Steph-Babe's Profile

平時都有幫襯開嘅北角小店，食物同服務都好有質素，今晚同朋友吃飯，見到佢哋有參加Restaurant Week，Menu最平$298就可以食到3-course set dinner! 真係抵吃！有前菜、主菜和甜品，每個course有4個選擇。我哋一行四人都試晒前菜同主菜四個選擇。每款都係物超所值！趁住有優惠，大家不妨去試吓！帶子虎蝦沙律煙肉焗法國生蠔、香煎蟹餅香港紐西蘭羊架是日精選海魚Crème BrûléeChurro…Read More

話說難得今日放假，諗住早D起身去嘆杯茶食個靚早餐啦。之前行過呢間炮台山coffeelin 都覺得環境幾靚，仲有outdoor area，感覺都幾chill，啱晒放假嘅心情！我哋叫咗杯Hojicha Latte 同 Piccolo ，店員都好有心思畫咗個^_^在杯蓋上面。 Latte 味道正常，冇乜特別。入到最後杯底嘅Hojicha 粉係好似未溶咁。食物方面我就睇佢哋IG 介紹嘅 Prosciutto crudo and fontina cheese toast, carrot salad $78 ，講真，真係覺得幅相嘅賣相幾靚先點呢一個。我明白，有時真係唔可以太過相信官方網站嘅野。我地坐室外，所以店員都用外賣餐具放食物。但總點係明明Menu 寫有carrot salad ,就連幅相都有，但偏偏我嗰份就完全見唔到carrot嘅蹤影🫨所以我好奇心拎返份三文治入去問店員：我🙋🏻：其實係咪應該有個carrot沙律嘅呢？ 店員💁🏻‍♀️：係 ～ Errr~ 係有嘅 (店員有少少無助咁、不過又冇Offer返俾我）我🙋🏻： Hmm 即係有定冇？店員💁🏻‍♀️： Err …有嘅，不過係好少 、真係好少 （想打發我走咁）我🙋🏻： 咁唔該加返最終，係有加返，但完全冇heart ，真係求其得兩條😅 求其到一個點！講到尾、其實都唔係多與少嘅問題，少你就唔俾？但你本身Menu有寫Carrot Salad, 幅圖又有仲要點睇都唔止兩片啦。但點解你出來效果係可以完全冇，而答案係因為好少就想可以skip? 🤷‍♀️其實如果店員第一個反應係承認「落少咗配料」並願意「加番」，就Ok 啦！🤔…Read More

忙碌完一個星期，到星期五晚當然朋友出嚟開心吓。今次我哋揀咗去尖沙咀嘅食Tapas! 之前同事有介紹過話Happy Hour好正， 好多小食同cocktails，氣氛好、環境仲好chill。雖然我同朋友今日冇order 酒，不過佢哋嘅主菜Menu都好多選擇，有Tacos、 Burritos、Nachos 同 Fajitas都有！我地兩個人點咗 Ceviche (Tuna) - 一個非常精緻嘅前菜，賣相和味道都相當唔錯。檸汁醃吞拿魚伴厄瓜多爾醬。吞拿魚夠新鮮、酸酸甜甜嘅醬汁令人胃口大開，推！Chipotle Chicken Tacos 軟身Taco帶着煙韌口感加上墨西哥chipotle味道很獨特，混入孜然粉，令味道更豐富。食墨西哥嘢點少得Nachos這個墨西哥風味的特色小食，粟米脆片吃起來很香脆配上guacamole牛油果醬清新美味，兩者非常之夾Pork Fajitas鐵板上枱，熱辣辣夠晒鍋氣！還配有墨西哥餅加三款不同口味的醬汁一起吃！豬肉夠入味，夾埋三色椒、洋蔥，sour cream同guacamole口感味道都超豐富，除咗豬、仲可以選擇牛、魚、雞、雜菜也可以，必點之選。…Read More

