Kkkristyyy's Profile

次次嚟食嘢，落單後都平均30分鐘至40分鐘先至有嘢食，都算啦今日食嘢，我哋落咗兩份一樣嘅食物，等咗35分鐘，終於有第一份出現！點知等多咗好耐都未有第二份，店員走來問我哋係咪淨係落咗一份？我哋話係落咗兩份，佢話會幫我哋補返叫我哋等多一陣唔好意思我哋以為佢會即刻幫我哋煮第二份，點知15分鐘又過咗去，見住佢出另一份餐但係唔係我哋嗰份。於是詢問店員係咪整緊點知店員答我哋，仲未開始整我哋開廚房，佢仲係整緊其他比我哋遲嚟嘅人落嘅單。真係有啲燥底，於是叫佢取消你食物好食都冇用，要等已經係扣分漏咗單唔係即刻補返呢下真係冇得忍…Read More

我同屋企人3個執食lunch, openrice 有訂座優惠4送1我地一去到，店員問我地想坐室內定室外本來想坐出面，但感到有啲熱，就話坐出面可能會熱，店員即刻話可以安排風扇，不過女仔長頭髮都真係最怕風扇，我地最後話坐室內。店員都好好招呼呀！入到去我地人齊就落單3個set lunch.因為唔知4送1即係第四個餐免費就冇理到點知店員好有心特登提我地，同埋有詳細講解❤️餐廳仲可以比我地外賣第四份餐講完服務，講下食物先因為太肚餓，冇影就食左😂我地分別叫左豬扒，牛扒同羊架豬係好出色，juicy 同冇臊味，厚切！牛扒就唔會再試啦….冇牛味，有啲膠咁，唔值個價唔建議羊架就正常發揮第四個餐我地叫左豬扒拎走，晚餐翻熱再食都唔鞋口，好難得呀。4個餐，又食又拎，都係$560都真係抵食…Read More

店面衛生差都算啦，啲筷子用紙市一擦係黃色用水浸一浸，杯水會好多塵飄係上面叫左碗米線，食食下見到碗野有「問題」，同店員講，佢地好似見慣大場面好冷靜….話煮過碗比我。邊仲食得落呀….我地即刻走人，佢都好順攤咁比我地走（申利：只係岩岩食左幾啖，唔係食到尾先唔比錢走人）…Read More

好耐冇黎，掛住以前的中菜點知黎到改左經營模式我地都照坐低散叫串燒同鮑魚雞煲串燒黎到，少左串，我地竟話比佢地知啦，佢地搵人睇完又再睇，仲要有個人黎數我地竹簽🤨🤨18蚊串既串燒，我使唔使呃你呀？！感覺已經好差啦食物質素方面，串燒黎到係凍凍地既…所有串燒一樣味連鮑魚雞煲都好難食😅請問點做到食食下，比隻昆蟲圍繞著….佢比的醬汁，仲跌左一隻入去添呀服務質素真係搞唔掂😂😂啲水不拎上手，外面係痴曬好似飯咁既一粒粒叫左約次加茶，都冇人理🤣最好笑既係分別2-3個人黎睇我地啲食物，係咪真係出少左一串牛肉🤔️人手咁足，但服務就唔夠啦個人黎講，真係唔建議食😅😅…Read More

星期五我同男朋友好肚餓呀，整來想去格離間韓國野食，但咁岩未試過呢間野，又咁岩有2人位，就入左去啦～其實好期待既，因為係熔岩芝士pizza...我地食量唔大剩係點左個pizza 同火煱。我地點完，一直等一直等都唔知等左幾耐啦…水都冇杯，就係因為我地冇叫飲品？問佢有冇水，個店員呆一呆，之後話有就去左拎水比我地啦~但呢下係好恐怖，見佢係唔知邊度拎起個樽，以為佢拎過去洗碗個位沖一沖先裝水比我地啦，點知佢係洗碗個水喉度直接裝水喉水過黎。大佬，有個人係個度洗緊碗咖! 感覺好唔衞生喎。我拎起個樽，“油立立”咖大佬!!!!咁我地最多咪唔飲囉～由於有睇落單時間，我地都唔知等左幾耐啦。。應該過左起碼20分鐘，見佢仲出緊我地入黎之前已經坐左唔短時間既客人啲野食，一份一份慢慢出咖，我地餓到就死啦! 就問佢: 請問我地啲食物整緊未咖？ 店員答: 幫你check check佢行左去收銀機度check, 而唔係廚房？？之後返黎同我地講: 你點既係pizza 同火煱，通常我地都會要等超過30分鐘咖！我: 要等咁耐你唔係我地落單個陣提一提我地既？佢就話: 我地係要（咁耐）咖喎於是我忍唔住同佢講: 一般餐廳30分鐘咩都出到啦…佢個樣係話我知佢好唔gur最後我地問佢，咁其實啲野食整緊未？佢唔出聲。我地就話可唔可以取消。（感覺冇一個鐘都食唔到野咁）佢秒速去左廚房問，應該根本未開始整，佢又秒速返黎，望都冇望我地就話:取消左了! 就走左唔知係唔係我要求高？ 我覺得收＄200蚊一個細pizza 唔應該係咁既服務。同埋要等30分鐘以上先會有pizza 同火煱真係有啲過份。如果大家好肚餓，唔建議去。有時間試都可以入去既。ps. 記得叫飲品呀～…Read More