nyung0609's Profile

好耐冇入黎屯門行街，今次嚟到食一間泰國餐廳-泰國婆。餐廳細細間，不過都好有泰國裝修風格。-首先叫左泰式柚子鮮蝦沙律，柚子嘅份量比想像中多，而且柚子同蝦都好新鮮，幾吾錯。-小食方面揀左泰式燒豬頸肉、香茅雞翼及泰式炸蝦餅，豬頸肉燒得好正好有風味，蝦餅亦都炸得好酥脆，沾上泰式醬汁食更加有風味。不過雞翼調味略微有少少不足。-食泰菜當然要有泰式冬陰功湯，個湯嘅材料非常豐富，有勁多菇，食落好有口感，而湯嘅味道亦都幾吾錯，辣辣地好有風味，不過蝦肉就比較普通。-另外仲叫左鳳尾蝦炒金邊粉及泰式海南雞飯，金邊粉炒得幾有火喉，味道亦都相當地道，食到停吾到口。海南雞都吾差，雞幾嫩滑，尤其係個飯，好香嘅雞油味，好有驚喜。-最後叫左兩道甜品，分別係芒果糯米飯及泰式街頭椰子粟米雪糕。味道都吾錯，特別鐘意椰子粟米雪糕，估吾到椰子粟米係甘夾，好食到不得了。…Read More

依家食酸菜魚唔使返大陸，最近九龍塘又一城新開咗一間太二酸菜魚。餐廳位於又一城嘅一樓，九龍塘站C出口就係又一城，雖然係一樓，不過上扶手電梯都要上好幾層先到。餐廳非常之熱鬧爆場，建議可當網上預約好方便。-嚟到當然要點佢嘅招牌老壇酸菜魚，果然不愧係號稱比魚仲好食嘅酸菜，個酸菜魚湯底非常好味，而且酸菜好惹味，攞嚟撈飯食簡直一流。我哋叫咗三至四人份量，入面魚肉都幾多，而且酸菜都好好食，我另外再加所有金針菇同埋紅薯粉，呢兩樣都好索味，鮮菜湯底嘅精華完全吸晒入去，非常好食。-另外仲有好多小食可以叫，例如有麻辣小酥肉、蛋酥軟糍粑、雞翼、菜心、無骨鳳爪等等，每一款都好好食，特別係小酥肉同埋糍粑，食落口風味十足，真係必點之一。-酸菜魚又麻又辣又香，食食吓先feel到越食越辣，不過又係辣到頂唔順，反而係越食越味嗰種。但係呢個時候，配返個冰粉就very good啦。分別有紅糖冰粉、西瓜椰椰冰粉兩種，兩種都各有特色，…Read More

今日約咗朋友嚟到大角咀香港遨凱酒店嘅莫云餐廳飲茶，餐廳環境寬敞 燈光明亮 酒櫃好靚，有種高貴氣氛😍-我哋叫咗普洱茶 茶位方面$28/1pax，嘢食方面，我哋叫咗黑松露燒賣皇 $68 燒賣大大粒，入面有蝦肉同豬肉 餡料豐富 最吸目嘅係 面頭原塊黑松露 相當高貴💯-啤梨鹹水角$58 好靚 成個啤梨形狀 外皮煙靭 入面餡料豐富 皮薄餡靚-高湯海參灌湯餃$88好大隻 好足料 而家冬天食一流😍 灌湯餃入邊好多汁 鮮味十足，咬開大滿足海參好腍👍🏻👍🏻-手磨紅米腸粉 $68 外皮紅色 有少少金粉 相當之高貴 腸粉嘅外皮好滑 包左一層脆片入面好多蝦肉 好豐富😍-花膠珍珠雞$68係珍珠米飯 飯嘅口感好黏 而且花膠好腍炆得好入味👍🏻 佢嘅外型用荷葉包住 好靚好社交媒體網站able😍😍😋📸📸-湯浸遠年陳皮牛肉球$58 佢嘅湯汁係用蘿蔔熬製而成 湯頭好鮮甜 牛肉球鮮嫩多汁💯食到牛肉球嘅精髓陳皮味香👍🏻👍🏻-同朋友食得好滿足 決定下次一定會帶埋屋企人過嚟食 餐廳環境又舒適 嘢食又夠熱味道層次亦都豐富💯…Read More

