~為食喵~'s Profile

好耐之前朋友向我推介呢間位於深水埗嘅中式甜品，話呢款栗子粒露好正。今日咁啱路過深水埗就經openrice訂左一碗生磨栗子粒露再額外加錢要左芋圓+地瓜圓，埋單$43。滿心歡喜諗主試下， 結果好失望:(未曾試過咁難食嘅栗子露！首先個栗子露係完全無栗子味，就好似攞D粉+白糖黎開個糊仔咁，仲有D粉狀嘅粒粒，味道只有小許甜味，毫無栗子味，想食得出栗子味就一定要依靠個D大細不勻嘅栗子粒先有栗子味。其次係芋圓嘅問題，雖然呢間芋圓並唔平， 要加$7，由於小妹係一個芋圓控，所以食甜品芋圓係必加之物。雖然加左錢，但呢間鋪頭居然係呃錢，漏單，完全無比到芋圓，白白食左我$7. 差評！最後2人夾埋都食唔到半碗😅 難食到喊整體黎講，呢款甜品一個字： 差！ 二個字：難食！ 三個字：無下次！…Read More

之前係天橋見過呢間鋪擺放易拉架宣傳 不過一直都未有時間試下 依家難得有機會就諗住一嘗 大約8時到達鋪頭 唔洗等位 直接入得鋪頭有6張枱 2張留座望完餐牌 Order左2個套餐⬇⬇⬇日式豬軟骨烏冬 配熱芒果珍珠紅茶 $56 - 採用讚岐烏冬 口感彈牙 可惜味道欠佳 - 湯底亦中規中矩 - 豬軟骨雖好入味 但似乎整既時候有D受熱不均 軟骨部分有D超軟 有D就仲係硬 豬肉方面就好‘鞋’- 配菜 ：切絲紅蘿蔔🥕（無乜味）粟米🌽（罐頭個種甜甜地）海帶芽 （味噌湯個種）- 芒果珍珠紅茶 好有芒果軟糖既味道 但珍珠好苦 ————————————————————🥚溫泉蛋蒲燒鰻魚丼 配熱水蜜桃珍珠紅茶 $78附送前菜：味付螺肉🐚+海帶味噌湯- 味付螺肉 螺肉中唔知夾住左D咩 好似有沙咁un口- 海帶味噌湯 味道非常淡 好似飲水咁- 溫泉蛋蒲燒鰻魚丼 聞落味道偏咸不過撈埋溫泉蛋同飯一齊食落味道都Ok 唔算太咸 可惜鰻魚唔夠肥美而且有骨 影響左口感 - 水蜜桃珍珠紅茶 水蜜桃味都突出 但珍珠都係苦- 整體而言 收呢個價錢 食物質素略差 尚有好大進步空間 另外D杯俾人一種淘寶/內地感受 😣如果轉其他款會更好 …Read More

以前曾經係旺角食過‘香港仔魚蛋粉’ ，味道不俗，咁啱見到尖沙咀呢到都有分店，加上已經夜晚，好多食店都已經閂左門，小妹2人個肚都已經打曬鼓，於是就諗住快快手搞掂夜餐。-呢間分店唔係地鋪，而係1F，一上到去就見到地下放左好多汽水，成個裝修風格好似大陸D茶樓咁，不過都有少量卡位。我地簡左卡位，坐低後望一望餐牌，原來係連埋中式點心‘粵廚’（價錢唔算平），難怪成個風格甘奇怪，令人覺得唔太舒服。 睇完餐牌後，Order左一碗‘招牌魚蛋粉’&一碗‘鮮蝦雲吞麵’。-等左Around 20 Mins都仲未黎，反而有個職員走黎問我地食咩，我地都O曬嘴，明明20 Mins 前有個職員同我地落左單，完全唔知呢間由大陸人操作既係咩玩法。之後佢重新幫我地落單， 約5-7mins先見到2碗野。招牌魚蛋粉 $38 （內含: 魚蛋3粒、魚片2塊、炸魚角一件 ）魚蛋 - 非常腥 完全無僻腥 根本就食唔落魚片 炸魚角 - 不過不失河粉 - 超級淋、碎 湯底 - 真係非常差， 除左無鮮味外，味道超淡，從未試過如何差既湯底鮮蝦雲吞麵 $38 麵 - 反而煮唔淋 好似一落水就撈起咁 好硬身雲吞 - 有3粒， 但煮唔熟而且有蝦殼有豬骨碎湯底 - 同上 真係非常差， 除左無鮮味外，味道超淡，從未試過如何差既湯底-對住呢2碗垃圾，真心食唔落，不可一 不可再，由呢班大陸人攞個名黎做，完全浪費左呢個鋪頭名，做差曬個招牌。 臨走俾錢，埋單$76，收錢個位大陸人塊面黑過墨斗，好似有白事咁。 -今餐真係比錢買難受！ 寫個食評比大家為鑑，勿中伏。 …Read More

