Kellysnow's Profile

這家餐廳的服務生態度真的讓人感到非常不禮貌，完全缺乏禮貌和尊重。他們不僅不耐煩地對待客人，還時常忽略客人的需求和要求。這樣的服務態度讓人感到很不舒服，完全影響了整個用餐體驗。希望餐廳能夠重視這個問題，提升服務品質，讓每位顧客都能感受到被尊重和重視的待遇。…Read More

很少可以吃到法國大餐，見到新城市廣場開了這間新的法國菜餐廳，抱着不妨一試的心態，食物有驚喜，點了一個二人套餐，有頭盤、主菜和甜品，全部都很美味，很足料，而且很有特色，出邊比較少機會食到，下次有機會都會再來這間餐廳，嘗試其他菜式我記得頭盤是個有蕃茄和雜菜好似羅宋湯咁嘅味嘅嘅青瓜，主菜係牛扒同埋一個蟹肉嘅批，甜品係朱古力雪糕配crepe,全部都幾好食，而且製作得很有心思，我最鍾意係個蟹肉批，個雜菜都鍾意…Read More

父親節飯，星期二已walk-in book, 點知星期六去到找不到我的預約紀錄，明明食小菜但只肯俾火鍋枱我們，加板木板上去，張枱搖來搖去，因為是火鍋部，冷氣開得很大，吹到頭都痛，叫極都無人肯落單，每一樣嘢都要叫五,六次先有人應，服務超差，食晒餸先記得出白飯，甜品又等咗幾個字，但原來只放在我們隔離的雪櫃，總之食得很谷氣，而且價錢都唔係平，no next time!! 看似很高檔但服務仲差過茶餐廳，如果烏溪沙唔係執剩呢間茶樓應該無人會幫襯囉！…Read More

最近因為疫症都會成日幫襯樓下的餐廳，重新愛上香港達人，因為價錢合理食物份量夠大，佢有個牛柳大約150元兩塊的，要五成熟，夠厚身有肉汁，十分美味質素比得上高級餐廳，海南雞飯都好食，牛市有個牛扒餐有湯有包有扒有飯有餐飲都係60元左右十分抵食。…Read More

屋子生活環境舒適，落地玻璃可感受陽光感覺悠閒，適合和好友談心。食味都好食，有日式便當，尤其喜歡他們的炸雞飯，甜品都好多款式好好味，有個係咖啡倒落雪糕度食的，十分美味，好啱我呢個咖啡控的口味，如果未去過的不妨去打個卡。…Read More

作為馬鞍山居民，這是我另一間新竉兒，鍾意佢的雜扒飯，豬扒大塊厚身，一個人食唔晒可以兩個人食一份再加多個多士之類的小食已經夠飽了，另外佢的豬潤嘢和雞翼都好食，豬潤嘢要早啲去先食到，成日都會賣晒好受歡迎，好多豬潤個湯好入味，值得一試，其實佢個火腿通粉都好味，忌廉湯底唔係白汁，我女兒都好喜歡。…Read More

作為馬鞍山居民，一諗唔到食乜就會去錦麗食，因為佢坐得都算舒服，生牛肉湯河好食，啲湯好入味好好飲，仲有個app可以儲分用來換免費飲品及小食，如果飲品是換的，人均消費一般在80元以內都算合理，佢仲有個套餐，加多廿元左右已有飲品及小食。…Read More

朋友為我慶祝生日，第一次試這間餐廳，環境舒適食物美味，尤其欣賞牛扒，煎得很好，意粉也是意想不到的美味，之後又點了水牛雞翼都幾好味，因為是酒店價錢不會很平宜，但以酒店來說佢絕對是抵食的，可以包場搞活動。…Read More