在香港，比較少機會食瑞典嘅菜式，最熟悉嘅瑞典菜式就係去宜X傢俬食品部但估唔到今日經過西營盤第一街，見到一間好有聖誕氣氛嘅瑞典Cafe，最吸引嘅係佢地有戶外座位，可以同毛孩一齊慢慢嘆店內除咗嘢食之外，其實仲有好多小精品可供購買，室內以藍白色裝修為主，感覺簡潔舒服收銀旁邊嘅櫥櫃放滿麵包同甜點，真係好吸引呀！最後揀咗一個All day Breakfast因為發現佢入邊都幾乎包含晒餐牌入邊嘅食物，可以一次過滿足晒所有願望最好味嘅我就覺得係薯蓉配肉丸，薯蓉夠香滑。整體份量都算幾大，兩個人食完都好滿足之後點少得甜品，叫咗一個Baby Pancakes，加買個開心果雪糕，今次仲唔係大滿足適逢聖誕節，店員為食物都添加上聖誕氣氛，好特別！打卡一流呀！仲唔快啲嚟！飲品就叫咗個Fika’s Dream 同 Flat White ，Fika’s Dream賣相真係靚，顏色好搶眼，飲落仲好解渴，酸酸甜甜Let's go and fika!…Read More

平時食潮州菜都係諗到打冷、大排檔。但係原來宜家嘅潮州菜都可以好「潮」今日朋友帶路去咗銅鑼灣The L Square - 「鬼滷」，好彩朋友有book定位，如果唔係分分鐘要等位。餐廳感覺好cozy，雖然座位唔多，但都唔會覺得好擠迫店員一嚟到已經送上餐前小食爆谷，真係好潮呀！小食嗌咗個韭菜鴨血，鴨血口感較滑嫩，味道香辣惹味，食完這道前菜，我的胃口立即瞬間大開食潮州嘢又點少得蠔仔粥，二人份量，每人都分到二大碗，其實份量多到足夠三四人都冇問題蠔仔粥味道很好，鮮甜新鮮，唔會太鹹，綿密細滑，粒粒肥大飽滿的蠔仔，好足料，再加埋香蔥及菜莆，更加好味滷水拼盤叫了五選份， 滷水鵝片、滷水鵝、豬仔髀、墨魚同豬肚， 拼盤上枱時仲有蠟燭保溫真係好貼心，滷水賣相亦都十分吸引 滷水鵝片皮薄肉嫩，而滷水鵝肉厚味道香濃，墨魚同豬肚都爽口彈牙，平時少見嘅豬仔脾都夠晒入味，連平平無奇嘅豆腐都夠嫩滑…Read More

講到日本名物，又點會少得天婦羅！但要做出一份出色嘅天婦羅並唔簡單，要夠香脆、不可過油、炸得恰到好處想食好味嘅天婦羅並唔需要去到日本咁遠嘅，去灣仔利東街就已經食到喇！來自日本嘅金子半之助，唔單止係日本人氣過江龍咁簡單，仲連續7屈榮獲日本全國天丼金賞，而係東京日本橋本店總是大排長龍，今次來到香港分店，吃飯時間都要排一陣隊，等大約15分鐘很快就安排入座，店員先奉上黑豆茶、熱呼呼的很好喝雖然餐牌上選擇只有天丼、上天丼、江戶前天丼、特選天丼…. 但已經足以令我覺得有選擇困難症最後揀咗店員推介嘅特選車海老帆立貝天丼和軟殼蟹天丼。天丼上桌時真的令我眼前一亮，炸物堆得滿滿的、份量十足！配料很豐富有車海老、帆立貝、小柱魷魚天婦羅餅、莢豌豆、海苔和半熟蛋，吃得出食材新鮮帆立貝炸得外脆內軟，有口感天丼set還附有味噌湯和漬物，真係十分豐富
而軟殼蟹天丼就一樣有咁多配料，除咗軟殼蟹仲有海老、小柱魷魚天婦羅餅、莢豌豆、海苔和半熟蛋每一種炸物都很好吃的，再淋上美味的秘製醬汁，甘甜的味道配上日本米飯，真係吃唔停口！…Read More

