劣食磁石's Profile

今日去睇早場，所以極少有地喺市中心呢頭食早餐。見裏面幾多人，餐牌有茄湯，我都幾想食，所以就入咗佢。叫嘢食嘅時候，問阿姐通粉可唔可以轉米粉，都估到阿姐話唔轉得，而家呢啲新式茶餐廳，乜9都唔俾轉。啲嘢一嚟到就知賴嘢。脆豬，係淋嘅。啲火腿腸仔係烚嘅都算，啲炒蛋係碎嘅。問阿姐：你俾啲蛋碎我呀？阿姐話佢哋啲炒蛋係咁㗎喎。男朋友嗰份蛋碎，啊唔係，炒蛋，仲要有蛋殼嘅，仲衰過麥當勞炒出嚟嗰啲。個重點係咩啊，係要成$37呀。個所謂沙嗲牛麵仲清過譚仔啲清湯，真係9都唔__。到底係香港人冇味覺，定係犯賤，啲咁嘅垃圾都大把人狗衝。…Read More

因為有朋友推薦呢度的焗豬，今日係附近，所以就過左來試試。午餐叫左一個焗豬扒飯，一個煙三文魚蕃茄汁意粉（類似名字），分別都係＄78，可以揀咖啡／茶／橙汁／忌廉南瓜湯。我順返上菜次序講。 忌廉南瓜湯：完全係粉溝水開出來的味道，仲要d水唔夠熱，個湯只是微暖。好差，飲完之後好驚之後個d野全部都係伏。 橙汁：咁梗係知唔會係鮮橙汁啦，但係又係衰到好似飲緊康鈣c。 煙三文魚蕃茄汁意粉：其實意粉個味道正常既，要讚一讚意粉岩岩好唔會過淋。但係我無諗過會係d全熟既三文魚碎。成碟野，係靠個幾條芽苗菜令佢正常少少，fresh返少少。 焗豬扒飯：佢claim係招牌架，個賣相都ok，熱辣辣咁上菜。d芝士夠多，飯係炸底（好彩），但就偏爛，其實mix埋佢d茄蓉一齊食都唔錯。豬扒係厚切的！但係真係好乾身，同埋寧願豬扒唔洗咁厚，可以多返少少飯，因為豬扒同飯個比例唔太balance，男士未必夠食。 總括來講，我唔會話呢餐好難食既，但cp值偏低，雖然而家出面好多cafe都係100蚊煮碟垃圾pasta出來，佢未至於要＄100。但個焗豬唔岩口味。所以都唔會再返來。 但我未試過啲咖啡，可能好唔錯，如果係想靜靜地飲杯咖啡，食少少野，一個人坐下或同朋友傾下計，唔高要求都可以考慮。…Read More

一時衝動，我地入左來呢間野，中伏了。其實見到係賓賓姐姐開既，我就應該識行返出來⋯⋯其實佢價錢唔貴，當然無裝潢啦都，但係d野食都未免真係太hea……個紫菜卷賣相唔多好但係正常味道的，不過上菜一刻都失望左。但係個年糕拉麵d年糕，真係又硬，又無味，口感很差。用pooh pooh膠匙食韓國野，真係第一次。而個冷面即係係面求其放堆現成一包包沙津雜菜絲俾你，成碗就係麵同菜，分量亦少，對男士來說似食左陣風。下次真係唔可以衝動！！！…Read More

第二次嚟呢度食野，中肯地講，上次都正常，所以再來。今次想簡簡單單食下碟頭野，見佢個喇沙廚師推介咪試試。同埋叫左個咩辣椒膏炒飯。一嚟到見到個樣，我諗唔洗我多講，都知有幾伏啦⋯⋯首先，未食過喇沙係浸到肥晒既米線。啲豬紅係有生水味。豆卜勁咸。其他海鮮，零味道。個湯，衰過啲喇沙味杯面。真係好難食！！！！！極度失望。就算真係唔好食，我好少可食都唔食啲野，因為唔想浪費食物，但呢碗咁既野，堅食唔落。真係好難食⋯⋯⋯…Read More

搜尋西環50蚊樓下時見到noodies排第二，立過下眼個餐牌選擇幾得意，於是就去左試下。去到再認真湯底、麵底同配料，係幾有新鮮感。但47蚊碗兩餸麵，其實你轉下湯同麵，已經起碼60蚊。所以對呢碗麵都有少少期望。落單時店員話咖哩撈麵唔可以揀油麵，因為會酸，所以就轉左店員推薦既韓國拉麵。點知呢碗麵一上見到個樣麵知伏左，唔講佢餸量有幾少（三片薄紮肉、加6蚊舊切開左一半既八爪魚餅），淨係望個麵都唔多吸引。賣相乾憎憎，如果唔係見個碗邊有少少咖哩汁，都唔知佢落左汁。一試，個麵煮過龍，又乾又淋又唔夠味，小食部啲撈麵都好食過佢。到喇沙湯底泥左，呢碗比較正常，因為佢標榜無味精，淡少少，加左辣椒粉同乾蒜調味後好味啲。不過佢牛筋丸只係比兩粒我。講真，如果平平地食個麵，我唔會有咩挑剔，但你咁有gimmick，又唔係平，但就比啲三十蚊碗麵既質素同份量我，真係幾失望。絕對無下次。題外話既然餐單上有多青走青既option，我覺得店鋪就應該比啲誠意對待，因為就算叫多蔥，份量依然幾少下。…Read More

記得以前叫spaghetti 360，係錦薈坊，食lunch都幾好食。呢幾年都好少喺市中心搵嘢食，今晚落泥360睇下，見咁多人排隊，個餐牌都幾吸引，就排下啦。黃金時間排咗大半個鐘。我哋一坐低就叫嘢食，上菜好快，但係就極之貨不對辦。我叫卡邦尼意粉，唔係叫白汁火腿意粉。個炸雞牛肝菌鐵鍋飯味道估你唔到，好似童星點心麵。冷熱飲品都好唔環保，用紙杯同膠杯。好差。…Read More