sebc8916's Profile

平日中午過後來到,都已經七成滿座.本以為係深水埗,點知係近太子嗰邊多啲.由深水埗地鐵站行過去都十分鐘到.每位最少點一位飲品,蛋卷係招牌,所以叫一份焙茶芝士奶蓋蛋捲,一份豆乳巴斯克蛋糕焙茶芝士奶蓋蛋捲-焙茶好香濃,帶少少茶嘅苦澀味,係真係真材實料,但個人鍾意食d蛋捲濕潤啲.佢唔係我鍾意食嗰種豆乳巴斯克蛋糕-份量雖然少啲,但我個人覺得比較出色,豆乳味好rich,中間真係做到半流心.好綿密,好滑.食到巴斯克蛋糕應有嘅層次.最少係我鍾意食嗰種呢一間d cake,相對比較輕盈,糖分都比較少…Read More

星期五下午嚟到,開頭諗住買almond croissant.但係用個鉗掂到個下,感覺都唔太脆,就決定轉軚,買一個開心果醬牛角包同埋普通牛角包.（因為感覺上脆啲,同厚身,漲身）返到屋企,就試咗個開心果牛角包.輕輕用個氣炸鍋翻脆佢.第一啖咬落去,牛角包相對鬆化,唔太油膩,而嗰個脆度係有厚度嘅.佢個厚度係我鍾意嗰種.至於個脆度,但係唔係我食過最脆嘅,如果在脆啲更加好.至於個開心果醬我就覺得一般般,開心果醬唔濃,但係對得住個價錢,始終開心果比較貴.而佢嘅開心果牛角包同其他有餡嘅牛角包價錢一樣.總結如果下次行經都會買一個…Read More

平日12：30來,唔算太多人.有三,四枱客.用QR code 落單,第一次來,當然試下最多人推既豉油雞.我特意轉埋雞脾.一來到,隻雞上色好得好靚.我轉左麵,因為想試下個湯.隻雞好嫩滑,好似海南雞咁(係正宗個種,浸熟,唔乾).有足夠油香,但又唔會過多,份量都足夠,又去埋骨,食落好方便,啖啖肉味道夠入味,帶甜.雞湯就正常,夠味,但記憶點唔多.整體雞係出色,但未去到人地講咁誇張(如果味道可以加多d層次就完美),如果係附近返工,我會成日來食.亦都想返來試下佢既酸菜魚自費的…Read More

平時準時12：05到,已經9成滿座.好誇張.點左份雙拼十隻,京蔥豬肉拼,蒜蕊蝦,加陽春麵.等左10分鐘就上,豬骨湯好清甜,同出面既味好唔同,又濃但唔油,有厚度,好有蘿蔔同其他蔬菜既清甜.好好味上海麵就幼麵蒜蕊蝦-每一隻都有一隻蝦,唔係蝦碎.整個配搭好夾京蔥豬肉-唔知點解,個皮比較削,好似浸左好耐,但蒜蕊蝦食到最後都無呢個情況.記憶點亦都無蒜蕊蝦咁高最有驚喜,菜脯.味道唔似出面咁咸,但味道比較豐富總結,各方面都唔錯,如果我係附近返工,係會成日返會食…Read More

平日晚上七點半到,已經有一條長長嘅人龍.目眼有多於二三十人,結果等咗半個半鐘.等候時間還好.入到去用qr code落單.點咗個二人套餐,我就叫咗牛骨湯麵,白切肉,泡菜餃子,朋友就點咗個蘿蔔冷拌麵,紫菜飯卷牛骨湯嚟到嘅時候顏色係奶白色嘅,份量目測正常唔會偏少偏多.第一啖味道尚算濃湯厚但係帶少少牛嘅騷味.自己就一般般有呢個騷味.刀削麵份量都算多,但係口感正常,冇中式刀削麵咁有彈口.泡菜餃子就真係一般般,個餃子皮好黐.相對上多人推介嘅紫菜飯卷就出色多少少,好香嘅麻油味白切肉就普普通通,冇乜記憶點,本身調嘅味唔係好多.亦蒸得唔係好好, overcooked 總結試過一次就夠喇,我個人就覺得唔係好值得排隊.味道同埋口感唔啱我食…Read More

平日來試,怕要排長隊,所以5：50到,已經有十幾人等緊.一到六點,就按排入座 .因為兩個人來食,所以只叫三個餸.燒牛肉-好好食,有牛肉味,夠彈, juicy,份量都唔少.配既醬都好好食醉貓炒河-有錫氣,河粉好好食,唔會碎,有彈性.但我個人覺得可以再燶啲.濃味d蟹肉奄列-好好味,好耐無食咁鬆化炸蛋.雖然蟹肉份量唔多,但多火喉,出面好多地方都做唔到咁鬆化,油溫要好好.總結呢一間,叫個三樣嘢都好出色,份量都唔少.個人覺得牛肉最出色.唔怪之得咁多人願意排咁耐…Read More

上網睇話要排好耐,所以專登平日4：30到但未開門,已經有幾個人排緊.諗住食頭啖湯,結果都要等到5：20先入到.等緊個時真係有懷疑人生,主要係熱...anyway,入左座就叫左蝦湯伊麵.等大約10分鐘就上.第一啖,係好濃蝦湯,亦有d好香蝦油.蝦應該有烤過,係比出面濃厚好多,只係少左d個人特色,除左濃郁之外.不過自己都有煲道蝦湯,要煮到呢種濃厚,係心機野牛肉火槍到岩岩好.總結係有質素既小店,只係值唔值得排,就見仁見智啦…Read More

