Kitty 999的个人专页

幫襯過呢間餐廳嘅外賣幾次，喜歡它的沙律同吐司盒。但今日買的三文魚牛油果沙律真係超失望，竟然比個爛嘅牛油果！！其實望到個顏色都覺得怪怪地，以為可能係沙律醬，但係一咬落去就知壞嘅😖，翻開睇下D果肉已經生曬根，佢切嘅時候冇理由唔知。牛油果都算係哩個沙律嘅其中一個主角，點可以比個爛㗎？真係唔開心😔。雖然外買自取打左折，都唔好比個爛嘅牛油果吖。如果係堂食肯定投訴換番佢，不過我外賣自取無辦法啦，唯有響呢度反映一下。…查看更多

已經好耐冇post,不過今日試左一間新店好想寫。食品走韓西fushion路線。今日試set lunch，頭盤有三款前菜，一個人蔘沙律同埋海鮮豆腐濃湯。第一次食人參沙律都幾特別，個湯香濃，好想要碗飯😆。主菜有四款pasta，我揀左紅棗炆韓牛扁意粉。醬汁香濃，意粉al dente，牛肉蚊得好林，而且食到有紅棗香味，🤤🤤🤤。另外，試咗一個甜品，花餅，好靚啊，外脆內Q，好特別，第一次食。呢度仲有我好鍾意嘅覆盤子酒添啊😆👍…查看更多

今日一行六人去試呢度嘅雞煲。呢度嘅雞煲同我之前食過嘅有啲唔同，佢係炒得比較乾身嘅，而且呢仲加咗啲脆嘅油炸鬼落去，非常之好味，啲雞好嫩滑，就算煮咗好耐都仲係好嫩滑，而且呢度好抵食，雞煲食完可以再叫。我哋總共食咗四個雞煲 ，而且每一個都唔同 辣度，我哋逐步加上去，直到頂唔順為止 。😂之後就係打邊爐 ，同其他地方唔同， 佢唔係就咁加啲水落個雞煲度 ， 而係拎走個雞煲換個湯底畀你打邊爐 。贈送嘅海鮮拼盤 非常新鮮，啲蝦好大隻，貴妃蚌都好大好甜， 只不過美中不足嘅 ，就係啲牛肉唔係好靚，可能因為係贈送㗎啦。另外有好多種配料 都係任食。唔知另外畀錢叫嘅牛肉會唔會靚啲呢？仲有就係非酒精飲品都係任飲㗎 ，而且有韓國嘅罐裝飲品，亦都有冇糖嘅樽裝茶，所以人人都可以飲到自己鍾意嘅嘢。我哋仲要咗間房， 幾個女仔喺入面拎支神咪出嚟唱，真係好開心。🤗…查看更多

今天 朋友調職，買蛋糕請我哋食。我有一件海鹽焦糖同一件玫瑰味 😍。雖然頭先午餐已經食得好飽，但係見到呢兩件咁靚嘅蛋糕點忍到口。先食玫瑰味，真係好清香，有陣陣嘅玫瑰味😋，而且啲cream好 幼滑， 老實講食完嘔番啖氣出嚟都係有玫瑰嘅清香嘅🙊。 海鹽焦糖 好似拖肥咁 味道，但係又唔會覺得膩，啲cream同樣係咁滑，真係好正。朋友問我邊件好食啲 ，我話如果已經食得好飽， 就揀玫瑰嗰件做甜品， 但係如果係當下午茶咁就應該揀海鹽焦糖， 令人有滿足嘅感覺 。 其實 兩件都好好味 。令人回味。…查看更多

上次五點九嚟到都大排長龍，所以今次決定食個 late lunch. 兩點鐘嚟到完全冇人龍,終於可以試到呢間餐廳. 每樣嘢都好好味而且好大份， 就算係lunch special， 都大分過一般餐廳嘅份量 。講真 ，樣樣都好好味， 尤其是個 meatloaf ，味道香濃。 但係最吸引嘅 ，當然係佢嘅蛋糕啦。 原味芝士餅又滑又香 ，紅絲絨芝士蛋糕與及朱古力多層蛋糕 好味到不得了， 令人有幸福嘅感覺 。我哋三個人 ，飽到晚飯都唔使食 。下次 一定要搵多幾個朋友一齊嚟。…查看更多

好耐冇寫食評，因為實在太忙。但最近試過這間小店之後，覺得即使更忙也得抽時間同其他人分享一下。這小店很別緻，前面是零售食品的，主打西班牙火腿，芝士，凍肉等。款式多得很，令人花多眼亂。幸好大廚及店員能給很好的建議。店的後半部，則是餐廳，但你會覺得好似外國的house嘅感覺。坐位不多，只有兩張大茶机，坐椅則是歐式梳化，擺設也營造了家的氣氛，很warm, 很舒適自在。也正因為坐位不多，我十幾人已經包了場。最重要當然是食物。這店選用上等食材，再加上大廚用心烹調，每一道菜都令人回味。而且，大廚也很樂意分享如何可以令到食物如此美味。在這與好友聚餐，簡直好似請咗個大廚去屋企煮比我地食咁。好正。一定會再嚟。還有，從這裡買凍肉回家自己煮，可以問問大廚，他會教你煮出餐廳水準的菜色呢！😉可惜只能上傳12幅相，唯有挑我最愛的吧。…查看更多

