CliveLau's Profile

今晚七點幾嚟食堂食，由於我個位收電話收得唔好，scan完個QR code都load唔到個電子menu，所以就搵店員人手落單。整體嘢食水準都還可以。埋單嘅時候發現個「黑門令海膽鮭籽活火山」由menu上嘅五百幾蚊，變成七百幾蚊，立即向店員了解。原來menu底下有一行好細好細好細好細嘅字，寫住價錢係會調整，以QR code電子menu為準。雖然估唔到佢調一調整，就調高咗成差唔多二百蚊，但係人哋有行咁細嘅字寫到明，就算係俾得唔舒服嘅，都係要俾錢。有興趣嚟食嘅朋友真係要留意翻，嗌嘢食嘅時候打醒十二分精神。…Read More

某個星期四嘅晚飯時間，我單獨路經呢一間餐廳，見未食過所以試吓。坐低嗌咗個main同杯紅酒，味道其實都還可以，但係個main個portion太細份，所以食完之後都係加多一串燒雞串同埋一份明太子雞翼。個職員都已經好盡責，問我趕唔趕時間，提我燒嘢要耐少少。但係成個鐘後我飲多一杯紅酒都淨係出到份雞翼，而串雞串重未燒好。我埋咗單俾曬錢最後都係等唔到就走咗。可能佢當時多客，但係成個鐘都出唔到串燒雞串就真係好垃圾。…Read More