Happy hour除咗隊啤酒同食吓花生，嗰日喺銅鑼灣俾我搵到一種新玩法，就係一個價錢任飲清酒，仲要有居酒屋menu，飲得又食得，真係忍唔住要講吓！話說地點就喺總統戲院對面嗰幢商業大廈，一搭扶手電梯上去原來係有靚仔食肆嘅。好快就俾大大隻，投射喺頭頂嘅「昼月」兩個字吸引到，仲發現佢竟然只係$298，2小時任飲清酒，實在吸引，即刻入去坐低！呢段日子去親屋酒屋，都要叫薯條食吓。打開menu見到佢有松露薯條，點都要試吓啦！熱辣辣上枱，配埋絕不吝嗇嘅松露醬，佐酒一流呀！為咗感覺無咁熱氣，都叫咗個蟹子沙律，大大碟，好味吖！雖然話清酒任飲係一大賣點，但係佢menu其實都好豐富，除咗前菜，仲有壽司、串燒、飯、天婦羅等等乜都有本身我見到好多人叫一個豚肉蛋飯，雖然佢的確好IG-able但因為好想食魚生嗰啲，所以叫個壽司十貫，魚生種類都好多，拖羅同海膽都有，絕不欺場。壽司食開有條癮，叫埋炸蝦卷，香脆惹味飲酒都總係要夾啲煎炸嘢食，所以索性叫埋大蝦天婦羅，蝦夠哂大隻，今餐正宗飲飽食醉喇！另一賣點係坐得舒服，店員完全冇限時間吹你走…Read More

人來人往嘅觀塘，想搵間企理又好味嘅餐廳晚飯，其實都唔易。仲要值得encore嘅，就更加難能可貴。但，又竟然俾我搵到一間喎，佢就係喇NATA喇！自從上次嚟過晚餐，試過free flow dinner set之後，一直都想再嚟，咁啱又約咗人放工後食好西，想舒服坐低食個好啲嘅晚飯，第一時間就諗到要嚟呢度。encore-able 嘅，除咗呢度嘅氣氛，仲有呢個包⋯⋯你唔好睇佢只係一碟包，送上枱仲係熱辣辣，食落又香又鬆軟，加埋Feta芝士，講真如果唔係要留肚食正餐，真係可以再追加。除咗包，亦叫咗個磨菇湯。開頭有一吓以為叫錯咗杯cappuccino，但其他係一杯有foam嘅湯嚟。都幾滑，同埋菇味濃，唔錯。嚟得encore，梗係必點肉肉大餐做主菜～今次叫咗Grilled Spanish Pork Loin同埋 Butter Roasted 黃油雞。呢度啲肉食嘅特點，係會將肉放喺一塊鐵板上面，底下就放兩個蠟燭㷫住，咁邊慢慢食邊傾偈都唔駛驚啲肉會凍哂。平時出街食飯好怕叫啲豬扒類嘅菜色，怕啲肉煮到好韌，呢度嘅燒豬肉就絕對無呢個問題喇，燒得香之餘又不失嫩滑，加埋個chimichurri醬，令人食到舐脷。至於個雞都好正。同豬一樣，肉質都係好嫩滑，而雞仲多咗一陣油香，愈食愈想食！本身都已經飽飽哋，但見到個甜品menu都好吸引，忍唔住都係叫埋個抺茶Milk Mochi疏乎厘！超香濃嘅抺茶cream，配埋甜滑嘅疏乎厘，頂頭仲有煙韌嘅MOCHI包住啲紅豆，淋埋啲黑糖漿喺面，成件事豐富得嚟又好夾，大滿足！…Read More

北角和富道唔知幾時開始變咗食街，新餐廳都成日出現，呢排行過見到一間新嘅café開咗，咁啱想搵個企理舒服嘅地方食晚飯，傾吓偈，順便試新嘢。打開MENU，原來仲有好多走意式風格嘅嘢食，pasta, pizza唔在講，risotto竟然都有幾款。見佢pasta方面，標榜係自家製，用意大利麵粉同鹿兒島雞蛋每日新鮮製作，咁梗係要試吓。叫咗個黑虎蝦蘆筍法式濃汁意粉，賣相好吸引，麵條同平時嗰啲唔同，特別有咬口同香，加埋掛哂喺上面嘅濃汁，好惹味。平時意大利飯唔係茄底紅汁就係忌廉底白汁，今次黒汁- 墨魚汁帶子意大利飯，個樣固然夠特別，食落仲有墨魚嘅鮮味，絕對唔係係咁二整黑啲飯就算，夠哂誠意。飲品方面，除咗咖啡之外，仲有各種唔同嘅茶，啲茶啲名都好盞鬼，我哋分別叫咗洛神花加Berries嘅花弗姨丈，柚子加烏龍嘅烏龍媽咪。啲茶嘅新穎材料組合都俾到人清新嘅感覺、茶具都好靚。小食必推黑松露薯條，好吃、真的好吃！看似平平無奇，但薯條係新鮮炸起、外脆內軟、真係忍唔住親佢熱辣辣嘅時候一條一條食唔停口，如果松露醬份量多啲就真係滿分💯啦！食到咁上下，見今日推介黑板上甜點，有一個叫Tiramisu Churros版本，真係好想知道佢係究竟乜東東。上枱之後發現佢係用Churros代替咗平時浸到林晒嘅手指餅、加上十分柔滑Tiramisu cream、配埋十分香濃嘅Expresso，三樣嘢分開自行配搭，真係好特別，就算食到好飽都絕對值得一試！…Read More

