BHHHHH's Profile

呢間餐廳嘅食物真係勁多餸，令人驚喜！佢哋嘅油雞特別入味同好滑，入口即化，好有驚喜。米線軟硬適中，口感剛剛好，配合醬汁一流。所有燒味都做得非常出色，我試過大部分款式，每款都味道濃郁又香口。此外，崩沙牛腩亦係我嘅心水，味道入味且無騷味，絕對推薦。其他碟頭飯雖未試過，但睇佢哋份量同賣相，感覺都相當吸引。唯一小小嘅缺點係飲品方面，例如紅豆冰我試過覺得味道唔太合我口味。總括嚟講，佢哋嘅煮食水準好高，質素穩定。價錢雖然略貴，但考慮到廣東道呢個黃金地段同豐富份量，絕對係物有所值。…Read More

吃了一份個蟹粉撈麵套餐，配搭三個份量超級少的小食（份量比較像小菜），以及一罐可樂。這個套餐的配搭看似種類都算多。食物味道尚可，整體不算出色。雖然食得出蟹肉是有的，但味道偏淡，蟹粉的量亦都只有一個少碗的份量。麵底較黐身，但都未煮得透。以食蟹粉菜式，一個餐的價格是$83，但份量非常少，女仔食都不飽，如果要加面，就要加錢，性價比低。空間較窄，一半位置都是面壁位，座椅沒有靠背，設計都是預你快吃快走。只接受現金及八達通支付，大家要先準備定現金才去食。…Read More

叫左個北菇滑雞飯，雞好滑，有飯焦，意外地好食嘅煲仔飯，但要等20mins🤔。店員好有禮貌。保仔飯嚟計，咁嘅水準算抵食。下次經過會再嚟食。推薦大家嚟食。🤤🤤…Read More

好好食，夠滑，真石磨，腸粉份量足。但係雞絲腸粉同牛腩腸粉上嘅雞絲同牛腩得幾絲，少好得可怕。但係點其他餸，如豬肉碎同滑牛就好多。豉油如果加多少少調味會再好食啲。。。…Read More

book 左7pm, 食90分鐘。因為知道要食曬啲野，清左枱先可以喂貓零食，所以我地好快咁用60分鐘食埋啲嘢，跟住喂貓咪。點知買左貓糧之後，店員就叫我地起身去門口個空地喂，因為佢想比下一枱客坐我地個位。然後我地就拎住袋係門口痞低喂貓，門口仲要冇咩冷氣，勁熱（因為我有微言，店員先話幫我地放起啲袋先）喂喂下，又叫我地唔好企門口，擋住啲客入嚟。但我地讓左枱之後，一直都keep 住有吉枱。安排非常差。勁無奈。如果唔可以喂貓，早啲講，會理解，而唔係不停趕我地去唔同地方。唔夠位比客坐，就唔好比booking, 而唔係趕人走。食物味道是可以的，對比其他貓cafe 是好食的，南瓜湯味道濃郁，其他菜食都有正常發揮。…Read More

今日係附近見工，又search 到呢間黃店，就試一試啦。我本身就好鐘意食呢啲櫃桶腸粉。平日唔多人，落單唔洗5 分鐘拎得。可惜冇得堂食，主做街坊生意。唔係住附近或附近返工，真係食得好唔方便。我點左蝦腸同埋豬肉腸，諗住食兩個做lunch. 原來一份都幾多下，食兩份好飽。腸粉好滑，滑到可以啜入口。而且做到好薄身，啲皺摺就可以做到好細好多，可以掛起好多豉油，腸粉唔會冇味。但又唔會一夾就斷開。粉漿味道唔錯，唔會酸。美中不足嘅係豉油。如果係蒜蓉豉油會更加好食。…Read More