kinahkin's Profile

酒樓前台有3個阿姐, 睇住個客㩒到票號碼之後, 完全冇出聲話已經截咗茶市, 直至等咗5分鐘冇人理, 埋去問佢先話已經完咗, 仲要一句唔好意思都冇，垃圾酒樓，以後都唔會幫襯! …Read More

澳牛一向走在最前，全香港第一個封關嘅食肆，仲有嗰種最緊要快嘅香港精神！早餐時間去到12nn, 啱晒放假瞓到自然醒去醫肚。炒滑蛋當然無得輸，但最鍾意係佢個湯粉湯底個忌廉味，每次都想飲多兩啖…Read More

朝早返工，歎個地道港式早餐先至係good morning! 為左獎勵辛勤工作嘅自己，每星期都會揀一日食個靚早先開工。金牌早餐$33有沙嗲牛肉麵、炒蛋方包加飲品，銅鑼灣區少見。食物唔算非常出色，但就有嗰種地道港式風味，朝早仲可以加錢買份蘋果日報，邊歎早餐邊歎報紙。…Read More

將軍澳南海旁餐廳越開越多，JOMO依然人氣不減，星期六日下午多數大排長龍，趁住今日放假早d日排隊食過lunchJOMO主打健康，我哋點左一個沙律一個pasta share, 手打意粉唔係間間有，口感彈牙，沙律不過不失，chiffon cake唯有留返下次食…Read More

作為三眼仔fans,點可以錯過遠近馳名嘅三眼仔green tea latte 希雲街係cafe小店集中地，附近返工最鐘意過來lunch。醉翁之意在於啡，今次同同事分別點左三眼仔同龍貓，踢走工作壓力迎接happy friday…Read More

自從donki進駐將軍澳，區內人流越來越多，想靜靜地食個lunch? 單車館的牧羊少年咖啡館絕對係好選擇望住單車公園人工湖，享受一頓寧靜午餐😌 weekday lunch set性價比高，$6-70已經有餐湯、主菜和餐飲。今次叫了意粉、魚塊拚豬扒飯，一次滿足多個願望。餐廳用上珍珠米，粒粒分明而且份量十足，細食d都食唔曬…Read More

將軍澳南食肆越開越多，但韓國嘢食一向少有，好開心Seoulmate Cafe 開入將軍澳, 唔洗過海都食到本身好想試打卡名物火山飯🌋，但難得有抵食weekdays lunch set,所以點左lunchset 的炸雞和紫菜卷同埋芝士蕃茄肉醬年糕。炸雞紫菜卷擺盤已經好靚又豐富炸雞脆卜卜，食下炸嘢又有沙律中和返，唔會食到好乾。年糕蕃茄醬香濃，啖啖芝士都幾邪惡😈套餐可以優惠價加甜品，嘢飲就試左打卡-able mocha棉花糖，厚厚棉花糖即刻令人少女心爆發不過就略為甜d🙈🙈加埋店入面有大壁畫、韆鞦椅打卡一流，期待下次來會一會☁️飯。另外仲有早餐和晚市外賣8折，係行完donki 開餐的好選擇。…Read More

舊年邊爐群組後，再加上永續限聚令，已經好一段時間無出街打邊爐😭近排天氣又凍返，自然又好想在家打邊爐但又怕麻煩，自己買料兩個人份量又難買，好在有煲底外賣邊爐set,湯底、配料到醬汁樣樣有齊，團購送到屋企附近，落order之後等食就得首先湯底選擇多，有花鵰醉雞、杏汁豬肺湯蕃茄薯仔牛粒湯、沙嗲等，今次試左杏汁豬肺，一打開已經好香杏仁味，仲要非常足料肺片、茶乾、菇類都好入味，未打邊爐前可以飲啖靚湯先配料好多，放滿一枱睇見都開心💛- 響鈴4件 - 咸蛋炸魚皮 (小份) - 美國雪花肥牛 (例) - 黑毛豬腩片 (例) - 自家製三寶餃（水餃，雲吞，墨魚韭菜餃，每款2粒) - 手打四寶丸 （蝦丸，墨魚丸，豬肉丸，鯪魚丸每款2粒)- 自家製蝦腐併魚腐 (每款2件) - 水晶粉皮- 蔬菜拼盤 （時令菜，粟米，金菇，蘿白) 個咸蛋炸魚皮脆卜卜，再加上咸蛋黃香超正手打丸彈牙爽口，肥牛嫩滑但如果有多幾片仲好😆二人餐$399，仲包埋涼茶2枝，份量充足，可夠3個人食。最值得一讚係醬料齊備，唔止豉油麻醬，連生熟蒜、辣椒、辣油，仲有煲底自家製黃薑芝麻油真係同堂食邊爐醬油buffet一樣！每種醬料分開一盒盒pack好，非常貼心。團購menu仲有海鮮丼、荷葉飯，下次都想試下，但最期待就係晚市快d重開，可以大班人去堂食邊爐…Read More

第四波疫情殺到，又再一次禁晚市堂食...好在不少良心小店喺呢個時候紛紛推出外賣優惠，一齊共渡時艱💛💛今次試左beans 嘅香煎豬扒意大利粉配洋蔥汁同紅酒燴雞意大利粉，雖然只係$43一款，但絕無偷工減料，豬扒勁大塊，仲配埋飲品另外5pm後的特價set還有egg benedict同蕃茄肉醬意粉, 一於下次再試。…Read More

