勁好味's Profile

貓面選擇好多，大概有廿幾種配料可選，雖然對我黎請太甜及大咸（始終不是新鮮的食材，所以味道點都係重一點）貓面的賣點是一次過可食不同款式的配料，的確令人十分滿足，一次過滿足晒好多個願望，可惜材料愈多，撈出來的味道就愈雜，什至是食不出在食什麼，只有糖和咸的味道，另外面條也很彈牙，都是即撈的。總捨來說，當零食來說是可以的，但當正餐來說，的確味道過重，而且過由於甜，配上面是怪怪的建議選少一點款式，一兩款配料，反而美味些。…Read More

多數係呢一間都係lunch食，因為喺附近返工，佢個lunch好抵食唔使＄100就食到日本牛肉，佢啲牛質素好高，入口即溶，牛味好濃郁，配上佢哋本身嘅海鹽，真係好正，完全帶出佢哋嘅鮮味。Lunch Time有個牛舌太餐，牛舌好薄，但係可惜佢哋嘅份量真係太少，即使食埋佢個飯都唔夠飽女仔都食唔飽，所以有時要加叫其他嘢食，例如魚生飯，魚生飯都算新鮮，都好足料，但係相比牛肉好味好多，始終牛才是它們的招牌貨！！！…Read More

呢間甜品店之前試過好幾次，味道非常出色，尤其係中式糖水，不單止材料新鮮，而且火候都好夠，甜到的適中，所以每次都經過都好想黎再食。環境方面其實都算闊，因為入面其實都好大。今次我叫咗芋頭西米露，芋頭煮成容，西米亦都好多，不會煮得太林或太硬，而且都好大碗所以每啖都有芋頭蓉和西米！！！另外，亦叫咗糖不甩，細細粒，一口一粒的，都非常QQ。雖然唔算話非常出色但整佢哋講都係水準之上的，價錢亦好合理，值得一試再試。…Read More

你都新世紀好容易發現呢一間餐廳嘅存在，因為佢係露天嘅座位亦都好闊，令人坐得好舒服，比起cafe好少少嘅質素但又未到西餐廳的質素，意粉款式都多，叫左一個意大利飯同意粉，其中紅菜頭意粉好fresh，紅紅的，好靚，上面仲加左紅色鞋帶糖黎扮意粉，都幾得意，青口雖然雪藏貨，但好好味，整得好creamy,配上細細碟的薯條，薯條也炸得好好味，點下d青口汁，唔經唔覺就好快食晒，下次會試下佢個燒雞同埋旦糕！！！！！…Read More

The market 的自助餐雖然不算大，但款式絕對算多，不但質素高，款式也很中！好想再去第二次。是次試中午自助餐，雖然平日，但位置都爆滿，好受歡迎！令特印象深刻是榴蓮區，款式都好多，絕對滿足到榴蓮愛好者。另外，中湯好好味，飲了三盅，細細盅的。喇沙也好好味，濃味好有椰香，蝦又好爽，最好係細細碗，不會食得過飽。魚生海鮮生果都好新鮮。最後甜品，種類多，算高質，可惜蛋糕種類不多，而雪糕都係哈根大師，有好多種味。絕對是令人再想去的自助餐…Read More

第一次來滿心歡喜黎試下呢間用明星做招牌的餐廳，諗住衰極都有個譜啦英國菜拿手煮呢個Fish N' Chips，叫咗個Fish N' Chips同埋漢堡包，點知咁普通嘅嘢都整得難食。超級油膩又燶又唔脆，真係寧願用d quota 食薯片仲好味，佢收呢個價錢呢個質素點都講唔通。至於個漢堡包，諗住衰極都好過麥當勞，點知真係麥當勞仲好食過佢薯條亦係，所以應該唔會再嚟幫襯啦，而且價錢偏貴，真係宜家傢私仲好食過佢失望！！！！！！…Read More

之前見外國blogger介紹呢間雪糕店,已經覺得好吸引,因為佢嗰個顏色好colorful。終於比我試到喇，所以諗都冇諗即刻揀咗三個球不但可以壓荔枝而且可以大飽口福三個球我哋差唔多五個人一齊share先食得晒，佢個焦糖海鹽超級好味，好耐冇食過有呢一種美國style嘅雪糕。另外佢朱古力都好濃，有好多朱古力碎喺入邊。可惜佢嗰個雪糕筒真係實在太難入口，根本上係食唔到。為影相就好，食就....所以下次都係買番啲普通嘅雪糕筒算啦。…Read More

試過呢間餐廳嘅招牌吉列牛，佢個吉列牛係半生熟嘅，俾一個類似鐵板嘅物體俾你烘熟，其實唔會烘得好熟，所以個牛係入口有啲林同埋有啲生。都係算係幾好味，有牛味。但係佢個鰻魚飯就好一般，飯好細兜同埋鰻魚好明顯係用雪藏即食鰻魚，有點凍凍地，套餐有好多位都要加錢，例如飯素，湯都要加，不過整體都算OK嘅，如果未試過試吓無妨，如果要排隊就唔會喇，但係總括嚟講佢係買包裝多過內涵，佢包裝得啲食物精緻但係入口會有點失望。…Read More

