三儍為食團's Profile

到訪Marbling的次數雖不至於驚人，但肯定來過不止10次，今次對這間心水餐廳有了新觀感。環境沒變，非常舒適;服務算不錯，只是個別員工有點令人摸不著頭腦，例如廚師在我們用餐的2小時一直站在側門，既沒有入廚房，也沒有巡查自助沙律及甜品枱的食物，更沒有問客人意見; 一位男職員全晚大部分時間望手機，我們請他幫忙拍照，他原本正在講電話，馬上殷勤地替我們拍照，之後從袋口取出手機繼續傾; 另一位替我們落單的叔叔，我們3人點3個芝士焗帶子龍蝦牛柳，2位朋友點medium,我點medium rare,其中1個朋友由medium改為medium rare,叔叔馬上一臉不耐煩。食物方面牛柳柔軟美味，芝士焗龍蝦也正常發揮，帶子藏在龍蝦頭被芝士蓋住，留意：帶子並非刺生級北海道帶子，是急凍小元貝。自助桌一直是加分的一環，粟米粒，紅菜頭粒，青瓜條，生紅蘿白條，2款雜肉cold cut, 菇，蛋糕，奶凍等依舊。三文魚，去殼凍大蝦，藍芝士，Camembert, Melon & Mango Cheese不見了，多了一盤長長的凍豆腐。難怪週末黃金飯市只有半場客人。明白長長的疫情對各行業包括餐飲業很大打擊，希望大家加油，過一段時間吧仍會再俾機會這間餐廳的。…Read More

趁放假又來嘆茶，之前也來過4-5次，印象的確唔錯，卡位舒適，服務尚算好，點心做得不錯，當然有些食物質素較普通，但有些卻一試難忘，令人回味再回味。昨日非假期當然揾位無難度，試過2次星期日中午來也不用等位，非常難得。相片是心水推介，其中黄金炸魚皮苦瓜每次必吃，但亦有一次試過魚皮不夠新鮮比較硬。…Read More

昨晚一行8人去試了位於窩打老道(油麻地地鐵站D出口行15分鐘)峰景軒內的餐廳, 雖然我不熟該區但從地鐵上來行去培正小學,過了班馬線至圖書館,一上電梯已到,尤其昨晚是星期五臨近週末,相比起油麻地、旺角其他食肆,這裡真是旺中帶靜。人齊後先點了啤酒繼而order了幾款佐酒前菜,發覺每款Appetizer不單有板有眼, 食物質素重非常講究主食點了墨魚西班牙飯、龍蝦湯最後每日揀選自己心水甜品及咖啡茶完結了這100%滿意的一餐…Read More

上星期為貪方便就在工作地點附近旺記冰室吃了日本滑蛋滑牛肉蝦仁雙併飯加$2 要埋杯凍檸茶, 甜豉油和滑疍都好好味, 但滑牛肉係唔滑亦唔"琳"的。今晚再食水準依然ㄧ樣, 牛肉片有三分ㄧ我係原塊由口中吐出, 咀嚼不下, 但蝦仁大而爽, 加上甜豉油好送飯, 快餐店食物不過不失吧！至於2次的服務員都是無乜唔該、無乜禮貌、絶對無笑容, 重要限時30mins, 今時今日咁樣嘅態度真係要扣分呀！…Read More

每次陪老公山長水遠轉幾程車來大埔大明里的群記清湯腩,每次食完都滿足地離開。我倆放閒日, 只要放午飯時間前到達ㄧ般都好快有位。例必order爽腩河、老公order加大爽腩米、1碗淨湯、油菜、汔水, $200有找。老公是腩痴, 筲箕湾東大街大、細安利也各有千秋, 天后嘅華姐已不在是首選, 除咗越食越貴、腩很少, 最最最就係超多講普通話嘅食客, 大家明啦:(中環九記雖然近年劣評如潮, 咖哩腩仍是嘅！總之如果大家唔怕大埔遠, 真心推介群記, 我地未食過佢嘅牛脷但都很多食客叫, 應該都不錯的。…Read More

這餐廳我之前已來個很多次, 咁正嘅餐廳ㄧ定要介紹給朋友試。我們2pair點了2個龍蝦湯1個法式洋葱湯1個菜湯, 真材實料,真心超正!1個PaPa Red大量雜莓、温室波菜還有至愛大大粒芝士主角出埸叫了牛扒、羊架5成熟、海鱸魚皮卜卜脆、喱度晚市扒類係超級正! 鲜嫩、有肉味、物有所值今次來PaPa menu多了很多食物, 早餐加入咗我至Like嘅Egg Benedict, 下午還有ice cream, 昨晚所見已有2大枱客來慶祝生日, 其實上次我也是來同朋友慶生, order咗泡夫偷偷叫服務員在碟上寫字, 朋友好開心呀！…Read More

寫板長食評自己都笑咗出來, 因為板長夀司在香港已那麼多年, 但想講的是康怡吉之島内的板長設計特別舒適, 坐位不多(因佢原用上手新裝的日本料理), 出品也特別新鮮吸引, 有相為証。…Read More