呢幾年疫情都冇好好地咁同朋友出去食飯，宜家放開曬心情咁就當然要去慶祝下啦！一直bookmark 咗呢間 Good Day Bad Day! 睇到個名都覺得好特別，餐廳裝潢設計都好搞笑好有藝術氣氛，超多打卡位，坐位都好舒服，真係啱晒約會，可以慢慢坐慢慢食。餐廳以西式餐飲為主，餐牌上有好多搞鬼嘅菜式名字，睇Menu都睇得好開心！今日係補祝朋友仔嘅生日，一於就食豪D！叫咗個瑞士名物芝士火鍋，必推之選。一上枱已經心心眼一鍋濃郁芝士加，加上大大塊牛扒沾來吃真係好浮誇下！另外配上大蝦、脆卜卜嘅麵包、薯仔、西蘭花，真係好有份量呀！啱晒呢幾日凍凍地，食完成個身暖笠笠，好幸福沙律菜我地點咗海洋生物沙律，聽到個名都知道唔簡單，估唔到有驚喜，沙律顏色鮮明，真係令人食慾大增。帶子同蝦有煎炸過，外脆內軟好香口，呢個前菜真係夠晒醒胃！既然食得咁開心，當然要叫返個好日梗係芝士龍蝦意粉賀一賀佢啦，大大隻超級肥美嘅龍蝦，賣相別緻夠派頭未食睇見到超興奮啦，食落仲好creamy, 龍蝦啖啖肉好彈牙！讓人食個翻尋味！呢度嘅飲品都好有創意，非一般一般檸檬果皮烏龍茶沙冰，真係有果皮味，味道出奇地夾，真係香港先會有得飲！唔想飲凍野，可以揀自製山楂果肉玫瑰花菜、酸酸甜甜好好味！其實真係好想食埋甜品，但實在太飽了，留返下次再試啦！無論Good Day :)定 Bad Day:(, 能夠於繁忙生活中和朋友一起品嚐美食，也是生活中的小確幸了！…Read More

有時諗晚餐食乜嘢都諗到頭痛，除咗粥粉麵飯，突然靈機一觸上次經過Villa Villa Burger一直都未有機會試，今日晚餐試下先！之前都食過Villa Villa北角西餐廳，已經好有水準。Villa Villa Burger位於太古坊附近海光街，好容易找到，主要做take away，店外有張枱可立食，好方便！Menu 上Burger有4款不同，不多不小，剛剛好！仲有期間限定，可以參考返貼出嘅告示！唔食牛嘅朋友唔洗怕，我要推介返呢度嘅西檸雞堡同手打蝦餅漢堡。首先講下個黑媽媽嘅包，原來係自家製墨魚汁麵包，好香牛油味，煎得十分香脆軟熟，唔會浸淋淋咁西檸雞叫兩餸飯就食得多，變做漢堡包真係第一次試。咬落去甜甜酸酸咁好開胃。同埋鍾意佢唔會好似一般啲雞堡咁炸得咁勁，外脆內Juicy!! 好吃！手打蝦餅漢堡，呢個真係推！因為係辣辣地，配上泰式海鮮醬，味道真係好夾，食唔停口！蝦餅好有份量，口感十足呀！兩個包加$20都可以轉做套餐，有薯條加飲品。薯條仲要係我最鍾意嘅波浪薯條，即叫即炸，真係好香口。另一個餐改為炸蕃薯條，外脆內Q Q，甜甜地好香軟！再加小食椰菜沙律，見到店員用心製作，用材新鮮，只需$35但份量足夠2-3人分享！如果大家都想食有質素嘅Burger，不妨試試！店員同廚師都十分Nice，有問必答！所有食物即叫即整，仲可以叫店員幫手將麵包一開二，方便同朋友仔開心share如果Menu能加impossible meat或素食包款應該都會好吸引！期待下次再嚟過！…Read More

