牛舌彈牙又爽口💛豬五花肉燒到啱啱好，完全冇油膩嘅感覺。重點推薦💛紫菜墨魚滑大蝦，無諗過加埋一齊咁好食，墨魚滑爽口香濃，大蝦彈牙好食。💛椒鹽九肚魚，做到外酥內滑🥹成舊Jap💛重有依個時間竟然有豆苗，幾大都叫返塊，仲要雞油炒，好好食。而家啤酒🍻仲買一送一，快啲約埋班Fd去尖沙咀人生有限杯飲啤酒食串燒。…Read More

一蚊雞可以食到啲咩？話說嗰日想食泰國嘢，俾我搵到一間喺旺角天橋下便嘅泰國嘢，聽講都開咗好多年，而家做緊晚市滿$300，就可以加$1嘅小食。我當晚就加咗椰汁西米糕同埋泰式海蜇，西米糕椰汁味非常之濃，西米軟硬適中，成個感覺QQ地好味🤤泰式海蜇，第一次食，個汁酸酸辣辣好惹味，同埋我而家先知原來呢個海蜇係熟嘅🤣佢晚市仲有套餐同埋孖寶，價錢都好優惠，我哋叫咗一個泰式明爐烏頭拼海南雞半隻，份量超大。泰式明爐烏頭，上枱嘅時候係用個爐熱住，另外配咗一碗湯，就係驚我哋煮嘅途中飲晒啲湯，事緣就係因為個湯真係好好味🤣魚肉都好滑，老闆話係浸熟嘅魚，所以特別滑。海南雞份量好大，雞肉好嫩滑，而且連雞胸嘅部份都好出色。配埋泰式海南雞醬，真係好惹味。我哋仲叫咗馬拉盞椰菜苗，又係熱辣辣，鹹香鮮，而且特別要讚吓佢嘅椰菜苗，好嫩滑，完全冇渣。我哋食咗咁多嘢，買單都係三百幾蚊，而且位置超方便，旺角旺中嗰條天橋到花園街前一個路口一落就見到。…Read More

Good Day Bad Day Ma Ma Day依間餐廳餐牌啲名好吸引我，好有創意🧡上星期收工去，我哋1830到未算多人，一到1900全場爆曬。薯薯薯薯薯條🍟我嗌左細份都好多，重點‼️佢嘅明太子係真明太子，唔係有沙律醬嘅明太子，咸香脆，狂Jap肉桂士多啤梨🍓黑毛豬肋骨依個好大份，豬肋條切開都有六條，配埋士多啤梨味好清新。配菜仲有沙律同埋炸南瓜蓉嘅餅。期望越大，失望越大雞翼🍗佢哋啲創意名真係好正，個雞翼我哋叫咗原味，有少少辣，啱啱上枱熱辣辣好好食。黑醋菠蘿鴨胸意粉🍝呢個係期間限定，所以我哋即刻嗌咗，佢個黑醋汁配埋菠蘿好fresh，鴨胸煎到啱啱好，意粉索晒啲汁勁好食🤤佢嘢飲都勁吸引，我哋嗌咗三杯，其中兩杯有酒精嘅，樣又靚，打卡一流！像極了愛情🍺係啤酒嚟嘅，原枝上仲配埋個冰杯。另外叫咗個富士山，打卡好靚🩷我哋仲嗌埋個唔甜的紫薯蛋糕，呢個蛋糕真係唔甜，兩個人食晒一件🍰呢度氣氛幾好，裝修又靚餐牌都幾特別，如果想約人食飯喺尖沙咀可以試吓🩷…Read More

