歲月靜好's Profile

一肚氣，門口咨客只入熟客。眼見二枱冇飛打尖，一枱二人客比四人飛又打尖，又有熟客耳語打尖想入，我地白白等左40分鐘。唯有走人。之前都見過幾次唔夸張都算，今次真頂唔順。e間野普通客唔駛去受，等d熟人大客彼此去打尖啦!…Read More

經過，見有間新野。雖然似乎有冷氣滴水，師傅在開機整，都試下。食物平平，只為飽肚。不過張單要歸零我第一次見，可能見識少。e家多用卡或電子支付，點解要有e項？點歸法?係好少錢好小事，但印象差哂。…Read More

第一次來，導航似乎導錯了，兜左一圈先揾到停車位。入酒店，服務人員都表現親切及耐心。上12樓，是行政樓層及中餐廳～玉。裝修重本，有中式古風而又新潮雅緻。餐牌簡單，無特別想試的，就揀了唯一的套餐。試呀嘛。普通食材，胜在新鮮及清淡。脆鱔，口水鷄及醬燒乳鴿較特別及喜歡，推荐!海參都ok。因為較濃味，dd咁多。哈，口味d野，可以好執著。各樣出品溫度都不太夠，碗碟應該冇加熱，好睇與好食，應該分一分類.....又廢話了。總之人少少非常清幽，食物良好，服務亦很周到貼心。下次會再來。…Read More

唔講食物啦，普普通通。新裝修，新餐廳，總之於我係第一次試。圓方入面居然有如此差的服務，也是第一次見。由門口知客到入邊侍應，個個極不情愿做野咁，黑口黑面，好似要個客去服務佢的款。嫌人工低？嫌份工唔夠歎? 第一次，亦係最後一次。…Read More

中西餐在一齊，西餐可以選在室外，景觀更靚。今天先試中餐，清靜舒服。紅糖的名字不知寓意，本也不太高期望，但其實味道不錯，可以再來。本身細食，怕點太多食唔哂，試幾樣先。食完都飽了，有幾樣冇影到。下次天氣好的時候，來試西餐。…Read More

山長水遠而來，停車位到餐廳行足廿分鐘。又遠又難揾，無明顯指示。入到去環境唔錯，枱枱分隔較開，舒服而清靜，食具靚。星級酒店式服務，客氣而不打擾。食物全部正……常，也只是正常。睇人評論點心好味，下次有機……會來試。…Read More

多年冇來，舊地重遊，滄海桑田之感，熊貓元素仍在。食物其實味道幾好，出乎意料。當晚客人卻不多。我喜靜，又細食，感覺樣樣都滿意。其中一二位女侍應非常細心主動，應對得體舒服，令人感覺佢對工作對客有heart，氛圍愉快。如果要説少少不足，就係主菜要自己分餐，分開位上成本也高唔到去邊啩……下次再試下其他。…Read More

服務正常，座位闊落，一試難忘的是個麥飽，新鮮熱辣香甜，非空氣飽。如果開個早餐店，為個飽都應該食客盈門。其他方面，作為扒房，普普通通。可寫的係個龍蝦，不大但入味，算新鮮可口。…Read More

停左外食三年幾，社會面放開，自己都全面放開。多年會員，第一次覺得，個套餐係好食而抵食。見周圍都係食e個餐，好受歡迎呢!服務正面，環境良好，食物精美可口。希望保持，e家飲食界競爭太激烈。…Read More

網評唔錯，e次帶小朋友去試下個下午茶set.陽光好好，心情唔錯。等左陣，食物來到。賣相ok.但食落龍蝦好梅，個泰式春卷包皮好韌，柚子沙律臭臭地怪怪地，係個沙嗲串好d，甜品過得去，但甜品間間都過得去啦，係咪？又order左一份雞翼，有d過火，乾又硬。味道都算了，但點解要斬開咁細件，叉唔到，逼住出手。又冇紙巾冇手套又唔換碟……食物可以話有個人因素，但咁樣冇心待客真失望。見得幾枱客，有d野真係一次就夠了。…Read More

見網評唔錯，去試個午市點心啦。去到，d雜聲嘈到唔想坐低。關個裝修事。安排張枱係中間圓柱腳細枱，上邊加張面，搖到呀，茶水飛濺……有地面相及枱腳相，因實在太嘈太搖，所以會留意及影相。d侍應又好似生手，問咩都生疏不適應咁。冇開餐巾，冇上菜名，冇收餐牌，冇主動加茶水……總之屋邨茶樓級……不如。d點心反而可以食下，特別係要上電腦查返先知的果個綠豆酥，香脆而不會過甜。但都怕怕了。…Read More

e次去食午市點心，除左個崩沙腩腸粉，其他都好好味。個粥同灌湯餃仲叫encore。惟服務仲係比較亂，點心都上左，d小食同茶仲未到，要個客出聲提，迎賓茶更加慳返。隔離執枱女侍應，對住其他食客揚枱布。話哂大酒店，米芝蓮，要加強員工基本培訓先得。…Read More

米記三星，食物，空間，服務都唔會差，惟午市點心選擇較少。今次係食晚市套餐，相對名銜，質素，算非常抵食啦。不過隻鮑魚真係差到一個點，求其轉第二樣都收貨，難以理解的出品。其他食物都令人滿意。…Read More

離家較近的星級食府，有不少得獎菜式，當飯堂亦可多選擇。感覺晚市侍應較周到，午市服務遜色少少，可能人較多。較懶，幾次去都係食套餐。個人推薦鮑魚菜式，材料，味道都對得住價錢，甚至好過一d專門鮑翅食店。…Read More

聽過e種講法，一直想來試下。各類豐富海鮮，睇到食客都吃得好開心。鮑魚，花膠被讚得多，一試而已，無驚艷。多冷盤生冷野，熱菜相對偏少。焗芝士撻，出品唔穩定，第二次的蛋液未凝固，仍是帶泡液體。服務優質。總而言之，值得一試，比某間要幾月前預約的正好多好多。…Read More