Triple's Profile

又到聖誕，又到聖誕，晏晝啱啱係公司開 party，叫咗壽司到會，食得唔咪好夠喉，結果放工落咗去天后揾嘢食。甫坐下，叫咗個雜錦壽司，賣相不俗冇欺場，尤其係件海膽壽司，卜卜漲，直頭揮晒手叫我親吻佢一樣。入口爽甜，絕不含混。件蛋質素都唔錯，煎得很有水準，仲有我最鍾意嘅帶子同Tuna，最後一嚿 Toro 結尾。意猶未盡，來多客燒 Toro 配日本生菜，大滿足！！臨走前忍不住好奇心，影咗板海膽留念。…Read More

間舖有個中文名叫『大飽小包』。呢個 price range 唔好要求咁高，$38 確係有競爭力。不過，原價 $54 就要諗諗啦。個舖裝修設計好渣 — 人流不暢通，四十個位坐得個八條友 D 野食都搞到亂晒籠；裝了冷氣齋開風，唔知係壞咗定係未入雪種定抑或新張試業有折（見收據）所以要慳番 D，堂食之後 = 做完 Sauna；火警鐘又亂安一通， 人客一唔小心轉身一掙就打爛。老老實實，冇下次。…Read More

眼見一面倒咁多『好』評 ，立刻相約 E 小姐週未去會一會佢。為了保證能獲得到最大『貼錢買難受』的滿足，事前做了許多情報搜集，希望一嚐 .......- 唔熱湯- 極薄刀功脆脆蒜蓉包- 一小塊鵝肝- 硬豬扒- 無問幾成熟牛排- 熱O水：想睇下點『比較穩陣』- 一副面容呆滯、發出"哦"一聲的侍應點知道原來執笠了，一切計劃成泡影！好對手當真難求，轉瞬即逝！…Read More

中式海鮮為主打，類近竹園風格，地方開揚通爽，標榜不含味精。是夜 order 了 ……- 炒油墨菜：75分- 炒菜心：75分- 蒸石蚌 ( $98 條 )：80分- 蒜蓉蒸蟶子 ( $98 三隻 )：80分- 手拍黃瓜 (青瓜)：65分：與正宗上海舖有距離- 沙薑雞腳：70分- 例湯 (椰子煲雞)：75分- 炒牛柳粒：65分- 豉油雞 ( 半隻 )：70分- 薑葱魚雲煲：85 分- 豬潤粥、雞粥各一碗 ( 9 時後供應 )：85分：最欣賞，混以腐竹，清淡可口。- 白飯兩碗 4 支大啤 2 支可樂食客要留意木桌面裝有鐵片，容易打翻杯碟。是夜四位消費共一千，相信如能保持水準，此店必會愈做愈旺。…Read More

好食難覓，超差勁更難求。其千年石頭秘製淡而無味入口一咬即爆牙之越式春卷，皮厚而硬，餡料了無生氣，冷冷的三條六嚿端在碟上，像死了一樣。Order 後三分鐘即上，叮都唔叮吓，絕對方太 feel ，應被選為是年最欠誠意食品之列。為免被循環再用，臨走前已將吃剩的五嚿半 (其中一嚿咬咗一半吐番出來，所以視為半嚿) 倒進湯碗，造福人們。…Read More

以澳洲和牛、魚生、烟花海景為主打，相信可稱為 fusion 吧。是夜與友人三人行，消費 $1800。南非法國生蠔四款：開蠔工夫不俗，來貨新鮮，好牛尾湯：牛味稪旭，出色小龍蝦湯：比傳統龍蝦湯略淡，宜夏天飲用清酒煮法國青口：overcook，清酒底略淡，失望雜菜意粉：如意粉更 al dente 和茨再少些，值九十分鹿兒島豬扒：是夜最出色之作牛三寶 (牛尾、牛、牛面豬)：得三四成火喉，夠腍但不鬆化如綿花，比從前 Petit Pomerol 還差得遠。整體而言，用料上乘，出品 ok 但未能有極之出色兼令人回味的 signature dish，亦不是 value for money 之選。…Read More

午膳溜了往灣仔 La Bons，選了個 lunch set。餐湯 minestrone，色澤深紅帶酸的做法，麫包和湯均燙口，想是微波之功吧！主菜厚身連骨豬扒配白飯，難得是肉、飯、配菜 (青瓜 + 紅籮蔔絲) 和汁全部攤凍晒才上，不禁問一句何不叮一叮呢？埋單連凍飲一共 $57，何不將價錢上調一些而做好一點出品？反正 Canteen 一餐分分鐘都可收五六十，在此海中無魚的區份，一份各方面都做得出色的午餐賣一百元 (連加一) 應有市場。如今因小節而浪費一塊靚肉，誠為可惜。假若閣下想找一清靜之所進午膳，此刻餐廳整體服務仍有改善空間。1.) 背景音樂音量稍稍過大之餘，播的仍是三十年前 Richard Clayderman 的輕音樂，把它換掉吧！(亦請拜託不要換上 Kenny G)2.) 如果你是標榜為一家意大利食肆，請於桌上備有 Olive Oil 和於 set lunch 上提供 pasta 與 risotto。3.) Saucer plate 是用來放 tea cup，不是用來放餐湯，成何體統？！4.) 客人不多但服務員不知何解忙得團團轉，石屎地板『彈聲』呀，要注意。先改這四件事，或許會跳出高檔波士頓或 ORO18 之流。…Read More

