貪玩貪食's Profile

同事帶路去食燒味, 黎到鏞記門口, 仲以為帶我去鏞記, 原來係呢間小店, 心想o係鏞記隔離賣燒鵝, 一係好掂一係等執啦.坐底叫咗碟$33蚊既叉鵝飯, 碟頭唔算大, 叉燒ok, 燒鵝唔肥, 雖然燒鵝皮有點油, 但入口即溶, 甘香鬆化.同事話啱啱又加咗價, 呢排真係百物騰貴, 我見碟燒鵝脾飯要四十幾蚊, 同事話有時就咁叫燒鵝飯都會比隻脾你, 可以下次試下.…Read More

朋友推薦，所以訂枱一試，咁啱黎之前見openrice有２篇負面意見，不過朋友試過話ok，抱住姑且一試的心態睇下有冇驚喜．訂枱時店員主動問要唔要預留燒豬or燒雞，見食評好多人都試燒豬，雖然都有人話唔好食，不過都留咗一份燒豬．朋友拍板，叫咗白汁什菌同他他牛配多士，另外再點生蠔．生蠔先上，名唔係太記得，頭３隻都麻麻，最後個隻無記錯係Fine de Clarie，呢隻先有番ｄ鮮味食食下先記得叫酒，不過呢度無wine list，你講個價錢佢先介紹比你，感覺唔係咁好，於是求其叫咗支白酒同意其他comment話無乜肉味，比d sauce搶咗，d配菜沙律好油白汁味濃，多士香脆，配埋一齊幾好食燒豬比想像中好，皮脆而香，唔錯唔錯．賣單剛過一千，咁既價錢似乎應該有其他較好的選擇．…Read More

朋友遲到，去到己經１點半後，所以即時有位，不過對正風口位，等其他人賣單便要求調去另一張枱，待應都好合作，無比面色．叫咗番茄牛舌烏冬，湯味濃，牛舌就無乜味，烏冬ok，唔算大腍身．總括咁既價錢食個lunch，算合格啦…Read More

朋友一直想試重慶大厦咖哩, 於是找我作保鑣護送, 大慨周四晚上7時半到, 只剩狹窄的角落座位.點了雞, 魚, 椰菜花跟薄餅(nan)雞 (Chicken Makhni): 好味, 醬汁味濃, 撈薄餅一流魚 (Fish Takki): 唔掂, 又乾又鹹菜 (燴薯椰菜花): OK!賣單$204打九折, 價錢不算太貴, 不過環境差份量又少, 作為著名景點到此一遊尚可, 尖沙咀區還有其他好的印度餐廳可以選擇. …Read More

天氣不佳加上工作遇挫折, 早上的心情本來不太好, 好彩午餐質素好, 心情好番晒.跟同事到soho午膳, 見山頂餐廳裝修不俗, 一邊是酒吧格局, 一邊是餐廳佈置, 心想坐得舒舒服服用餐, 剛好餐廳一邊有空枱, 於是便入內光顧.Set lunch 2 courses $96, 3 courses $108. 可以先點頭盤跟主菜, 再後加咖啡或甜品.西柚大蝦沙律: 推介! 有香脆garlic bread伴碟, 好喜歡garlic bread跟大蝦在口中混合的味道Leather jacket fillet: 由於偏愛pesto醬, 所以點這道主菜, 結果有點失望, 煎香的魚塊在pesto醬上沒有預期的香口, 反而魚塊上的番茄碎醬汁有驚喜, 甜甜酸酸的, 十分醒胃.最後加上一杯回魂咖啡, 合格水準, 為午餐晝上完滿句號, 準備下午繼續戰鬥.…Read More