上次試過西洋菜餃同雞絲粉皮，覺得唔錯，所以今晚一個人又嚟食過。今次叫了茴香牛肉餃同京醬茄子。茴香唔係處處有，亦唔係人人鍾意，但啱我。餃子皮仍是我喜歡的，厚薄適中，而且有韌度，咬開還有汁，配上醋及辣豆板酱，好好味。個茄子嘅醬汁亦非常惹味，仲加埋生蒜末，我鍾意。相信呢處會成為我一個人晚餐的熱點。睇吓幾時先食勻所有餃子！:)…查看更多

原本係想食辣雞煲，所以搜尋openrice找在大埔的雞煲店而到這裡的，但因為我有點喉嚨痛，所以轉普通火煱。煱底選擇很多，最後選了魚肚猪骨煱，入面仲有雞腳同豬腳，店員提我們先飲頭啖湯，飲完加湯再打邊邊。啖湯真係好甜，好補骨膠啊。我係牛魔王，所以叫了兩款牛。極品安格斯牛頸脊真係超正油花分佈均勻，入口又香又滑腍……好幸福啊 ……！！！另一款肥牛雖算ok, 但是被比下去了。黑豚豬也不錯。而各款蔬菜賣相都很精美，令人增加食慾。另外，值得一提的，是店員服務態度很好，會細心介紹及推介，但我沒有選他的推介也沒關係，他們還是很熱情招待。我一定會再回來encore牛頸脊！…查看更多

朋友話呢度嘅牛雜煲好正，於是一行六人到這裡。牛雜果然好味，尤其牛粉腸，又腍又入味。但最惨係肥牛唔掂！店員推介極品安格斯手切牛頸脊，就叫呢樣，點知……牛肉味有，但非常“鞋“口！而且一睇就知不是手切。另外友人推介花雕牛，都幾香，但二百幾蚊得幾片！友人問店員點解咁細碟，是否分大小size?店員說只有一種，是這樣的。友人說之前食過幾次，都係大碟啲嘅，店員就話個師傅確係今日新嚟，可能唔知份量，跟著收番碟牛，換過碟大啲嘅！ 最搞笑係，友人臨尾追加午餐肉，冇睇餐牌，就咁叫個店員加。食完先知，呢碟午餐肉價值$128，因為係加拿大的我反而覺得屋企嗰隻中國白豬仔午餐肉仲好食！不過呢度嘅響铃同餃子就好味。可惜我係牛魔王，牛肉唔掂，唔會再嚟。六個女仔，冇飲嘢，都每人400，唔抵。…查看更多

間中週末會經過春園街去上課，而每次這店外都排着人龍，心想只是舊式茶餐廳吧，也不明白為何這麼多人等。昨天罕有的在閒日五點左右經過，竟然沒有人龍，於是入去叫左個營養餐D。 有菠蘿包，沙爹牛肉麵，熱奶茶。沒有加$3要菠蘿油，但包旁邊仍有少少牛油給你。個包好有質感，不是輕飄飄嗰種，而且嗰皮香脆，可惜是凍的，如果熱的肯定更好味。個麵都ok, 彈口，不是淋淋發漲那種，沙爹味仍夠濃，奶茶仍夠地道，夠香濃。飽晒，很滿足，但老實講我覺得並非好到值得排長龍去食。好啦，如果下次經過冇人龍就再幫襯啦。…查看更多

試過兩個冬甩後，經常心思思，但由於家住新界，好少到這区。今日剛好到湾仔開會，梗要食啦，今次自己食完更買了一打返公司與同事分享。大家見到色彩賓紛的冬甩已開心不已，而且每款都很可口，分甘同味更開心。…查看更多

第二次到這了，今次為媽子慶祝生日，經openrice訂枱，仲有88折優惠。四個人，有一個素食者。雖然只三個肉食兽，仍忍不住叫了一份36oz Cowboy steak。個扒煮得啱啱好，肉香多汁，好味到暈！當然不會餓親素食的妹子啦。牛肝菌意大利飯同無花菓水牛芝士沙律也十二分味美！最後再嚟個甜品拼盤，心太軟同自家製的心形布丁都令人感到幸福！😇還有就是員工很親切，服務很週到，她給了很多貼心的建議呢。總之，媽子好開心！👍…查看更多

剛在香港登錄的冬甩店，之前一直見大排長龍，我就最怕怕，所以一直未試。今晚經過，見人不多，立即入去食啦。嘩，真係花多眼亂，店員好好人，叫我慢慢挑，而前面有兩個印尼姐姐也挑了很久，不知買幾多件返去俾老板好，店員叫他們慢慢想，不急。我終於要了兩件，Oreo cheeslicious, berry spears. 好多人用刀义享受，但我忍唔住要用手！一咬落去，真係好幸福！冬甩質感輕盈，而入面的cream cheese 好滑，面頭的oreo仍脆脆地，而berry spears的果醬不會太甜。好味，好味，好好味！好想再挑多件，但一陣要去晚餐，所以暫且忍住。我一定會再返來的！…查看更多

今晚27人包場慶祝，各種扒類都好正，尤其是慢煮牛肋骨同豬鞍，超美味。不得不提大廚為大家準備每人一份煎鵝肝，簡直係高級酒店水準，外脆內嫩，香口之極，更配上一片梨，一點不油利。👍👍👍…查看更多

之前嚟過食精美晚餐，見到呢度做午餐優惠，梗要試試啦。午餐三送一，所以今日我地8個人去，收6個套餐價錢，好抵！但最重要梗係味道啦。前菜三小碟好惹味，尤其喜愛辣味小菇菇。主菜我選了牛肉炒年糕，好香口，年糕QQ, 正。朋友們各人的主菜都好滿意。甜品係一小粒brownie, 好好味。主理人阿Den哥好好人，我地想加添brownie, 佢送上一碟😘…查看更多