因工作關係首次涉足石門, 馬鐵ㄧ出原來有條少少食街, 但不銷ㄧ回已行完ㄧ趟, 結果與同事㨂了PaPa。ㄧ坐下已有侍應禮貌招呼, 餐廳是那種簡約優閒風格, 感覺不錯。我和同事二人點了傳統洋蔥湯、蜆肉忌廉湯, 主菜我點羊肚菌燴乳鴿意大利飯及PaPa Iced Tea; 同事點了蜆肉意大利扁意粉(他實在太鍾情"蜆肉")及cold pressed fresh apple juice。洋蔥湯完全是高级酒店質素, 湯面充滿芝士的面包我真心俾滿分(ㄧ般餐廳造法有如食橡膠), Risotto看似份量很少, 但其實好充實, Risotto本來就是用生米,質地必然較有咬口, 但發現飯有微微血水, 於是掦手揾話事人問問, 原來佢地用法國乳鴿, 此煮法才能達至最佳効果, 於是放膽吃, 乳鸽肉嫩而且非常香, 好正! 再試吓杯Iced Tea,落order時服務員解釋"今日"的iced tea是西柚加ㄧ片薄荷葉,(吓！心想即係daily special?ㄧ杯凍茶都咁認真, 抵我寫食評啦!)果然有驚喜,入口清新(唔係似牙膏, 而係好fresh的感覺)個人認為直情應該classify為特飲多過普通凍茶, $28真心超值。同事也讚不絶口, 中環ㄧ杯cold pressed juice $50飲到都當你赢, 這裡賣$35, 可能這區租金平啩！總之期待下次再來!…Read More

近年好流行食日式放題, 自己和家人也不例外, 講真食物間間都差唔多, 太差嗰D都應該已被淘汰, 但坐得舒適又有哪幾間呢! 3人食坐4人枱最好, 2人位就真係迫到阿媽都唔認得, 連放背包在椅後都話阻街。登。登。登。登。直至尋晚䃥中食喱間, 真係贏人成條街, 坐得舒適, 食物又快又新鮮, 飲清酒加錢是常識吧！服務態度未算殷勤但好有効率喎，收貨有餘啦! 正呀！…Read More

沒抱住任何期望第ㄧ次光顧, ㄧ入去老闆娘便友善地微笑, 打開餐牌, 蟹粥、蟹飯、蜆、炸丸全部也合我地胃口, 可惜我們只有2個人, 今次點了細荷葉蒸蟹飯、小食size的椒鹽白飯魚、炸八爪魚丸6粒、蠔仔春卷2條、油菜-菜芯上有齊豉油、蒜溶、蠔油及2支大啤, 二百零蚊而且非常新鮮好食, 每碟餸上枱時都香氣撲鼻, 蟹飯尤其出色,膏多飯香。可能是星期五晚, 人頗多而且有2張訂枱,好彩我們早到仍有張細枱, 下次再來還是先訂枱較穩陣, 要留意上菜時間稍耐的。…Read More

我們一行5人去西貢食lunch兼游水,落了小巴後隨意地選擇附近餐廳,每人各自點了set lunch, 竟然有我的最愛wild mushroom soup,一喝便知不是一般開粉cream soup,朋友話她的黑松露椰菜花湯亦好好味。主菜我選了黑毛豬抄飯,其實上菜後大家已忍不住share來吃,實在好味得興奮起來,細微如薯條都造得超正!於是馬上訂晚餐座，結果試了很多款菜式。 晚餐每碟佈局更見精美例如把煙三文擺成玫瑰花、僅熟羊膝外包裹著鴨肉煙肉用脆皮焗、煎鵝肝伴蕉糖蘋果、和牛刺身下是柚子汁蘿蔔還有法國鵪春釀入野菌Risotto等等,全部都好巧功夫,原來店主和大廚大有來頭, 見到玻璃門Ｄ明星相都估到架啦!要在西貢找一間地點方便,好服務,高質素兼超值的餐廳, 流落民間肯定是我的首選。可惜當日只掛住影食物無影到佢個menu同環境, 加上唔洗我俾錢, 只記得set dinner 大約二百幾最貴的三百幾, set lunch 好似百幾, 開瓶費都只收$30, anyway 你食過就知真係超值呀!!…Read More

三個月前去土瓜灣傲雲峰探完朋友,大顆兒過對面新開的五星火鍋用饍,已經發覺佢地食材新鮮,價錢合理,到現在已幫趁過四五次,發覺佢地嘅小食好正,推介炸黑松露餃(唔係得個名,真係好香黑松露味,$78),古法水魷鬚(水鱿本身無味,有豆豉爆香,好味!$58),沙薑雞脚夠腍又入味($48都好多隻吓!),今次試新嘢水晶咸豬手(切片凍食像食燻蹄,伴胡麻醬,不錯$58), 朋友還點咗口水皮蛋(我第一次食,上面鋪上厚厚的醬,有點辣,是糖心的$48)。火鍋湯底很重要,但心多多樣樣都想試,唯有每次試不同,重要雙併,我真心推介原隻水魚鍋(有藥材味,夠滋補$248),冬陰功(當然無泰國即飲嗰D咁濃,但打完牛肉,海鮮後啖湯無得彈$68),香茜皮疍、瑤柱火腿冬瓜、胡椒豬骨也不錯,餐牌重有咸菜胡椒豬肚、佛跳牆、滋補醉雞、正宗四川麻辣、香茅沙爹...香辣雞煲、支竹羊腩煲也有。刺身吃得安心,次次食完都無事(因我很易肚痛,腸胃比較敏感),推介加拿大象拔蚌, (今次無貨,轉吃加州象拔蚌,也非常鲜甜),花竹蝦剌身上灑上金箔(又大隻又爽又鮮甜),之前試藍天使蝦($58 2隻),活魚刺身包2食(可炸亦可果皮蒸),當然價錢有平有貴(我地揀平平地$200左右都好大條喎!)最後火煱料心水推介:頂级本地牛$298、西班牙黑毛豬柳粒$92、卜卜脆紫菜響玲$62、手打丸$58-$72、新鲜肥雞腸$78、及第併盤$68、火箭筒(幾隻原隻墨魚)$58...基本上真係樣樣手作都好掂,我都不停介紹朋友去,個個都話正,我無佣收架,大家真係要試試!…Read More