馬鞍山成日都俾人話係美食沙漠，但係最近比我發現到一間台式火鍋，即刻同fd子去試吓🧡佢門口仲有台式飲品，可以買走，或者係打邊爐任飲，飲品櫃選擇都多，同埋有生啤任飲！重點一讚，佢呢度係一人一個煲，所以可以揀自己鍾意嘅湯底。我哋叫左200日澳洲殼飼牛，牛味好濃，肥瘦適中。同行有人健身人士，佢話想食啲瘦啲嘅牛，店員推薦我哋食澳洲純和牛，一樣咁好食，同埋唔會因為瘦啲而鞋口。🧡我個人推薦藤椒長牛舌，好爽好滑，而且藤椒味好出。海鮮方面，虎蝦滑同埋花枝滑都超好食，入邊完全係可以食到蝦肉同埋花枝肉，大花甲同埋魷魚超新鮮又鮮甜。不過食咗唔記得咗影🤣佢仲有好多台式嘅小食，例如鹽酥雞，地瓜球等等，我哋就叫咗油炸鬼同埋台灣腸，一樣有夜市嘅風味。由於廢水都係任飲，我哋冇拎過飲品櫃嘅嘢，每人飲咗兩杯廢水，奶蓋黑糖珍珠出色！最後甜品仲有桃膠，但係太飽冇食，友人食咗佢嘅鮮牛乳雪糕配開心果醬同埋開心果碎，呢個好出色喎，超濃味。埋單$300鬆啲一個人頭，如果想食台式火鍋可以試吓。…Read More

Lunch第一次試佢，間舖頭幾簡單，入去其實得三四樣嘢揀，當然就揀咗佢嘅招牌海南雞啦，下次先再試吓佢嗰個豬手。佢有紅酒牛尾、四川口水雞、海南雞、同埋紅燒豬蹄。不過我覺得四川口水雞應該都係海南雞加辣椒，所以都係食返正宗嘢。個餐係一碗油飯包雞有少少沙律菜同埋一碗湯，碗湯值得一讚喎，係瑤柱冬瓜煲雞，清清地，都有一粒瑤柱同埋兩舊冬瓜俾我食。雞，好嫩滑，雞髀再配雞胸，不知不覺食晒，三個醬汁就係甜豉油辣椒同埋薑蓉，我覺得辣嗰個汁可以俾多啲。整體嚟講都唔錯嘅，下次可以試吓其他。…Read More

我都幾鍾意去又一城睇人溜冰，嗰日睇人溜冰發現對面開咗間蛋糕舖，佢啲蛋糕造型好靚，忍唔住買咗兩個返屋企同肥仔分享。佢嗰度嘅牛角包，都唔係普通嘅牛角包，全部係一個個波波嘅造型，有鹹有甜，有好多隻味可以揀，幾吸引。然後佢仲有好多曲奇，亦都係有好多唔同嘅味揀，但係我今次睇中咗個蛋糕，仲要開心果味，所以決定下次先再試其他。開心果味嘅蛋糕，淨係造型都已經贏晒。有一粒白朱古力做嘅開心果入邊係有紅莓醬，同埋流嘅開心果醬，層次豐富，忍唔住同Horace 兩個成個啪晒🥰經典香蕉太妃批，個底係朱古力脆皮，好濃郁好好食。好高嘅係焦糖奶油入邊仲有香蕉，口感細膩豐富。又係鍾意甜品嘅唔能夠錯過。…Read More

正嘢嘅打邊爐，一諗就諗到牛大人。佢最近出咗一個黑與白盛宴。我哋揀咗一邊係雪白御鮮豆腐鍋，有三文魚粒同埋豆腐，個湯底勁香。另外揀咗紅燒牛骨，佢呢一個係招牌嚟嘅，有得外賣咁樣買走一包包。😍我哋點咗佢嘅黑白啤酒，打邊爐飲啤酒真係冇得輸。仲有蟹籽墨魚醬，佢係一條條嘅，畫落個火鍋度，勁彈牙超好食。佢嘅海鮮拼盤勁新鮮，鮑魚勁彈牙，大聖子好鮮味全部都要勁新鮮，仲要冇沙！😍同個豆腐三文魚湯好夾。澳洲M9和牛牛丸勁重牛味，仲要爆汁，唔好熝咁耐。仲有仲有仲有重點係有日本黑毛和牛A4+任食，勁好食，入口即化，我哋拍咗幾碟🤣好彩搵我老公去先食到咁多嘢。佢仲有好多唔同款嘅鮑魚，都係可以任食，我哋叫咗兩款，柚子燒汁個味好特出，值得一試。牛大人一直係我心目中嘅火鍋王者，佢嘅調味料吧選擇好多，蔬菜同埋丸嘅種類亦都係好多仲要好新鮮。食到幾飽，仲要食個王子麵😆雪糕任食仲要有自家品牌嘅豆腐味，快啲約埋朋友一齊去打邊爐啦。…Read More