路過街口 聞到好香既燒烤味 為食既小妹當然唔會放過品嚐既機會喇 一去到鋪頭即刻開始剔食物 等左一輪 終於到手茄子 🍆 $30 茄子鋪滿蒜蓉，而且好特別，加入左肉碎不過蒜蓉比較淡味 似住家Feel 唔似其他燒烤店咁濃味 -串燒冬菇 🍄 $12 一串4粒 好鮮味 -原味燒魷魚 🦑 $28鮮魷 無乜味 要靠點醬油 職員會幫手剪好曬 方便食用-雞軟骨x2 $24 好爽口 又唔會燒得太燶 味道都唔錯 -蟶子王x2 + 珍寶蠔 $110蟶子王相對其他燒烤店既大隻D 蠔都好大隻 又係鋪滿蒜蓉 不過蒜蓉好淡味 同埋相對缺乏鮮味 感覺一般 …Read More

考慮到呢間係近期比較熱門既石磨腸粉，所以落鋪頭前先打左電話Order😆(原本WhatsApp 落Order，不過Send左過去，隔左幾分鐘都仲係單剔🥺所以就打電話過去，好彩打左2次就打通，成功落Order）-落到鋪頭，好大堆人排緊隊，雖然事先打定電話落Order，但去到都仲未整，前面仲有6張單，要再等大約十幾分鐘左右。 雞蛋瘦肉碎腸 $20 👍🏻價錢非常划算👍🏻腸粉好薄身 好有米香味 加上有香濃蛋香 👍🏻瘦肉碎為腸粉增添口感同鮮味 👍🏻醬汁有冬菇碎 同腸粉好夾 -👎🏻肉碎有D ‘鞋’ -但整體唔錯 平民美食…Read More

澳門第18屆美食節中品嚐 未能保持原有水平 -另外因為用閃付卡付費 店員拍卡比牛肩肉錢時拍左2次出左一張單 收多錢 （買2樣各$35 卻共收左$105 發現時搵店員理論 店員態度差劣 更唔認數 最後搞到我要自己搵中銀職員解決 處理此店收多既款項）黑糖珍珠現焗梳乎里鬆餅 $35👍🏻配搭唔錯 黑糖甜度剛好 配以梳乎里鬆軟口感 味蕾得到小滿足 👎🏻可惜珍珠口感欠佳 無靈魂可言 （不Q不彈不煙韌 甚至痴牙）慢煮美國牛肩肉- 配以薯蓉 洋蔥 $35 👎🏻慢煮牛肩肉理應係嫩滑 肉質鬆軟 血水倒吸以保持其肉汁及質感 可惜此店既慢煮完全做唔到此效果 反令牛肩肉肉質過老 缺乏口感 味道亦欠佳 …Read More

喺網上見到第18屆澳門美食節搵食攻略其中一間就係呢檔E13 豬肚雞 見到推薦超大帶子 非常吸引 （小妹好鍾愛海鮮🥰）-一入場就即食去搵一行到攤位 就見到店員大叫:‘即開即燒 超抵食’買左一份 $40 （即開即燒超大蒜蓉帶子2隻）-非常失望 食左一隻口感極差 （燒到過曬龍 好似咬橡根咁 放棄）-再食第二隻 掛主傾計 無為意 一啖咬落去 真係無得頂 即刻想講粗口 成口沙 即吐 再望番個帶子 哇 真係即開即燒 開左之後根本無沖水 直接燒 係帶子殼里邊都有成堆沙 真心怕-好地地新鮮又靚既食材就比呢間店糟蹋左 唉 …Read More

中秋佳節慶團圓齊齊BBQ由於有人以前試過呢間 推薦多海鮮任食於是提前Book位每六位送一位 *有加一服務費（結果中伏 中伏 中伏 重要事情要講三次）黎過既友人表示 以往同現今相比 非常大落差黎到個場見到有幾個爐 同行十餘人 共開左2個爐 去到夜晚好快就爆棚 每個爐都坐滿人 雖然夜晚都有D涼風 可惜太多人 太多爐 好密集式 搞到個環境好逼 又熱 -飲品方面: 款式都正常 有汽水 果汁 啤酒-食物方面:當晚有少量丸類 雞翼 雞 牛 豬 菇菌 菜另有海鮮（蝦、蠔、青口、細扇貝、多春魚、鯖魚）食物質素非常差 款式少 而且極度唔新鮮D蝦望落Size都正常 可惜一夾就甩頭 燒熟後更有人表示D蝦肉係‘梅’既 極度唔新鮮 室內場地好細 有3張梳化 多D人都唔夠坐另有2部鏢機（$5 鋪 自備零錢）有幾款Board Game 需按金$100*****無得唱K （想唱K既請移玉步）***想要燒烤叉 $5枝 蜜糖 棉花糖等逐項收費-總結:沒有最伏 只有更伏!!如果你唔介意場地細 又逼又熱又焗 服務麻麻 食材唔新鮮 無野玩 請即管黎試🤣…Read More

