shopkid's Profile

因為朋友介紹，所以嚟咗呢間九龍城隱世居酒屋，門面感覺已經非常唔錯，𥚃面感覺亦十分良好，同朋友兩個人聚會食lunch，點咗lunch set，朋友點咗角切魚生丼，而我就點咗蔥三文魚丼，不過忘記影朋友嗰餐🤣，套餐竟然送餃子同埋汽水，食物新鮮賣相吸引水準高，環境一流，朋友自家帶咗一酒同我分享，店家有開瓶費十分合理，絕對冇問題😉，我同朋友已經預咗👌，店員服務水準一流👍，幫我哋準備好酒杯同埋冰😃👍，坐得又舒服，同朋友聚餐真心推薦好地方…Read More

有嚟過呢度食正餐同埋下午茶，但個人特別喜歡這裏的下午茶，只有A餐同B餐，小弟兩個都有試過，喜歡A餐嘅原因當然係食佢個蛋餅，珍珠奶茶可凍可熱可少甜，鹽酥雞好食，之前天氣比較凍我會比較想食B餐，元貝冬瓜湯同埋香酥雞扒麵呢個組合真係最佳組合，食物水準真係唔錯，特別係個湯麵同埋個湯，真心夠熱👍，香酥雞扒好食👍，不過嚟過咁多次服務水平真係有待改善，試過幾次聽到服務員好大聲傾偈吹水，令到用餐體驗非常差，下午茶$39真心高質冇投訴，會唔會會推薦？如果係純粹講食物當然推薦😆…Read More

同事喜歡食川菜，於是就選了這一間跟同事晚餐，之前試過旺角分店食物水準相當高，服務態度又好好，今次係第一次黎荃灣分店，星期五晚接近滿座幸運地有訂位，同事先到冇諗過服務員有在點餐QR code紙上寫了reminder 我哋訂座正價有75折😃，五個人聚餐點了土豪版酸菜魚 + 粉條，極品麻婆豆腐，川式口水雞，乾煸四季豆，水煮牛肉，宮保雞丁，蔥油拌麵 ，紅糖糍粑，食物味道出乎意料嘅好，相當有水準，幾個服務員態度幾好又熱情完全冇問題👍，整體用餐感覺良好，個人嚟講可以再嚟。…Read More

第一次食係呢個food court啱啱開張營業時候10月3號，入邊間亞洲香味屋點印尼炒飯真係完全超水準，仲有可以點燒餅，成個餐幾乎無可挑剔，印尼炒飯跟嗰兩寸沙嗲絕對好味，而且沙嗲醬係分上，炒飯味濃郁份量恰到好處，今日11月18號路過諗住再去食，但真係冇諗過竟然中伏😨，今次完全兩個世界，竟然出咗個普通炒飯加一隻煎蛋上去，蝦餅淋臭油溢，最離譜就係竟然冇跟兩村沙嗲😨，我問過廚房我上次嚟食印尼炒飯唔係咁樣，我仲比上次喺度食張相佢睇，佢竟然同我講話而家轉咗就係咁樣😨，冇諗過佢竟然咁答我，我眼前呢碟完全同印尼炒飯拉唔上任何關係，除咗份量大左味道一般就係一個普通炒飯，大佬呀我俾呢個價錢係食印尼炒飯，冇道歉冇話換過冇話整個淨係答我依家係咁樣我就真係覺得超級離譜，希望大家唔好好似我咁中伏。…Read More

位於屯門GOGOMALL裡面的一間食舖，名叫The Best Burger😃，主打自家製造手打牛肉漢堡，每片牛肉漢堡重150克，肉質豐厚多調味醬汁，小弟今首次點了推介的黑松露芝士牛肉漢堡 + 蜜糖芥末薯條，漢堡包整體比例相當平均，新鮮薯條加上蜜糖芥末真係相當好食👍，小弟一向都十分喜歡有特色的小商戶，呢個算係一間，十分推薦👍。…Read More

星期日其實已經接近兩點先食lunch點知四圍都好多人想起呢間一直都好想試 點知坐底睇完餐牌先知大問題 餐牌𥚃面有尖沙咀店限定另外有一部份係晚上6點先開始供應 可以點既選擇無幾 點了佢哋引以為傲既雞白湯麵加蛋 上菜快但拉麵普通量少湯底又太鹹 唯一係個雞蛋好食 埋單$79加一 食完好似冇食咁 真係只此一次下不違例:(…Read More

專成放假黎食混醬腸粉，因為本身鐘意食腸粉， 看雜誌都有推薦，另外叫做三寶魚蛋同蘿蔔好少，豬皮幾乎佔成碗，幾乎全部豬皮都有毛唔敢食，腸粉就真係ok好食，本來想試試糖水但係因為豬皮關係就冇試…Read More