之前見到Urban Coffee Roaster圍板裝修已經非常期待，最近終於開業，當然急不及待來試吓諗住避開lunch人潮，所以11.30am來到，門口已經有10人左右人龍，所以唔駛等好耐大概等15min 有位入得👍店入面座位排得好密，貼心係用上磨砂膠板隔開，咁就可以有d私隱得就用qr code點餐，menu選擇好多，由burger, pasta, egg benedict 到日式飯壽司卷都有。我哋就叫左松葉蟹肉飯配軟殻蟹同秘魯咖喱薯仔飯🍛松葉蟹肉飯面上大大隻炸軟殼蟹令人驚喜，平時食的軟殻蟹都係細細隻，而呢隻係好厚肉，炸得香脆可口飯入面仲有蟹肉、蟹籽加上溫泉蛋，非常豐富。秘魯咖喱薯仔飯，咖喱味就唔係咁突出，如果加多d香料可以更好。來到Urban Coffee當然唔可以錯過手沖咖啡，以咖啡豆水洗、日曬、蜜處理來分類，選擇困難下選了埃塞俄比亞日曬豆，帶有橙味及jasmine花香氣息，有點檸檬紅茶般的酸甜滋味，伴隨橙皮與茉莉花香，口感綿密厚實。另外朋友點了薑黃檸檬茶，為香港寒冬帶來點點溫暖…Read More

一向唔特別鍾意食燒味，所以成個日日食foodcourt間間都試過，唯獨未試過出爐燒味。foodcourt聖誕節期間有9折，於是今次行完donki, 就買左雙併燒味飯下午茶餐試吓出爐賣的都是傳統燒味，款式齊全，一排排吊晒出來，靚唔靚一目了然我哋分別點左燒腩仔併貴妃雞($32)同燒鵝併叉燒($38), 雖然係下午茶餐，但份量一d都唔少！燒腩仔皮脆汁豐👍👍燒鵝食落真係有啖啖煙熏味，叉燒蜜味和鹹味平衡，半肥瘦的肉質嫩滑又有油香。忍唔住決定斬多隻燒鵝下庄今晚加料…Read More

喺旺角食完午餐，剛好下午茶時間路經新開張的一日三餐，門口有大概10人等位，雖然已經食得好飽，但都忍唔住買咗個下午茶外賣支持一下。之前睇訪問介紹一日三餐，老闆s就係想香港人一日三餐有頓安樂茶飯，所以餐廳價格非常貼地，食物選擇亦非常地道。當日老闆就喺收銀處，我叫咗一個乾炒牛河，$42連飲品，外賣盒🥡用上環保盒所以收取$3亦相當合理。雖然係下午茶但份量一d都唔少，牛河味道ok但如果炒得再乾身一點會更好。餐廳亦有同其他💛小店合作，見到餐牌上有提供燒賣皇后燒賣和珈咖公義咖啡，互相支持👍…Read More

本身book左位打算來桔梗💛食晚餐，突然間又話冇左晚市堂食，咁唯有改為weekend午餐啦。午餐menu的選擇比較少，但好處係無限時，岩唒一邊傾計一邊慢慢食。桔梗落地大玻璃, 旺角少見的開揚寬敞，舒適的環境一向係其中賣點。店內採取自助式，拿著枱號到收銀處點餐之後就可以安坐等食。兔仔拉花嘅cappuccino 好快就送到，為午餐揭開序幕，pasta有3個選擇，疫情下就唔share, 我哋分則點左三文魚游游同干貝轉圈圈，兩個意粉嘅白汁都好creamy, 帶子煎得金黃香脆，𥚃面juicy 桔梗最近亦係牛頭角和觀塘開左姊妹店Lagom Kaffee，一樣貫切開揚舒適環境，咁就可以區區都有高質咖啡和食品…Read More

今日去希雲街取件，打算試吓人龍店🍅🍅蕃茄仔💛💛但人龍真係幾長，咁就唯有買外賣返office食。今次叫左秘制豬扒刀削麵值得一讚個外賣盒嘅設計，外賣盒將湯底、豬扒和麵條分隔開，咁就算外賣拎到返office先食都唔會稔啦，非常貼心抵讚👍🍅番茄湯底果然名不虛傳，湯底非常濃郁有啖啖茄肉，酸酸甜甜咁，既開胃得來又不會太酸秘制豬扒好入味，刀削麵份量好多，麵質彈牙滑口，同蕃茄汁非常夾，難怪開業以來都大排長龍，值得捧場！…Read More

一向聽聞逸東酒店無論buffet或中菜廳都非常出色，逸東軒近來推出點心優惠，$38就可以享用米芝連點心，當然唔可以錯過呢個優惠咁抵，記得早d 打去book位，午市分3輪時間11am, 12.45pm, 2.30pm, 限時90分鐘，我大約2星期前book定位，咁就可以同屋企人一齊歎靚點心。點心選擇多，上菜時間亦好快，熱辣辣點心好快送到。必點帶子蒸燒賣，原粒帶子配鮮蝦燒賣仲有推介脆皮流沙包，外脆內軟，流出熱熱奶皇$38點心優惠最近都有，仲定期改餐牌選擇，值得再三幫襯…Read More