今日同屋企人嚟到中環食Porterhouse，佢哋出咗一個三至四人餐，價錢係$1880，套餐好豐富，我哋諗都唔諗二話不說就揀咗佢。-首先我哋揀咗生蠔，生蠔足足有8隻，每隻都好肥美新鮮，加上檸檬汁同埋乾蔥紅酒汁，食落更加鮮味。-跟住嘅龍蝦湯真係好打卡able好有儀式感，店員起我哋面前上去，又療癒又唯美。龍蝦湯味濃郁，有少少忌廉，令佢個湯變得更加綿滑。-然後係香蒜青口羅勒汁青口，青口同樣肥美鮮味 ，有好濃郁嘅蒜香味，配埋啲麵包食好正，食落更加有層次感。-然後係我最期待嘅steak，我揀咗USA steak，我叫左5成熟。上枱啱啱好，睇落非常香嫩，打完卡影完相之後，店員會再幫我切開，切開睇到入面PinkPink色，真係好吸引，而且牛肉係一邊係牛柳，一邊係肉眼，所以可以享受到唔同部位嘅口感同濃厚度，另外仲忌廉菠菜 ，薯條同埋芝士焗通心粉等等嘅配菜亦都好出色。-最後甜品方面都好華麗，有檸檬蛋糕、士多啤梨奶凍、朱古力流心焦糖撻，同埋蛋白餅配士多啤梨，每一餐飯有甜品作結先至係最完美。…Read More

今日放假約咗成班兄弟過嚟食pizza Maru，已經好耐冇食啦 真係好掛住佢哋嘅Pizza，滿滿嘅人流，排左半個鐘先有位入咗，晚晚都排晒大隊，真係勁旺場。-餐廳環境好大燈光明亮，座位寬敞。頭盤方面，我哋叫咗個柚子八爪魚沙律 份量真係幾多下，沙律菜好新鮮 醬汁甜甜地好好食，八爪魚亦都唔會太韌 真係好鍾意食火箭菜。-Pizza方面我哋叫咗肉食主義，聽個名就知有好多肉，我哋成班男人食飯當然要多肉啦，包括有牛小排，雞肉，火腿，車厘茄，西蘭花，蘑菇等等，配料非常之豐富 個醬汁辣辣地好開胃。-然後叫咗個地中海墨魚汁海鮮意大利飯，意大利飯佢煮嘅口感岩岩好，唔會冧或者唔會太硬，加入八爪魚魷魚飛魚子青口墨魚汁等等，而且佢個擺盤都非常之豐富 出色又好味。-最後叫咗個煙燻鴨胸泡菜卡邦尼意粉，泡菜卡邦尼意粉好夾，少少辣辣地越食越開胃，食到停唔到口，而且鴨胸嘅份量都幾多下，肉質Juice，而且估唔到一份意粉個份量都好大碟。…Read More

今日同女朋友黎到位於中環蘇豪嘅Le Jardin à Soho食Brunch。餐廳好有歐洲風格，坐落舒適休閒，環境chill得嚟，食物亦都相當有質素。-迷你風乾火腿拼盤香濃而且有風味嘅風乾火腿，食落口都幾惹味。-煎帶子牛油果他他帶子煎得好香，而且咬落彈牙有口感，加上軟滑嘅牛油果，同脆口嘅薄脆片，識落口好有層次感。-新鮮雜莓乳酪乳酪加上雜莓，甜甜地酸酸地，非常開胃。-希臘烤羊肉彼得包分量十足嘅羊肉，塞滿左個彼得包，而羊肉本身都冇咩臊味，都幾好食，-大澳蝦醬炸雞鎚雞鎚炸得好乾身，食落口好有口感，每一啖都有淡淡嘅蝦醬味，非常惹味，食到停唔到口。-冧酒提子配拖肥蘋果個Pancake口感非常豐富有層次感，外皮烤得夠干身，而入面食落又好有空氣感，內層嘅鬆軟同外層嘅爽脆，非常先有口感，再加上雪糕，冰火交融，幾推薦。…Read More

