好老實，openrice開咁耐我都係齋睇，一篇食評都冇打過，但今次真係要出聲。因為我本身都叫北海道牧場餐廳 fans，一個星期食幾次（但唔係呢間，係喺同一條街唔夠5分鐘腳程嘅流尚坊嗰間）。今次呢邊順路少少就諗住冇所謂，反正都一樣，點知隔5分鐘嘅路質素係爭咁遠。廢話少說，簡單描述，一個五香肉丁套餐分別包含:1.蛋: 唔滑，硬淨2.火腿:呢個係第二嬲，凍嘅，唔係放得耐嗰種凍，係未解得透凍嗰種凍,仲有水架頂3.多士:呢個係最嬲，初頭我對北海道牧場係冇乜好感，原因係我覺得50蚊食個常餐唔值，係直到一次係流尚坊我食過佢個多士，我就覺得值，因為真係好食。但今日唔知做乜神推鬼x走左過黎，我想講，個包（我直情唔想叫佢做多士）係一黎我已經嬲左，我女人都奇怪點解我未食已經咁大反應，好簡單，係難食到一個點我望到已經知難食，咁當然，已經黎左，唔好浪費食物，我都照食哂（事實亦證明真係好難食）,簡單描述，硬過石頭，冇味，完。4.五香肉丁: 感謝上帝呢個世界有樣發明叫罐頭，點整都唔難食，最多好似今日咁，係凍姐5.通粉:唯一做到同樣水準，只係份量唔知點解少左一半。6.飲品:平時我係願意加8蚊要杯熱鮮奶，今日我都想叫，但佢同我講換左新機，冇熱嘅，得室溫，開頭我唔明點解會係咁，第一，你換部新機 function仲揸過舊?第二，冇機，係咪可以用熱水座熱？有幾難？我唔係話我肯俾8蚊就大乜哂，只係第一，可唔可以轉下彎?第二，你叫"牧場餐廳"，但冇奶？真係唔覺有問題？咁後來我明，我唔想講到人身攻擊，但員工們嘅服飾+年齡+工作態度就解釋一切好，鬧完，我想講，我本身只係諗住 send個 email俾佢地，但我上網搵完，真係搵唔到，希望管理人員可以留意下，改善下，事關我覺得同一地區，同一品牌，流尚坊嗰邊咁俾心機做嘢，做到我肯成日去食，係唔應該俾其他鋪求其做嘢嘅員工累，做臭個名。…Read More
Hokkaido Dairy Farm Restaurant
2016-02-27
The above review is the personal opinion of a user which does not represent OpenRice's point of view.
Like
SAM99
根本佢哋當廚房的員工，都不是由水廚工作的員工，加上沒有足夠的訓練，喺咁樣啦。
Date of Visit
2016-02-27
Dining Method
Dine In
Spending Per Head
$50 (Tea)
