aptndjdvgfk9's Profile

今次自己黎左發現轉左menu，經過店員主動介紹先知依家做緊優惠，大menu嗌野食送野飲，嗌左個牛油果和牛漢堡🍔好好食😋，自己一個食唔曬，薯條都比左好多，試飲左杯熱latte，啡味啱啱好竟然飲到有茉莉花味，問左咖啡師先知係用緊精品果香咖啡豆，坐係窗邊有少少太陽照入黎，好放鬆好舒服，會keep住返轉頭的餐廳！不過如果可以開埋室外座位就更加好了，呢個天氣好適宜坐係出邊曬太陽飲野，又可以帶埋屋企隻狗狗過黎…Read More

媽咪生日黎左呢間輕鐵站隔離嘅餐廳，入到去環境好舒服，坐係窗邊可以望到街景，又聽住好chill嘅英文歌，啲server都滿面笑容，好有朝氣。飲左杯ice long black，果香味好濃，媽咪飲嗰杯係熱抹茶朱古力，鍾意飲朱古力又唔想太甜嘅可以試下拉花拉得好靚！嗌左個安格斯西冷同安格斯肉眼七成，成數把握得啱啱好，表面煎得好脆，入面啲肉又好軟嫩，之後嗌左個牛角包窩夫，擺盤好靚！可惜唔記得影相，我地第一次食豆腐味嘅雪糕，出乎意料地好食！聽server介紹主廚係米芝蓮三星廚咁啱聽到嗰主廚同老闆夾緊menu，會有自家製tiramisu，下次一定會過黎試下！！！見到間鋪嘅員工氛圍都好好，老闆同大家坐埋一齊食飯講笑，好有親和力！一路食飯一路注意緊招待我地，真係辛苦曬🙏🙏埋單嘅時候發現竟然唔收加一，下次會再返黎食！…Read More