星期五lunch hour來,1：10 到,等左10分鐘就可以安排入座,亦都有9成滿.點咗招牌Katsu Don, 見佢一個份份咁煮,大約十分鐘就可以上.一上菜,賣相吸引,會增加食慾.建議張滑蛋豬扒放上飯上,但我唔太成功.anyway, 第一啖,豬扒尚算鬆化,冇油益味,豬扒唔係特厚個種,調味適中,蛋係滑既,但蛋味唔算濃.總體分量適中.老實講,唔係我食過最好,但以呢個價錢,有咁既水準,無咩好comment.亦好願意返來再食…Read More

呢間焗豬扒飯一直係wish list,但location 太遠,令我卻步.見係附近 所以坐兩個站來試.平日lunch time,唔算太忙,6/7成滿座.叫左一份焗豬扒飯,等左十幾分鐘就上.第一啖,個汁係mild派,蕃茄味唔算太濃,無咩酸味,偏甜多.豬扒係厚,亦都鬆化,有肉汁,但豬扒份量好少,但一塊.至於炒飯,係算夠乾身總結,係一個唔錯既焗豬扒飯.好多位都達到水準.會推薦但呢間唔係我心中最好食個間,始終口味好個人.…Read More

星期六中午,訂咗兩位,專登來試下呢間50大既Pizza.叫左兩份AntipastiBurrata-失望,完全無奶味,配搭ok , 帶甜既caramelized onionsBeef tartare - 失望,牛肉無牛味,而且有根, 配芝士主角-A' SALSICCIA:有驚喜, dough gluten 有 develop 到,所以個麵包口感煙韌,有口感,做到外脆內軟.只不過, 個bread dough 本身就無咩味道.至於 topping,我覺得正常發揮. caramelized onions令整個pizza帶甜,芝士拉勁強.但芝士味道偏淡,唔重奶香味.總結,個pizza dough 令我想返來再試其他口味,但只限pizza, Antipasti 就唔多岩我口味…Read More

平日7：30到,門前已經好多人等緊.好彩一個人,等左5分鐘就入得座.點左一份豬軟骨同豬頸肉麻酸辣米線.第一啖,老實講,有d失望,酸味唔夠,偏甜,麻香味無咩層次,亦食唔到花椒或者其他椒香；因為我叫BB 辣,所以正常.米線口感ok,但偏淋.唔知點解食到重雪味.豬軟骨ok 淋,但無咩特別但所謂既麻辣豬頸肉,原來係勁多味粉.肉係爽口既至於米線d配料都好少,好少既肉碎,芽菜,有樣好既就食完唔算好口渴,同唔算好油…Read More

因為怕排隊,專登平日lunch 來,12：40到,兩位.好彩唔洗等,叫一個普通pizza 同一個炸pizza.To be honest, good but not great.好過出面少少,因為新鮮烤,但個dough 味道本身一般般,可能我唔好彩,去個當日我覺得個dough 發得未夠好, gluten 未完全develop, 所以影響個pizza未夠煙韌,外脆內軟.至於pizza上面嘅topping,用料質素食落一般般.薯仔無薯仔味,red pepper都冇蔬菜嘅鮮甜.芝士over 左其他topping 既味道.相對上炸pizza比較出色,炸得乾身,無咩油膩味對pizza,我個人鐘意d,外脆內煙韌,好似 naan bread 咁.所以鹹魚白菜,各有喜好.住附近,會來食,專登來就免了…Read More

一直好想試呢間嘅豆腐花,話曬咁多年歷史,又有米芝蓮推介,自然對佢有一定既期待平日星期三下午5點幾到,幾乎滿座.本地遊客各佔一半.點咗一個參拼同細凍豆腐花參拼有魚腐-都ok豆卜-炸得夠鬆脆滑豆腐-算滑既,但唔重豆香味細凍豆腐花-比起坊間嘅唔算特別滑,亦都唔重豆香味.走之前再叫左一杯豆漿試,正常,都係唔重豆味總括呢講,試完一次就夠.食既係情懷,背景多過味道.價錢唔貴,行經可以食,又有得坐,但唔係專登嚟…Read More

呢嚟到呢,就預左要排,企係條街度食.環境,服務,就唔講喇星期三下午5點到,排左5分鐘,叫左一份細既,10蚊4條.價錢正常第一啖,好重豬油味,腸粉就好滑,但就無咩米香味.醬就正常la,無咩特別.下次如果想食,都要返嚟食嘅…Read More

平日星期二嚟到7點45分,兩位,結果八點四十分先可以入座.比我想像中等得耐.點左自選天婦羅定食,同兩款小食,雞皮餃子同雞軟骨雞皮餃子出色,雞皮夠脆雞軟骨就正常至於自選天婦羅定食,廣島蠔-唔錯,份量都大鰻魚-一般般紫蘇蝦膠-配搭唔錯,蝦膠都彈牙半熟蛋-有少少失望因為已經太過熟,唔係流心/溏心總體天婦羅質素唔錯,性價比高,天婦羅粉漿夠薄夠脆,唔算好重油益味,同一個價位,比起某d日本過江龍天婦羅店重要出色.但對食材本身質素就唔可以期望太多,始終每件都係十零蚊.如果下次人少都會返來再食…Read More