天氣轉涼，又係一個好時間去打邊爐，今日去左食位於佐敦百誠大廈既香江花月，呢間餐廳裝修好別緻，古色古香，好有古典氣質，而野食既名都好有意思，成個感覺都好特別。一入到黎仲有一杯雪梨茶迎賓，真係好有賓至如歸既感覺。-美顏花膠雞鍋個湯勁好飲又濃郁，鮮味十足，又唔會話好咸，我足足飲左3飲先，除左湯底好飲之外，花膠都好出色，彈牙得黎又有豐富既膠質，而當個雞煮到岩岩好既時侯，店員仲會拎起起肉，避免雞肉overcook，非常貼心。-花滿園有豬又有羊，擺設係一個花朵既型狀，好精緻。肉質都好靚，脂肪分布均勻，肉味濃郁。而個羊肉唔會覺魏好膻，少少既膻味反而拎到個羊肉更加好食。-七彩餃子&七色丸七種顏色七款口味，一次過滿足我七個願望，七彩餃子分別有金華火腿菜肉、蟹肉黑松露、粟米午餐肉芝士、和牛香茜、姬松茸野菌、薺菜冬菇、蟲草花，又七色丸就係有蟹子墨魚丸、紅咖喱魚丸、椰芋墨魚丸、南乳墨魚丸、黑松露墨魚丸、青咖喱墨魚丸、鹹蛋黃墨魚丸。除左顏色吸引，擺碟都好靚，餃子同丸都放起一個充滿中國風既架上面，真係好打卡able，味道都好好食，唯一美中不足既係，可能因為太好食，一款口味只有一粒，唔係好夠喉。-一帆風順用秋葵當船，蘿蔔做帆，中間係唔同色既墨魚滑，賣相相當吸引。-天倫鍋心火鍋點心都好好食，造型非常獨特，有兔仔、魚仔、南瓜等等既造型，而且食落都幾唔錯。-花花綠綠成盤蔬菜咁樣上枱，相當架勢，好似插花咁，睇落幾靚。…Read More

今日行經荃灣荃興徑，餓餓地諗住搵下附近有D咩好野食，發現原來焼き鳥起呢度開左間分店。呢間日式串燒店太子、九龍都有分店，原來依家黎到荃灣，我好鐘意佢嘅蔬菜串，蔬菜新鮮，加上醬汁，真係又香又惹味。-我輕輕叫左6款過下口癮，分別叫左韮菜、冬菇、翠玉瓜、豬頸肉、雞軟骨、金菇肥牛卷。燒得好香，加上餐廳特製嘅醬汁，味道好吾錯。我特別鐘意冬菇串同豬頸肉串。冬菇本身濃郁嘅香味，加上特製醬汁，食落好惹味。而豬頸肉肉質肥瘦比例岩岩好，咬落彈牙有口感。…Read More

今日黎到黎尖沙咀諾士佛臺，餐廳裝修好有日本風，就好似置身於日本江戶時代甘，好打卡able。-軟殼蟹沙律沙律菜新鮮，加上炸得脆口嘅軟殼蟹，增加口感，食落酸酸地爽口開胃。-海膽蟹肉牛油果卷賣相好吸引，大大舊海膽就放起面度，甘甜嘅海膽下面係滿滿嘅蟹肉，加上牛油果同海苔，口感同味道都好有層次感。-香蔥汁炸雞雞肉炸得岩岩好，中間都係雞肉汁，好juicy，配上特調香蔥汁，一d都吾膩。-秋刀魚刺身獨特嘅秋刀魚刺身，造型一流，師傅嘅力功更一流，薄薄嘅魚肉有濃郁嘅秋刀魚甘甜味，食嘅時候連埋蘿蔔絲一齊食，味道更上層樓。-串燒叫左6款串燒，分別有豚肉蘆筍、豚肉車厘茄、牛舌、雞肉明太子、雞肉京蔥、魷魚，每一款都好好味，當中最鐘意雞肉明太子同豚肉車厘茄。明太子絕對係無敵嘅，完全冇得輸。而車厘茄嘅鮮甜同豚肉都勁夾，好正。-蟹肉厚玉子玉子好有蛋香，熟廚就岩岩好，咬落好滑，中間包住嘅蟹肉份量都吾少，每一啖都有濃郁嘅蟹肉味同蛋香，推薦。-金鴨湯蕎麥麵&豚肉湯烏冬蕎麥麵彈牙，鴨湯味都好濃郁。豚肉果款都好好食，湯底清甜，烏冬煙韌，食落好有口感，作為結尾好完美。…Read More

今日黎到位於尖沙咀金馬倫道嘅Siam 28，餐廳裝修幾骨致，位置寬敞，坐落都幾舒適。-泰式蟹肉冬菇冬旬湯蟹肉味濃郁，冬菇冬筍好有口感，食落非常有層次感，不過略嫌味道稍為有啲咸。-香辣燒鴨鬆沙律辣辣地非常惹味，肉質煙韌而且有豐富嘅油脂感，包住菜黎食，令到味道中和，食落一啲都吾膩。-泰國特色鮮豬肉腸睇落粉嫩，食落幾有咬口，味道都係辣辣，加上酸酸辣辣嘅配菜，非常開胃。-炒鮮蝦金邊粉金邊粉炒得好乾身而且好夠鑊氣，配上芽菜、花生等配料，口感同味道都好吾錯。…Read More

