CYT:D:D:D's Profile

今日去食lunch，其實平日都唔特別鐘意食呢間餐廳，因為之前都試過蛋包飯個蛋勁水/食到有蛋殼（完全不能理解1），只係因為選擇唔多所以都會幫襯下，已知佢信用卡機已壞左大半年，一直都唔搵人整（完全不能理解2），都無所謂，都係想開開心心食個飯。點知今日去坐低左，叫左三個餐，想叫餐飲時，一位黑色眼鏡既小姐先同我地講今日雪櫃壞左無餐飲（完全不能理解3），一坐低時又唔出聲，到落晒單先講，因為餐牌上寫明有餐飲，我地反問咁會唔會收平d? 因為你寫明包既野無左一樣，佢話：平時假期都會無餐飲。講講下又話有時平日都會無餐飲（完全不能理解4）。我地表示從來無遇過咁既情況。不過我地落左單就算，都係一杯野飲，唔通又起身走咩？點知呢位侍應小姐好唔順氣咁企係度bear住我地，之後仲同佢既同事一直望住我地，好似好唔服氣咁。（完全不能理解5）呢d咁既服務態度，唔怪得佢地lunch hour都唔駛等位，真係唔會再幫襯。食物質素又唔好，服務態度又衰🤷🏻‍♀️…Read More

去左香港仔探個朋友...同佢食完飯之後黎左呢間甜品店食綿花冰..係好街坊式既甜品店..價錢同0係出面食既差唔多啦..味道都可以接受..佢既配料都算多花樣..有生果又有綿花糖咁..所以對我黎講都算幾抵食架除左綿花冰仲有好多其他既選擇...下次可以試下第2樣..同埋坐0係入面有一種好地區既感覺..好街坊好warm...唔會好似出面連鎖店咁趕住要你埋計..感覺幾好!!值得推介…Read More

同friend食飯...雖然我地只係兩個人..但因為知道晚飯時間會多人已經事先訂左位..去到都算好快就有位坐..唔駛話等好耐...我地叫左個ceasar salad, carbonara, 墨西哥薄餅...再叫左個甜品...諗住咁多野兩個人SHARE都應該夠食啦..點知食物黎左之後..先至發現全部都好細份...不過算啦..佢d沙律都算幾新鮮..個意粉汁既味道都岩岩好..不過個薄餅就比我想像中濃味..搞到我不停飲水lol...如果你要食到好飽就要叫多幾樣啦...女仔唔駛食到咁飽既話..去呢間食都Ok..…Read More

成日出到街諗唔到食咩都會去和民..貪佢算幾平同埋食物質素算係唔錯..佢間唔中會同信用卡搞下優惠所以都算幾抵食。。同埋佢間唔中都會轉下款。。不過好似食左咁多年d款都係轉黎轉去果幾樣啦。。不過都好過完全唔轉。。今次食左個海觧飯都幾好！！可以試下啊。。不過實在太多人排隊啦。。有時真係排到唔想再排。。不過唔排又唔知食咩好。。如果係中學生唔會afford食太貴既話可以考慮下食呢間呀。。…Read More

今晚同3個friends係旺角食完飯之後去左五代同糖食甜品..我地4個人叫左3個綿花冰同六件既雞蛋布丁一齊食..都真係幾飽..我食左個牛奶綿花冰..唔錯呀..其實個雞蛋布丁都幾好架...不過好細個...一兩啖就食晒...所以都算幾貴...間唔中食下都可以既..4個人share番..每人60蚊左右…Read More

去完海洋公園後好即慶咁出左香港仔食飯..去左食綠野仙蹤...都好耐冇食過啦...我地2個人食左2個扒餐..我食左個雜扒..都幾大件架..一個女仔未必食得晒..同埋都幾油..所以都真係幾飽..係普通茶餐廳水準既雜扒..唔係難食..又唔係特別好好味咁啦..唔會要特登黎食..不過又唔算差..價錢黎講都算幾抵..因為都真係幾大件..如果2個人叫一個扒..share既話應該都岩岩好夠飽..如果呢度飲野可以平d就更加好啦..因為我地叫果個扒餐如果想加特飲既話都幾貴架..…Read More