這間班戟店平時我是不會排隊的，因為最少要等一小時，但現在可以walk-in, 所以試了。果然名不虛傳，班戟很有空氣感，我點了期間限定的開心果士多啤梨班戟，顏色鮮豔，紅紅綠綠的賣相非常吸引，打卡一流，醬汁不會太甜，和班戟配合得不錯，惟價錢稍貴，129元三件班戟，我再點了杯熱的royal milk tea, 作為晚餐剛好夠飽，milk tea很普通可以不用試，座位不算舒服，但因為疫症面壁位也有好處，職員也很細心俾咗個籃我放手袋，總體來說是不錯的。…Read More

平時這間壽司店好多人，所以一直很想一試又沒有機會試，今次6點半去到竟然可以walk-in, 所以試了，其實都可以用商場的app取票的。今次每人點了一個set, 連同加一人均消費300元，但我覺得物有所值，因為平時食壽司個人閒閒地都要百幾二百元才飽，這個set雖然是比平一般壽司店貴一百元左右，但質素卻高出很多，因為沒有我怕了的三文魚，每件魚生都是平常壽司店的double長度拖晒地，吞拿魚好新鮮，又有海膽帶子蝦和蟹等貴價海鮮，更有條上的海鰻和成個吞拿魚蓉手卷，其實十分飽肚，仲要唔係好多飯唔係食飯食飽，而係食海鮮食飽，大滿足👍👍👍…Read More

今次已是第四次光顧幸福班戟，其實自它開業後每次經過新城市廣場我都會光顧。我多數都會點最基本的幸福班戟，80元有三件，算是菜單中性價比最高的了，其他的只有兩件，或者貴20元只是多了一些水果。班戟外面少少微焦，裡面好鬆軟有空氣感，配以蜜糖和牛油忌廉，甜度剛剛好不會太甜，食完真係覺得好幸福，多數我和老公share一份，但每人最低消費18元，我們會再點一杯橙汁或薑味汽水。…Read More

每年生日都會來食自助晚餐慶祝，因為這裡的龍蝦每次都咁好食，多肉，彈牙，refill都算快，生蠔都新鮮，海皇湯足料又夠入味，加上環境舒適好坐，夜景景色優美，值得一試☺️☺️…Read More

這間茶餐廳食物唔係平，最平果個餐都要$48左右，又唔係真係咁好食，性價比唔高，坐得有點逼，環境嘈吵，唔係太舒服。如果在旺角，這個價錢會有更好的選擇，下次應該不會再光顧了。…Read More

La Kaffa的賣點是全日都有早餐供應，但作為附近居民當然是食最抵食最好味的東西。有一個早餐是蕃茄湯底雞翼米粉的，雞翼炸得很香脆，蕃茄湯底也很不錯。這裡的奶茶不是港式的，而是台式的，即是好像珍珠奶茶的味道但沒有珍珠，我覺得很美味，熱比凍更美味，但凍飲也不用加錢，亦不設加一。值得推介的菜式是喇沙米粉，尤其是雞扒喇沙米粉，雞扒煎得很香，性價比高；另外見到有人食煎牛扒飯，很大塊，很抵食的樣子，下次有機會我會點來試試。…Read More

由《來自星星的你》千頌伊想在初雪時食炸雞飲啤酒開始，香港便興起了一股韓式炸雞熱，至今仍未停止。於幾間所謂正宗的韓式炸雞店品嚐過他們最招牌的炸雞後，還是覺得Goobne最好，夠熱和美味。個人推介是芝士味的炸雞，正名不記得了，反正只得一款芝士為主的，相信不易搞錯。芝士味夠濃，新鮮出爐時熱辣辣，不論雞脾、雞翼和雞胸都非常美味，各有千秋；最美味的部分是有雞軟骨那的一小塊，軟骨吃起來很爽口，全碟只有一塊，很矜貴。初時尖沙咀分店不提供水，要客人買支裝水，令人反感；現在已有水提供，白蘿蔔也可以免費refill, 兩個人食一大碟炸雞剛剛好，平均消費每人$110，所以食炸雞性價比最高；都試過卷蛋，也美味，但價錢和炸雞相約，故較不抵食，但最不抵食的絕對是特飲和部隊鍋，接近一百元的一杯特飲和接近二百元的辛辣麵，相信不需要去試吧。…Read More