hphbhk1984's Profile

屋企附近，終於開間正式嘅車仔麵店！少左出街食，開始大約1個月，終於有機會嚟試吓店舖唔大，用重用膠板落單，幾環保唔錯叫左4餸，牛柏葉，魷魚，牛腩，豬皮，另加熱飲，價錢略貴，近乎市區價錢上枱算大碗，餸嘅份量適中唔少，唔係1-2舊加左辣汁同腩汁，食落味道係正常車仔麵味道，味道唔錯，有味亦夠味，豬皮同牛腩好入味，牛柏葉同水魷魚都好爽口，整體嚟講都算okay，只係未係好出眾，街坊口味如果住得近/順道，可以食！…Read More

鄉郊地方，本來無乜選擇，附近大部分都係茶餐廳或cafe，終於都有間粉麵店開喇！本來就無乜期望，以為係有茶餐廳兼賣粉麵，行過見到餐牌，竟然係潮式牛雜牛腩粉麵？！仍然係試業階段，招牌都未換！不過忍唔住點都要試返碗😅！叫左碗牛雜粗麵，估唔到質素都唔差！外觀見得人，份量正常，同出面牛雜麵無乜分別！牛雜部位都唔差，幾入味，唔會過鹹！感上味精唔算重，我就本身唔太敏感😅味道唔錯，值得再食！😋我見有其他網友話，試左切腩崩沙腩都唔錯，下次再試😙另外，有人問左如果遲啲人手足夠，有送外賣服務，不過暫時試業階段未做到！…Read More

無晚市堂食一排，少左機會食，上次仲摸門釘，都成兩個月無食，宜家有返堂食，就當然要去支持小店啦！今晚自己一個食，喺屋企附近區食算，就決定複桌奇蹟拉麵！坐幾個站輕鐵過嚟！鋪頭好細，總共得三張枱，兩張二人枱，一張四人枱，所以一多人就要排隊！好彩7:30pm去到無人排，又咁啱有一枱埋單，即出即入唔洗等！今次係醬油拉麵，湯好清，鹹度適中，麵夠硬同彈牙！叉燒係慢煮，薄切有食火腿嘅感覺，好彈牙又唔會太肥膩，好好味！味蛋都唔錯！出門有兩組人等緊，今次唔洗等算好彩！…Read More

見到新日式拉麵店，近屋企，就決定去支持新店，奇蹟拉麵！兩個人，試食左一碗烏賊拉麵，一碗混麵，本來想叫埋餃子但宜家無賣…唔知遲啲有唔會有呢？整體味道唔錯，麵係幼麵，麵質比丸京好，夠硬夠彈牙！湯濃淡適中，唔會太杰，烏賊拉麵係有墨魚汁！另一碗混麵即係撈麵，加啲醋撈一撈幾清新，都幾好味！份量唔算大碗，唔會太飽我反而鐘意！應該會再食，下次想食原味，或者清湯醬油！環境方面，新店新裝修，算係乾淨光鮮！鋪面比較細得三張枱，一張四人枱兩張二人枱，唔知會唔會好似上一間咁門口/旁邊加開臨時枱……Read More

銅鑼灣區長大嘅，搬離銅鑼灣會掛住嘅，除左榮記、南記、九記，就係江仔記！非牛腩主打嘅潮式粉麵，主打自家製魚蛋！呢間獨有招牌鴛鴦粉麵，唔係春卷而係雲吞配魚蛋！食左廿幾年，有一份情意結，淡中帶鹹，有冬菜嘅味道！雲吞係潮式白皮雲吞，有豬肉有蝦！魚蛋彈牙而滑！宜家新界西有分店，呢間係屯門大興邨嘅分店，輕鐵站旁邊，可以回味一下！質素中中等等，同銅鑼灣分別不大，唔可以話好出色，唔算要特登去食，但都算唔錯，住附近可以選擇，所以我會俾正評佢！…Read More

香港宜家好多潮州粉麵，都轉賣所謂嘅潮式扎肉，唔再賣魚扎…搬咗嚟大西北之後，搵左好耐，好難先喺元朗搵到間潮式粉麵店有魚扎賣！一間貌不驚人，OpenRice評分唔高，店面亦極之普通極似普通茶記嘅麵店，但食落又覺得幾好味！叫左紫菜四寶河，魚扎大大舊，彈牙味道亦幾好！墨丸好香同彈牙！肉丸好爽！佢個辣椒油都好香，夠辣！另外，好耐無見過，跟餐只係$8嘅生菜淥得咁翠綠，亦無草青味，好爽脆！唔可以話非常出色，不過整體好滿意，足料實在！…Read More

1X年前北角邨的味道！！記得1X年前有次學校活動，搞到8-9點都未食晚飯，就有同學成班一齊去左北角食宵夜！同學帶去一間專賣粥同麵嘅店，當年未識路，只記得附近無乜人又好黑，亦無記低店名，一班人有食粥有食麵，好鐘意個味道，一食個味道就記左我1X年，亦搵左我1X年！嗰次幾年之後，用記憶中嘅步行感覺，發覺去到唔見舖，只見一塊空地？！唔通就同北角邨一齊拆左執左？！自始搵左好多次，搵左好多年！早排openrice北角粉麵，無意中搵到食評話呢間係老字號，仲來自北角邨？！就咁睇名真係認唔到，因為以前唔係茶餐廳，宜家多左！今日買完嘢夜無返屋企食，九龍東又無心水食咩好，就順地鐵來北角試下呢間，一試果然係1X年前食過一試難忘嘅味道！味道好傳統，湯底有蝦子，麵好彈牙，雲呑非乒乓發水蝦雲呑，係較實傳統不大不小雲呑！及第粥亦係當年味道！終於搵到了！…Read More