今日黎到中環大館，呢度除左匯集古蹟與藝術之外，亦都有好多好野食，又起大館既1座1樓，一上樓梯就有一間酒吧，酒吧係英倫風格，裝潢好有格調，充滿神秘感。夜幕低垂之後，可以望到大館晚上既景色，好有藝術氣息。真係一個好chill既地方。-Chef Selection of Dim Sum精緻嘅6款點心，有包、餃、糕等等，每一款都好精緻好打卡able，而且除左有賣相，味道都好好食，唔會太咸太濃，岩岩好。-Fried Prawns, Squid and Courgette With Roasted Garlic Mayonnaise炸到金黃色既蝦同魷魚，加上檸檬汁，食落口唔會膩，本身既味道已經好好食，亦都可以沾上沙律醬，另有一番風味。-Golden GaiVodka, sake, ginger liqueur既組合幾特別，味道甜而且清新，加上檸檬草同青檸，少少既酸味令到成杯酒更甘甜更易入口，好fresh。-Deep NightRum既果香同Whisky既木香，濃烈而又純厚，再加上coffee liquer既酒香，一點點既回甘令到成杯酒更加回味。…Read More

今日嚟到位於尖沙咀天文台圍嘅居酒屋·姫，之前去開諾士佛臺有經過見到呢間餐廳，餐廳都幾隱世，而且裝潢感覺幾chill，相當寧靜優雅，非常舒適，座位都好闊落。。嚴選季節特上六款刺身盛合6款刺身，分別有香箱蟹、腦天肉、赤身、象拔蚌、池魚同雲丹，款款都好鮮甜肥美。當中特別鐘意香箱蟹、腦天肉、赤身。-香箱蟹師傅會預先拆好肉，所有蟹肉同蟹膏都鋪滿左蟹蓋度，啖啖肉，好食到停吾到口。-腦天肉即係魚頭T字骨個度嘅肉，腦天肉係魚身上最精華嘅部位之一，肉質特別肥美，好有油脂感。-時令當造嘅赤身與別不同，一般食到嘅赤身雖然有濃郁嘅魚香，但係口感會比較乾身。而呢個嚴選，經過師傅仔細嚴選過後，除咗保留有濃郁嘅鮮味，而且口感食落好有油脂感，又滑又香口，好有驚喜。。雞翼火喉控制得啱啱好，燒到完美嘅金黃色，外脆肉軟，肉汁完全鎖住起入面，好好食。。塩燒黑豚腩黃金比例嘅肥瘦度，食落一d都吾肥膩，爽口多汁，調味咸度啱啱好，完全帶出左黑豚腩嘅味道。。北海道雲丹紫蘇魷魚卷魷魚好新鮮，口感好嫩滑，再加上雲丹嘅甘甜同紫蘇。》海膽三文魚籽釜飯飯嘅黏稠程度岩岩好，吾會太濕，加上三文魚籽嘅口感同海膽嘅甘甜，超好食。。》清酒煮蜆酒香非常濃郁，蜆蜆大隻而且肥美，好鮮甜。。》燒羊T骨小小嘅羶味令到羊肉更加有風味，幾吾錯…Read More

今日嚟到位於尖沙咀嘅黑樺牛，餐廳裝修好舒適，而且位置寬敞。餐廳除咗有黑樺牛牧場的日本和牛，而家四人同行仲可以有花咲蟹，真係好正。-今次我哋揀咗藥膳鍋做湯底，個湯非常清甜，而且又有香濃的藥材味，感覺非常養生，而且雞肉好嫩滑，非常滋味。-餐廳嘅和牛真係好正，脂肪分布均勻，而且仲有濃郁嘅牛味。另外佢嘅黑樺牧場精選塵架好華麗，真係打卡必備。而眾多牛肉之中，我特別鍾意後腰肉同牛小扒，後腰肉會有個蛋喺中間，本身賣相已經好靚，當蛋液同牛肉撈埋一齊之後在煮熟，口感特別嫩，簡直入口即溶。而牛小扒係我認為脂肪分布最靚口感最軟淋嘅一種，見到雪花嘅分布，就已經流晒口水，絕對係必點之一。-除咗牛肉之外，其他都好出色，無論係豬肉、海鮮、蝦滑等等，都好高質。尤其是玫瑰豚五花，肉質口感非常細緻，而且脂肪部份一啲都唔油膩，食落非常爽口。…Read More