生日係必去嘅，因為佢畫碟真係好靚。但係今次冇朋友生日，我哋照去咗食，啲嘢都好OK。我哋兩個人叫咗個牛肉餡餅，芝士勁多，勁足料。上枱熱辣辣啲芝士仲拉絲。聽講意粉都好出名，我哋叫咗個鮮茄大蝦意粉，估唔到有四隻大蝦，全部都好新鮮好彈牙，意粉係我鍾意嘅質地，爽口嘅，而且個汁仲有少少辣，好惹味，我哋兩個人都清晒。佢呢度仲有好多特色嘅飲品同花茶，佢仲好貼心寫明適合咩人飲用，但係我哋飲完茶都瞓唔着，所以冇叫到🤣最後仲嗌咗個排骨配薯條，有四嚿，好入味而且肉質好淋，而且排骨完全唔乾，配埋薯條，成餐都好滿足。另外真係見到佢生日嘅甜品係特登畫嘅碟，提前一日book就可以，畫得超靚，下次朋友生日都可以去。…Read More

香港唔係間間餐廳都有得食羊，重點係仲要食到好味嘅羊，即刻約咗魚大人去食！我哋嗌咗煎焗羊膝配法式燉菜，羊膝煮得好腍好好味，熟嘅程度啱啱好，所以肉質好腍。法式燉菜有翠玉瓜南瓜茄子，而且呢個肉仲配咗青瓜乳酪醬同埋蜜糖芥茉醬，清新好食。另外嗌咗一個羊肉醬貓耳朵意粉，呢一個貓耳朵超好食，好吸汁，全部掛晒啲羊肉碎同埋啲汁喺個貓耳朵度，會忍唔住係咁食。另外我哋仲嗌咗個西冷牛肉原隻大蘑菇漢堡，配咗薯條，個啡菇上邊鋪滿芝士，勁拉絲，薯條炸到勁脆熱辣辣，個牛勁重牛味。我哋兩個飲K.O.咗佢。最後我哋仲嗌咗個肉桂蘋果酥，酥皮鬆脆，勁香牛油味，肉桂蘋果個味超夾，加埋焦糖汁，又係會食晒。而家土瓜灣同埋九龍城，多咗好多唔同嘅餐廳，有機會嘅話可以去試下，土瓜灣HeySoNuts♥️…Read More

星期日4:00直入唔使排隊個場都幾嘈，都坐咗幾多人一嚟到人一杯水同埋嚟咗一籃麵包之後我哋叫咗個Godiva嘅蛋糕上枱勁壯觀，有兩大舊cream三個人share啱啱好跟住叫咗個黑松露蜂蜜炸雞配咗有蘆筍同埋黑松露薯蓉，熱辣辣，個雞胸好嫩滑。仲嗌左Nacho，超級超級大碟，上面鋪滿乳酪醬，同埋芝士，配料有牛油果、蕃茄同埋酸忌廉，熱辣辣，然後瘋狂食瘋狂食瘋狂食。整體嚟講間舖頭個燈光好暗🤣幾有氣氛埋單500幾蚊…Read More

冇諗過除咗生日蛋糕之外，仲有生日炸雞！觀塘巷仔內台灣嘢，竟然有巨無霸原隻炸雞，即刻約咗愛炸雞之人一齊去食。原隻巨無霸炸雞，上枱勁有儀式感，有埋生日牌，皮脆肉嫩炸到熱辣辣，真係要攤一陣先食到。肉質勁滑，滴晒油，忍唔住食晒成隻雞髀。🤣台式滷水拼盤，好入味，最抵讚係個蘿蔔，清甜得來又有滷水味，最緊要係冇渣。香蒜台灣腸，真係夜市必點，所以我哋都嗌咗嚟食，清晒。巨無霸排骨肉燥飯，真係巨無霸，因為佢有兩層肉，炸到好鬆化，排骨醃得好入味。佢嘅肉燥唔肥膩，仲要個飯配合粟米粒，好清新。鹽酥雞，又係夜市啲點，一啖一粒，而且唔油膩，炸得啱啱好！同場仲有好多廢水點嘅，不過佢四點後綠茶、冬瓜茶都任飲，所以我哋淨係嗌咗一杯廢水！位置好方便，觀塘地鐵站D3出口一落嚟向上望就見到佢啦，巷仔內見！…Read More