之前lunch來呢度食估唔到。午市套餐而且款式都幾多，發現竟然有人參雞，叫左個黎試下，人蔘雞其實係即食人蔘雞，即出邊韓國店買嘅一袋袋現成的人蔘雞一樣，雖然有啲失望，但碗上一個熱辣辣嘅白飯再加上佢嘅石頭鍋感覺都OK，滿滿的人蔘味。佢哋套餐可加配韓式飲品，配埋一碗海帶湯，所以都幾豐富。另外朋友叫咗個韓式辣醬炒豚肉，份量好多，好惹味，炒得好乾身，Lunch time 黎好抵，性價比高，又好坐，不用在下面街同人迫。…Read More

今次黎叫左西瓜撈和芒果撈，一個西米底一個涼粉底，一上檯已經被它賣相吸引上面的沙冰好多同埋好高，而且好好味，甜度適中，炎炎夏日超級透心涼，涼粉超西米好爽口，就是因為佢地散貨速度快，所以d食材都好新鮮，不會感到擺耐左而覺得淋左，所以佢地長期受歡迎真是有原因的至由於佢地招牌貨，B仔涼粉，不但過甜，而且罐頭水果過多，今到成件事好化學，好難食！另外，提提大家，只有西米/涼粉撈才有上面的沙冰，千其唔好叫錯！！！…Read More

家姐極力介紹，先知道呢間米線的存在，真係幾難搵，入到去估唔到係一間米線店，裝修像一間懷舊茶樓。坐低之後，真係有茶飲仲要係茶壺沖出來的，好有特色。至於米線方面，是濃味既米線，面層鋪滿肉碎，好大碗，都幾抵食的！我叫左腩肉，腩肉好薄，份量好多，佢呢款腩肉好薄，薄到好似肥牛。另外，d姐姐好有禮貌，個個都好親切，所以即使位置唔係好好坐，見到佢地對d食客咁好，都食得好開心。總結：米線有特色，有d餸其他米線店都冇而佢地有賣，保留懷舊。…Read More

呢間印度菜好神祕，門口都幾難搵，經超懷的升降機上去呢間餐廳，入到去好裝修又懷舊又有點浪漫，像廿年前有情調的黑蚊蚊餐廳，點左左咖哩和薄餅，好好味，由其佢個薄餅，超熱同埋香，飲品叫左Mango lassi,味道一般，不過不失，另叫左熱拉茶，味道都幾好，好滑而又不太濃，幾易入口，啤酒都有得叫。整體黎講環境和味道都是水準之上，佢地都係即叫即整，上菜速度快,食物也精緻，細細碟，可以食好多款種類，特別係薄餅有好多種口味，必試！…Read More

日式咖哩飯，一食落口感覺不太新鮮（雖然集團式及快餐好難避免不是一早整定，但感覺太不新鮮），真心覺得銀咖哩比起它們還要好！食物上桌不夠熱，最起碼飯要夠熱吧？咖哩的味道也是一般的，餐牌食物選擇好少，飲品又少，所以成件事都是很一般，而且收費也不便宜，一碟飯一百元左右，令人十分失望，如果只靠卡通人物包裝，而食物水準欠奉，這樣的餐廳還能維持嗎？*新都會店內的清潔度也要改善，不知是因為裝修舊了還是太多毛公仔。…Read More

呢間串燒店印象開好夜，岩晒d食宵夜的人士。雖然唔係款款都做得非常好食，但以呢個價錢，有呢個質素算係咁，絕對可以頂到串燒㦩的，我覺得佢地d蔬菜燒得不錯，但記得叫少辣或超少，蔬菜吸辣得好勁，比起其他辣好幾倍，燒波蘿都好juicy,大件（是四份之一個波蘿上）茄子超好食，好多調味料，夠晒味，次次叫兩碟的，相比之下燒肉，如燒雞翼, 燒雞軟，墨魚咀等等就比較失色，但都算係水準之內的！另外佢地也有粉面賣，有酸辣粉，如果唔夠飽可以填肚…Read More

呢間酸辣粉跟深圳的酸辣粉100%相似，以後唔使返大陸先食到，d粉超彈牙，最鐘意呢種圓柱型的粉，加上佢個湯底，超麻，精粹是夠酸，雖然就咁聽好似好普通，但使到大陸的味道，不是間間做到，食完變孖潤腸果隻，芫茜蔥都算好，但問過如果唔夠再加的話就要加錢佢地仲有手找餅賣，而且係紫薯餅底，味道都不錯，煎得都幾香脆，配埋雞蛋和沙律醬好juicy,可是手找餅真係太油了，食半個都已經又飽又膩，所以我次次都會只食佢個酸辣粉，細細碗，仲食得落葵涌廣場其他的小食。…Read More