夜晚想搵個地方食飯chill下飲杯嘢，朋友就推介位於鰂魚涌嘅Flames! 宜家天氣涼涼地，坐室外真係啱晒，原來夜晚呢度都好有氣氛。坐低當然就梗係叫番杯draft beer先啦！啤酒口感新鮮清爽、夠晒冰凍，放工嘆一嘆真係人生樂事Ceasar Salad，新鮮爽脆嘅羅馬生菜配上烤雞好醒胃，一個簡單的沙律，味道卻是出乎意料的好我同朋友一人叫咗一份半雞餐一份Mixed Herbs 炭燒雞，一上枱已經聞到陣陣香草味，烤雞烤得剛剛好，外脆內軟，肉汁鮮嫩多汁配上黑松露薯條，份量超大，薯條即叫即炸，入口熱辣辣，真係食唔停口呀！另一份Peri Peri香辣燒雞，香噴噴嘅Peri Peri味，聞到已經覺得好惹味，辣味剛剛好，吃起來味道豐富，越吃越惹味！…Read More

等等….嘆番杯先啦 芝麻Latte 好Rich好Creamy，感覺好似食緊芝麻糊咁，仲要係超級靚嘅🦄拉花，真係好有surprise 👀見都😍😍次次都係齋飲唔食，成日見到隔籬枱啲薯條好吸引，今次仲唔輪到我😏薯條真係好吸引、熱辣辣，加埋松露芝士真係夠晒惹味，不過要趁熱食先好食Crabmeat Salad 好fresh，仲好多蟹肉添Lobster Bisque Risotto with Grilled Sea Bass 相當有份量，意大利飯軟硬適中，粒粒好入味…Read More

啱啱係太古坊收工，好想飲杯咖啡提提神。本來一心諗住去連鎖咖啡店，但沿路走時竟然俾我見到一間小店有一大部咖啡機，門外還貼著日式牛肉飯Poster，睇下Menu原來係一間日式便當小食店，價錢夠曬親民、除咗牛肉飯都仲有好多選擇！真係啱晒啦，飲完咖啡、今晚一於吃外賣便當！首先來一杯Americano，未入口但聞到咖啡豆嘅香味已經夠醒神，入口更香濃順滑外賣咗兩個便當晚餐日式牛肉飯+配照燒雞扒$15夠晒日本風味，加上鹹中帶甜的醬汁、真係話咁快就食完照燒雞扒有驚喜、外皮煎到金黃、肉質鮮嫩。好有飽足感!! 日式咖喱吉列豬扒飯+粟米$5咖喱夠香，偏甜不辣，質感濃稠，大人小朋友都啱食，夠惹味加埋粟米感覺清新，一啖接一啖:)…Read More

話說朋友想和我慶生，而我心目中已經有想試嘅餐廳，咁就一於一齊去試下。好耐都冇去尖沙咀食飯啦，發現尖沙咀都多咗好多新餐廳。今日嚟呢間都係算新，仲要係打卡熱點，星期四晚只book到第二輪8:30pm入座，但餐廳依然座無虛席，我就知我哋無揀錯地方！等緊入坐期間，店員仲好好咁拎咗啲手調飲品俾我地試吓，特別想讚下一位店員（阿樹），他真係好friendly主動問我地有冇需要，有問必答、態度十分之有善！知我哋嚟慶祝專登盡量安排打卡位俾我地，好貼心唷！有選擇困難症之下我哋叫咗一個泰式小食拼盤，貪佢乜都有唔洗諗，一次過滿足晒！拼盤一啲都唔簡單，唔單止有串燒、連清邁腸和炸豬皮都有，真係好有泰國風味原隻魷魚冬陰功炒飯，酸酸辣辣十分之惹味！原隻的魷魚，肉質爽口富彈性，配上惹味醬汁，簡直食唔停口呀炒菜就略嫌太簡單，所以我哋就叫咗一個柚子紅石榴沙律，清新的柚子加上酸酸甜甜的紅石榴，一個既開胃又非常營養價值高嘅沙律，值得推介甜品雪糕筒芒果糯米飯，造型好吸睛！看見幾乎每一台都有叫。生日時仲會在碟上寫Happy Birthday，柔軟香甜嘅芒果配上香Q帶點嚼勁嘅糯米飯，仲有Honey Crumbs ! 就算食飽咗都要叫呀！呢度仲有好多特色手調飲品，顏色好靚賣相好吸引，味道都好特別，好易入囗酸酸甜甜…Read More