夜媽媽心血來潮想食串燒係轉角位見到呢間滿串既易拉架宣傳 即刻去鋪頭點番幾串外賣諗住番去嘆下 結果中大伏發生咩事？ 即刻開估見到餐單有好多款都想點 不過怕食唔曬 最後簡左5款有‘正’推薦既黎試 如上圖如圈 Order左5款 共$118 店員話即燒 要等3個字先燒好坐低慢慢等 結果等左將近25mins 全程無催過 結果俾D仲係生既食物 失望到爆#豬仔脾汁燒 $19 （幾抵食，可惜味道唔夠）#雞中翼蒙古燒 $15 （如上圖所見，雞翼仲係生既 仲有鮮紅血水流出黎🤮🤮#爽口雞腎汁燒 $13 （勝在夠爽口 可惜唔夠味）#秘制嫩羊蒙古燒 $18 （俾左錢但無俾貨😡#時令原隻蟶子皇 $53 （缺貨轉左扇貝，扇貝的確幾大隻，扇貝面鋪頭蒜蓉，可惜同樣唔夠味）總結:價錢合理可惜調味非常淡，完全無燒烤既真蒂俾足時間你慢慢燒 全程無催過 結果都係俾D生既食物 外賣包裝方面唔錯，用錫紙保温唔該點清楚先好將外賣交俾客人 （俾足錢 你唔比足貨 簡直當人水魚）…Read More

上年去太子突然發現其前身位於界限街的‘‘津津-好金の味’’關閉左，對其雲吞的思念可謂日益增長，終於機緣巧合之下，發現原來佢上年從細鋪搬大鋪，更改名為‘‘津津好好味’’，知道左之後即刻去新址一嘗。搬左去新鋪，地方寬敞舒適左，仲有得堂食添，唔洗好似舊址甘熱辣辣企係街立食。👍🏻-雖然環境舒服左，可惜食物水準嚴重下降〽️，係新址試完一次之後完全無辦法再做回頭客。👎🏻-當仲係舊址既時候，每逢去太子都必食，即使排長龍都要捧場，常列口袋名單之一。雲吞皮薄，餡料由豬肉再加木耳製成，每隻都細細粒，再加上混合醬汁，相當惹味，即使係細食既小妹食一碗大雲吞都無難道。-新址主力人手依舊，雲吞依家都可以Keep住皮薄，可惜餡料方面已經明顯變差左，同樣都係豬肉木耳，但採用豬肉既等級明顯下降左，好似用左D劣質死豬肉做餡，口感及味道都差左好多。另外混合醬汁方面輕手左好多，制成既湯底近乎無味道之餘更一D香味都無。 賣相雖同以前無大不同，但味道卻同以前相差十萬九千里，十分遜色。-好掛住係舊址以前立食時代既雲吞，別有一番風味！希望老闆可以做番以前既水準喇。…Read More

原本見到雜誌推薦 賣點:台灣直送食材 自助點餐機 可惜一入到門口 見到有2部自助點餐機 仲諗住過下手癮 試下禁機點餐 結果店員話D機全部用唔到 最後都係用好傳統既圈紙仔點餐試業期都過左 居然D機用唔到？ 🙂🙂用紙圈完 店員好快就送餐⬇️⬇️⬇️⬇️⬇️⬇️湯底:咖喱美人湯（不過不失）麵: 台灣直送寬粉條 （=薯粉🙂）餸:台灣直送香菇貢丸（無乜特別）台式滷水金錢肚（大大舊 好似咬擦膠甘）千層冰豆腐（吸下D湯底味道都唔錯）沙茶豬頸肉（好稔 一D爽口彈牙既感覺都無另一碗湯底:麻辣美人湯（得個辣字 完全無麻既感覺 而且無乜香味 ）麵: 台灣直送關廟麵 （同壽桃牌-擔擔麵 一模一樣 🙂）餸:台灣蘭花乾（大版既豆卜 不過不失 都係吸湯底味黎食）台式滷大腸（都幾入味）醬汁蘿蔔（都幾鮮甜）濃湯鮑汁花膠（一D味都無 花膠仲係白雪雪 說好的濃湯鮑汁呢？ ☹️）👎🏻👎🏻👎🏻👎🏻飲品:雪耳雪梨水（有切碎既雪耳同一粒雪梨粒 味道淡如水）👎🏻…Read More