今日嚟到位於將軍澳澳南海岸SAVANNAH嘅赤本山，餐廳位置都幾隱蔽，不過呢度相當寧靜優雅，非常舒適，入到嚟仲有一個大大嘅吧枱位置可以近距離睇到師傅精巧嘅手勢。先付~北海道白粟米，非常清甜。之後食鹹香嘅紫菜白飯魚，白飯魚壓碎左之後連同紫菜炸，口感好酥脆。最後再有沙葛，代替吾係當造期嘅蘿蔔，沙葛咬落清爽多汁，味道酸酸甜甜好開胃。刺身四品~真鯛薄切晶瑩剔透，睇落相當吸引，真鯛鮮味再沾上酸酸地嘅醬汁，味道更加濃烈。~北海道白象拔蚌味道清甜爽口，鮮味十足，再加上岩鹽同青檸汁嘅調味，令到味道更加有層次感。~三文魚籽白海膽清甜得嚟creamy，另外師傅仲加咗少少青檸汁，中和左個味道，食落口甜而不膩回味無窮。~秋刀魚刺身時令當造，味道相當肥美，而且魚味濃郁，輕輕點上少少嘅醬汁，味道非常濃厚。御料理~吉列帶子呈現半山熟狀態，帶子同吉列嘅口感，令到整體食落好有層次感，帶子味道好鮮甜，亦可以沾上白松露醬，令到味道更香濃。壽司7貫~深海池魚，口感爽口，仲有特有嘅鹹香味。~鮫鰈魚魚邊，有出眾嘅油脂感，非常肥美。~新魷魚，其實就係魷魚BB，經過火灸燒完，識落更加有口感。~中拖羅，油脂感岩岩好，而且口感嫩滑。~醬油漬赤身，醬油漬之後，嘅保留左赤身濃郁嘅魚味，口感亦變得更加嫩滑。~鯖魚，時令當造，口感較為滑身，魚味亦都更為香濃。~甜蝦他他，有紫蘇花碎，味道更加提鮮，食落更加鮮甜，他他亦都更加帶出甜蝦嘅口感。卷物~紫菜白海膽，白海膽非常甘甜，回甘味十足。湯付~鰤魚岩岩入季，所以鰤魚熬出嚟嘅魚湯更加鮮甜濃郁。甜品~自家製朱古力慕絲蛋糕，口感又綿又滑，味道又吾會太甜。…Read More

今日嚟到位於太古廣場嘅白鮨Shiro，餐廳裝修風格舒適，位置寬敞。雖然位於港島區，但係只需要$388，就可以食到Set Dinner，份量多，而且食材新鮮，相當抵食。-油甘魚伴酸汁水晶海帶沙律味道酸酸地，非常開胃，油甘魚口感好有咬口，加上海帶，口感更加有層次感。-刺身有帆立貝、牡丹蝦、三文魚、油甘魚，刺身非常新鮮，特別嘅係佢嘅刺身並唔再使用日本運送，而係其他地方，例如東南亞等等嘅地區，直接當日空運到港。雖然刺身產地唔同，不過無論肉質定係鮮甜味，都係一等一。-海膽碎葱吞拿魚腩壽司，火炙左口魚邊壽司，帆立貝黑魚子壽司每一種壽司嘅配搭都好令人驚喜，而且賣相出色，除咗有我最鍾意食嘅凡立貝之外，仲有海膽，新鮮嘅魚生加上壽司醋米飯，相當好食。-茶碗蒸超滑嘅茶碗蒸，而且每一啖都有濃郁嘅海鮮味，相當唔錯。-法式芥末籽牛柳牛柳肉質嫩滑，煎得非常香口，食落口軟嫩多汁，有濃郁嘅牛味，再加上法式芥末籽，令我回味無窮。-醬油雞湯日式叉燒拉麵 雞湯味好濃郁，配上拉麵幾好食，而且拉麵煙靭有彈性，再加上好食嘅叉燒，幾好食，相信豬骨濃湯口味都係一個唔錯嘅選擇。-咖啡味法式焦糖焗蛋望落綠綠地色，仲以為係抹茶味，點知原來識落係有濃郁嘅咖啡味，好特別，而且焦糖嘅甜同咖啡嘅苦澀中和左，令到味道更加香濃。…Read More