見到KC 照片上載有玉泉忌廉汽水樽裝凍奶茶，決定一試。扶手電梯兩層，入口右方。Order 了蛋牛治烤底大火多油和凍奶茶。奶茶甜味濃淡適中，頗合胃口。多士不合格，然而蛋牛中混有葱花，入口帶香，不俗。此家蛋牛不像有些店舖狂加牛但少蛋，搞到成份嘢好似Triple O 咁樣，欠一份內涵。負責落單嘅亞伯頗有<<逃學威龍>> 曾Sir feel ，外賣眾多時宜自備紙筆，以減省重覆落單之膩。然而枱枱都有漏單之時，各人總是笑咪咪，或許這正是香港人可愛內儉的性格。有時食野除了好不好味，抵不抵食之外，食客可從其烹調中看到生活經驗嘅點滴，帶着欣賞的眼光，感受一下，人亦會自然輕鬆D 開心D。…Read More

先此聲明，此舖不在士丹頓街，而是位於荷理活道與士丹頓街中間的一段些利街。入口為Pure Fitness 和墨西哥餐廳的俊榮里(見圖，行人電梯旁)。Order 了個Double-Double (即孖芝)，剩惠一百大洋，送薯條(所有飽餐都跟薯條，售價由$50 起)。即叫即煮，十分鐘有得食。一大啖咬入口，暖的，沒有滾熱辣的感覺，先扣十分。漢堡肉味不足，再減廿分。麪包唔熱唔脆，又減十分。再咀之下，肉根粒彈牙五次，牛膏『攝』牙隙兩處，又減十分。得我一枱 D 出品都係咁，唉！最好暫時仍是Al's Diner 和Duke Burger。…Read More

『皇者』一詞有濫用之嫌，麫條是鮮製但不夠彈牙。餃子overcook，皮爛晒，餡料豬肉味不足、小籠包餡料過咸，毋用再去。…Read More

從前舊舖餃子餡豆粉太多，隔夜回水後韮菜變腍後味道實在不禁恭維。新舖光顧了數次，出品有進步但餡料略嫌多了點油，豆漿亦太甜，總比以前好。…Read More

據聞後鑊來自福臨門二廚，手藝一定有保證。點心：與富聲、大會堂美心質素相約，75 分豉油皇炒腸粉：一般，70 分薰雞：一流！雞滑有味，入貨出色，worth all the waiting！95 分荷葉飯：不俗，如濕點更妙，80 分雞湯浸學斗：如再腍更好，85 分紅荳沙：略稀，70 分人流稀少，起菜略慢，八位一共$1788，值得再去。…Read More

漢堡包套餐$168，兩款Topping ( 芝士4 款、蔬菜4 款或烟肉，任擇其二，鵝肝另加$70 )，連一杯銀品。食物出品冇得彈：漢堡扒肉質紥實肉味濃，麫包夠熱，牛油均勻分佈，薯條不油膩，卜卜脆。看似不太大的份量，竟然包足一整個下午。另試了花生醬雪糕，不俗。…Read More

日藉食客甚多，足見其出品有保證。舖面樓底甚高，分層錯落有緻，有氣派之餘亦見井然有序；射燈為主的光線令食物生色不少、非壽司枱座位備有活動板間，足見裝修花了心思，美感與實用兼備。刺身：大冰碗鎮上，保持魚生温度，聰明的做法。八爪魚極之出色，口感有如嘴嚼龍蝦，味道鮮甜，配海鹽和芝麻，必食！金目煗 油份足、左口厚切亦不俗，佐以酸汁，甚開脾胃。關東煮物：一般，還是比較喜歡石山。鹽燒銀杏：所用銀杏略為圓渾，肉身色澤通透，味偏淡而不澀。以鹽烤焗，合適之至。壽司：蟹肉：是夜精選，蟹肉上配以蟹膏，十分不錯。如師傅下次記得加鹽，更妙。赤貝：ok 但略為平淡，比不上歐師傅先將肉身冰鎮和完工前灑西柚皮的秘方。玉子：中上之作，甜味適中但蛋身較鬆散，美中不足。鮑魚：鮑身過份有梽 口，相信酒煮後會更理想。花竹蝦：生猛非常，吃罷蝦尾在碟上忽作跳動，像是泣訴為何把它吃掉，比龍蝦剌身全隻上其觸鬚蠕動更弔鬼！沙插、池魚：不俗。牛肉湯鳥東：麪條紥實，牛肉有味，不俗。營業至凌晨二時，夜遊人之另一選擇。是次造訪，出品水準以上，連二支啤酒+ 波子汽水，剩惠$1580。取價尚可，不枉此行。…Read More

口癢癢想食生蠔兼試新嘢，二人行叫了：打半生蠔一共六款：開蠔功夫了得，完全沒有蠔殼碎，鮮甜新鮮，好！Seafood Plattar：有大蝦四隻、蟹一隻、四隻青口、二隻帶子、二隻生蠔、二隻翡翠螺，抵食但味道平淡，遠遜Bravo Latata。Von Gole：蜆肉飛水感覺猶在，意粉不是熱辣辣，配以港式辣味，差！Pasta with Trufle：油膩非常，普通之作。Apple Crumble：我相信我會整得好食過佢。另垂詢0000 Belon 價錢，$80 只，以此價錢，去Sheraton Oyster Bar 算吧！是夜消費$1880，絕不平宜，不會再去。…Read More